鏞記酒家

營業中

休息中

相信港島人夜晚間唔中都會去鏞記食個便飯！其實鏞記都有家常菜架！一份例牌燒鵝，加兩個小菜都非常滋味！上次就叫左蒸肉餅同西蘭花！肉餅內有馬蹄同吊片作為配料，馬蹄富有口感，吊片帶出海鮮鹹香鮮味，肉餅肥瘦均勻，送飯一流！西蘭花都系爽身飽滿，冬菇要讚下！睇得出有經過精心挑選，隻隻都大同厚身，咬落去好似食緊肉咁，冬菇味都好足！所以去鏞記食飯唔一定要大時大節慶祝，家常便飯都非常ok！

父親節前問爸爸話想食燒鵝，就當然即刻book鏞記啦，爸爸總結食得非常開心！我總結系食咁多次都仲系有驚喜！前菜叫左個滷水清爽大尾魷，滷水味道岩岩好，唔會過鹹，仲要有香料味。魷魚就爽同彈牙，食到魷魚鮮味，大塊兼數量足，非常推薦！另外仲叫左份乳豬，非常驚豔！乳豬皮非常脆，卡卡聲，豬肉唔臊仲要有肉嫩有汁，乳豬醬都同唔會過甜，作為點綴恰到好處！燒鵝就一如以往咁皮香肉嫩！員工都好好服務，仲有同我爸爸講父親節快樂，非常有心！呢個父親節晚餐食得非常開心滿足！

端午節嚟鏞記食燒鵝，一上台香味已經撲鼻而來，馬上已經將我哋吸引住啦，每一舊燒鵝都係鮮嫩多汁，火候恰到好處，夾雜住迷人嘅炭燒味道，醬汁同鵝肉完美配搭，底下仲墊住啲蜜豆。除咗燒鵝之外，服務都好貼心，基本落單時好快就可以答到你想食乜。

端午節，鏞記推出了「至尊燒鵝裹蒸糭」，售價要$298 一隻起（買6仔以上），好似買6隻有1隻鹼水糭送。屋企人買了，分了一隻給我。包裝很好，真空包裝，另外獨立有冰袋。Size 唔細，不過裹蒸糭嚟講又唔算好大，底部大約係女仔手板咁大，不過好厚，當應節小食的話，足夠兩個人食。調味唔錯，最揼本係裏面有一粒大乾瑤柱，另外有兩塊燒鵝皮，冇錯，是皮，不是兩件燒鵝。另外有鹹蛋黃，肥豬肉同埋蓮子，仲有一粒栗子。好食嘅，不過二百幾蚊足夠出去食餐飯，最值錢就得粒乾瑤柱，叫得至尊燒鵝裹蒸糭，好心俾多兩件燒鵝，唔好得層皮，我自己覺得最多值$80。

傳說中的鏞記，誰不知只得一個字「貴」。燒鵝的皮不脆，鵝肉好韌；蘿蔔糕不熱，話煎但係冇煎，洋蔥條竟然變成主菜；雪菜沒有味，蛋撻仔不脆不熱似隔夜番叮。最特別是，我們要求一碟甜醬點蘿蔔糕，竟然四個職員討論什麼是甜醬，最後上了一碟傑撻撻的乳豬醬。甜醬完來係全店最珍貴的菜。一碟蘿蔔糕、兩粒蝦餃、一碗燒鵝瀨粉、一碗雪菜肉絲米粉，和一碟蛋撻，總共495元。我哋由山上千裡迢迢落去中環，仲搭錯車去左薄扶林，再捱住肚餓返去中環，諗住食餐好啲的安慰下個心同肚，點知結果竟然係：垃圾。

燒鵝第一啖入口已經十分震撼，皮脆肉香，一啲都唔會覺得有肥膩嘅感覺，外皮同肉質比例搭配得係恰到好處，配埋呢嘅靈魂醬汁簡直係一絕，平時食燒鵝都係搭配酸梅醬比較多，試咗鏞記獨有配醬之後，絕對有眼前一亮嘅感覺

裝修華麗，環境幽雅，用餐環境可以話係滿分，燒鵝皮脆肉嫩，多汁之餘唔會覺得肥膩，我最鐘意就係呢味咕嚕球，甜同埋酸啱啱好，好解膩，同招牌燒鵝可以話係互補，正！蟹肉涼瓜青煎蛋最啱就係送飯，江南百花明蝦卷口感特別，內藏乾坤！

