鏞記酒家

營業中

休息中

鏞記屹立係中環超過八十年，主打粵菜，注重食物既原味同烹調技巧，以燒鵝最廣為人知。通常都黎呢度食晚飯，貪佢水準穩定，選料用心，價錢合理！🪿正宗炭燒黑鬃鵝餐廳用上頂級廣東黑鬃鵝，以獨家秘方醃製後炭燒，之後運到香港，每日都新鮮製作，售完即止🫣一上檯就淋上熱辣辣既燒鵝汁，皮脆肉嫩，皮下仲有一層油脂，最厲害係做到油而不膩，再點埋酸梅汁，齒頰留香。🐖鮮摘鳳梨咕嚕肉咕嚕肉粉漿薄身，酸甜平衡。豬肉入口無臭豬味🐽，肉質香嫩又唔油膩，搭配洋蔥，新鮮菠蘿同一堆三色椒，色彩鮮艷，胃口都大增！🐟碧綠油泡生斑球斑球肉質鮮美，色澤迷人，魚味經過爆香後更突出😉！伴碟既百合同西芹一啲都唔馬虎，兩者都好清脆爽口，點鮮蠔油後提升左斑球既風味！🦑避風塘揀手吊片吊片係曬乾既魷魚，用比土魷更細隻既魷魚，通常曬至半乾濕，保留其口感同香氣！火喉控制得岩岩好，有嚼勁得黎又唔會好似嚼橡筋咁咬唔開，吊片味香濃，碟上不沾油，再加上椒鹽同辣椒碎，更加之惹味同香噴噴。🤭🥬香心菜蒸嫩菜遠香心菜姐係梅菜，梅菜先洗乾淨再用豉油同砂糖先炒，炒之後拎去蒸就會變成甜梅菜。平均鋪係菜芯上一齊蒸，令菜芯清中帶甜，送飯一流。🍚鮮蝦仁揚州炒飯蝦仁好飽滿又鮮甜，口質

今日係中環買到心頭好，跟住去咗鏞記晚飯。中午已經和朋友在此吃午餐。晚上點了魚湯浸時蔬、杏汁豬肺湯及洛神花排骨仲有紅豆沙，真是幸福的Friday night. 跟住去咗Solo 飲返杯啤酒。

燒鵝同埋八寶冬瓜盅好好味，有機會下次嚟都想繼續試。鹽水乳鴿都唔錯，我個人認為驚喜程度大過招牌燒鵝，都係值得一試嘅。可能晚市比較多人，服務有些少跟唔上。上菜速度都算快，就係最尾甜品果part耐咗少少。

親戚多年前食過鏞記，所以提出再來，但冇諗過這間所謂老字號是如此的劣質...- 食物貴質素差·叉燒似茶記質素 瘦得黎唔入味·蒜蓉炒西蘭花直頭冇蒜蓉味 同清炒一樣 (呢碟菜仲有一個小插曲，詳細睇下面...)·燒鵝雖然是鎮店之寶 但燒得一般 肥肉唔多 而且上菜時已經唔暖 失望·東星斑600g賣$2,680 雖然唔腥 但沒有鮮味 這個價錢絕對不值·皮蛋係好味 但冇理由為前菜而黎- 服務唔合格 ·人未齊腳 所以我們遲了點落單 並吩咐樓面東星斑盡量後上 費事放得耐變腥 豈不知人未到 魚最先到... 齊人後 上菜時間亦都非常慢·上西蘭花時 隔離枱叫左清炒 而我們叫左蒜蓉 所以傳菜唔小心放錯枱我們已經隨即發現錯誤 同傳菜反映 此時隔離枱已經夾起一兩件... 但傳菜竟然直接對調兩碟菜 放彼此既檯面 當冇事發生 傳菜更揚言「未食過/未掂過冇事」...之後經理有換給我們 但再上既菜已經係唔熱 懷疑連再炒一下都冇...

