陳儀興玫瑰餐廳

營業中

休息中

「陳儀興」潮州打冷眾所周知，不過我今晚特別前來新蒲崗「陳儀興玫瑰餐廳」試吓分店的火鍋小菜，餐廳🍴提供多款精選火鍋煲，好似「魚獲至寶美顏鍋」「雙龍吐珠海鮮鍋」就要預早訂定，今期新推出熱賣魔鬼牛雜雞煲點可以錯過😍😍魔鬼牛雜雞煲（半隻）$288大大煲裝滿秘製麻辣牛雜及雞件，大量蔥蒜，辣椒🌶️花椒，滾下滾下，麻辣鮮香，掛汁的雞件，嫩滑入味，牛雜又惹味，一路食一路流汗💦，夠過癮😋😋鐵板薑蔥啫啫魚標$98鐵板上魚標一上菜就聽到「滋滋喳喳」響個不停，聲音很大，不一會兒就香味撲鼻。魚標夾起來，並沒有粘鐵板的情況，一口一個魚標更是滿滿的骨膠原，粘滑、爽脆帶給味蕾雙重口感的享受，搭配大量姜蔥更刺激食慾😗😗

陳儀興飯店 (崇齡街) (新蒲崗). ▪️避風塘粟米 ▪️.呢個見好多食評都話好食，果然好好食🤭 惹味得來粟米又夠甜，炸過嘅粟米外層又有少少脆！鍾意食粟米嘅朋友仔一定唔可以錯過啦！. ▪️芥末牛柳粒▪️.芥末牛柳粒食落非常刺激，因為嗰啖可能唔均勻好多Wasabi🤭但好食，牛粒好腍，好重肉味！. ▪️ 玫瑰小炒王 ▪️.呢個好食，韭菜花，魷魚乾，蝦乾，酸菜以及花生🥜 惹味！.📍陳儀興飯店 (崇齡街) (新蒲崗)新蒲崗崇齡街40號地舖

陳儀興飯店 (崇齡街) (新蒲崗).星期二晚去都非常爆場，好彩早到否則真係有排等！ ▪️ 魔鬼牛什雞煲(半隻)-bb辣送唐生菜▪️.係門口已經見到貼左呢個，就叫佢黎試下！ 喜歡食牛雜嘅人真係必叫，佢成鍋係好濃同惹味，雞件都好入味，煲耐左會開始鹹可以落多啲水(⁎⁍̴̛ᴗ⁍̴̛⁎). ▪️松露墨魚丸 ▪️.見到好多人都有推介呢個，佢價錢係有啲略貴但真係好好食，彈牙又入味！. ▪️冬瓜片▪️.係咁濃味嘅雞煲再叫呢啲本身無乜味但又好索味嘅野好好食🤭浸一陣就索曬又腍.📍陳儀興飯店 (崇齡街) (新蒲崗)新蒲崗崇齡街40號地舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

晚巿開晏左之後都未過食晚巿 晚餐成日都諗起雞煲 朋友仔介紹我去呢間陳儀興玫瑰餐廳 話佢既雞煲可以做到辣味十足仲出左新款式 即刻令我收工衝去食🔥去到望 除左平時都見到既雞煲之外 比我望到有個魔鬼牛什雞煲魔鬼牛什雞煲呢個雞煲有得揀辣度 我鍾情於辣味梗係叫中辣半隻雞個份量都已經唔少 仲加埋滿滿牛什 個汁非常惹味🥰 跟雞煲仲有一份生菜添手切牛 細份細份2人share食岩岩好 個油花係超級靚 啖啖都有牛肉香味 食牛人士必食水魷拼豬五花呢個豬花係普通版本 我諗佢黑豚豬豬會好好食🤣水魷+濃味湯底配埋一齊爽口好味脆骨腩呢間脆骨腩超脆口好新鮮 亦都冇我最怕既草味打邊爐既料食得出係靚料佢有唔少野都可以雙拼咁叫 人唔多又或者想樣樣試d都可以選擇雙拼 咁就可以試得到多幾款我同朋友坐係卡位 成間舖既座位唔會迫 仲見到有大圓枱添

講食雞煲，一定要去新蒲崗陳儀興玫瑰餐廳。幾款口味嘅雞煲各有特色、好味，如果想食重口味就要重慶辣雞煲，可以揀大中小辣，非常惹味；雞件食哂之後，加湯打邊爐。必叫手切肥牛、極品黑豚肉、脆鯇魚腩、手包韮菜餃⋯呢度唔收茶介加一，仲唔介意自攜酒、蛋糕，服務一流。唯一唔方便就係離地鐵站有段距離。

