陳儀興玫瑰餐廳

營業中

休息中

嚟到呢一間餐廳真係早餐唔會令你失望！午餐食到你飽一飽！晚餐又有打邊爐又有鑊氣小菜，真係好鬼抵讚嘅啫！至鍾意佢個杯極大嘅凍檸茶，用個大啤酒杯裝住，成件事真係大滿足㗎！記得佢嘅咕嚕肉整得非常之好食外脆內軟，啲咕嚕汁啱啱掛喺肉嘅出邊唔會太濕又有咬口，食過你就知呀！另外個出色之處就係個打邊爐，有大排檔嘅風味，食材好新鮮，真係食得好鬼開心，最鍾意同啲夥計喺度吹水，成個環境係令你好放鬆，同埋佢哋好勤力早餐好早開門，夜晚嗰餐要做到好盡，不過而家疫情又要唞吓啦！總之呢一間餐廳唔會令你失望。