阿夫利拉麵 (The ONE)

營業中

休息中

AFURI 阿夫利 📍The One 尖沙咀 Tsim Sha Tsui.⭐️ 招牌柚子鹽味拉麵非常清新 不過小編朋友覺得濃味嘅湯底配拉麵好味啲🍜 不得不讚叉燒燒得非常美味 肥瘦適中 仲encore叫多一塊😋 小編就要柚子甘露沾麵 凍麵沾上酸酸嘅柚子湯汁非常開胃😍 適合夏天👍🏼⭐️ 炸軟殻蟹包都不錯 軟綿綿嘅包加上炸軟殻蟹及泡菜,青瓜 依個食法都係第一次😇⭐️ 餃子嘅脆邊其實唔夠脆 質素一般🥟⭐️ 柚子cocktail非常易入口 味道不會太甜 帶少少柚子皮嘅苦澀味🍹⭐️ 柚子limemade好大杯又好飲 柚子同青檸味道balance得好好 唔會互搶風頭👍🏼.🍜柚子鹽味拉麵🍜柚子甘露沾麵🦀炸軟殻蟹包🥟自家製煎餃子 (6隻)🍸Yuzu Cocktail🍹Yuzu Limemade

襯住五一黃金週假期之前黎左呢間餐廳 (一直bookmark左但未黎) 限聚令之下都好多人排隊 入餐廳前店員會幫大家量體溫 之後仲比張紙巾我地包住口罩 夠體心👍🏻 餐廳主打柚子味拉麵 一行二人 我同朋友分別嗌左柚子鹽味拉麵🍜 同柚子辣湯拉麵 另外仲嗌左個炸雞同兩杯柚子梳打個拉麵一到就緊係試左佢個湯底先😋 湯有淡淡既柚子味好fresh好得意 拉麵口感彈牙 叉燒都好入味 但如果佢多多兩塊就好啦😂 食完個拉麵一d油膩感都冇👍🏻👍🏻👍🏻 炸雞都有好多舊 兩個人岩岩好食得晒 😂

今晚同男朋友去尖沙咀The One 睇戲🎬後，我地餓到打哂鼓🥁大家心有靈犀咁揀左依間Afuri阿夫利日本過江龍拉麵店。依間拉麵店長期都座無虛席，好多人排隊捧場😎 -餐廳位於The One I.t orange forest 時裝店旁。環境寬敞、設計開揚，裝演以黑白及木系簡約色調為主；陽光從落地玻璃窗透入，增添柔和舒適的空間感。-我們分別點了兩款Signature -❤️ 柚子鹽味拉麵 $98這裡的小麥麵條全是師傳自家製，標榜著無添加劑及味精，吃得安心又健康。拉麵質感爽彈。 最特別是麵湯！用上木魚雞清湯及鮮柚子餚製，淡淡的柚子香，味道清新，炎夏吃這款拉麵，份外醒胃。配料亦很出色！ 橘紅色的溏心蛋黃呈半熟流心狀態，蛋香濃郁。 還有大片炙燒過叉燒，肉質鬆化；亦有爽脆的味筍。-❤️柚子甘露沾麵 $108沾麵是我最喜愛的，沾麵可選擇暖/凍食。相比拉麵，爽彈的沾麵多了一份煙韌咬口。 湯汁較為濃郁惹味，還多了白芝麻香氣。角煮豚肉較為厚身，脂香油豐。與拉麵一樣，同樣出色。-我們還點了款小食❤️炸軟殻蟹包 $58男友嚐了口，便雙眼發光大讚：這是他遇過最好吃的軟殻蟹包！😋🦀 刈包雪白係瑕，口感很軟熟，但又帶

