錦麗 (創紀之城五期(apm))

營業中

休息中

認識我的人都知道我是一個牛肉粉迷，人生中最令我不能忘懷的牛肉粉始終是墨爾本的勇記，時至今日我仍未食過一碗比勇記更好的牛肉粉。近日越南過江龍錦麗進駐觀磄APM，既然個個食完都大讚，我實在不得不去拜會一下，星期四晚上不算多人，排隊排了10分鐘已經可以入座，餐牌上的價格親民，我點了最貴的綜合牛肉粉，只售＄58一碗。喝一口牛肉湯，湯頭夠熱，香醇幼滑，雖然不夠鮮甜，但在香港眾多越南餐廳中已經算超班，倘算合格。加入香草芽菜後，照道理會令湯頭更有層次感，奈何香草不新鮮，已經失去九層塔獨有的芳香，放在熱湯中實在食之無味，再加上辣椒不辣（無錯，食落似紅椒），無法帶出牛肉湯的層次，浪費了一個好的牛肉湯。牛丸生牛肉無驚喜，值得一提的是牛腩片， 厚度適中，尚算爽口。夾起河粉，咦？啲河粉黐埋一舊嘅... 廚師應該是為方便，預早把河粉放在湯碗備用，當有客人下單時再倒上牛肉湯，浪費了幼滑的河粉，希望日後會有所改善。最後一句，食完碗牛肉粉之後好口乾。

都係睇到朋友推介去試食，都冇朋友同埋雜誌講得咁好食，我覺得個碗麵個湯唔夠熱，碗麵嘅生牛肉係幾好味，牛丸都靚。另外飲品我order左一杯崩大碗，完全無味。只有雞翼係非常好食都值得推介👍。

湯底清、食完唔會太口渴！牛肉冧、牛丸同手打蝦丸彈牙好味！杯越南咖啡係唔夠味，下次唔會order... 唔好唸住去似老趙味道，因為兩款不一樣的湯底. 曾經住過北美嘅朋友，唔好唸，去試下啦！😉

呢間越南餐廳，據聞在當地好出名，係要試下既。上次食既時候好多人排隊，今日無咁多人再帶媽咪去食，睇下正式開幕後係咪仲保持水準先！係等位既時候，會見到一個教你點食呢碗河粉既步驟：首先要飲啖原汁原味既飲，然後就落他們另外放在一個杯子內的香藥和芽菜，連埋河粉再一齊食，味道層次會有不同的享受。<錦麗綜合粉>綜合粉內有生牛肉、熟牛肉、牛丸，記得要先試下啖湯先呀！好可惜今次再去試己經無第一次試既時候咁好，湯底既牛肉味已經無咁濃。生牛肉比熟牛肉好味，但都是沒太大驚喜。反而很喜歡牛丸，內裡有著濃味的牛肉湯汁，這個的確很好。<大蝦紮肉米紙卷>米紙很煙韌，內裡包著菜、大大的蝦、扎肉和檬粉。但扎肉少得看不到它的存在，蝦很彈牙但蝦味不夠，這個個人覺得不一定要叫。

排隊20分鐘 坐下才告訴我， 5種小食有3樣已經售清。 本來牛肉粉是主打，但可惜牛肉粉的份量太少， 不叫多幾碟小食是吃不飽的， 但是竟然5種售清了3種！只是8時！以價錢五十幾六十元一碗， 我覺得不值得。 排隊時應該在當眼地方，用牌寫上今天已售清什麼。不是要我排了那麼長隊才知道什麼售清。 畢竟菜單上的款式很少， 春卷也沒有！ 最喜愛的甜酸魚露也欠奉， 這間餐廳未免太孤寒小家。 其實出面任何一間我相信也會比它更好。 這所有名氣的越南牛河， 不是名氣我也不會嘗試 絕對沒有第2次。

近期大家熱烈討論的新店剛好就在公司附近 當然要試一試6點左右到達 人龍不算長 等了15-20分鐘就可入座一行5人 大家叫了不一樣的交換吃湯頭濃 但很油 河粉量不多牛丸很有牛味 但如果一人連吃5粒的話 應該會很膩生牛肉熟牛肉不錯吃小插曲朋友吃到大半碗後 咬到硬物吐出來研究 發現竟然是一條玻璃碎太誇張啦！！！店員著說換過一碗新的給我們換新的也不敢吃了吧其實 你們知不知道危險性！！？慶幸朋友沒有吃很快 也不是小朋友在吃不然吞了 後果不得了

