錦麗 (創紀之城五期(apm))

營業中

休息中

第一次看到有某blog 介紹的時候已經默默地記住，一定要試試這間第一越南粉 - 錦麗約好男朋友星期一待我放工後一起吃越南粉😋想當然是要排隊等位的，輪侯時間並不長，可以接受的(男朋友是個超級超級不喜歡排隊的人呀！！)我們2人跟前面同樣是2人的食客共用4人枱點菜紙很簡單的👇🏼我們點了一碗錦麗綜合粉和一碗錦麗生熟牛肉粉，還有一客法式牛油雞翼👇🏼牛肉味很濃，湯頭也很好推介他們的牛丸 (綜合粉已有牛丸了) 很好吃! 每位客人都有一客芽菜，九層塔等香料放在桌上而指天椒也有一罐放在桌上隨客人自己使用🔺錦麗的指天椒是辣的！！ 牛油雞翼有蒜香味，炸得香脆的唯獨未夠入味服務方面，可能人手不足又可能是新開業服務不是十分好好的，因為我們是拼枱，服務員只送食物上來又不說明食物是那款，有點不足呀，要改善的！！整體價錢還好2人吃了，不用200元還會再吃的😋

越南有名錦麗牛肉粉，排隊吾洗5分鐘就有得食，試左綜合粉同牛油雞翼。綜合粉有生熟牛肉同牛丸，最好係牛丸同生牛肉，熟牛肉好老，個湯比較淡。牛油雞翼好脆，有蒜香牛油味，不過食落冇咩味道。總體來講冇想像甘好！

初頭見到門口都幾多人排隊，睇咗陣見到人流都好快，所以就決定等呀! 等咗大約十至十五分鐘就可以入店。Menu好簡單只有5至6款嘅牛肉河粉，小食同飲品都係4至5款。最後點咗生熟牛肉河粉。檯面有instruction教點樣食用配料落生牛肉河粉。生熟牛肉同其他越式河粉有少少唔同，比較厚身，有牛肉味，我幾鍾意，牛尾份量亦ok。order咗一杯雪梨崩大碗，味道都可以。另外，要咗個炸蝦餅，熱辣辣，明顯食到有一啲一粒粒蝦喺裏面。每個食客大約食20分鐘至半個鐘，已經完成晚餐，快。

越南過江龍，專賣牛肉湯河粉，第一次去的時候中午湯賣晒。今次五點就來排隊，勢飲頭啖湯！開左一段時間仍然好多人排隊，我就第一輪入到去，食完走果時外面仲係度排緊。香港人真係好排得。要左生熟牛肉湯河，同小食炸蝦餅。檯面已經準備好生芽菜，青檸，香草，辣椒圈等，比你落入湯河度。仲有是拉差醬，魚露，辣椒醬等等自取。牛肉湯好快上黎喇，睇落都好開胃。第一啖先飲湯！好鮮甜，熱辣辣！忍唔住一直飲。牛肉兩種，一個厚身，一個薄身，厚身比薄的有牛味，但小小硬，薄身的口感比較好。跟住落晒香料入湯，青檸味好清新，芽菜跟粉就好爽脆。唯一美中不足的是，粉好易斷，唔知點解。蝦餅非常好味！彈牙，香口，鮮味足。份量小覺得唔夠喉。隔離兩位叫左牛肉雞翼，都好香，但無試，留待下次喇～

係香港要搵到好食嘅越南河真係有啲難雖然自己未去過越南但因為工作關係成日去墨爾本勇記，湄江真係相當出色既然開到個排頭咁大話係最好食嘅越南河咁一定要試去到觀塘兩點，依然有10個人喺度排緊隊不過都唔使排好耐大約15分鐘到就入到去啦選擇唔多仲好，揀嘢食容易啲同男朋友一人一碗綜合本來想叫蝦餅但係賣晒所以就叫咗個米紙卷同埋牛油雞翼食河粉一定要試湯底，但係好明顯係唔夠熱嘅根本唔夠熱將啲生牛肉整熟我自己本身都鍾意食半生熟無乜所謂對於男朋友來講就真係有啲驚嚇呢樣野真係唔合格湯底味道可以，但唔夠甜芽菜金不換細細一杯對於我來講就唔夠因為正宗係好多自己加既不過問佢可以比多杯，冇問題牛肉半生熟味都唔錯其實最出色嘅係牛丸牛肉味香濃之外入邊仲有咬口同脂肪非常之好食米紙卷入面有粉絲青瓜蝦扎肉幾清新幾好食，蝦都幾彈牙同男朋友掛住食碗河粉雞翼放左好耐都未食以為一定凍哂啦嘩點知入邊仲係超熱外面又香牛油蒜蓉味，而且依然好脆雞翼肉汁又多又滑淨係為咗個雞翼我都會再食

