陳儀興玫瑰餐廳

營業中

休息中

陳儀興有好多好多間，裝修高尚的有，地痞的又有，牛雜粉麵又有。其實唔知道佢哋之間有什麼關係？淨係新蒲崗都已經有幾間陳儀興，呢間嘅價錢都幾實惠，不過是要搭枱的。平日嚟到，都幾多人，坐半張圓枱，所以都唔係幾影到相，因為會影埋人哋啲餸獅蛤很好吃，細細隻的，好鮮甜。最緊要係食完冇肚痛鵝片味道正常，喜歡鵝片不用吐骨。這個芋泥，超級好吃，可能因為我自己很喜歡吃芋頭，而且佢不會太甜。另外仲食咗一個避風塘茄子，不過冇影相，個避風塘茄子都好好食，就係比較油膩了一點。其實這家店的食物都唔錯，不過小炒類就比較油膩，而且坐得唔舒服，比較迫，可能要攬住個袋，而且要搭枱，唔係好適合約會或者傾偈。快閃食飯，是可以的。

朋友帶路嚟新蒲崗打邊爐真心抵食 份量勁足之餘仲免加一不過留意番小店只收現金 記得帶cash無蝦有蟹鍋呢度除左雞煲出名之外 幾款海鮮鍋都好吸引我地揀呢款有蟹有鮑魚有蜆 仲有好多蕃茄薯仔感覺好似海鮮版羅宋湯咁 食完海鮮飲碗湯好鮮甜另外有兩種貴少少仲有龍蝦或者肉蟹都好正咁招牌手切牛打邊爐點可以冇牛 呢度啲牛質素都唔錯呢盤係大size 夠我地幾個牛魔王share鮮蝦雲吞大粒過乒乓波 入面有兩隻蝦同豬肉真係好足料黑松露豬肉丸黑松露味都幾重 比較多肥豬肉口感偏腍蟹籽墨魚滑好鍾意呢個夠晒彈牙 墨魚滑入面有墨魚粒同蟹籽幾有口感花膠仔見幾抵就叫左 比較薄身淥一陣就食得黃金炸魚皮仲叫左呢款差唔多枱枱都叫嘅小食每塊都俾咸黃黃醬包住 好脆好香口圓肉薏米水好正 唔會太甜好足料 店員姐姐話可以去水腫㗎

一年到晚總有幾次會黎陳儀興打邊爐，未開啟德站前已經有幫襯開，咁多年黎食過咁多好野，估唔到都係冇咩地方取代到手切牛界佢係我心目中嘅地位。唔洗諗叫返個大手切肥牛先，睇個色澤同雪花就知正，加上大塊厚切，牛味更加倍升，腍滑甘香，兩個人必須叫大份先過癮。無蝦有蟹鍋真係我咁多年打邊爐生涯入面食過最足料嘅湯底，近乎係料多過湯，淨係蟹都有四隻，鮑魚又四隻，仲有海量蜆同炸過嘅薯仔，仲要海鮮真係新鮮唔頹，滾左一陣個湯底已經甜到爆。蟹籽墨魚滑夠哂爽口彈牙，足料有鮮味，仲有大量卜卜脆嘅蟹籽同墨魚粒，口感好豐富。