最近網上最hit，莫過於呢間越南餐廳，又係時候要去朝聖一吓。餐廳位於APM 4樓，我同朋友18:00左右去到已經見到有少少人龍，但好彩唔使等好耐就可以入去坐低。店舖面積唔係太大，餐牌只有一張紙，前後兩版。大部份客人主要係入去食河粉。我同朋友一人叫咗一碗粉，再加一份小食同飲品。排隊等緊嘅時候，佢有個牌介紹一陣要點享用呢碗河粉。首先要飲湯先，原汁原味要飲返啖，跟住就落九層塔、鴨舌草等等，之後再加青檸汁、芽菜，再連埋河粉一齊食，口感好豐富。錦麗綜合粉 $58綜合粉包括生牛肉、熟牛肉、牛丸組成。生牛肉唔夠嫩，熟牛肉口感反而唔錯，唔會靱，牛丸就夠晒彈牙。錦麗生牛肉粉 $56可能我浸得太耐，生牛肉入口唔夠嫩。唯獨河粉好出色，入口好滑，連配料一齊食又唔錯。炸手作蝦餅 (2件) $38蝦餅唔會炸得太燶，口感好彈牙，記得一定要點甜醬加辣椒醬一齊食先夠滿足。個人推薦呢個蝦餅，食完你會有想念佢嘅感覺。薏米水 $16第一口入口偏甜，攪拌均勻之後會好d，薏米有咬口，感覺都好fresh，薏米又有去水腫嘅功效，女士們可以試吓。

之前去過越南試過當地Pho le讚不絕口，近排收到朋友消息得知Apm將會引入此品牌，作為粉絲既我當然要試下，雖然去到店舖門口見度好多人係度等緊，但我都照繼續等，等左唔係好耐，終於嘗試度喇，果然同越南既pho一樣，以後去觀塘多個地點落腳喇

睇到佢唔少的宣傳話係全越南最好味的越南湯河，於是專程去食一餐！去到兩點左右，但都排長龍，要等成半個鍾先有得入三點左右就截人無得入去話無湯啦，要5:30pm 先有返。好彩我拿到位入去補充一句排隊方式係無分人數排的，會儲到夠位俾d客入，呢個可能係排長隊的另一原因！碗湯河拿過來，d河好明顯係無煮過，只係加熱湯上去，成塊公仔麵咁要自己搞散D河一搞就斷，感覺麻麻！ 湯底清清地，還可以！感覺同在其他越南餐廳食無麥太大分別！食一次就夠，無下次！

APM近期最火紅的食肆，肯定是要分段式排長龍、來自越南有名的食pho名店「錦麗」。第一次晚上來，人太多，放棄。第二次下午四點半來，未有pho供應，要在商場行一陣，至五點半才有得食。來到仍要排十分鐘隊才能進入。出菜頗慢。先飲杯椰青崩大碗，幾refreshing，甜味唔過火，唔錯。小食要個炸手作蝦餅，頗彈牙。最期待的錦麗綜合粉來了。湯底好鮮，不俗，至少我飲晒個湯都冇口喝，證明無乜味精。唯河粉有點黏在一起，幸好一弄便分開。生熟牛肉不算特別且份量偏少，反而牛丸好爽彈。整體來說碗粉唔錯，唯跟期待有落差，出單也有點亂，有很多細節有待改善。其實不要說越南，甚至我在澳洲都吃過更好的pho。還有那些放湯的芽菜香草等東西比得太少了，得一杯仔，不用這般寒酸吧。

得到我的Best Friends介绍APM新開咗間錦麗越南菜，因與我返工地點都有點距離，所以未去嗜試，適逢13/2是我倆的新婚第一年纪念日，故去試下，晚上7:00去到見到，好多人排隊，排咗大约40分鐘，可坐下來，叫咗兩碗生牛内粉，一杯雪梨崩大碗，牛肉粉牛肉入口鬆軟，肉質鮮味，湯底鲜甜不油，另杯飲品，一飲落口，崩大碗真是令我回憶童年在街頭飲品的感覺，而服務，員工主動幫我倆拍照，值得一讚，可惜現只得一間，不是太方便，希望餐廳保持食物及服務水準，越開越多。

