鏞記酒家

營業中

休息中

呢間餐廳係我十幾年前，返工返中環嘅時候，老闆最喜歡買畀我哋食嘅燒鵝，其實最主要係個燒鵝汁好好味。而我就係因為個燒鵝，去咗嗰度食飯，又愛上咗佢嘅揚州炒飯。因為佢係粒粒分明，每粒飯都係有蛋液包住，好夠鑊氣，好足料，超like。之後冇返工返中環呢，就好少去食，不過每次有外國嘅親戚嚟香港玩，我都會帶佢嚟呢度，因為佢好多香港嘅特色菜，環境又舒適，又有香港酒家情懷。尤其是有一個禮雲子蒸蛋白，我喺香港真係只有喺呢度能夠食到，我覺得好特色好特別。另外佢仲有啲手工菜，要預早過數預訂，我都好歡喜，反正係有老香港特色嘅酒家，我都比較推薦呢一間，請人食飯唔失禮，自己又食得開心