鏞記酒家

營業中

休息中

肥到不行的燒鵝，咬下去就覺得，鵝肉也太肥美了吧！沒吃過這麼肥美的鵝肉，一般對鵝肉的印象是稍微偏硬的，但這個口感卻很軟，口感好不說，味道更是一絕。鏞記燒鵝的烤乳豬也是好厚一塊，皮烤的超級脆，原汁原味。

公司年尾飯聚，老細俾錢當然可以食豪啲，大家投票揀左鏞記。正宗炭燒黑鬃鵝皮脆肉嫩，蠔汁花膠鵝掌皇火候足，玉簪玻璃明蝦球同銀杏翠綠炒花膠都做得幾精緻。湯水揀咗生磨杏汁潤肺湯啱晒呢個天氣，最後食埋個生磨綿滑芝麻糊收尾，甜品做得就不過不失，正常水準。book咗間房，環境舒服企理，夠闊落。侍應經驗豐富，上菜時間掌握得好。開瓶費$300，有需要可以自己帶紅酒。值得推介：正宗炭燒黑鬃鵝銀杏翠綠炒花膠生磨杏汁潤肺湯

*美人肉卷抱珠簾：平平無奇，食完冇乜印象*「美人肉卷抱珠簾」聽落個名好似好高級，但上枱之後發現其實只係一卷豬肉包住火腿同蘆筍，底下仲加咗少少花生醬。豬肉外層炸得脆，但味道同火腿幾乎冇分別，兩種豬肉加埋只係重複咗一樣嘢，冇食到咩新意。至於蘆筍，只係加咗啲爽口感，味道一樣唔突出。最奇怪係花生醬，嗅下仲以為幾特別，但入口根本冇乜存在感，唔夠突出去平衡成道菜嘅味道。整體食完冇驚喜，講真，叫同唔叫其實都冇分別。.*燒鵝：秘製醬汁蓋過燒味，肉質靭難入口*作為鏞記的招牌之一，燒鵝理應係亮點，而且燒鵝皮本來應該係最吸引人的部分。不過最難明嘅係，佢燒鵝一上枱就淋上秘製醬汁，搞到皮變得軟塌，完全失去了應有的酥脆口感。醬汁雖然被標榜為秘製，但味道過鹹，喧賓奪主，蓋過了燒鵝本身應有的香味。鵝肉本身肉質偏靭，幾塊比較厚的部位難咬得開，食落有啲費力，搞到我對住客食都略感尷尬。整體來講，燒鵝既無脆皮，又欠嫩滑，遠遠未達到一間老字號應有的水準。.*白切雞：冇乜雞味，只有幾件雞髀算過得去*白切雞冇咩技術可言，依賴嘅只係隻雞本身嘅質素，但呢碟雞睇嚟連基本味道都做唔到。雞肉普遍鞋口，好似煮得過熟，但其實可能根本係隻雞唔夠靚

對呢個酸姜皮蛋真係印象深刻，估唔到姜同埋皮蛋係可以咁搭配，口感豐富，酸甜嘅汁同層次豐富嘅皮蛋混合，嘅開胃又有驚喜，唔錯唔錯！招牌飛天燒鵝，外皮色澤金黃，內裡肉質鮮嫩多汁，充滿碳火同埋鵝油香，每一啖都係對味蕾嘅極致寵溺

芹菜牛肉丸口感豐富鮮美，炸春卷外熟裡嫩，菠蘿咕嚕肉全場最大驚喜，真係超鐘意！炒牛河好夠鑊氣，好地道，壓軸嘅當然係燒鵝啦，因為真係冇得彈，作為燒鵝愛好者可以話係直接打滿分.