大家都知道陳儀興的潮州菜出名之外，今次來到另一系列之餐廳，外觀毫不起眼位於新蒲崗爵祿街，主打火鍋、雞煲同時提供小菜項目，餐牌款式超多，招牌菜色都有好幾款，當日雖然只係星期三，但係餐廳都人頭湧湧，相信主要原因是-價錢經濟貼地又好食無蝦有蟹鍋$238掙扎咗好耐食雞煲好定係呢一款海鮮鍋，但係見到$238已經包埋咁多海鮮就覺得好抵，一來到已經被份量嚇一跳，大約有三隻「三點蟹」、鮑魚、大蜆滿滿一整鍋，慢慢食晒海鮮再開始打邊爐，而且湯底好清甜，勁濃郁的海鮮味道和大量芫荽、西芹等，完全唔會腥，仲有薯仔同洋蔥等，增加湯底的甜度，而且相對其他湯底冇咁熱氣，值得一試黑松露豬肉丸$72想不到這種傳統的火鍋餐廳都會有這種創新的火鍋料，豬肉丸非常彈牙，配上黑松露類似菇菌淡淡的香氣，風味十足即炸響鈴 $48很香脆的炸響鈴，相對其他火鍋店來說，這裏的響鈴，質感比較厚身，咬下會發出酥脆的輕響韭菜餃$48一份竟然有八隻，這個價錢真的非常超值，因為都是新鮮手工包製，而且每一隻都分量足，韭菜餡料非常新鮮，非常適合打邊爐—————————————————陳儀興玫瑰餐廳 (新蒲崗)新蒲崗爵祿街33A-37A號百勝工廠大廈地舖—

最近同朋友嚟咗新蒲崗陳儀興打邊爐，朋友話訂咗海鮮煲 😍 見到餐廳除咗有基本打邊爐嗰啲鍋底外，另外仲有好多噱頭鍋底提供 😍未食得之前叫咗個小食過口癮，蜆芥鯪魚球炸得幾香口。今次朋友訂咗無蝦有蟹鍋，每隻蟹都幾大隻，而且仲有四隻添，而且海鮮鍋仲有鮑魚同蜆，其實性價比都幾高。黑松露丸平時出邊都有食，但係呢度呢個真係超級正，味道好鬼濃郁，鵝腸亦都抵讚，超級肥美之餘洗得幾乾淨，另外仲叫咗竹笙、芫荽、炸響鈴、羊片、脆鯇魚片、蟹子墨魚滑等等。餐廳自家出品圓肉紅棗薏米水相當足料，成晚飲咗好幾支，最後仲買咗幾枝返屋企慢慢嘆。

之前食過陳儀興玫瑰餐廳嘅海鮮濃湯黃金甲超級正，所以慢慢愛上咗呢間邊爐火鍋店，知道餐廳最近又新推出咗無蝦有蟹鍋，鍾意食海鮮嘅我，當然唔會錯過啦，所以早幾日打電話去訂定枱。雖然陳儀興玫瑰餐廳係工廠區地段，但係好味嘅餐廳總會顧客源源不絕，今日平日晚上八點嚟到，一入餐廳成場都坐滿顧客 😂 好彩有訂枱如果唔係等到傻都似。無蝦有蟹鍋湯底用咗蕃茄薯仔，再配埋四隻多肉嘅三點蟹、鮑魚、蜆等海鮮，所以味道非常鮮甜。黑松露豬肉丸超級正，黑松露味道濃郁之餘口感非常爽口，自己超級鍾意食呢個。打邊爐當要叫墨魚滑或者蝦滑，不過呢度冇蝦滑，所以叫咗蟹子墨魚滑，呢度個蟹子墨魚滑都幾高質，口感同味道都幾正而且份量亦唔少。另外仲叫咗其他食物，全部都超水準，最重要係價錢亦唔算貴，難怪餐廳平日都爆場。

新蒲崗隱世美食店林立 今日去既依間就係陳儀興玫瑰餐廳🌹平日晚餐時段都人山人海🔥 餐廳有小菜又有火鍋 我地就緊係打邊爐啦 而火鍋最要就係湯底🍲 睇左牆身嘅海報就發現湯底花樣百出 有雙龍吐珠海鮮鍋 仲有養顏嘅藥膳魚頭鍋不過我地最後揀左最熱門嘅無蝦有蟹鍋 記住呢個係限定 book枱要講左先 唔係有機會食唔到架 🦀💛無蝦有蝦鍋$238湯底係蕃茄薯仔湯 🍅🥔配埋4隻花蟹+4集鮑魚 仲有好多沙白蜆😍 所以個湯底無可能唔鮮甜 直頭有d奢侈 一般水蟹最主要食佢滲出黎嘅味道 肉唔會好多 但係呢度嘅水蟹都幾好肉 仲有好多膏 剩係食晒d 海鮮都飽飽地 至於鮑魚都好爽口彈牙 沙白就好肥美 呢個價錢絕對抵食 👍🏻火鍋料方面我地揀左招牌嘅 💛手切肥牛 ($208)貴有貴嘅道理 每一片都肉汁豐富 油脂分佈均勻 厚薄適中 輕輕淥十零秒入口即溶 如果唔想食太貴嘅佢地嘅肥牛仲有唔同價位 就算鮮滑牛都只係$58 好抵食 🥩另外仲叫左 💛炸魚皮（$48) 同💛皇帝菜（$32) 炸魚皮份量足 食到尾都保持到脆卜卜 至於蔬菜方面 呢度都會擺到一個個盆栽咁 好新鮮好可愛🥬飲品選擇有好多 想飲健康d 嘅可以揀佢地自家製嘅圓肉紅棗薏米

