錦麗 (創紀之城五期(apm))

營業中

休息中

早幾年同朋友去越南玩，食左當地的牛肉河真的唔錯，至今仲記得獨特的味道。今日同朋友行街到APM 4樓，好長的人龍，仲以為有咩好也促銷，點知一睇原來是錦麗來左香港。好意外啊，越南的錦麗真的來左香港香港就是甘拉，有好也一定大排長龍，我地都唔執輸，就排隊去試試！ 湯底唔錯濃香的牛味而不油，生熟牛肉口感好好！配菜方面雖沒越南的甘多，但是夠精致，系香港食到甘的水準真的可以用一流形容。至少是食到越南當年的味道，值得推薦！另外值得一贊的就是杯滴漏咖啡，香中帶甘，一小啖飲系口中慢慢吞下，咖啡的甘香系口中回旋，真的唔錯！越南咖啡加地道口味的生熟牛肉河，系香港可以品嘗到，真的值得一贊！錦麗，我推薦。大家一定要黎試試！

上年去胡志明市食過錦麗之後我確信佢係我成世人食過最好食嘅牛肉粉，一直話如果香港都可以開一間錦麗就好，結果依家夢想成真就緊係即刻仆去。坐低見到一個玻璃杯裝住幾條芽菜、一塊九層塔、一塊菜、一舊青檸同埋一細粒辣椒，我已經心知不妙，到碗生熟牛肉粉黎到，見到湯底清到似水，我就收埋左部電話相都唔想影了。越南錦麗係一大盤配菜一大碟青紅辣椒擺喺度，辣椒好辣好辣，芽菜好清新，湯底好濃郁好有層次，加埋好香嘅洋蔥，嗰個味道無論過左幾耐我都仲係記得好清楚。 至於香港錦麗，牛肉質感還好，但係湯底好淡，啲河粉亦好爛痴埋一舊，我食完都唔知自己食左啲咩，亦唔知道佢憑咩賣哂廣告吸引人去排長龍，想問佢究竟點樣對得住慕名而來嘅食客？只能說真係好失望，明明係分店但係質素可以大相逕庭，真係枉為一間分店，亦影衰左錦麗，沒有下次。俾大家睇下胡志明市錦麗嘅牛肉粉同香港嘅有幾大分別。

半年前去完越南胡志明市，食過正宗錦麗牛肉粉之後一直想係香港搵返間正宗嘅越南餐廳，估唔到咁快錦麗就係香港開分店。但係食完之後我連相都唔想影，九層塔、芽菜、辣椒份量少得可憐，辣椒得嗰一粒仔仲要一啲辣味都冇，至於碗粉，湯底只係一碗普通嘅牛肉湯，遠遠冇越南嗰碗pho咁有層次。一句到尾，呢碗野唔係難食，但唔該唔好影衰人哋個名。我知太興你唔在乎間野會唔會臭朵，但我食完真係寫包單以後唔會再去。真失禮。附上越南胡志明市錦麗實拍，留意返人地比配菜係成盤成盤上。

生牛肉算吾錯，湯底都算係香港數一數二既好。但排隊排一個鐘為左佢，感覺未值回票價。未來如果吾洗排隊仍然會再食。炸雞翼既味道吾錯，未食既時候已經聞到好看牛酒同garlic味。但都係個句，冇話想像中甘好

最近從多方的報章中得知APM引入越南首席Pho的錦麗，而且索價似乎走平民路線。我也理所當然把握第一時機去朝聖。說起來，香港人每逢新食店開張，尤其過江龍更甚，必定一窩蜂去排大隊品嚐。有點諷刺的是，不知道是什麼時候開始，我也成為了當中的一份子。回到正題，錦麗在越南其實十分有名氣。華爾街日報，蔡瀾，葉澍堃等名人都曾經大讚其牛肉粉美味；坊間大部份人更一面倒認為它是越南首席的Pho；有人更說過：＂沒吃過錦麗，不要說去過越南＂。而也許是看中了這個商機，太興集團於今年正式在APM引入香港分店。然而始終有過江龍的糖衣加身，它仍然是有一堆人排大隊。是日星期六午市前來，人龍已經要我等上半個鐘！APM分店採取半開放式，既由太興集團引入，它也帶有近似大興的裝修風格，大吧檯更是對正門口。沒有甚麼Gimmick可言，頂多是有幾個特式的擺設而已。Menu簡潔到只有一張紙，Pho既沒有配料份量等選擇，小食更只有四款，選擇上少得可憐。而當中蝦餅和米糕是日更已經賣完，給人準備不足就草草趕開張的感覺。先來大蝦扎肉米紙卷($28)，外皮的米紙軟糯，但明顯不算薄身；當中的大蝦更是急凍大蝦，空有彈牙的肉質卻是完全淡口沒味。唯一救

我嘅第一篇食評要貢獻比呢間有名嘅餐廳...聞說錦麗係越南最好食嘅牛肉粉專門店，尋晚經過APM見到餐廳門面幾靚就試一試。晚上9:00到餐廳，排左10分鐘左右就入座。我同朋友叫左一碗錦麗綜合粉同一份大蝦扎肉米紙卷，後來店員告知小食只賣淨牛油雞翼，所以我地要牛肉粉就夠。落單時間係9:14，等到9:30一直未見有食物嚟(亦無水提供)，諗住餐廳只係開張2日可能混亂少少，就耐心等下。坐多一陣對面有對情侶坐低，叫左同一樣野，但幾分鐘後兩碗綜合粉就上枱。我問店員姐姐點解我地個碗要咁耐?可唔可以追下?個姐姐又問黑色衫嘅經理(?)追咗未，個經理先斯斯然行去個廚房度話無單喎。我地坐足半個鐘，無得到任何回應，就決定取消Order離開，經理依然是一副愛理不理，無所謂嘅態度....好可惜無食到出名嘅牛肉粉，先試左餐廳"一流"嘅服務態度。

香港地但凡商場新食店開張，例必現人龍。今日我都嚟排返陣隊，試試佢哋嘅越南生牛肉粉。生牛肉未見出色，有啲牛羶味但係牛肉味唔突出，湯底清淡，河粉中規中矩。牛丸爽彈，確係不同於急凍貨，可惜某一粒都係有啲牛羶味，牛肉味唔突出。一碗粉只搭配一杯份量極少嘅菜，而且以芽菜為主。相對於响越南大把大把任食嘅金不換，顯得小器。等咗成40分鐘先炸起嘅雞翼，望落好多蒜香牛油，但係蒜味同牛油味都好淡，咬落疑似未腌夠，雞肉冇乜味。成碟雞翼就只得「鬆脆」二字。足料唔錯，清爽涼浸浸，又唔會太甜。薑味恰到好處，冇泥味，薏米味濃郁。埋單自己拎單出去櫃面畀錢。附上餐牌方便大家參考。