疫情嘅關係，我好耐無出街食飯喇🤢，今日終於有得放下監，要食呢間一直都好想試嘅東京人氣拉麵店！餐廳環境同裝修都令人感覺好舒服，黑、白加木系設計，走型格路線。<柚子鹽味拉麵>餐廳以柚子作為主題，當然要試下！Afuri拉麵係用木魚雞湯配柚子汁炮製湯底，入口剛剛好，有柚子香但唔會太酸，啖啖柚子味令到拉麵一啲都唔膩。另一重點係塊豚肉！豚肉經過火炙，好香口！推介🥰<豬骨濃湯拉麵>豬骨湯底非常濃郁，有我最鍾意嘅黑蒜味🤩<唐揚炸雞>份量都幾多，咬落juicy、肉質夠嫩👍🏻配青椒原來都幾Match~<Yuzu Limeade>呢杯柚子青檸梳打一定要試，青檸味配柚子完全係perfect match，飲完立即消暑💦

喺尖沙咀Lunch唔知食咩好就上嚟search“附近餐廳”見到有呢間有拉麵又有沾麵就嚟左呢度同朋友一齊去開12:00，我地12:10上到去，仲有窗邊梳化位，到12:20就開始多人，好多一人嚟食呢度係自助點餐門口有2部機，點完可即用credit card俾錢，或出單去cashier俾現金我叫左個“柚子甘露沾麵”沾麵個汁好好味，好清新，又唔會太稀/太傑，啱啱好，柚子味好出又唔會太酸，真係好好味朋友叫左個“濃湯豬骨拉麵”都好味，湯味好濃，麵唔林，但無驚喜另飲品叫左杯柚子威士忌（lunch飲酒😁）朋友叫就咗杯柚子梳打

早在日本的時候就聞說過阿夫利拉麵，但多次都未能一嘗，現在開到香港來了，終於可以試到！我點了柚子鹽味拉麵，先飲湯底，雞白湯中帶淡淡的柚子清香，很清爽。拉麵煮得剛好，是個人喜歡偏硬的質感。特別欣賞那塊叉燒，經過炙燒處理，多了一份燒過的油香味，且是厚切，難怪只有一塊。個人很愛柚子的香味，這碗拉麵可說很合我口味。友人則點了柚子辣味拉麵，味道有點像日式中華料理，柚子味沒那麼突出，個人較喜歡鹽味帶來的清新感。也點了一份餃子，底部煎得香脆，內有不少肉汁，加上他們調制的餃子汁，是不錯的小食。整體口味不錯，值得一試，但未有很想再吃的衝動。

肺炎疫情好轉，加上工作上大致上已回復正軌，見今日 Happy Friday，下班後一於相約老公外出用膳，作為忙碌一星期後的慰勞。今晚唔想食飯，醒起食友們曾提及的柚子湯底拉麵，蠻想一試。於是，向尖沙咀 THE ONE 的「AFURI」進發。據知「阿夫利」拉麵店是日本人氣過江龍，自 2001 年在神奈川縣開設首間店舖後，便迅速擴張，除了在日本已有十多間分店外，在美國、新加坡、葡萄牙亦設有海外分店，發展相當驚人，而去年 1 月更正式進駐尖沙咀，成為香港首間分店。原來店舖是由潮流品牌 IT 引入，喺 i.t orange forest 概念店入面，地方非常寬敞，約有 50 個座位，環境光猛，而且設計簡約時尚，以不銹鋼色系為主，設有半開放式廚房和酒吧位，客人可透過玻璃看到拉麵製作過程。拉麵師傅身穿黑衣褲，頭戴氈帽，很有型。客人可以先入座，睇完餐牌後才外出購票。食物選擇都幾豐富，除了幾款主打的柚子拉麵外，Menu 上還有沾麵、擔擔麵、丼飯、炸雞、手工餃子和角煮豚肉包等，可配埋飲料一同品嘗。柚子拉麵是店舖嘅招牌作，當然不可以錯過，我哋揀咗柚子鹽味拉麵、柚子甘露沾麵、一客小食同兩杯飲品。先來的柚子鹽味