同朋友見有段時間無黎見呢排新出左個海鮮鍋就提早一日訂賣相吸引，打卡一流無蝦有蟹鍋有三點蟹，四隻鮑魚，底下仲有唔少卜卜蜆配料有唐芹，紫洋蔥，湯底用上蕃茄薯仔海鮮新鮮又鮮甜，先食卜卜蜆，肥美無沙湯底越滾越甜，我地都飲咗唔少湯火鍋配料打邊爐點少得肥鵝腸，口感爽脆，彈牙有嚼勁且味道鮮美最鐘意佢地配料可以雙拼自家手包韭菜餃，鮮蝦雲吞粒粒飽滿又多料，每次黎都必食仲有潮州手打牛丸，炸忮竹，淮山，娃娃菜最後叫埋個烏冬，太滿足

作為陳儀興潮州打冷的分支餐廳以雞煲火鍋小菜為主 比較本地化但出品同樣出色 而且價錢平民還免加一呢黃金魚皮先點個小吃過過口癮 咸蛋魚皮好香脆無蝦有蟹煲的確是沒有蝦 但有4隻花點蟹 鮑魚 蜆全部都非常新鮮鮮甜湯底加了很多蕃茄薯仔煲成 蔬菜甜味和海鮮很搭呢招牌手切牛點了細份的份量也不少 油花豐富厚薄剛剛好蟹籽墨魚滑彈牙的墨魚滑加入大量蟹籽增加口感鵝紅這個鵝紅是店家自製 有陣陣滷水香氣中間充滿氣孔口感比較q彈野生竹笙很爽口 用來吸湯汁一流

雖然我住嘅地方比較唔近新蒲崗，但係呢一間餐廳嗰個無蝦有蟹鍋（$238）真係好好食。好食到下次會特登返嚟再食🥰 款式有好多唔同嘅選擇，只係今次因為我同朋友兩個人食先唔晒，所以下次要搵多啲朋友一齊食。首先個湯好鮮甜，完全唔似味精湯。一個鍋入邊包咗四隻蟹，四隻鮑魚同埋大量嘅蜆同埋花甲。配埋大量炸薯仔，連埋湯食好香口。雖然啲蟹唔係話好大隻，但係隻隻都好新鮮同埋有蟹膏嘅。我諗個湯嘅鮮味好大部份都係啲蟹煲出黎。至於的鮑魚就中型size，但係建議大家煮熟咗就拎出嚟攤凍先食，如果唔係就會好容易煮到老晒㗎啦。至於火鍋配料方面，餐廳都有好多好特別嘅。叫咗個招牌手切肥牛（$208），叫得招牌嘅，果然真係唔同啲。啲肉好有牛肉香味，份量就普通啦，兩個人真係夠食嘅。另外一提呢度啲餃子係自己包嘅，隻隻都皮薄餡靚。餃子皮真係好薄，所以千祈唔好煮到過熟，如果唔係就好容易爆㗎喇。我地又叫咗個爽口墨魚卷拼芋頭，呢個爽口墨魚滑好特別，啲墨魚好彈牙。而炸芋頭淥一陣就已經好好食。咁樣拼都係$53。今餐我真係食得非常滿意，雖然餐廳地點就冇咁近地鐵站有啲唔就腳，但係我會再願意下次再過嚟食🥰🥰🥰