見今日天氣涼涼地🫡咁啱有經過👫🏻平時雞煲就食得多😙未食過Hot魔鬼👹牛什雞煲🐔🍵俾佢吸引咗🤩老公👨🏻‍🦱話食雞煲一定要飲鹹柑桔零七🥤😅😅我揀咗BB辣🌶️老公👨🏻‍🦱已經急不及待係咁抄過煲🍵睇下有啲乜嘢牛什（大腸、肺、牛蒡、粉腸）超嘢未、食得辣嘅朋友仔揀大辣都冇乜問題👍🏻👍🏻👍🏻我仲搞新意思用生菜包住啲牛什雞🤭🤭再叫多雲吞、芫荽、豬潤（打邊爐）🍲大大粒雲吞超多餡👍🏻👍🏻老公👨🏻‍🦱話打邊爐以上三款係絕配嚟嘅🤣🤣仲同老細講笑食呢個雞🐔煲、同三五知己👬🏻👬🏻飲啤酒🍻吹吓水👍🏻說風花雪月😘一流😍服務態度又好👍🏻臨走仲問好唔好食😚仲話雞煲裏面嘅胡椒炒過😉唔怪得知咁香👍🏻👍🏻食飽咗老公👨🏻‍🦱先話同我影張相📸😲其實佢仲有好多唔同款嚟嘅雞煲㗎佢仲有好多唔同款嘅雞煲🐔下次過嚟試吓滋味雞煲先😙

喺附近體育館打完波，轉個彎去番新蒲崗，最近爵祿街，寧舍一間餐館，離遠望入去見好多酒樓用嘅大圍板檔住窗，初時以為私房，門口好靜，斗膽推門入去，仲以為冇乜客，點知坐滿九成，大部分都係打邊爐。本嚟接近端午唔熱都暖唔多想食火鍋，不見咁墟冚，加上啲食材有啲另類嘢揀就試吓。枱主要六至八人大枱為主，近舖邊旁有四人枱。俾左一大碗熱水嚟洗杯洗碗筷。一睇餐牌，咦，又陳儀興？一問之下原來係另一兄弟開嘅。揀咗鍋底「杏汁白肺湯底」，冇白費揀佢，以88蚊嚟講有廿舊左右大大舊豬肺俾到嚟，加上一路煲住一路聞到杏仁霜咁嘅堅果香都幾舒服，不過要留意豬肺未夠腍，預咗要滾多半個鐘先食就近磅。見圖一大不銹鋼盤嘅醬料、生蒜、蔥花、辣椒等係侍應拎嚟，自添完就會攞走，食材有伏有服，以下介紹：芫荽一碟，仲係剁碎3棵嘅份量，顯得小家子氣，收22蚊嘅話真有啲那個……寧願佢原棵洗乾淨上碟，起碼望落份量都多啲啦。蟹柳拼魚片頭，盛惠43蚊，每款4舊……又係粗嘢當矜貴咁嘅份量，加上蟹柳放鍋不消幾分鐘就飛散哂都撈唔切，感到第二伏。條氣順番啲係見到跟住啲食材。初時搞錯牛爽肉係乳白色有陣牛油味嗰啲牛胸爽，原來係胸前肋骨中嘅軟骨，約十片，原片牛舌咁大細，

炒河粉最緊要有鑊氣，香得黎，微微燶，食落去唔會油淋淋，咁樣先好食！陳儀興嘅招牌沙嗲肥牛炒河就做到呢個要求。下午茶時間，依然差不多每台都有客人在坐。即使係下午茶亦絕不欺場；份量唔細，質量唔差。看似簡單一點炒河粉，沙嗲汁濃，菠蘿蜜甜，青椒爽香，芽菜爽脆，牛肉油香。配埋香滑奶茶都只係$37稱得上係平靚正👍講返陳儀興呢個品牌，附近有間打冷舖先係主打，旺角亦有分店。唔知大家會唔會好似我一樣，以為「陳儀興」係呢間餐廳嘅當年既創立人。考古之下發現，原來當年創立品牌嘅老闆其實叫做陳億桐。「儀」字其實原本係解「義」氣；「興」字就代表興旺。當年陳老板為人忠直，待客以誠省靚招牌，到而家傳到第二代，依然做到價廉味美，希望這種精神能夠一路成全下去。

🧧過年期間天氣又凍返❄️唔自己煮想偷懶買外賣返嚟都一樣得! 今次食咗4人套餐.📍終極豪華抵食四人套餐（$1088） 海鮮：雙龍吐珠海鮮船 肉類：安格斯肥牛、極品豚肉 丸類：梅菜豬肉丸、黑松露手打墨魚丸 餃子：自家韭菜餃併魚餃 海味：咸水花膠 內臟：爽脆肥鵝腸 蔬菜及配料：萵筍、什菜拼盤、老油條 .火鍋湯底係龍蝦湯，濃郁鮮味仲有秀珍菇同粟米🌽做配料。海鮮方面有2隻龍蝦🦞、4隻鮑魚、蜆同沙白，海鮮夠新鮮🌊，鮮甜之餘肉質彈牙👏🏻 。打邊爐又點少得肥牛？安格斯肥牛🥩夠滑得嚟唔會太肥膩。特別想講吓佢哋嘅丸類都好有特色，梅菜豬肉丸好似食緊肉餅咁🐷🏻，另外黑松露墨魚丸食落好香又夠彈牙🐙。佢嘅韭菜餃，魚皮餃同樣幾好食。仲好特別有花膠同鵝腸，平日都好少見。最後加埋蔬菜🥬同油條，份量都夠四個人食。安坐家中等食外賣邊爐🍲就算再凍都唔怕😚 .