日本拉麵舖 冰水都冇杯 no good自動點餐機 冇得點特別要求 (例如麵身 硬度)麵底 no good湯底比較清淡 鹽味同醬油 也是 重口味人士不適宜去 筍 切到太細條太薄 完全冇口感 no good隻蛋同塊叉燒都掂最後咁嘅時候（7-5-2020）價錢過貴 質素同價格不相符 走嗰陣去拎粒糖👍🏻 柚子糖完

今次係朋友介紹，見環境唔錯，決定黎試下！呢間餐廳嘅拉麵好特別，我地叫咗柚子鹽味拉麵同特濃豬骨湯拉麵，兩碗嘅味道都幾特別，完全未試過d咁嘅湯底，配埋拉麵都好夾，如果鍾意食辣嘅朋友都可以叫辣添！先講個拉麵，拉麵彈牙，份量都好多，上面嘅溏心蛋真係大滿足😍佢真係好足料，味道好濃郁，個柚子鹽味拉麵好香口，估唔到味道可以咁配合。另外，特濃豬骨湯味真係會食上癮!!!! 好香嘅豬骨味呀😍仲叫咗餃子做小食，外層煎得好脆口，餡料都好有口感，同拉麵一齊黎食係絕配👍🏻當然要叫番杯野飲啦，好少有拉麵店有咁多特色飲品，今次我地叫咗檸檬梳打同埋柚子檸檬汁，兩杯都好解渴！

大名鼎鼎嘅日本🇯🇵原宿人氣拉麵店🍜AFURI登陸尖沙咀，未開張已經喺好幾份報紙雜誌上面有介紹，今日咁啱經過順便黎朝下聖啦!🤗🤗🤗餐廳環境好寬躺好舒服乾淨。食物方面，拉麵個湯底好特別，係普通鹽味再加上柚子，幾得意幾清新😋，另外推介佢哋個餃子🥟，好好食😋！不過呢，本人始終比較喜歡傳統豚骨湯底多啲🐽🐽😅！

返左香港咁耐都未食過拉麵～終於唔係食我最愛既韓食啦🤣呢間係the one入面～都幾易搵架👉🏿✨柚子鹽味拉麵 hkd 98 💸📌開頭聽到柚子好似會怪怪地咁，但食落又唔會喎！第一啖湯飲落係好鮮甜既雞湯味，之後啲柚子味慢慢滲出嚟，係幾清新既😆難得食拉麵個湯底一啲都唔膩👍🏿👉🏿✨柚子辣湯拉麵 hkd 108 💸📌最近無辣不歡🤯呢個雖然比起鹽味會重口味小小！不過食落係幾惹味下喎😍溏心蛋好正！舊叉燒肥而不膩🤩拉麵偏硬身😋👉🏿✨炸餃子 hkd 38/4pcs 💸📌平時食開煎餃，見到有炸餃咁得意又試吓😝點知係勁！好！味！個皮真係炸到脆卜卜！好似薯片咁😳但又唔會覺得好熱氣，點沙律醬好夾！👉🏿✨柚子青檸梳打 hkd 38 💸📌甜中帶爽！又係勁fresh！唔會好淡👌🏽好解暑呀！

AFURI拉麵店我好耐之前已經聽過佢喺日本嘅大名🇯🇵 最近終於嚟香港開咗間過江龍分店，當然要去試一試啦🤟🏻 店舖裝修簡僕得嚟令人感到很舒服，店內亦都善用咗好多自然光，真係個同人聚會嘅好地方。店員嘅服務態度亦都好好，賓至如歸，真係令到我都好想坐耐啲。今次試咗佢2款招牌清新柚子系列嘅拉麵🍜 2款佢哋推介嘅小食🥙 同埋佢哋其中一杯主打飲品🥤柚子辣湯拉麵 $108我朋友本身都幾鍾意食辣，見佢竟然有個柚子crossover辣味嘅湯底，當然要叫返個嚟試下。先講個湯底，辣湯嚟講，佢比起出邊食到嘅辣麵冇咁油。而佢又唔算話真係好辣，唔係好食得辣嘅朋友其實都可以值得一試👍🏻 不過講你都唔信，佢個柚子味撈落去個辣湯，個味度其實都幾新奇，從來冇諗過原來個味會咁夾！再講個拉麵，麵質十分煙韌，而且能夠索到本身個湯嘅味，所以依個配合絕對冇得頂。麵入邊仲附上半隻溏心蛋，自家製嘅炙燒西班牙栗飼豚叉燒，少少筍乾，少少水菜同埋一塊紫菜！特別要講講佢個炙燒叉燒，朋友本身唔太鍾意食肥嘅叉燒，不過佢係整得好香口，如果你係食開啲肥嘅叉燒，咁就一定要試😂柚子鹽味拉麵 $98基本上都係同一個系列，佢都係以柚子味做湯底。柚子味足夠，但相