以前成日跟老爸去新蒲崗，跟住佢工作之後飲飲食食，爵祿街出名多好嘢食，陳儀興玫瑰更加係人氣店，出名抵食好食！最緊要係餐牌，經常比到驚喜，久不久就會有新菜式出爐！朋友啟德返工，話約去新蒲崗陳儀興玫瑰打邊爐，仲預訂咗佢全新鍋底🍅 7-8月限定，最受歡迎的海鮮鍋底「無蝦有蟹鍋」🦀 ，我當然贊成！睇海報見到已經非常吸引，做推廣價錢更加要去試吓！「無蝦有蟹鍋」$238 預先一天打電話來訂咗「無蝦有蟹鍋」，海鮮喺街市新鮮貨，鮮甜好味有保證。用上蕃茄薯仔🥔和海鮮作湯底，配搭3款 每天新鮮送到時令海鮮，每一啖湯頭都非常鮮甜，我哋 4 個人食去都覺得份量十足。師傅教落鍋底很多卜卜蜆，提議我哋先食蜆，騰出湯底更多空間滾下花蟹和鮑魚。四大隻花蟹、四隻鮮鮑魚，賣相非常吸引，打卡一流。蜆肉嫩滑，鮑魚爽口彈牙，非常厚身；花蟹亦都鮮甜多肉，滿滿的蟹膏；海鮮質素非常高，抵食！湯底用上蕃茄薯仔慢慢熬製而成，沒有添加味精，健康好味，大人小朋友都啱食，我哋都忍唔住飲咗幾碗湯。蟹子墨魚滑 $88 陳儀興玫瑰🌹仲有多款超正火鍋料，必點火鍋料我推介蟹子墨魚滑，很多蟹子鋪滿墨魚滑，新鮮非常爽口。鮮蝦雲吞 $48鮮蝦雲吞再加蕃茄薯仔湯

-陳儀興玫瑰餐廳🍽️-之前食過陳儀興潮州菜覺得非常高質👍然後發現原來陳儀興有其他唔同類型既食肆就火鍋🍲岩哂一年四季都鐘意打邊爐既小編🤣-無蝦有蟹鍋 $238呢度唔係就咁普通打邊爐咁簡單而係有唔同特別既鍋例如海鮮鍋/花膠雞/椰子雞/烤魚/雞煲等等😍有d特別鍋例如今次叫既無蝦有蟹鍋係要預先訂先有勁威👍呢個鍋底用左蕃茄薯仔湯入面有蟹/鮑魚/沙白蜆😋佢d海鮮係每日新鮮運到所以全部都好鮮甜加上個湯底唔會搶左鮮味😉蟹仔🦞雖然望落唔係大隻但有膏有肉仲要有4隻呢個價錢超值👍-招牌手切肥牛(細) $208呢個手切肥牛貴得黎係有原因佢肉式鮮紅肥瘦均勻👍灼幾秒就食得雖然未去到入口即溶但肉質偏林😋-另外仲叫左水魷/炸午餐肉/鮮蝦雲吞/麻辣香芹餃/娃娃菜😍呢度好在可以加$5雙拼咁就可以食多d唔同配料😉麻辣香芹餃大推佢個麻辣味勁香但又唔係死辣👍-🌟評分:🏅🏅🏅🏅🏅📍地址: 新蒲崗爵祿街33A-37A號百勝工廠大廈地舖-#foodieluveat#foodieluveat_hk#foodieluveat_九龍城#foodieluveat_火鍋#hkfoodie #foodiehk #foodiehkig #hkfoo

