陳儀興玫瑰餐廳

營業中

休息中

今日去新蒲崗試了一鍋两食,有驚喜,價錢又親民,所以特別推介給大家試一試. 重要沒有限時用餐(可能我們在平日晚上,7點食到10點).交通： 可以選擇啟德地鐵站或鑽石山地鐵站再步行10-15分鐘左右餐廳環境 ： 茶餐廳卡位(4人座)&圓形大枱(適合一大班朋友) 主菜(頭盤)一鍋兩食: 無蝦有蟹鍋 + 火鍋首先, 上了一大鍋海鮮鍋(雖然冇蝦,但是有四隻蟹再加大大粒鮑魚,同大蜆). 值得一讚服務員的態度.他們建議我們先飲湯(湯底材料是蕃茄薯仔加海鮮,食材簡單但非常鮮味)及食蜆(不要煮太耐),食完海鮮,才加豬骨湯底食火鍋. 海鮮鍋內的蟹非常新鮮,鮑魚也好好味海鮮鍋份量非常充足~我們三人每人都飲到2-3碗湯.之後開始打邊爐. 我們點了兩個肉食~招牌手切牛（細份)& 極品黑豚肉. 牛肉新鮮嫩滑,應該是新鮮的,牛肉控必食推介. 豚肉也很滑.丸類: 黑松露豬肉丸(強烈推介)~本身我超喜歡食黑松露,平時其他火鍋店食到的黑松露丸,可能只有少少黑松露配伴.但是這店的黑松露豬肉丸,是將黑松露與新鮮豬肉混在一起打成的豬肉丸,煮前或煮後都有強烈的黑松露味😋😋粒粒章魚丸併魚肉卷~另一讚賞的地方就是可以雙拼,適合貪心

上星期凍左幾日，同朋友去左新蒲崗玫瑰食羊腩煲，環境有點古舊但夠光猛衛生，職員都好友善，而我見到隔離枱十個人個雞煲好似成座山咁真係好吸引，下次要約一大班人去！枝竹羊腩煲 $398好足料既羊腩煲，羊腩夠腍夠嫰，羊味唔會太羶，其他配料有枝竹，馬蹄，筍，冬菇等等，好香濃。因為兩個人食得慢，食食下有啲痴底，店員主動過黎幫我換煲，真係非常好。食完之後加清湯打邊爐，叫左一份雙拼餃（彈牙魚皮餃，獨門芥末西芹餃)$58，雙拼丸（粒粒章魚丸，香菇貢丸） $62 以及一份手打薯粉 $18。餃夠大隻，連我平時唔食西芹都覺得個餃好食，不過就食唔到芥末味。兩隻丸都彈牙，特別鍾意個章魚丸，好有口感。最正係薯粉，好掛汁，好濃羊腩汁味，好好食！除左汽水啤酒，茶餐廳飲品，餐牌仲有健康飲品，叫左金銀花茶同羅漢果茶 $20，見到係陳儀興出品，我枝金銀花茶都幾好飲，少少甘。

👧🏻😋👅🍽✨一年一度首個羊腩煲 🍲 -陳儀興玫瑰餐廳 🇭🇰 新蒲崗爵祿街33A-37A號百勝工廠大廈地舖 🇭🇰-🌹 一入座店員問小菜定火鍋之後就幫手set好場, 天氣少少涼見大部份枱都係食火鍋; 家人或朋友聚會坐埋一齊打邊爐真係最幸福🌹 平日已經好旺場, 但出菜都好快手, 店員加茶, 加湯, 收碟都好快手; 我地食完仲有第二輪入緊, 好好生意!-🐑 枝竹羊腩煲 $398💯腩位肥肉固然好腍, 近乎入口即溶, 但連瘦肉都好腍好入味, 煲到骨肉勁分離; 食左一兩轉羊肉個身已暖晒就可以加湯打邊爐!💯足料羊腩煲勁濃郁, 就算加左兩三轉湯都仲好香肉味, btw送生菜一碟都幾新鮮-🥩 招牌手切肥牛 (細) $208✨其實唔係好肥, 完全冇整到個湯油淋淋, 肉質好軟滑; 用蝴蝶雙飛切法食落更有咬口; 濃郁既羊腩煲湯底都蓋唔住濃濃既肉汁-🥟 自家鮮蝦雲吞x彈牙魚皮餃 $53 雙拼+$5💯幾十蚊八大粒其實係幾抵😂 總共有8款「餃銀掂」都係同價錢, 另外個芥末西芹餃同菠菜餃都好想試! 可惜冇得三拼或四拼🤣💯雲吞入面有原隻鮮蝦, 另外豬肉塞滿薄薄雲吞皮; 魚皮餃個皮又真係好彈牙有少少魚香味, 同平時自己買黎邊

