鏞記酒家

營業中

休息中

裝潢高檔、很乾淨，服務人員的也不錯！因為喉嚨不舒服所以沒有點了燒鵝，當然其他菜品也很滿意，都是些比較傳統的粵菜，用料和做工都是十分上乘得，當晚用餐整體都是很滿意的，下次有機會一定要再來試試他們的燒鵝

朋友回港度假，想尋找童年回憶，食完變咗中年陰影。燉湯油淋淋原全無「撇」油、燒鵝嘅涷且硬、生炒骨、椒鹽鮮魷超細碟，竹笙雜菜個玻璃「獻」超杰⋯⋯職員極有禮貌都補唔到食物質素！唔怪得星期五晚市都大把枱

可能琴日真係太餓，啲餸一上台就忍唔住馬上消滅晒，連相都唔記得影，不過真係好好味。燒鵝好多汁，皮脆得嚟唔會覺得肥，肉質嫩滑，夾住啲皮一啖入口，層次分明，配返碗白飯簡直就係頂級享受，食飽嚟返碗紅豆沙做甜品，埋單走人

食物：酸姜皮蛋同埋燒鵝一定要試，好好味，仲有蒸蛋都係好高水準環境：午市基本都係座無虛席，今次就坐二樓夠靜服務：非常貼心，落單果陣會提前問我哋需唔需要戒口，斟茶換水都好及時

燒鵝的確係好食，足足三舊幾一份對比其燒臘係貴唔少，不過確實物有所值！幹炒牛河，牛肉好足分量，鑊氣夠，足見師傅功底十足點心就水準之上，服務貼心，作為老字號呢樣冇得輸

環境舒適，燈火明亮，坐得舒服！嚟鏞記當然係為燒鵝而嚟，一個例牌分量足夠3個人食，我覺得如果點半隻或者一隻肯定食唔晒，皮真係好脆好香。特別鐘意個福建炒飯，材料好豐富，口感鮮美，搭配埋個蟹肉豆腐真係好有滿足感！

中午在上環運動, 趁機溜覽區內变化, 不覺行至中環, 見到久未探店的名氣食府, 門前招牌已不復見, 換上了新門面, 決定入內一探👏内部佈置亦算舒適, 上樓樓梯原位保留, 好有回憶👍紅燒牛腩撈粗麵, 麵條有咬感, 牛腩未見太有驚喜😃正宗炭燒黑鬃鹅(例牌), 主打招牌菜式, 仍是懷念往時口味😀懷舊中式煎牛柳, 傳統造法, 味道恰當, 肉質較爽口可能感覺會更理想🤔

再次打卡鏞記，上次唔記得留食評，今次補返數先！燒鵝同埋酸姜皮蛋就一如既往咁好味，但係今次又俾發現另外一道寶藏級菜式，咕嚕蝦球，好開胃，味道濃郁，帶俾我嘅震撼絕對係其他招牌菜俾唔到嘅

嚟到中環打卡經典粵菜老字號，呢度嘅燒鵝同埋乳鴿都係招牌菜絕對要試下，炒鮮奶嘅味道都好特別。呢度飯市好爆，唔提前book嘅位基本都係冇位，作為老字號，每一道菜都係十分地道，尤其好多都係傳統嘅手工菜。呢間雖然係老店，但係環境就十分新淨，店員服務跟得好足，比較適合商務應酬飯局

💓每次吃镛记，都会有好事发生，有一次是深圳的闺蜜回去之后签了大单。还有一次是北京的闺蜜，回去之后就闪婚了。💓喜欢去镛记，是为了能深深的感受到历史的沉淀，那一件件艺术品，见证了香港80载的世事沉浮，在岁月的车轮下，愈发闪烁出古色古香的韵味。💓镛记除了传统的炭烧烧鹅之外，其他的出品也都很出彩。🐷炭烧叉烧，肥而不腻；🫁生磨杏汁白肺汤，杏仁味浓郁，相当独特；🦐青柠汁虾球，虾的个头巨大，酸酸甜甜很清爽。以上都是每次闭点，🧱墙推。💓高端粤菜餐厅🍴，服务方面也很OK，上菜的时候会告知建议搭配的蘸料or酱汁，还会主动过来询问对菜品的意见。总体OK，值得品鉴🫶#香港美食 #香港超级老字号 #吃在香港

烧鹅非常棒，肉质细腻不柴，皮酥脆不油腻，小朋友喜欢，半只不够吃。皮蛋的味道惊艳，味道非常丰富有层次，没有想到。牛肉，粉丝煲，蔬菜中规中矩食材讲究味道经典。两大两小4份菜3碗饭光盘。

分享下今次鏞記酒家嘅體驗，環境風格十分豪氣，比較帶有傳統港風，咁晒體面，門口度就係可以睇住啲師傅斬料，順便可以望下今日啲燒臘！店內位置充足，坐落好舒服！燒鵝皮脆，肉香，醬汁好特別，有少少花生醬嘅味道，擺碟十分精致！消費人均中上，整體嚟講10分可以俾返個9分！

講起食燒鵝啦喎就梗係要嚟鏞記酒家啦，作為主打燒臘嘅老字號，如果趕得切係上午11點半左右嚟到嘅話就可以食到新鮮出爐嘅靚燒鵝，絕對係頭啖湯！當然我就點咗一份下裝，講真成四舊水真係唔算平架，不過就的確好食，黑棕鵝鵝肉香味十足皮脆多汁，肥美而不油膩，梅子醬同黃豆嘅配搭可以話係錦上添花嘅配搭！

一入到門口就有店員問我需唔需要BB櫈，仲係咁同啲小朋友打招呼玩耍，呢方面真係令我覺得唔錯，作為父母嘅我哋倍感親切同溫暖，俾個like你哋！燒鵝嘅外皮紅卜卜，皮脆甘香，睇得出落咗唔少功夫，一啖咬落去滿口肉汁滲出，口感好豐富；酸姜皮蛋酸滑爽口，好食得嚟唔會覺得滯；白肺湯好有特色，好滋潤

非常好味，當然啦價錢都亦都唔便宜。每樣菜式同埋服務都絕對係頂級嘅，話晒都係米芝蓮餐廳，可以話係慕名而來，滿意而歸。點心精緻得嚟又好味，叉燒嘅肥瘦完全可以根據自己嘅喜好嚟點。燒鵝簡直係冇得彈，鵝皮酥脆，鵝肉夠香。蟹肉炒麵料好足，夠鑊氣