從小就來這間老字號吃飯，今次相隔很久再次光臨，心中有數是貴的，叫個例牌燒鵝，燒鵝皮不脆，肉韌一個致命點 （我都經常到國內品嚐有口感嘅鵝鴨雞，所以才感到什麼叫韌什麼叫口感），沒有在堂食的感覺，此外買回家吃的溫度，所以感到失望。跟住叫咗個頭抽炒斑球，魚肉很鮮味，做得不錯，只是份量少了一點。反而最出色就係個甜品，叫咗個熱嘅荔芋西米露，很出色，員工態度非常好，有禮貌，但主體食品不理想，尤其出名嘅燒鵝，有改善嘅空間。

燒鹅嘅皮燒得比较脆，皮下面系一层非常多汁嘅油脂，再下面就系鮮嫩多汁嘅鹅肉啦，呢層油脂真系冇得頂，燒出嚟之後嘅層次仲係非常分明，油脂保留嘅程度都係啱啱好，淋嘅麻醬亦都為燒鵝增返些少甜香

環境：就係繁華嘅中環，交通便利，出咗地鐵行幾百米就到口味：我個人認為係粵菜嘅天花板，燒鵝係招牌菜，基本每圍檯都係必點，蘸料應該係用花生醬，同其他餐廳嘅燒鵝汁有啲唔同。東星斑夠生猛，蒸得啱啱好唔會過咗火候，咕嚕肉肥瘦適中，味道都好好性價比：除咗貴，冇其他毛病

由新升職女經理介紹茄汁九節蝦🦐但係要收$540/4隻，有介紹當然要試吓⋯⋯中伏😨⋯⋯連加一要$600😝但貨不對辦啊⋯⋯懷疑係雪藏蝦因唔爽口彈牙，新鮮又使乜要茄汁呢？最重要唔係九節蝦，連蝦頭只有大約6吋長只有4隻，咁$150隻咁嘅貨色😰！味道可以，以後都係叫餐牌上有的比較穩陣🫢

口味：主要係想食燒鵝，果然冇令我失望，皮脆肉香，作為招牌菜肯定係無可挑剔環境：裝修風格係比較傳統嘅港式風格，有房間，不過我哋人少就坐散台服務：基本都係話頭醒尾，都幾周到

開頭以為好似鏞記呢啲咁嘅高檔粵菜餐廳分量應該會幾的適，完全錯晒,分量比我想象中多好多，我哋两個人先點咗3個餸已經食唔晒，真係食到超飽，其實我哋應該齋點燒鵝加個青菜已經係完全夠食，服務態度真係一流，推薦燒鵝同埋乳鴿

週末同屋企人嚟到鏞記食飯，燒鵝咁啱已經賣晒，有啲可惜，好彩其他菜式都唔输蚀！脆皮三絲炸春卷外脆内嫩，入口层次好丰富，卜卜脆嘅外皮好香口，唔会觉得油腻。秘製咖喱牛崧飯，味道啱啱好，甜辣分明。洛神花山楂骨腩，酸酸甜甜好开胃，芝麻西檸煎軟雞，超好送飯。點心我個人比較鐘意蛋撻多啲，食得出係新鮮出爐。

價錢講真真係唔算平，不過確實係好食，物有所值！最有特色嘅係燒鵝上台之後淋嘅花生醬，食到最後口味就有咗層次感，冇咁膩滯。另外單點嘅黑椒蝦都好好味，又大隻又新鮮，蝦肉彈牙得嚟又夠實淨

Although the restaurant is famous for its roast goose, we almost never eat roast goose here. Instead, we normally ask the waiters to recommend seasonal dishes which are normally very fresh and tasty. Dim sum here is also very good and the tea like Pu Erh very refreshing.

同朋友約咗係中環shopping，食晏我哋選擇咗鏞記呢間以傳統粵菜聞名嘅餐廳。珊瑚白玉千萬縷，呢道菜淨係個菜名已經十分有意境，口感層次豐富，勾芡得嚟唔會覺得滑潺潺咁，好好送飯，XO 醬帶子粒煎蛋好夠鑊氣，咬落去帶子粒粒分明，煎蛋嘅香氣有啲以前細個開飯果時嘅回憶，養生黑醋鮮斑腩醬汁配搭啱啱好，好開胃！