📌 陳儀興玫瑰餐廳 - 新蒲崗爵祿街33A-37A號百勝工廠大廈地舖🗓(22/11) 星期三 ⏰ 晚上6:15左右 💈特式：最近各大群組都係度討論邊間羊腩煲好食，所以我都出動去搵下有咩好食/抵食嘅羊腩煲推介比大家，今日收工同朋友就嚟幫大家試下呢間陳儀興玫瑰餐廳。🥩🍔🌭🌮🥗🥯🥘🍲🍝🍣🥟🍤🍱食物：餐廳除左羊腩煲，平時主力就係做火鍋同小菜，而且價錢都相當抵食，而家等我同大家講下🐐🍲味道先。🐐🍲羊腩煲 $3️⃣9️⃣8️⃣ - 個羊腩煲味道唔錯，個汁濃稠得嚟又唔咸，連個湯汁我都想飲埋，羊肉炆得夠入味同軟淋，就連比較大舊嘅肉都炆得好淋，皮有咬口及有彈性，食得出應該係用新鮮羊，唔係雪藏貨，仲會有少許羊羶味，配料就有冬筍/冬菇/馬蹄/炸支竹等等。另外，每個羊腩煲會包埋一碟生菜，生菜份量都ok。就係因為佢個羊腩煲湯汁咁正，所以就再加左火鍋配料用埋個湯汁嚟打邊爐，唔好浪費左個咁正嘅湯底精華。🦑爽口墨魚卷 $5️⃣7️⃣ - 我好鐘意佢地嘅不規則形狀，好得意。一碟有8件，質地爽口彈牙，偏挺身，入面仲有d細細粒嘅墨魚粒，墨魚味亦好重。🦐彈牙蝦肉卷 $5️⃣7️⃣ - 呢個都係8件，質地就比墨魚卷淋d，但咬落好多蝦肉，好輕鬆鮮甜味

天氣開始有點涼意，又係時候打邊爐！🍲約咗朋友試咗呢一間位於新蒲崗店既玫瑰餐廳陳儀興 ~ 侍應安排我哋坐喺卡位，非常舒服！佢有好多款唔同特色湯底，我哋就揀咗無蝦有蟹鍋~ 喺等待嘅同事我哋就揀咗醬汁先，有辣椒、炸蒜粒、青蔥、豉油等等 ◑無蝦有蟹🦀鍋份量勁大！飲一飲個湯底，味道非常濃厚鮮甜 ～有四隻爽口嘅鮑魚 、肉質鮮美嘅大蟹、仲有好多蜆仔、蕃茄🍅同薯仔🥔喺底 鍾意食海鮮嘅人唔好錯過！我哋另外叫咗啲配料～◑鬼馬墨魚膠呢個真係必食！非常特別 喺油炸鬼入邊放上墨魚膠， 外脆內爽！一客有八件◑鮮滑牛放上個邊爐上邊 一陣就食得 非常嫩滑◑黑松露豬肉丸🍗我自己好鍾意食黑松露，放入豬肉丸令到成個味道更加突出 又夠香 ◑獨門芥辣西芹餃🥟大大粒 餡料極多！食落去溫和不嗆喉，加上西芹 爽口彈牙，正～

入冬後天氣開始凍，阿女急不及待話要去食羊腩煲，新蒲崗玫瑰餐廳陳儀興係老字號，食物多元化，有海鮮火鍋、惹味雞煲、鑊氣小炒等，街坊生意，價錢親民。今晚就專程過嚟食返煲羊腩煲暖下身。枝竹羊腩煲，送生菜一碟羊腩煲夠足料，用明火滾住食，羊肉相當大件而且厚身，入味之餘沒有羶味，枝竹、冬筍、冬菇等配料都非常入味，贈送的生菜吸收晒羊腩湯汁的精華，非常惹味！羊肉點些腐乳醬，味道更香濃。另外小炒都好有鑊氣：茄子魚柳煲，用煲仔上夠哂熱，茄子夠腍同夠入味，魚柳炸至外脆肉嫩，沾滿特製醬汁非常惹味。伴飯食一流。京都豬扒，洋蔥和豬扒，加埋特製酸甜醬汁，經過廚師用猛火炒成，非常之有鑊氣，豬扒入口多汁,唔乾身，洋蔥香甜，味道酸酸甜甜好開胃。青島啤酒，美食當前當然要啤一啤！

