錦麗 (創紀之城五期(apm))

營業中

休息中

來東涌看花﹐最近東涌站的大型商場﹐就係東薈城名店坊。這裏不但很多食肆﹐還有很多不同種類的outlet﹐行到攰可以搵嘢食﹐非常方便。呢間是食越南菜﹐今日是星期六﹐都有午餐套餐選擇﹐有一碟飯或湯粉麵﹐同一杯飲品﹐非常優惠。我們二人﹐叫了一個咖喱牛腩飯﹐和一個火車頭飯﹐兩碟餸都很豐富！尤其是火車頭飯﹐有一塊炸大豬扒﹐一隻炸香茅雞翼﹐一片扎肉和一隻煎雞蛋﹐仲有配菜﹐酸羅白﹐青瓜番茄﹐望見都流口水。咖喱牛腩都有牛筋同牛腩肉﹐咖喱惹味﹐好好食。

都有差唔多三年無食錦麗，尋日係啟德食咗間麻麻地嘅越式牛肉金邊粉，今日想食返間好食嘅，咁啱amp有間錦麗就諗住食吓，印象中嘅錦麗係超好食。其實下午茶都無話想expect啲咩，我嗌咗半肉熟牛河+素春卷，另外仲加咗隻雞翼碗麵不過不失，但條春卷同隻雞翼真係唔知講咩好，半塊生菜都無，兩樣嘢都勁油又勁單調咁擺上枱面。。。成個set咁樣真係唔太值 $60+$9🪼市道係唔太好，希望你哋睇到comment會加返半塊生菜墊底🥬 擺盤都好緊要

小熊貓有時候會特登晏少少先食嘢，因為通常啲下午茶都係抵啲嘅😆 今日行APM嘅時候就去咗呢間越南餐廳～ 見佢咁多分店就試吓佢好唔好食🐮錦麗牛丸粉下午茶餐 $48呢碗粉不得了～ 湯底係好香濃嘅牛香味，唔鹹，冬天飲一啖即刻個身暖哂～ 牛丸入邊溝咗牛筋，好彈牙，咬落去好多汁☺️ 有河粉同金邊粉選擇，小熊貓揀咗金邊粉，因為幼粉可以吸多啲湯味💛包一款小食小熊貓揀咗紫薯春卷～ 外層超脆，中間紫薯好甜☕️包一款飲品玫瑰龍眼茶～可以揀少甜或者無甜，為咗減低罪惡感，小熊貓揀咗無甜～ 入邊都有幾粒龍眼肉可以食吓，佢哋本身已經有甜味㗎啦呢個價錢呢個質素嚟講，真係性價比高嘅下午茶之選🫶🏻

錦麗嘅粉麵湯底一直都好好食，而我每次食親都一定會嗌多少少泰國芽菜，貪佢生食浸熱湯夠爽口，一碗麵好唔好食就係好睇佢個湯底。而佢個湯底好夠味👍🏻但有少少意見。就係佢嗰塊葉好似冇之前咁新鮮啦～

星期一早上11點40分一個人光顧，點了午餐越式蟹肉餅蕃茄湯檬和玫瑰龍眼茶(熱，少甜)$84，無加一。首先是我入餐廳時是無人的，我11點44分下單，飲品要15分鐘送上，蟹檬要25分鐘送上，好像有點久。蟹檬的湯底很濃，有蟹味，讚。蟹肉餅大塊，有濃濃蟹味，正。其它配菜有蕃茄碎、扎肉，洋蔥條，也好吃。檬粉也好吃。雖然看上去細碗，但剛剛夠我一個人吃，份量剛好，不會太多，不浪費。龍眼水好喝，有玫瑰味，龍眼很甜，有5粒。會再翻兜。

今日試咗呢兩款菜式，真係好有驚喜！香茅豬扒雞湯金邊粉：呢碗金邊粉真係好有特色。香茅味道非常濃郁，豬扒煎得香脆，真係令人滿意。法式牛油雞翼：雞翼煎得金黃香脆，表面嘅法式牛油就帶嚟咗濃郁嘅奶香味，唔會覺得油膩。每一口都有濃烈嘅牛油香氣，味道更加出色。總括來講，今日嘅兩款菜式都好有特色，無論係味道定係口感都做到好高水平，真係值得一試！

星期日中午一點半到，唔使等位可以直入。我哋兩個大人一個小朋友，坐小圓枱，坐得都ok闊落。用手機qr code點餐，我哋嗌咗一個魚丸扎肉雞湯金邊粉 配鹹檸檬青檸水， 另外嗌咗大蝦扎肉米紙卷， 馬拉盞時菜 (嗰日係通菜)， 同埋嗌咗特色小食拼盤再加杯青檸梳打，甜品椰青椰汁糕， 埋單274蚊，整體嚟講，cp值都算高，有甜品有嘢飲，三個人都唔使三百蚊，最好味應該係個雞湯金邊粉，個湯濃鬱， 但個小食拼盤全部都係基本上係油炸，肥膩到痴線， 將索油紙滿滿是油，如果怕肥嘅朋友千祈唔好嗌。