通常去鏞記食晚餐居多，今次就試下晏晝食飯，點心種類唔算多，不過貴精不貴多，相信樣樣都有一定既質素。原來鏞記既點心全日都會供應，夜晚都可以飲杯靚茶，嘆下一盅兩件！😉🥢蜂巢鬆化炸芋角不嬲都唔好炸野，但呢個芋角炸得金黃酥脆，都忍唔住食曬一舊。芋頭味好濃，一啲油溢味都無，面頭炸到好似蜂巢咁亂中有序，裡面就係綿綿既芋頭！☺️🥢咖喱荔芋金錢肚芋頭蒸得綿密，入口即化，金錢肚都洗得好乾淨，無牛騷味，經過長時間既醃製，每舊牛肚都被咖喱醬包住。咖喱醬絕非一般貨色，香料味突出，辣中帶甜，好食😍🐥四寶淮山鮮雞紮四寶姐係新鮮雞件，魚肚，豬肚同冬菇，再用淮山條紮住佢哋🫔！雞肉滑嫩，不過有骨，要小心食。餐廳選用真既魚肚，蒸至入味。每樣食材都係真材實料🫶🏻，食得出原汁原味！🐖炭燒蔥油叉燒包賣相雖然唔係好靚仔，但味道搭夠🥰！叉燒醬甜而不膩，肥瘦適中，蔥油中和左口腔既甜度，高水準之作。🫶🏻🐄陳皮淮山牛肉球一上檯就傳黎陣陣陳皮甘香味，牛肉球充滿肉味，用上新鮮既牛肉，爽脆既淮山增加左口感，減輕肉肉帶黎既負擔。😋🥢XO醬臘味蘿蔔糕蘿蔔糕好足料，有臘肉，冬茹，乾瑤柱同蘿蔔絲。用XO醬炒好惹味，連埋洋蔥絲同翠綠既青蔥一齊炒，滋味爆燈

數年前完成裝修後未曾再訪，裝修後的鏞記每層各有主題。被安排在一樓的小菜廳用膳，跟據官方資料小菜廳的裝修以電影「花樣年華」為參考。雖然酒家經過大裝修，但地下的王羲之像及鵝池還是保留了👍🏻。太長時間沒有在此用餐，因此也參考了其他食客的意見才下單。店家只供應幾款點心，主要提供小菜。皮蛋溏心，酸薑也嫩口，不過皮蛋及酸薑都應該不是自家製做，況且坊間美味的皮蛋及酸薑也不難找，出品難度不高。紥蹄內捲著海量的蝦籽，蝦籽的獨有香味十足，紥蹄切得薄薄的，適合慢慢嘴嚼。很難得仍然有筍尖粒作食材的蝦餃，筍粒亦清香，好評。雞是兩大塊片開的雞肉，雖然是雞胸肉但不嚡口，魚肚亦夠厚及完整，沒有濃稠的芡汁加持，反覺得清爽。燒鵝上枱，職員即時從暖壺中倒出鵝汁，為菜式加添了一點儀式感。燒鵝是溫熱的，像是新鮮燒制，但鵝皮卻不脆，然而鵝肉不柴和很香甜，不知是否此店的特色。久缺一點綠色菜蔬的襯托，賣相比較寡淡，入口先嚐到的是帶酸味的柚皮，一般而言應該是處理不佳才產生酸味，但不知為何？竟然覺得很可口。荷葉飯的飯粒很分明，不是一般吸飽醬汁的版本，適合不愛重口味的食客。份量不大，大概只夠2-3人分享。碗豆糕是傳統馬豆糕的變奏版本。碗豆

專程帶媽咪嚟食燒鵝一入到去店員態度勁差就咁叫我哋坐入口嗰層我主動要求上樓上座佢哋好似萬分唔情願咁叫咗個例牌燒鵝上菜嘅時候唔係熱嘅食落好鞋口媽咪話真係大退步失望！

朋友推薦嘅老字號，嚟呢度的確可以食到好多傳統手工菜同埋果種搵唔返嘅感覺。前菜酸姜皮蛋令我諗返起兒時的味道，酸姜真係一定要夾皮蛋，入口酸甜美味，冇得頂！招牌燒鵝，成隻上台真係太震撼，配埋燒鵝汁同埋酸梅汁兩種口味都好好味！其他菜都OK，服務態度一般