陳儀興係老字號, 之前食過一次潮州菜覺得幾高質👍今次趁天氣終於凍, 提前預訂左呢個無蝦有蟹鍋🤩無蝦有蟹鍋 $238打邊爐湯底選擇好多, 除左大路嘅例如花膠雞, 椰子雞, 花雕醉雞, 烤魚, 雞煲, 仲有特別嘅例如呢個無蝦有蟹湯底, 仲有海鮮船同冬瓜盅都要提前預約.鍋底用左蕃茄薯仔湯再加入每天新鮮送到蟹、鮑魚、沙白蜆所以要提前預訂. 店員提醒可以先飲湯再打邊爐, 一喝真係有驚喜到, 湯鮮甜帶蟹味香又不會太咸, 我地每個人都飲左兩大碗🤣蟹雖然望落唔大隻, 但都厚肉有膏, 鮑魚都鮮嫩, 各有4隻招牌手切肥牛(大) $298呈鮮紅, 切得厚薄均勻. 灼幾秒就食得, 肉質軟腍帶頗香濃牛肉味, 叫大份量亦足響鈴卷 $57即炸起金黃香脆, 好食野生竹笙/皇帝菜 $62/36竹笙唔會係白雪雪漂過咁, 反而natural color, 好吸湯好食. 皇帝菜夠鮮甜脆鯇魚腩 $78脆鯇魚好夠香脆新鮮蟹籽墨魚滑 $98 好彈牙, 仲食到有fd 墨魚粒肉潮洲手打牛丸/手打三寶丸 $88/98更喜歡前者, 好彈牙夠香牛味. 3寶分別有蝦、豬肉、鯪魚球.蝦丸都彈牙似墨魚滑、豬肉加左梅菜比較腍同易散. 鯪魚球都ok潮

最近呢一個禮拜，突然氣溫急降，好大風又凍，諗起食羊腩煲就一流，所以帶咗爸爸去食呢一間玫瑰餐廳，之前食過佢嘅雞煲真係好出色。餐廳喺新蒲崗，好近巴士站已餐廳地方都幾大，兩個人可以坐卡位幾舒服。我哋兩個人叫咗一個羊腩煲，仲叫咗啲火鍋料嚟打邊爐。羊腩煲好快就上枱，會用電磁爐煲熱住，份量大，羊腩件件啖啖肉，入面仲有枝竹，筍，冬菇等等，好豐富。羊腩煮得好腍，老人家都食到。調味唔會好鹹好惹味，而且暖笠笠冬天食真係好正。枝竹，筍呢啲索晒羊腩汁真係一流。而且羊腩煲本身就會跟一個生菜俾我哋好抵食。食完羊腩煲當然就係加湯打邊爐，我哋叫咗響鈴，響鈴炸得好酥脆，唔似街外嗰啲，感覺到係自家製即炸。落湯掛晒汁好好味。另外仲叫咗手切牛肉，牛肉嚟到好大碟，但其實只需要$68，所以真係好抵，牛肉好新鮮好滑。我哋仲叫咗墨魚條，墨魚條入邊真係食到粒粒墨魚，而且好彈牙。最後最後當然要叫過一丁，唔好浪費咗個湯底佢啦。另外呢度嘅飲品都好抵，我哋叫咗一杯鹹檸七，嚟到好大杯，解渴一流整體嚟講呢間餐廳主打街坊路線，價錢平民但係質素高，所以都好滿座，大家不妨一試

今次到我帶朋友嚟新蒲崗食嘢啦👅呢間餐廳打邊爐絕對係我心目中排名頭幾位🤣上次食過覺得性價比勁高💦餐廳新出咗羊腩煲，一於食食佢🥳入去地方好大，坐咗好多人，可能天氣轉涼個個都想打邊爐😈🐏枝竹羊腩煲($398) 5/5羊腩數量勁多🤣仲要係啖啖肉冇乜骨！佢哋經過燉煮後非常軟嫩，入口即化咁😍除咗羊肉，配料有冬菇、枝竹、馬蹄同荀💕味道豐富鮮美～冬菇同枝竹嘅香氣同羊腩相互融合，帶嚟獨特嘅風味。馬蹄同荀增添咗口感同層次感～叫羊腩煲會奉送一碟新鮮嘅生菜，吸哂啲汁食勁正🥰配搭住美味嘅腐乳醬，係完美嘅組合🥰🥩(細)招牌手切牛 ($208) 5/5食落好正👅！牛肉好鮮嫩，切得好細緻。入口即化，肉汁豐富，好滋味💕🥩(細)安格斯牛肉 ($178) 4/5質感好豐富多汁，肉質鮮嫩又有口感🥳一啖咬落去，牛肉嘅濃郁味道就出嚟～令人回味無窮！💕嗰晚飲咗可樂，朋友就飲餐廳提供嘅茶，服務員都好勤力不斷周圍睇下有冇人要落單/加湯，呢間餐廳絕對會令我會想帶更多唔同嘅朋友嚟食，期待下次嘅期間限定啦😍

