阿夫利拉麵 (The ONE)

營業中

休息中

日式柚子拉麵Afuri 拉麵在日本出名好吃，所以特別來這裡吃，吃完覺得很推薦柚子香味特別、味道清新，跟油膩的拉麵湯底很配合，不太喜歡拉麵的油膩感的人都應該可以接受。柚子醬油拉麵 ： 有清新的柚子味道，又有木魚雞湯的濃度；麵跟toppings 也出色柚子甘露沾麵：粗一點的麵很容易掛湯底。叉燒偏肥，但是燒的好吃。自家製煎餃子跟唐揚炸雞也很新鮮，好吃，而且份量很大。這裡水準很高，唯一就是偏貴，而且沒有替え玉....

🐽 柚子醬油拉麵$98本身糾結緊揀鹽味定醬油味，但因為都比較鍾意重口味，最後都係揀左柚子醬油拉麵，醬油都幾濃唔會過鹹，但有少少油，湯底帶有淡淡既柚子香，幾清新幾解膩，但呢款始終係醬油味較突出，如果真係想柚子味重啲既可以揀返鹽味，塊叉燒燒得幾香，肉質係偏瘦，麵條都幾掛湯同彈牙••••••••••••••••••••••••••••••🐽豬骨濃湯拉麵 $108除左柚子味既拉麵，呢度都會有最基本既豚骨拉麵，豬骨味都濃郁，有黑蒜味，整體來講都尚算不錯••••••••••••••••••••••••••••••🐽唐揚炸雞 $48炸得外脆嫰滑，舊舊都幾大件，配埋蛋黃沙律醬食非常夾••••••••••••••••••••••••••••••🐽柚子青檸梳打 $38味道好開胃好清新，酸酸甜甜咁

~~~~~~~~~~~~~~~~~~~~~~~~~~~~~~經過位於the one呢間餐廳，見佢新開又唔多人就試下。位置都好方便，而且因為新開，環境好，超足自然光，感覺乾淨衛生，加上服務好好，店員又細心，讚呀！叫左2個拉麵同一個小食：豬骨濃湯拉麵柚子醬油拉麵唐揚炸雞拉麵質感幾好，唔硬唔林又夠彈不過個人覺得豬骨濃湯比較好味而且唔算太油炸雞5件，都幾juicy, 唔錯~~~~~~~~~~~~~~~~~~~~~~~~~~~~~~

冇得飛特別掛住日本美食。來自東京既阿夫利柚子醬油拉麵，湯底同日本食既差不多，淡淡柚子香滲入醬油清湯，唯一唔同應該係塊豚肉，日本係有燒過帶濃濃地既焦香。炸軟殼蟹包可以話係日韓台crossover之作。台式刈包+韓式泡菜+日式軟殼蟹。辣辣地加埋青瓜夠開胃，我覺得仲好食過碗麵，麵可以唔食晒但呢個要食。環境舒適，簡約木系風格。先到門外自行下單，再入座。注意不接受八達通，食完仲送$30 coupon下次用，同開業初期既人氣真係差得遠。

尖沙咀the one行完街順便食野，我好鐘意日式餐廳，afuri過江龍要試下啦仲無令我失望！我哋食左：豬骨濃湯拉麵$108，濃厚豬骨湯配煙韌拉麵，仲有灸燒叉燒又香又厚😍辛露沾麵$108麵條彈牙食落有嚼勁，掛到好多湯好好食😋😋配菜有半隻流心蛋，煮得好入味嘅角切豚肉🥰唐揚炸雞$68即叫即炸，超香超脆～雞肉惹味，入面仍然好嫩，小食必點⭐️.呢到環境好好，日系簡約風裝修，採光度充足，下午時間黎好寧靜好舒服😌係一間唔會失望嘅過江龍拉麵店

呢日去donki行街，順所以就順便去左呢間係The one 嘅拉麵店👍🏻我地都覺得幾好食柚子甘露沾麵($1️⃣0️⃣8️⃣)呢個係真心好正👍🏻佢個溫麵食落軟硬度適中，又有少少彈牙💗但最緊要係佢個沾醬😋食落好重柚子味，又帶點酸酸甜甜嘅味道💕配埋個麵食真心好清新🙈好開胃柚子辣湯拉麵($1️⃣0️⃣8️⃣)呢個拉麵味道都唔錯架👍🏻麵質一樣都係唔錯🙈食落係帶有淡淡嘅柚子香味💗但同沾麵唔同佢仲有食落好香嘅辣味👍🏻不過總體唔算好辣，唔食得辣嘅朋友應該接受到自家製煎餃子($4️⃣8️⃣)呢個煎餃都唔錯👍🏻餡料好足💕又煎得啱啱好👍🏻唔會太軟或者太脆💗加埋佢個醋，真心好開胃總體而言，呢間拉麵真心唔錯，大家去開尖沙咀不妨可以去試下

