現今世代機械人逐漸取代人類工作，機械人送餐已經係常常看到的平常事。依間餐廳用咗好多機械人，不過唯一取代唔到嘅係人類嘅創意同埋設計，依間餐廳設計都想有啲心思，比人一種開胃既感覺，仲有啲人情味，啲姐姐都非常nice。 叫咗個薏米人蔘燉雞湯同意式海鮮茄蓉意大利麵，小食就叫咗有子雞翼；個雞湯係意愛驚喜，超濃郁的薏米人蔘味，冇味精，係誠意之作，至於個意大利麵亦都10分彈牙，口感十足，調味亦都非常新鮮恰到好處。個雞翼新鮮炸出嚟，配合埋新鮮柚子醬，簡直非常醒胃，食落去非常香口，然之後肉汁滲出嚟好吸引🤪 嘢飲方面除咗飲咗好多啤酒之外，特飲叫左杯籃荳花檸檬茶，花香撲鼻適合解解膩,重點叫咗咁多嘢食埋單都係$335

約左個friend,其實一早約q左，但佢傻左搞錯日子，要1830到中環睇戲所以搞到啲時間都幾趕。不過依間cafe 環境清幽，由幾個後生子幫手打理充滿文青的感覺， cafe 由設計到細節，杯墊都充滿心思😂 我叫左煙三文魚牛油果芝士貝果🥯（$78） 其實價錢泥講係cafe 算平，唔好以為係普通bagel ，其實佢個飽烘過，少少脆香😛煙三文魚同牛油果既味combine 埋好rich，啲料仲要都幾新鮮，有姿勢有實際👍🏻，我同我個friend 都係，側邊有啲沙律🥗伴碟，有點小清新的感覺。 野飲方面，泥到cafe 當然試吓佢杯cappuccino ($40)(Iced) D coffee豆好香，啲餘韻在口腔不斷徘徊，正過Starbucks n 倍😛這才是真正的cafe P.S. 女店員好正，文青靚女。

之前都食過一次，呢間啲裝修算係世界級，古色古香好有傳統嘅中國風味，就連個廁所都特別過人👍🏻 選擇玩命的我火鍋湯底叫做老碼頭全紅-無渣紅油麻辣湯（中辣），幾誇張成盆紅色都驚驚，試味食落去唔係得個辣字，其實都好香，係屬於成都嘅香味啊。 食火鍋當然湯料好重要，叫左牛胸油，豬腦花，舌尖上的牛舌，鵝腸，爽脆牛黃喉，土豆，紅糖糍粑，萵筍片，真係叫咗好多嘢而且樣樣都好新鮮。 個鵝腸用隻鵝仔裝住，真係有心思氹女一流。 就連最普通嘅土豆🥔，切成均等的片狀後，卷成花的形狀上碟。 所有嘢除咗味覺嘅享受之外視覺嘅享受都一百分💯 封關吃不到大陸的味道就泥依到食類近的，重點佢依到有自己製香油增添美味👍🏻價錢又唔貴$600左右兩個人叫咗咁多嘢食。

開咗間泰國嘢，其實都開咗一段日子，間野嘅燈光好有情調🤤入面啲音樂好正，想將身體隨著呢個節奏。 細心D睇入面啲設計都好有心思。後面有很多靚畫，比匙羹圍住嘅燈，又有空間香港難得一見👍🏻而且將張枱亦都放一盞暗燈，正 泰式青檸辣汁蒸魚（$218） 佢個汁調教得好出色，將酸味同辣未發揮得淋漓盡致，而且條魚亦都入晒味，所以一啲都唔腥。至於條魚嘅肉質方面實得來亦都有咬口，超正👍🏻 串燒沙嗲（雞肉/牛肉/豬肉）（$118） 呢個認真抵讚👍🏻食得出絕對有肉味，唔係講笑，喺香港雞肉有雞肉味的確唔容易搵。食得出佢係用靚材料絕對對得起依個價，而且食落去似係用炭爐燒，燒得剛剛好又唔會過火又可以燒出肉嘅香味，口感亦都微微焦香。 馬來牛肉炒面（$128） 呢個炒麵好正宗，馬來口味酸酸地，幾個人而且啲牛肉亦都幾新鮮，麵條🍝又唔錯，簡單嘅菜式發揮到咁嘅水準盡顯廚師工架。