每年秋冬都會出街食羊腩煲，今年第一次選擇嚮公司附近的陳儀興。原來除左羊腩煲，陳儀興仲有椰子雞、蟹煲、花甲煲等等…今次點左羊腩煲、一d火鍋配料、飲品同小食。首先不得不讚侍應的服務態度，除左有禮貌外，亦會留意客人餐碟，差不多滿的時候，侍應會主動替換，值得一讚👍🏻。食物方面，羊腩煲炆得入味，羊腩枝竹都大大舊，沒有偷工減料。不過，我呢煲羊腩比較少冬菇，唔緊要！羊腩同枝竹數目都多，已經值回票價。配料方面，萵筍、牛骨髓、鯇魚片、萵筍、油麥菜、響鈴、雙拼餃子、鬼馬墨魚膠同手切肥牛。全部配料都好新鮮，份量都足夠。主要推介，手切肥牛。手切肥牛絕對係一定要叫，軟滑有咬口，比自己落牛肉檔買火鍋牛仲正，真係唔好錯過！另外，比較少見係鬼馬墨魚膠，之前都試過叫黎當小食食，拎黎打邊爐都係第一次，大家都可以試試。小食方面，我就叫左避風塘粟米，炸得香口，粟米夠甜，真係送酒佳品。飲品方面，叫左凍檸茶，大大杯都係$23。叫1杯都夠飲成餐😂😂😂同行朋友都相當滿意呢餐，下次想食羊腩煲都會再黎。

今日難得同朋友在新蒲崗做完嘢，就找個地方食飯吹吓水先，見到呢間有小菜、火鍋，還有冬天至噤食嘅羊腩煲，一於入去叫個羊腩煲和小菜填飽個肚。枝竹羊腩煲：羊腩和配料份量十足有羊肉、枝竹、馬蹄、冬菇和竹筍。羊肉炆得好淋，冇乜骨啖啖肉， 馬蹄好爽，枝竹同冬菇好入味索晒肉汁，竹筍入口嫩而無渣椒鹽脆肉鯇：脆肉鯇新鮮炸起熱辣辣，香氣樸鼻，脆鯇入囗外脆肉嫩彈牙爽囗，炸蒜微辣非常惹味芫茜蠔仔炒蛋：蠔仔都幾大隻幾甜，蠔仔數量算多，內裏好多洋蔥和芽菜，幾爽口不過唔喜歡食洋蔥和芽菜就唔好叫，蛋內全部都係洋蒽和芽菜今晚呢餐食到好飽和好暖，食飯期間大約7：30左右都座滿食客，平日都噤多人，睇來呢間應該幾好食，而且見好多人都叫火鍋，下次可以約多d朋友一齊試吓

天文台表示由這個星期開始會逐漸變冷了，又到港人喜歡的火鍋時候了！而冬天就肯定少不了吃羊腩煲，這間小店性價比很高，料亦都非常足，難怪晚上差不多快坐滿了！羊腩煲（３９８元）羊腩煲一來到就可以吃了，滿滿的一大煲，羊肉都燉得非常入味和軟爛，羊皮都變得入口即化的口感了，而且完全沒有羶味！而配菜還有大量的竹筍，馬蹄，炸腐竹等，都吸飽湯汁，吃起來鮮嫩多汁！煲整體味道調味剛好，不會太鹹，帶陣陣香料味！自家手包韮菜餃拼自家鮮蝦雲吞（５８元）可以雙拼，性價比很高！而且每粒都跟乒乓球差不多大，裡面都塞滿餡料！韮菜餃的韮菜超多，帶點肉香。鮮蝦雲吞的豬肉和蝦肉比例各一半。鮮滑牛拼野生竹笙（６７元）雙拼的份量也比想像中要多，牛肉滑嫩有牛香，竹笙非常吸湯！鮮魚腩（６２元）雖然只有６片，但每片都是非常大片的，吃起來非常嫩滑，又完全不腥！魚腩骨較少！辛辣麵（18元）