每次去東京都一定會幫襯Afuri, 都係鍾意佢啲柚子味, 加埋拉麵一齊食有一種清新的感覺, 冇咁油膩。今次除咗拉麵， 都試咗佢嘅炸餃子同埋煎餃子， 兩隻味道都ok， 大家防試下。

近排久休復出去多咗街食飯，試咗呢間日本人氣過江龍拉麵店～佢最出名係柚子拉麵🍜-▪️柚子鹽味拉麵$98湯底係熬咗三個鐘嘅柚子特濃雞湯，清新柚子味遇上鹽味湯頭，清香又唔會太咸，兩者balance 得好好！（令我忍唔住飲咗幾啖湯呢）火灸叉燒係用咗西班牙豚肉，肥瘦度剛好。拉麵係自家製麥麵，幼身得黎幾煙韌彈牙，而且都幾掛湯。仲有平時食拉麵我好少食味荀，但呢個味荀好爽口較幼身好好味👍🏻-▪️柚子甘露沾麵$108呢個都大力推介👍🏻沾麵可以揀冷麵或溫麵，醬酒帶柚香，麵身較粗身，但都幾彈牙，掛汁力強！-▪️炸軟殻蟹包$58係台灣嘅划包黎咖～都幾軟熟🥙軟殻蟹都幾大隻，粉唔會太厚，呢個fusion 風味嘅包加入咗泡菜同青瓜，整體好有驚喜地夾😎-▪️Afuri Yuzu Highball $79非常易入口的cocktail ，女生都可以試吓~-▪️柚子青檸梳打$38解渴得黎又開胃，青檸同柚子味係perfect match! 配拉麵食都唔怕會搶味呢！-整體日系風格的裝修，環境幾舒服呢～

聽說是日本過江龍拉麵店，暫時又未能到日本玩一趟，決定試一試這間拉麵店- 阿夫利拉麵。拉麵店位置於 The One內的 I T，位置方便，正當時有四人限眾令，隊前的五人家庭與店員商談一回，才進到店內。所以，我大概等待了10分鐘。店員把我帶到 bar 枱前，放下餐牌，然後告訴我們需要自己到售賣機點餐，再付款，可選擇信用卡/八達通/現金方式支付。後來，店員也放了一瓶水在枱上。我點了柚子甘露沾麵，友人點了柚子鹽味拉麵，另點了2杯梳打(薑味和柚子味)。柚子甘露沾麵配碎粒叉燒 ($108)，沾麵汁是暖的，有點柚子同辣味，不算過於有柚子味道，我較欣賞麵質。麵質彈牙，粗身，可以掛上沾麵汁。柚子鹽味拉麵則配一整片叉燒($98)，麵條幼身。可是，我不太喜歡這款湯底。本身湯底不算熱，湯底又不帶出柚子香味，比較失望。所以，我認為沾麵較好。

服裝品牌 I.T. 革新後不斷引入不同的餐廳品牌，將買衫和餐廳融合，成為一個新賣點，過往幾家餐廳都搞得有聲有色，這次再下一城，帶來拉麵 Afuri。Afuri 走現代風，裝修一點也不老土。The One 商場的地理位置又有助窗外的自然光進入餐廳，非常舒適。餐廳除了拉麵以外，提供酒類和小食。炸軟殼蟹包 $58以刈包夾住炸軟殼蟹，中間再來一個泡菜，日韓台大集合，賣相吸引。香脆炸軟殼蟹散發出陣陣泡菜香，再以刈包中和泡菜的味道，有驚喜。Sapporo draft $68炸軟殼蟹包亦是一流的佐酒小食，配上一杯Sapporo draft，非常享受。柚子鹽味拉麵 $98來到阿夫利，不得不試招牌柚子雞湯製作的拉麵。麵湯全無添加劑及人造香料，食得放心。鮮甜雞湯，搭上清香的柚子，入口味道清新而不膩。配上肥瘦均勻的叉燒，溏心蛋，在清怡之中加上點綴。辛露沾麵 $108喜歡吃濃味沾絕對是你杯茶。沾麵湯賣相絕對令你有川辣的感覺。入口味道濃厚，帶小辣，加上麵的掛湯能力不俗，選擇冷的麵更富口感。如果覺得傳統拉麵吃到膩，不妨試試 Afuri 的柚子雞湯拉麵。