今日約咗個老朋友食飯，因為佢住喺屯門所以都要入嚟搵一搵佢不過好彩我都係住大西北所以唔緊要，其實地理嚟講都OK，由屯門市中心搭幾個站就到。餐廳設計方面簡簡單單，隔離有個好靚靚嘅酒吧區，感覺到夜晚就會變身。最緊要地方夠寬敞有位吹水吖嘛。 一開始整一堆多士過嚟俾我哋開開胃確實唔錯。 菠菜茴香雞肉意大利飯（$116） 一睇賣相首先份量相當十足，食落去表面滲咗少少芝士，所以味道幾香，啲飯有菠菜同埋茴香，所以幾香同埋惹味，再加埋啲雞肉淡淡肉，口感亦都十足。 招牌精選薄餅（$118） 份量很大份，而且睇吓芝士拉到幾長，味道認真唔錯，好重調味配料👍🏻而且薄餅的口感也不錯微微脆。 重點係咩啊重點係平呀嗎$234搞掂，雖然過嚟屯門搵我個friend就真係有啲不爽，但價錢上確實係比市區平至少一半，所以都係返曬到啦，而且味道確實唔錯廚師確實有啲料到，絕對會再覆桌。

今日同女朋友尖沙咀行街街，跟住叫肚餓，女人叫肚餓非同小可，即刻帶咗佢上最近嘅樓上火鍋任食醫治。 時間尚早人少少夠晒空間，而且坐喺窗邊啱啱好望到條街嘅景色都唔錯👍🏻 傳統香港火鍋任食邊爐的確有佢嘅吸引之處，首先醬料方面大把俾你揀，有我最鍾意嘅濕蒜，有芫荽，這些都是香港人最愛😍 叫咗個正宗豬骨湯底，本身諗住流流哋，但係點知佢拎嚟嘅時候係真做，大大舊豬骨放咗喺湯度，睇到都覺得補，而且個湯底味道濃郁仲可以飲嘅添。 二鍋頭惹味雞煲叫咗小辣，少少辣多多趣，佢本身自帶很多香料，所以絕對物超所值，是一個很香口的雞煲。不得不提的事當你完成雞煲後，湯底是另外一個煲俾你而不是refill的，所以絕對真做。 啲材料亦都唔差，叫咗肥牛墨魚，呢啲都係基本野，不過就係呢啲基本野決定到成餐邊爐嘅質素，$200一個人泥講依個質素絕對對得起，而且食物種類繁多，點心紙唔夠嘅，可以出去拎。👍🏻不過係咁多嘢食入面令我最深刻嘅都係佢啲雞件，肉質嫩滑，令人一叫再叫。 最後仲有雪糕甜品俾你任拎，任食就是要這樣爽的感覺🥺

太多選擇都唔知道食啲咩，只想同朋友舒舒服服食餐飯坐下咁，彌敦道依度就有間cafe又就腳，上到樓環境又舒適，對住成條彌敦道，享受着鬧市中的寧靜🙂 餐廳轉眼已經坐滿晒人，係實力嘅證明💪🏻大家叫咗個肥仔盛宴。 美國安格斯西冷牛扒（$238） 本人喜歡吃生少少🤏所以叫咗六成熟，大家可以睇到一次落去微微帶紅juicy 的肉汁，食落去肉味濃郁，果然係安格斯牛扒，而且表層燒得剛剛好，食落去10分有口感味道亦都層次豐富👍🏻，配埋薯菜剛剛好中和肉本身的油膩感，簡直Perfect。 龍蝦湯（+$28） 睇到賣相已經💯，亦都大大提升食慾，而且龍蝦味用濃郁，冇花冇假絕對唔係罐頭湯😂仲食到啲龍蝦肉🤪 西班牙玉桂條伴雪糕（+$38） 第一次食玉桂條，抱住嘗試嘅心態，首先玉桂味好香，佢表層仲要耍咗少少砂糖，寧口感味道亦都有提升，配埋雪糕更加可以為味蕾帶來衝擊。 日式抹茶芝士蛋糕🍰（$38） 最後意猶未盡加多個蛋糕，抹茶味嘅苦苦澀澀同芝士蛋糕嘅甜味比例完美，更加可以降低油膩嘅感覺，雖然很飽但係叫得冇錯嘅👍🏻。 Oreo奶昔 杯嘢飲本身就跟餐嘅，奶昔來講就不過不失啦。

