錦麗 (創紀之城五期(apm))

營業中

休息中

最近網上最hit，莫過於呢間越南餐廳，又係時候要去朝聖一吓。餐廳位於APM 4樓，我同朋友18:00左右去到已經見到有少少人龍，但好彩唔使等好耐就可以入去坐低。店舖面積唔係太大，餐牌只有一張紙，前後兩版。大部份客人主要係入去食河粉。我同朋友一人叫咗一碗粉，再加一份小食同飲品。排隊等緊嘅時候，佢有個牌介紹一陣要點享用呢碗河粉。首先要飲湯先，原汁原味要飲返啖，跟住就落九層塔、鴨舌草等等，之後再加青檸汁、芽菜，再連埋河粉一齊食，口感好豐富。錦麗綜合粉 $58綜合粉包括生牛肉、熟牛肉、牛丸組成。生牛肉唔夠嫩，熟牛肉口感反而唔錯，唔會靱，牛丸就夠晒彈牙。錦麗生牛肉粉 $56可能我浸得太耐，生牛肉入口唔夠嫩。唯獨河粉好出色，入口好滑，連配料一齊食又唔錯。炸手作蝦餅 (2件) $38蝦餅唔會炸得太燶，口感好彈牙，記得一定要點甜醬加辣椒醬一齊食先夠滿足。個人推薦呢個蝦餅，食完你會有想念佢嘅感覺。薏米水 $16第一口入口偏甜，攪拌均勻之後會好d，薏米有咬口，感覺都好fresh，薏米又有去水腫嘅功效，女士們可以試吓。