6pm 後無晚巿，打亂咗好多家庭嘅團年飯安排，加上疫情大家都唔敢出街，想食火鍋🍲 就要自己準備，但要食材新鮮又唔洗周圍去買嘅話，我有好介紹！✨陳儀興玫瑰餐廳 嘅 外賣火鍋套餐 就係我心水推介，呢個 ✨御前極品冬瑤四人套餐 有安格斯雪花牛肉、蟶子皇、鮑魚、花膠、海蝦、梅菜豬肉丸、中山脆腩等等，非常豐富，而且用料新鮮。冬瓜盅湯底內有鮑魚和花膠，香濃雞湯香味，唔會過咸。鮑魚大隻又新鮮，花膠黏口，好好味😋！仲有安格斯雪難牛肉都好重牛味唔韌，囡囡食咗好多。第一次食梅菜豬肉丸，好似食緊梅菜蒸豬肉，但彈牙好味。牛爽肚亦係第一次食，牛味好濃又爽口，幾特別。蟶子 & 海蝦真心新鮮，蟶子洗得好乾淨無沙，而且煮完縮埋都仲好大條又彈牙！

嚟到呢一間餐廳真係早餐唔會令你失望！午餐食到你飽一飽！晚餐又有打邊爐又有鑊氣小菜，真係好鬼抵讚嘅啫！至鍾意佢個杯極大嘅凍檸茶，用個大啤酒杯裝住，成件事真係大滿足㗎！記得佢嘅咕嚕肉整得非常之好食外脆內軟，啲咕嚕汁啱啱掛喺肉嘅出邊唔會太濕又有咬口，食過你就知呀！另外個出色之處就係個打邊爐，有大排檔嘅風味，食材好新鮮，真係食得好鬼開心，最鍾意同啲夥計喺度吹水，成個環境係令你好放鬆，同埋佢哋好勤力早餐好早開門，夜晚嗰餐要做到好盡，不過而家疫情又要唞吓啦！總之呢一間餐廳唔會令你失望。

又到食蟹季節啦🦀 天氣開始感受到涼意，最適合打邊爐啦🤤 早前同朋友去左新蒲崗既陳儀興玫瑰餐廳撐枱腳打邊爐~🍜·我地叫左個海鮮濃湯黃金甲，配沙嗲湯底，大大隻蟹勁正啊🦀，仲要有蟹膏架🧡煲裏面仲有好多大大粒既黃金花甲，對於海鮮控既我真係好滿足。我地配菜就叫左黑松露墨魚丸🐙同韮菜餃🌿兩個人份量啱啱好，我亦係黑松露愛好者🍄，濃濃既黑松露香味加埋墨魚丸既口感，我好鐘意呢個配搭，煲裏面既其他配料都份量好足👍🏻 想打邊爐既朋友，可以考慮下黎食呢個咁正既海鮮火鍋!😋

呢間野要介紹下，個日去左位於新蒲崗嘅陳儀興玫瑰餐廳，叫左個海鮮鍋(須預訂)，鍋內有五款海鮮，包括龍蝦、鮑魚、花甲、蜆及蝦，湯底味道鮮甜，材料份量十足，一鍋內有兩隻龍蝦，龍蝦肉質爽，味道甘甜。其他材料食落亦覺新鮮，價錢亦相當實惠，$400左右可以有如此豐富海鮮鍋，性價比高。另外，忘了影一影碟避風塘炒粟米，呢碟用咗大量嘅炸蒜、洋蔥及蔥去炒粟米，味道非常濃郁，惹味！難得粟米仍保持爽脆，只售$68 ，完全抵食！呢2日已經值回票價，其他火鍋配料我就唔夠講了！環境，服務可以，亦唔係重點！ 食物新鮮真係得！

近來轉了新工在新蒲崗工作，放午飯時同事話去了一間玫瑰餐廳食，雖然門面不吸引，但價錢超平，今日叫咗午餐-咖喱吉列豬扒意粉，塊豬扒好大塊啊！一咬落去香脆到不得了，不算厚但又不算簿，厚度適中，不會以貨就價，值得一試！

同屋企人去新蒲崗食飯，呢間第一次食，係街坊推介嘅，門囗唔係好覺有餐廳名，我猶豫咗一陣先入，3個人，坐卡位。選擇都幾多，有小菜有火鍋，星期三嘅夜晚6點幾已有4,5檯客都算幾旺。檸樂個杯好大，真係大檸樂😂😂, 其實都係俾一罐可樂斟落去啫😅火鍋好多款, 有海鮮鍋, 醉雞鍋...如果想食冬瓜盅鍋就要早一日預訂, 我地最後要咗雞煲半隻BB辣, 雞煲到, 有好多蒜, 洋蔥, 京蔥... , 所以好惹味。牛用菜托底構圖相當唔錯, 食落都ok, 唔係薄切韭菜餃呢個勁正, 好大隻, 菜好翠綠💗, 肉都新鮮生菜呢個係送既, 好靚😍, 完全唔似茶記。粉腸唔太新鮮😶