男朋友好中意食拉麵，好多著名過江龍、本地薑都食過。今次試下佢想食好耐既阿夫利我本人一向就麻麻拉麵，拉麵湯好多都過濃，食兩啖已經覺得好漏，今次食阿夫利既柚子鹽味拉麵又唔錯柚子清新，鹽味亦適中，兩者相輔相成，中和左湯既油膩。最後我竟然可以食曬成碗麵都唔會覺得太漏，果然夠Fresh而佢既溏心蛋我都好中意，不過佢既豚肉我覺得太硬了話雖如此，阿夫利都榮升我同男朋友心目中既Top 5拉麵🍜而且環境夠曬開揚，坐得舒舒服服，一定會再食*柚子鹽味拉麵 $98*

餐廳環境都幾chill，路過幾次都有人等位，不過試完就有啲失望…sor可能係我抱太大期望😅醬油湯底…有厚厚一層油喺面，叉燒都幾肥。鹽味湯底…都係好油，其實啲柚子味完全無幫到碗拉麵令人覺得fresh…(為咗影相 令件紫菜淋咗😂)最失望係碟餃子，見個樣幾好，應該會幾香脆！然而…成碟嘢都係淋嘅，如果合埋眼食，應該會誤會咗佢係蒸餃。至於杯特飲…威士忌柚子soda，就咁飲係有啲苦味，唔算好飲。但夾埋好heavy嘅拉面，成件事終於令人覺得fresh。用餐完畢，臨別仲可以自己拎粒糖吮下，解下油膩消下滯，哈哈😄

今日同朋友一齊嚟試吓呢間新開，喺網絡上都幾出名嘅日本拉麵店，心情都幾期待，因為我本人都幾鍾意食拉麵，而且見到佢嘅評語都唔錯，所以都幾充滿期待 嚟到好快就坐低左叫嘢食，環境正常，係比較新嘅裝修，而且佢落單都係自助形式，出面有部機器可以俾你自己落單，自己用埋信用卡俾錢，如果現金就要由店員收錢啦佢嘅裝修到食具都幾新，而且有種新鮮嘅感覺，影相打卡嗰陣，都幾靚嘅我自己就叫咗一個柚子辣味嘅拉麵，成碗顏色都幾鮮艷，你見到佢顏色好似好辣咁，其實又唔係，第一啖嘅味道，其實好似食緊川菜咁嘅味道，有啲麻辣嘅感覺，如果配以拉麵來講，確實幾新鮮，幾特別麵質嘅瓜湯能力都幾高，口感正常，不過可能我個人覺得呢種味道同拉麵有少許唔夾，所以略為有點失望，朋友呢碗係柚子海鹽味，都算係清湯嘅一款，味道就正常得多，有清新嘅柚子味，成個感覺係清新可口，我覺得呢個幾好食嘅最後我哋仲加咗一個餃子，呢個餃子都幾特別，佢有埋餃子下面嘅煎皮脆脆，返番轉咁樣放，佢個感覺就好似成個Pizza咁樣，味道都幾唔錯總括來講，我覺得都值得一試，但係就未去到想像中咁，真係非常咁好食，不過呢個都係純屬個人嘅感覺姐！