Afuri這個品牌，第一次認識應該是在東京原宿，經過兩次也過門不入，唔係時間唔啱，就因為太飽，兩次都叫我遺憾，想試試那柚子之味。知道呢個品牌係香港落戶都一段時間，本身都一直期待想喺香港食下，但係就係冇一個咁嘅機會。剛剛三月在北海道的Tomamu星野，竟然會看到Afuri的出現，那個時候剛好冰天雪地，人又肚餓，本來好想食一碗拉麵保暖，但在滑雪場內，吃一碗麵又好似唔係好夠，而且那個牛扒長腳蟹自助餐實在太吸引，最後我們還是選擇了再一次放棄Afuri。似乎真係好冇緣份，回到香港又不停見到好多人都講呢間，於是返嚟香港點都要試一次，某個星期六的下午，便來了吃個tea。以拉麵店來講，呢間喺IT shop裏嘅拉麵店，好開揚，好舒適。勁闊嘅空間感，下午來嘅時候，落地玻璃叫人感受到溫暖陽光，好舒服。而且好鍾意佢餐廳嘅工整，位置又多，又有電腦俾你自己點拉麵，以香港拉麵店黎講，我覺得數一數二嘅cozy，我覺得呢度似咖啡店多啲。我們兩人一人點了一個拉麵，加一個小食，一杯飲品，食tea來講，也不算太過份吧。幾個朋友都推介過呢度嘅唐揚炸雞，熱辣辣又軟綿綿嘅炸雞，點上那沙律醬，非常好食，而且熱度十足，油份又不高，以拉

不一樣的星期五，尖沙咀的晚上，街道上比平時特別少人，限聚令及酒吧的關門，路上顯得特別冷清！相約友人在The one 見面，聽聞The One開左一間新的拉麵店，之前要排長龍！今天不知道是疫情的原因，或是拉麵的味道，不用等候就可以入座！日本的拉麵鋪通常都是自助購買拉麵，這裡亦不例外！點了店內的主打柚子鹽味拉麵，這裡出名是將柚子加入拉麵，用柚子的清新將拉麵的油膩改善，你會食出淡淡的柚子味酸酸甜甜，沒有平時濃厚的湯油膩，麵身軟硬適中，叉燒普普通通！是一碗清新特別的拉麵，可惜我喜歡傳統豬骨湯底的拉麵！

跟得鍾意食拉麵嘅人，而家唔覺唔覺都食多咗拉麵店😝 去完先知呢間店原來係東京日本人氣拉麵店嘅過江龍👀✨ 店面風格用上簡約黑白木色格調，樓底高、感覺開揚，喺拉麵店來講係真係幾舒服👍🏻柚子愛好者嘅我梗係即刻要試吓佢嘅推介 #柚子鹽味拉麵 $98🍜 用上自家製麵條，配木魚清雞湯再加入柚子，味道比較清新獨特🙌🏻 半熟蛋呈流心狀態💯 從枱上牌仔睇到拉麵當中嘅旋風紋#炙燒叉燒係用上西班牙栗飼豚肉烹調成，雖然我未去到一食就食得出西班牙豬係乜味😂，但可以話佢嘅肉雖然脂肪位多，但一啲都唔韌👍🏻 口感滿分😛柚子甘露沾麵 $108，麵條可以選擇暖或冷麵，我就揀咗冷麵，質感會比較彈牙😛 就咁望到沾麵汁已經覺得調味上好豐富，麵條掛湯力十足😍 醬油做底，混合芝麻同青蔥嘅香味，加上清新、甜甜酸酸柚子味，好岩夏天、非常開胃，同埋佢啲角煮豚肉平身已經煮到有醬油甜味，就咁食都好正😌 拉麵店嘅小食多數都離唔開唐揚炸雞同埋煎餃子，估唔到呢度有#炸軟殼蟹包 $58🤩，白雪雪有回彈力嘅包，而軟殼蟹配上酸辣嘅泡菜，加番清新青瓜中和，係有新意得來又好味嘅小食😛 今餐係柚子餐😂，所以特登叫咗#YuzuLimeade $38同#Yuz

讚1. 湯既味道的確特別，柚子香幾酸香，開胃，幾有夏天feel2. 餃子炸得幾開胃，餡料幾足彈1. 湯底係清湯風格，但的確係油，唔夠清，酸得黎唔夠清爽，叉燒太鞋口2. 果個自助買拉麵機，實在運作不良，好多人都揀左好耐都揀唔到

由日本黎既Afuri,一直想試好耐終於試到喇🤩本身對柚子唔算話特別喜愛,都有諗過柚子拉麵既味道究竟係點呢🤔點知原來係好好味😍果然無失望😆柚子味唔算好重,唔會蓋過個鹽味,但會滲透陣陣柚子味,好清新,同佢個木魚雞清湯好夾😋半熟蛋同叉燒都好好味👍🏻麵質都好好,唔會太軟又唔會太硬另外叫左個煎餃子,好得意佢係整到有塊野響上面咁,都係食得既,味道唔錯,不過有啲細隻落單係要自己出去用自助機落單,唔收現金的~下次想試埋佢個炸軟殼蟹包🦀都好吸引🤩