眾所周知鏞記嘅燒鵝遠近馳名，所以今日專程嚟一探究竟店面夠大，冷氣充足，咁熱嘅天氣入到去好舒服，人都幾多下燒鵝淋咗花生汁，皮酥肉嫩，花生汁同埋燒鵝一齊入口好香，其他菜式都可以

鏞記酒家係老字號粵菜館，以前細個同屋企人食過，但近年已經少去，今次有親戚由外國返嚟點名想食，所以又再月BOOK位，結果又唔錯。首先係個招牌炭燒黑鬃鵝，同一樂、再興做法似乎有啲唔同，重點係佢哋特製嘅醬料，聞到已經好香，啲肉唔會柴，仲keep住啲肉汁，皮油而不膩，上枱好快被清晒！脆皮燒腩仔亦都係一絕，脆皮爆香，肥肉唔會太膩，瘦肉又唔會太乾，每一啖都好滿足。蜜汁吊燒鵝掌紮要提前預訂，用咗鵝掌包住鵝肝、叉燒、招牌鵝肝腸等材料，油陣蜜汁吊燒到外層焦香，食落豐腴有層次感！最後一道冬瓜盅好啱夏天清熱解膩，盅裡面有火腿、冬菇等配料，飲落清甜濃郁。今餐大家都好滿意，整體菜式都好有水準，值得推介！

鏞記作為燒鵝老字號，佢嘅燒鵝當然係首屈一指不遑多讓，但係鮮花都需要綠葉嚟到扶持，其他手工菜對比返完全招牌嘅飛天燒鵝係一啲都唔會輸蝕。今次我分別試咗桂花蟹肉炒津絲、蝦籽紮蹄、薑葱灼鮮牛冧肉同埋燻蹄，由上菜到埋單，基本碟碟都係干盤亦表達對美食嘅尊敬。

乳豬好香好脆，咬落唔會覺得好肥膩，口感層次好豐富，一件件斬好擺碟，每舊大細均勻，可見師傅基本刀工十足初夏五柳明蝦球，最啱餸飯，醬汁濃郁但係依然食得出鮮蝦嘅味道，俾人感覺唔會喧賓奪主叉燒肥瘦相間，外層有點脆脆哋，咬落去瞬間味覺升華，果然最簡單嘅菜式先體現到功底

每次到香港必吃鏞記，疫情三年特別想念他們家的燒鵝。味道一如記憶，流心皮蛋也保持了原有的水準，絕不會令你失望。這次要特別提到是一道味菜炒揀手吊片，淡紅色的吊片味道濃郁，香而不靭，喻起來很過癮。另外一道燻蹄(豬手)也值得一讚，這道冷盤需經過烹煮、冷藏去骨等多重功夫，皮肉肥瘦相間，味道清爽。這次晚了到店內，差點吃不到燒鵝，建議大家要來記得先打電話訂座留位，不過不知道能不能留菜。

鏞記經典的炭爐燒鵝 午餐外賣 盛惠 $80 大洋🥹🥹🥹燒鵝份足夠、味道超好食、肉質夠晒嫩滑、鵝汁鮮而不咸伴飯一流、唔會令人食一口飲一啖水既感覺不過飯量太少、只適合OL 細食人士。燒鵝皮不脆、其實食燒鵝好注重塊皮！$80 燒鵝飯 呢個價錢同食物質素 有少少不合比例

都有好耐冇嚟鏞記啦，嚟到先發覺呢度啲格局同以前有啲唔同，應該裝修過嚟，俾我耳目一新嘅感覺。燒鵝依然係靚到冇聲出，出品依然係咁穩定，對比返燒鵝其他菜式都一啲唔會輸蝕。服務還算OK，價錢就同之前嚟差唔多。食物：9分環境：8分服務：8.5分