E先生喜歡越南粉，於是趁著錦麗新張不久的一個周末，一行三人來到APM嚐嚐。 我們在上午十一時半左右到達，在門外排隊輪候了十五分鐘就能入座，還不算太久。 越南滴漏咖啡 $25滴漏咖啡味道濃郁而甘香，混合煉奶後，入口是咖啡的微苦帶甘，及後就是混合煉奶後的香甜味道，還不錯。 大蝦扎肉米紙卷 (2件) $38質地乾身，包得結實，醮上醬汁，吃來清爽可口。 錦麗綜合粉 $58 錦麗綜合粉有生牛肉、熟牛肉及牛丸。湯粉上得非常快，可惜粉結成—團，明顯是預先煮好放在碗中，加上熱湯就上檯奉客。湯頭味道香甜濃郁，牛丸爽口彈牙，只是生熟牛肉都切得有點厚，吃來不夠腍嫩。 整體味道尚算可以，但在其他各方面仍有很大的改善空間。

系網上見到呢間越南粉寫到好似好出名，就過來朝聖下，錦麗綜合粉內有生牛肉，熟中肉和牛肉丸，牛肉丸爽口彈牙，湯底好清淡的牛肉味👍蝦餅炸到金黃色香脆爽口，大蝦扎肉米紙卷。

是日下午茶,到了APM試試新登場的錦麗! 原意是:下午茶時段應該可以減少輪候時間.早一天晚上8點打電話到錦麗,便說湯頭差不多沽清,所以得提前在較早的時期前來吃馳名河粉.最後,進店安排在4人座位的一角. 點了生熟牛肉河粉和蕙米水.先來的蕙米水,有點讓人失望了. 由於生薑下得重手,喝起來把蕙米水的清淡和飲品的甜味都趕走了,有一點不像飲品了... 也許是個人口味問題罷.最後也沒有吃畢這杯飲品. 不過,蕙米份量是足料的,可以用湯匙吃個夠!過了約十分鐘, 馳名的生熟牛肉河粉 ($56) 便上桌了！ 細心的地方是湯碗也是夠熱的,估計是輕輕用熱水燙過,讓牛肉清湯能保有溫度. 先嚐嚐湯頭,吃了1/3, 才加入香草是牛肉河粉常見的品嚐方法.湯頭是相當濃厚的, 湯面浮上點油脂;一點也不單薄的湯頭喝起來是滿滿牛味,再來隱約一點胡椒和香料味道,若隱若現. 胡椒的份量下得少但充足,所以滲一種辛勁惹味在裡頭. 而且,湯中有洋蔥,喝起來也是有一份清甜的. 在這裡,我已經覺得這裡的湯頭是超水準的,不是在一般的店可喝得到的. 喝著喝著,口腔酸性加重--這是喝得多牛骨煲制的湯頭的正常反應! 可見.店家是真材實料去熬煮湯頭

越式湯河經常是我午餐之選，在網誌上知道apm開了一間越南過江龍，午飯時間過來一試。這裡是採排隊制，12時左右到已有大概十多人在排，大概排左十多分鐘就有位，比預期快。餐牌很簡單只有幾個選擇，我揀了錦麗牛丸河。牛丸5大粒有牛味好彈牙，河粉很滑，份量都算多，牛丸同河粉比其他越南店做得出色。至於湯底味道是很香很純的淡淡牛肉味，比起外面其他店應該算是味道淡，如你喜歡濃濃重口味牛肉湯底的話這不是你那杯茶! 個人卻覺得濃淡各有特色，一試無妨。

話說前排已經係Facebook 見到朋友大讚哩間餐廳由於自己好愛食牛肉湯河今日有時間就走咗去試下見d人讚不絕口話由車仔檔起家家族式經營做到現在三家分店《華爾街日報》仲讚係「胡志明市最好吃牛肉粉」蔡瀾都係佢嘅捧場客！已經對佢好大期望不出我所料多人到喊8點左右去到門口見到大約有好多人排緊隊龍尾去到𨋢口位不過為咗食點都要排下嘅排咗15分鐘左右已經入得去雖然位就少d不過勝在環境佈置得幾好同埋都幾闊落食品選擇唔多不過都ok啦 牛肉河已經夠做但係落單得一張紙 如果可以一人一張就仲好唔洗下下送嘢食埋黎都問邊位嘅我就叫咗個生牛肉河一送到上枱就跟住店內嘅提示飲咗啖湯先一飲嘩 不得了濃郁但係唔油膩嘅湯底平時習慣食湯河要落魚露嘅我終於搵到一間唔洗落已經夠味跟住就將d香葉撕開 放入湯入面加埋青檸九層塔嘅香味青檸嘅清香加上濃郁嘅牛骨湯我諗係我近年來食越南河食得最滿足嘅一次我最後係連食完粉之後剩低嘅湯都唔放過飲哂！總括而言值得一試