今日又再次泥依間餐廳食，好食當然要覆桌，大排檔風味非常適合朋友吹水。今日同朋友嚟請乜至今嗌咗啤酒飲兩杯談天雪地。 薑蔥霸王雞（半隻）$118 最簡單的菜最考真材實料，本身啲雞都好滑好香，再加埋薑蔥味，又不會喧賓奪主 金銀蛋浸時菜（$68） 食咗咁多肉當然要叫啲菜，依味係大排檔傳統必有的菜，依間整得好有風味，既有金銀蛋的香，叫咗菜心啲菜亦都非常鮮甜，相映成趣。 金不換炒蜆（$98） 嚟得大排檔當然要食啲香口嘢，叫個炒蜆就少不免喇，金不換香草固然香，配合埋新鮮炒蜆簡直無敵👍🏻 薑蔥魚腩煲($78) 最後唔係好夠喉，所以叫咗個薑蔥魚腩煲，啲魚腩整得好好一啲都唔腥，拎出嚟咋渣聲，超級香流晒口水🤤 當然作為飯桶的我倆，兩碗白飯是少不免的。啲餸撈飯一流🤤 值得一題係我個friend叫咗杯凍檸茶—真係超級大杯有點誇張haha

前日約咗朋友到依間泰國餐廳大吃大喝，發個個性價比真係好高，地利方面，為處於尖沙咀旺區嘅中間位置，非常方便，而且望出窗外更加可以飽覽到尖沙咀嘅鬧市景色，簡直別有一番風味。然後餐廳環境亦都非常chill前身應該係一間酒吧，非常適合三五知己前來吹水。 泰國芒果沙律（$78） 第一次食辣嘅沙律🥗個感覺幾新鮮，嗰啲應該係芒果乾嚟，所以有啲硬，不過整體來講都充滿泰國風味，係唔錯嘅選擇👍🏻. 蒜蓉炒貴妃苗（$75） 貴妃苗本身好清新好新鮮，再加上表面爆香左嘅蒜蓉，令新鮮感覺以外+1點味道。 麵包焗咖喱軟殼蟹（$208） 啲咖喱味甜甜哋，亦都充滿椰香味，而且本身的香料亦都非常香口，最適合配麵包或者薄餅，沾上濃濃的咖喱汁，再加上浸住咖喱嘅軟殼蟹，食落去味道濃郁之外亦都好有口感，真係食過返尋味。 印度薄餅（$32） 除咗本身薄餅整得好香口之外配上上面嘅咖喱簡直係100分。 泰國街邊豬肉串（$68） 最後有少少唔夠喉叫咗4串豬肉串，但係驚喜往往係最後，豬肉串除咗有佢嘅秘製醬汁之外，酸酸辣辣再加少少香草🌿，簡直係畫龍點睛，本身豬肉串亦都整得好香肉味，有意外驚喜。 Cranberry juice 🥤 ($38)薄荷梳打（$38） 我自己就飲薄荷梳打本身係無糖嘅，啲薄荷葉亦都非常新鮮香，令成個飲品refresh 一下，我個friend個杯cranberry juice佢話都好好飲。 喺尖沙咀來講依間性價比確實唔錯，環境又唔錯適合同朋友chill住吹水👍🏻

雖然疫情嚴重但係朋友都係要見嘅，集中啲約係尖沙咀，食下日本嘢都唔錯，之前食過依間覺得幾好食所以覆桌。 裝修依然係好地道潔淨簡約嘅日本風味。 三文魚手卷（$38） 啲三文魚好新鮮咬落去淡淡魚脂香，而且啲飯特別炮製過帶點偏黑色，食落去幾香同埋口感倍增。 香蔥吞拿魚腩丼（$118） 新鮮的吞拿魚腩上面簡單加上香蔥同芝麻，令到吞拿魚的鮮味倍添，，濃郁的吞拿魚腩同秘製珍珠米，形成鮮明的配合，令人情不自禁咁一啖一啖爬一口。 豚肉生薑燒飯（$78） 至於我朋友就叫咗依個，豚肉炒得超香，而且肉味濃郁，送飯一流呀。