當年係澳洲讀書，每星期最少有兩餐係食pho。可能因為上一代澳洲收容左好多越南難民，所以當地好容易可以搵到一間正宗嘅越南餐館或食到一碗出色嘅pho. 返咗香港尋尋覓覓始終搵唔到一碗pho有當年嘅味道同質素，我相信呢個亦係好多留學生嘅心聲。數月前睇到雜誌介紹話越南得奬牛肉粉來香港開店，當時滿心歡喜20分期待，等了又等終於等到開張，我同自己講新餐廳頭兩星期都唔好去，因為一般都會好搵混亂，但堅持到三日第四日始終忍唔住去試一試，中午12點去到，出邊已經排晒長龍，冇所謂照等，最後等左40分鐘終於坐低，餐牌其實非常簡單，主要係幾款牛肉粉同一啲小食，極速點完餐之後我就滿心期待等待呢碗得奬牛肉粉，過程唔講啦，總之最後我前後吹左三次單，連我隔離位（搭枱）遲過我入座，佢食完埋單我嗰碗pho都仲未到，自己攞嚟衰，忘記格言新餐廳頭兩星期唔好去。但有一點要讚下，雖然當時係非常繁忙，但侍應們都相當有禮貌。最後碗pho終於送到，我睇一睇真係嚇一跳，然後得啖笑。喺香港大大話話食過三四十間越南牛肉粉，但我眼前呢一碗嘅份量肯定係我食過最細嘅，後生仔應該要食兩碗先飽，我叫果碗係綜合牛肉粉，據講分別係多咗牛丸,我望一望攪一攪碗

之前已經留意左錦麗好耐啦，終於等到佢開。今日朋友早D去排隊拿位，好快就有得入坐。新裝修幾舒服，但坐位唔多，主要都係需要搭檯的。食物款式不多，主要就是熟牛肉粉，生牛肉粉，生熟牛肉粉，牛丸粉。其實叫個錦麗綜合粉就可以滿足晒咁三個願望啦(生牛肉、熟牛肉同牛丸)!錦麗綜合粉 - 雖然可以試晒全部款，但分量同樣少左，河粉係普通分量，牛丸得一半，熟牛肉(牛腩)得兩三件，還好仲有生牛肉都算大塊。朋友覺得唔夠熱，但我覺得還可以，只係如果你落生芽菜未必可以熟晒。其實個湯都算有牛肉味，只係成個河粉的味道都係普普通通，相比越南正宗還是有點距離。大蝦扎肉米紙卷 - 其實仲有兩件，不過食左一半先記得影相，不過分量都係偏少，而且個米紙有D硬，扎肉勁細條，感覺可以唔洗試D小食。仲有就係連水都冇提供，焗你一定要叫飲品，而飲左個湯都真係需要飲品的。整體而言，雖然係不用加一，但價錢都偏貴，不過偶爾一試都可以的。

呢杯野有成堆葉🌿仲插左枝竹係側邊🎋😳到底係乜嘢黎?🙉🙉🙉其實佢係薄荷青檸梳打($25)🙈店方用左薄荷葉🌬、青檸仲有原條香茅(😹唔係竹)調製，非常足料🤘🏻而香茅仲係用黎做攪棍，好新奇😆😆飲落感覺幾清新🤓🤓，甜甜地😋，最重要係佢好解膩👍🏻👍🏻，食幾多隻法式牛油雞翼都唔怕😝😝😝/另外一款飲品🍵椰青大崩碗($22)都好特別😋而且有驚喜😝😝佢個味道係清清地😗😗，好似飲緊用草榨出黎嘅汁咁😹😹😹但椰青味就較淡🤔要留意‼️大崩碗本身較為寒涼，孕婦👩🏻、身體虛弱人士同小朋友都唔適宜飲㗎🙈🙈🙈

香港又多間正宗越南菜!!😍錦麗新開無耐已經打曬蛇餅🙈呢個大蝦扎肉米紙卷🦐值得一讚😳😳平時食米紙卷好容易咬完一啖就散曬😕但佢竟然無喎👍🏻而且米紙薄得黎又煙韌😚😚😚米紙內係檬粉、胡椒扎肉、大蝦同九層塔👀，大蝦幾爽口🤗🤗同埋檬粉食好有滿足感幾清新😋建議大家點醬汁食，唔係會淡口左d🙈/建議大家平日去食🤔，因為weekend真係好多人排隊🙈🙈🙈平日去就唔洗等到腳軟先有得食啦😝😝