鏞記酒家

營業中

休息中

帶上海嘅客人嚟食飯，都係揀呢度最穩陣。大家都係食肉獸，叫咗個黑椒香草牛柳粒夠惹味，懷舊中式煎牛柳都唔錯，牛肉軟腍嫩滑，口味酸甜開胃。仲試埋個荔茸香酥玉帶子，外層香酥，蓉滑而唔漏，帶子新鮮，個客最鍾意係呢道，話未試過咁嘅做法。食埋個黃金奶皇煎堆仔，成餐好滿足。啲侍應見生面口都會主動介紹，講解都好詳細。今次揀咗二樓樓梯附近有十八定十二羅漢個位，環境舒服啲，啱傾生意。最後啲客仲要求買佢哋個XO醬番上海。