那次在instagram看到朋友說為了去吃這碗河粉足足排了2個小時的隊…這種經常出現在香港地區的現象我可是一次都沒有參與過，為什麼要排2個小時去吃個河粉呢？到底需要有多好吃才會有人這樣子去追棒？真是百思不得其解。剛好這天去接大少下班，而這個大男人說了好幾天想吃生牛肉河也未能吃到，我就提議不如去試試看吧。去到的時候隊已經在門口繞了好幾個彎，還延伸到左手邊的電梯口，但其實我們也只不過等了約15分鐘左右就有座位了。那天需要等2小時的場面是有多震撼呀？店員會為每位客人提供一個香料生芽菜杯，實際要如何食用是沒有說明的。餐牌就是一張簡單的點菜紙，粉也就只有河粉提供，不過我們是專門來吃生牛肉河粉的所以沒有選擇也無所謂。飲品我們點了一杯青檸薄荷梳打和一杯雪梨崩大碗。梳打是酸酸甜甜的好清新，薄荷味不太重，插著支香茅好有趣，崩大碗就比較甜，但加入了雪梨的味道後整體不算很「青」。如果怕「青」的，還是喝那招牌越南滴漏咖啡好了。桌上的架子放著各種不同的調味料。我跟大少都是點了生熟牛肉粉。那應該是兩個不一樣的牛肉部位，牛味都很重。熟牛肉不錯吃但質地是全瘦的那種，大小姐吃了一塊以後就全部給了大少，生牛肉會被熱湯淥熟

聲稱係越南市最好食既牛肉粉，冒名去試，5點幾去已經要排隊，等左約半個鐘，d河粉黏埋一舊，湯底清但唔太入味，加左配料入去唔覺得有畫龍點晴既感覺，芽菜浸唔熟生生哋，熟牛肉就一般.蒜蓉牛油雞翼夠大隻炸得亦算香口，牛油味都足夠，放涼左d牛油就變左一pat pat.整體嚟講，名過於實，唔值得排一個鐘或以上.

本地高質越南河不多，近年試過而記住的有Brass Spoon，湯底清澈牛味濃，惟價錢不低，一碗近百，非庶民美食。反而今次這間被越南過江龍「錦麗」，大堆頭招牌作錦麗綜合粉，$58有齊牛丸及生熟牛肉，前者爽彈，後者牛肉鮮嫩，牛肉湯底也高質，入口味甜富肉，與Brass Spoon相比又是另一種美味。小食較特別的有這款小米糕。以小湯匙為容器，將米漿蒸成糕，上面鋪上肉鬆、蔥花、花生碎等，再蘸魚露吃，開胃惹味。得知錦麗由太興集團引入，慶幸自己能趕及新開業時試過，記住此刻的好。歷史可鑑，集團式經營下，像一風堂、麵屋武藏等日本人氣拉麵，攻港後最終亦無可避免步入味千之舊路。相信這次錦麗亦難以幸免，還是趁未變質先嘗一次真味，免得後悔。

可能是星期五的關係，超多人排隊，未夠19:30已無炸蝦餅賣了。1. 熟牛肉河粉 $54 ~ 牛肉比較厚切，而且很軟腍。2. 牛丸河粉 $54 ~ 牛丸好大粒，食落特別有嚼勁。3. 生牛肉河粉 $56 ~ 湯底清甜內斂，所以飲多咗，但之後整晚都好口渴。4. 大蝦扎肉米紙卷 $28 ~ 其實無咩味道，可能扎肉太少，食不出味道來。5. 法式牛油雞翼 $32 ~ 落order後要久等的。上枱後傳來陣陣蒜香味，雞翼皮又脆卜卜，好正。6. 雪梨崩大碗 $22 ~ 清清涼涼的，感覺很舒服。

Pho Le states that they are from Vietnam. Ho Chi Minh City to  be exact. Curious, boyfriend and I decided to give it a try. As you know, I love that simple bowl call pho. So if this place says they are a branch from Vietnam and they specialize in one thing and one thing only: pho. It must be good, right?Located inside APM shopping mall, it was a bit cramped. There were tables but there was also a long communal table that was allocated like a ramen bar.Menu was in the form of a check off list. It