微涼的秋風，是不是心郁郁想吃火鍋、羊腩煲呢？陳儀興玫瑰餐廳主打火鍋雞煲還有惹味小炒，而且評價幾高。剛發現這間餐廳亦有羊腩煲，所以就安排了時間去吃我入秋的第一煲 (笑)位於新蒲崗百勝工廠大廈的地舖，大大的玫瑰 Logo 很易找。這裡不論是一大班親朋戚友聚餐或少人聚會也沒問題，卡座坐起來都頗舒適。點了鍋煲後就可以選配料，不想羊腩煲的話其實都有幾多選擇。各式各樣的雞煲、海鮮鍋等也很吸引，不過要注意有些是需要提前預約的。飲品就地道茶餐廳飲品、汽水外，都會有健康飲品。圓肉紅棗薏米水 (HKD 20) 雖然是加了圓肉，但喝起來並不會很甜。枝竹羊腩煲 (HKD 398) 好大一鍋還超足料。每件羊肉都很大件，不會只是骨頭沒有肉那樣子，且非常入味。肉很軟嫩，皮的話則很有彈性，吃落有微微羊羶味。枝竹、冬筍、冬菇等的配料也是滿滿的，所以整個超豐富，同樣好入味。當然也不能少了翠綠的唐生菜，這是點羊腩煲便會送一碟。愈煮愈濃厚的汁，在吃完羊肉後加清湯就可以開始吃火鍋囉。響鈴配彈牙蝦肉卷 (HKD 62) 響鈴夠脆，喜歡吃腍身的可等吸飽湯汁才吃。蝦肉卷確實幾彈牙，就平時吃的蝦餅變成卷狀那樣子。脆鯇魚片 (HKD 5

收工ot同同事一齊走，喺公司樓下覓食先走，咁啱見到呢間陳儀興新推出咗羊腩煲，我哋幾隻餓狼即刻打算試試佢。枝竹羊腩煲👍👍👍👍👍估唔到份量好足，黑山羊腩唔會太肥，啖啖肉嘅口感實而不柴，炸枝竹香得黎唔會多油。熬煮過一段時間嘅羊肉仍保持住鮮嫩，搭配大量枝竹吸哂湯汁，令我哋大口大口咁不斷食，好過癮🤭再嚟打個羊腩汁精華湯底邊爐😍我哋叫左唔同配料，全部都好大份，好抵食，正！美國桶蠔大大粒蠔，一共有12-15隻，鮮嫩之餘好爆汁，食落就知夠新鮮，口感一流😋👍👍👍海蝦伙記誠意推介$88/8隻，真心抵，而且非常新鮮，啲蝦咬落彈牙，仲食到鮮甜味👍👍👍花膠仔浸入羊腩煲湯底索哂精華夠哂入味，咬落軟綿。鬼馬墨魚膠墨魚膠食得多，拼埋油炸鬼一齊嘅餐廳十分少，今次果然冇叫錯，好正！油炸鬼仲好脆，墨魚膠有咬口，配搭真係恰到好處🤤雙拼餃子+$5麻辣香芹餃🔥川味style餃子一般都係食重慶火鍋嘅店先見到，呢度竟然有得點，食落好有重慶辣椒風味，有啲紅油配上芹菜香氣，大大粒，份量足。鮮蝦雲吞有原隻蝦仁係入面，配搭適量嘅豬肉，口感都唔錯，個人推薦麻辣香芹餃多啲🤫手打鮮蝦丸蝦肉份量多，唔會食到一口粉，仲有彈牙口感，真係有心之作，呢個都

真心推介無蝦有蟹鍋！ 有4隻鮑魚4隻蟹仲有蜆，材料真係好足呀，我地兩個人食完d 海鮮都已經飽左一大半！值得一提嘅係佢個湯底，本身係蕃茄薯仔湯，一開始比較淡，但煲煲吓d海鮮同蕃茄味出晒黎之後就勁鮮甜，搞到我都飲左兩碗😍火鍋配料方面，我地就全部都係牛： 細嘅招牌手切牛，牛骨髓同埋牛柏葉！ 最好味係個手切牛，肉味香之餘又唔會鞋，淥耐少少都仲係嫩滑。牛骨髓就比較特別，係滑嘟嘟嘅口感。羅漢果茶都好真，係我飲過最濃嘅，打邊爐飲清熱一流～