講起食粵菜，鏞記我覺得絕對係選擇排名前三，招牌嘅燒鵝無論係火候同埋選料都係頂級，每一件大細都斬得好恰當，唔會有碎骨係碟，咬落滿嘴留香，回味無窮！銀芽肉絲煎脆麵係我個人比較喜歡嘅，甜品最好配搭呢個新疆和田棗茸糕！

今日在中環工作直至夜晚，該區最鐘意食嘅中式宵夜就是鏞。首先，呢度裝潢不錯，古色古鄉，格調高雅。如來食宵夜一般都坐下層。下層有個水池，一邊吃東西，一邊聽到水聲，真的很chill.食物方面，先來一客「必食」义燒。其肉質軟腍，蜜汁味香濃可口，啱食！再來一個「細蓉」，皮薄餡靚，芙蓉麵Q彈，上湯美味鮮美，大推！最後，來一碗「紅豆沙」作為宵夜的句号就最好不過，正呀！#中環宵夜#鏞記洒家#YungKeeRestaurant#义燒

難得休假同屋企人嚟鏞記飲返個靚早茶，因為怕等位所以提前一日已經book好位！當日我哋係坐二樓，燒鵝之前已經試過一次，今次就試下啲點心同埋小炒，蝦餃餡料好足，啲蝦隻隻都好夠斤兩，令我印象深刻嘅就係呢味珊瑚白玉千萬縷，聽個名就好有詩意，有啲當年射雕英雄傳嘅玉笛誰家聽落梅嘅感覺，呢度好佩服改名果位，味道同口感都好特別，大家下次去到可以試下，絕對冇介紹錯！

10分幸運、多謝首領安排可以Chok 到鏞記其中一道隱藏菜式片皮鵝、花樣中年青頭嘗試片皮鵝的體驗震驚味蕾，事後真係想叫湯經理封返封老毛俾我(笑）嗰種鵝脂同片皮鴨係兩種不同油份，正如三文魚腩和拖羅的分別，片皮鵝用上新鮮鵝、特別香、肉嫩、加上鵝脂、 甜醬大蔥以及嬤嬤皮，真係好正片皮鵝二道為大豆芽炒鵝鬆、呢個絕對是師傅考牌之作，大豆芽容易出水，但師傅炒到10分乾身、再加上爽脆的生菜包真是令人食指大動可以媲美以前生記的生菜包乳鴿鬆。正常要叫一份一品鵝煲才能品嚐到我最愛的鏞記鵝紅及鵝腸，但鑒於五個勇士的關係、KO 是不可能的、為咗達到Adidas 的 Nothing is Impossible 的 Slogan , 竟然可以特別安排到一煲淨鵝紅及鵝腸煲、首領的面子絕對是天花板級數、可以媲美聖鬥士星矢入面的「沙加」 - 一位最接近神的男人「笑」再來一度炆野生油𩺬，零泥味帶些微甘、入味得很、正開開心心又一晚，一樂也

脆銀魚蝦醬吊片，呢道菜真係好好送飯，鏞記嘅蝦醬應該係自己特製，冇出邊果啲蝦醬咁大腥味，因為果陣味唔係個個頂得順，魚肉爽脆，口感同味道都係一絕！咖喱野菌豆腐煲，咖喱偏甜，因為點菜前部長有問我哋食唔食得辣，所以特別吩咐要少辣！金黃粟米滑斑球，同另外一到魚完全兩種體驗，斑球同醬汁完美融入，大大舊好滿足！田雞兩食，任君選擇，個人就鐘意鹽燒多啲！

眾所周知，鏞記一直都係以燒鵝聞名天下，燒鵝作為佢哋嘅招牌菜，出品一直都好穩定嘅，個人感覺除咗貴咗啲之外就真係搵唔到缺點，但係今次俾我發現佢哋嘅濕炒河粉都係唔錯嘅，大家可以試下！

曾經為燒鵝一哥嘅鏞記，已經淪為遊客樂園，燒鵝和叉燒水準不再，服務相當麻麻，連最基本嘅茶都沖唔好。當然，有些點心仍然是相當不錯，例如銀絲雙蝦脆春卷、黑鬃鵝絲焗酥盒，都是頂級。反而相當不便宜的蝦餃和燒賣則很普通。想起當年在VIP房吃的驚艷菜式、頂級紅酒，真的是差天共地。

這家燒鴨餐廳真是太正了！他們的燒鴨皮脆肉嫩，味道濃郁。其他的菜品也一樣美味。服務一流，價格稍高但物超所值，絕對是享受高級中餐的好去處。如果對吃燒鴨有些要求的話，不妨來試試！