今日得閒同老婆食飯，去左apm,唔知係咪太耐無黎，一碗牛河要$80，出餐慢，幾啖食完，追加兩條手指公size既春卷要$25🤣🤣🤣成舊水好似食左陣風咁，好唔抵食

一家人🧑‍🧑‍🧒‍🧒返完教會 ⛪️ 食錦麗，要排隊，等咗5分鐘有位，四人位坐中島，叫咗特價$8青檸🍋‍🟩梳打中伏太酸，火車頭🚆金邊粉$92唔錯👍🏻，有牛筋、牛丸，牛腩、扎肉同榖飼肉眼，芽菜同香葉另上，辣椒🌶️要額外要求，牛丸出色。加咗$8油炸鬼，九唔搭八，純口痕，唔知配乜食，但新鮮炸起熱同脆好食😋。小食加咗3款，正常應該$60，但因為老婆問題🙋🏻‍♀️，所以叫咗一款$25，再叫侍應加兩款各$21，俾多咗$6。越式蒜蓉牛油🧈雞鎚🍗皓香皮脆肉滑，越式蓆蝦一般，椰青椰汁🥥糕2件心型靚好皓食。老婆叫錦麗生牛肉河粉🍜（$80），加$14餐飲轉凍蔗汁

我真係好鐘意食呢間既越式湯河，每次去都係食呢樣嘢。錦麗牛丸粉（$72）其中最喜愛的就是呢碗牛丸粉，自家手打牛丸，牛味好足爽口彈牙，食過既話應該都好難翻轉頭，係出面食唔到咁既牛丸。湯底夠清，喝起來很舒服。法式牛油雞翼（4件，$40）牛油很香，炸粉不厚，炸得夠脆，不太油，個人推薦這道配菜。凍香茅青檸檬薄荷梳打（$30）個人認為普普通通，酸酸地幾開胃，香茅味道不重，只有輕微。

世貿分店未執笠前，常常會去世貿分店幫襯。有事要去觀塘處理，下午茶就找錦麗去回味。後悔叫下午茶餐，因為份量太少，應該叫午餐，份量應該會正常。生牛肉河的湯比以前更加濃的牛骨湯味，而且冇嘜味精，正！牛肉又簿片無肥肉，味道很好。附送的凍薏米水唔錯。失敗在小食的素菜春卷，唔好食，自費加的米網春卷亦是難食，內裏只有半隻蝦仔。

去到觀塘 ，想搵啲輕食下午茶。 見到錦麗有下午茶特價， 香茅豬扒河連埋嘢飲都係42蚊冇加一。 店唔係好大 ，座位比較迫，需要用qr code落單。 個香茅豬扒喺鮮炸嘅， 鬆脆嘅程度啱啱好， 相當好食 ，但個河粉湯底比較鹹。 杯青檸梳打都唔錯。 整體性價比高。

見呢間野平時都好多人食，就諗住試下啦。叫左一個下午茶，揀生牛肉粉轉金邊粉，賴野，碗粉泥到，一咬，喂啲粉又鞋又硬…一食就知好曳既粉，完全係無誠意好似亂煮既感覺。叫個職員俾舊青檸，啲面口衰到好似叫佢托米咁。講下杯野飲，杯熱玫瑰龍眼茶有玫瑰有龍眼，但出奇地完全無味，再沖過杯，一樣無味…我問職員，本身係唔甜定點？佢反問我係咪揀錯走甜，我話無喎，佢話幫你加啲糖囉咁…早知飲杯熱檸茶好過🤷🏻‍♀️咁既質素54蚊，真心唔多抵，份量又細，職員又晦氣..無下次。

觀塘 APM錦麗.味道：7/10🌟抵食：6/10🌟環境：7/10🌟.雖然有好多間分店，但好少留意倒呢間越南嘢🤤今日叫咗胡志明綜合粉😋總體黎講，湯底幾濃郁河粉嫩滑🥰小編認為算比較多餸，有大約兩片生牛肉兩嚿熟牛肉同兩粒牛丸🐮不過河粉份量好少，$82表示女仔都唔係好食得飽，唔係好抵食👀

之前喺元朗成日去錦麗食午餐, 今日下午經過apm 就試下apm呢間。佢下午茶由兩點半鐘開始， 一夠鐘即刻入。 佢哋係用qr code落單。叫咗個生牛肉河， 炸紫薯小食同埋滴漏咖啡。 因為下午茶嘅關係個生牛肉河有啲細份， 如果肚餓嘅話就應該唔夠食。 佢個湯依然都好好飲。最欣賞佢嘅小食同越南滴漏咖啡， 個炸紫薯有少少煙韌感。 杯滴咖啡要加錢， 我就覺得值得嘅， 真係睇住佢滴出嚟同埋揀咗煉奶， 本人覺得好好飲！如果想食飽嘅話都係叫返正價好啲， 下次再試。