今日朋友約咗新蒲崗呢一間餐廳打邊爐，朋友話見到佢嘅海鮮鍋底非常吸引，所以就叫我哋大家一齊去試吓呢一間餐廳，今日我哋三個人去就叫做一個無蝦有蟹鍋，我一嚟到嘅時候已經見到有四大隻花蟹同埋四隻鮑魚個底下仲有少少卜卜蜆，睇落已經非常吸引佢個賣相，忍唔住即刻攞電話出嚟打卡，湯底係本身用蕃茄薯仔湯慢慢熬製而成，絕對冇味精，之後我同朋友都飲咗幾碗湯啲精華真係吸收晒！！！佢嘅海鮮非常新鮮，每一隻鮑魚都爽口彈牙，而且非常厚身，喺出邊食最少都幾十蚊一隻，呢一個質素嚟講非常抵食，花蟹亦都非常鮮，令我哋最有驚喜嘅係竟然有一隻係重皮嘅，再加埋蕃茄同薯仔湯嘅熬製，每一隻蟹都吸收晒精華，更添鮮味！招牌手切肥牛個賣相真係靚，睇到就知道好食，花紋同埋紋理上都非常靚仔，每一件嘅油花都非常平均，一睇就知係高級嘅手切牛肉，食得出餐廳本身來貨嘅質素非常之高，食入口覺得有滿滿嘅牛肉味，正！新鮮黑柏葉，非常爽口，店員叫我哋放入海鮮湯六至十秒便可入口，真係正，再加埋呢個湯底，本身海鮮加埋蕃茄同薯仔湯嘅精華，簡直係一流 打邊爐點少得啤酒，最後同朋友幾個叫咗兩三支啤酒大家share, 爽呀！呢一間餐廳嘅質素非常高，有機會一定會再返嚟幫襯

🦀無蝦有蟹鍋（$238）*7-8月限定勁量海鮮，總共有4隻蟹4隻鮑魚，仲有無數咁多的花甲同蜆（見poster寫蟹會配三款不同海鮮），配蕃茄湯底，好鮮甜，而且無論鮑魚、花甲定蜆，入面D肉都係大大粒！好抵食！🤤🦑蟹子墨魚滑（$88）食得彈牙而且充滿蟹子同埋墨魚香，食落啖啖肉！👍🏻🐖極品黑豚肉（$88）靚到似肥牛的黑豚肉，少食到豬肉係有彈牙的口感，脂肪同肉的比例係完美，而且仲要係滿滿的豬內香，十分好食！一定要食！👑🐟脆鯇魚腩（$78）一碟六塊大大塊的鯇魚腩，食得真係脆身，而且新鮮！😍🥟自家手包韮菜餃（$48）十分抵食！一碟有8粒不得止，每粒皮簿餡靚，大粒到好似粒乒乓波咁，好食！🤩⚡另外，一定要叫蜂巢凍豆腐，吸哂蕃茄海鮮的鮮甜味，食落似湯包一樣！😋

位於新蒲崗的陳儀興玫瑰餐廳小廚，是擁有本地港式有名的潮州菜的分支餐廳，以其地道的雞煲港式小菜著稱。繼承了陳儀興潮州打冷餐廳的美名，這家分店以港式小菜、雞煲和打邊爐為主。晚膳時間，餐廳總是座無虛席，顧客絡繹不絕。環境方面，這裡的裝修風格完全呈現出港式茶餐廳的特色，充滿香港風情，讓人彷彿置身於懷舊的香港街巷。品嚐港式打邊爐時，必點的菜式有本地手切肥牛、手打豬手和豬肉丸。而在這裡，新鮮炸魚皮也是一道不容錯過的美味。這些道地的港式美食，無疑是香港人的最愛。從食材到烹飪技巧，陳儀興潮州打邊爐都展現了極高的水準。無論是肥美的牛肉，還是口感豐滿的豬肉丸，每一道菜都經過精心挑选和烹飪，讓人一試難忘。除了美食，這裡的服務也絕對值得一贊。服務員熱情周到，讓人倍感賓至如歸。無論是第一次造訪還是回頭客，這裡都能讓你感受到濃厚的香港風情。總之，陳儀興潮州打邊爐絕對是新蒲崗一帶的隱藏美食寶藏。下次來新蒲崗，不妨來這裡感受一下港式打邊爐的魅力，品嚐地道的港式美食，讓你回味無窮。