鋿晶館

營業中

休息中

💪🏻 五福臨門 ($50)呢個點心拼盤包括有蝦餃、菜苗餃、粉果、燒賣同甜糕。蝦餃、菜苗餃同粉果嘅餡料都好滿，大大粒，蒸餃嘅皮都幾淋。💪🏻 齒頰留香脆蘿蔔腸 ($38)蘿蔔腸中間包裹住脆皮蘿蔔酥，所以外邊腸粉皮好滑身，而內裏脆卜卜，而且蘿蔔餡都好豐富，爆晒餡。💪🏻 流沙奶皇包 （$30)奶皇包好流心，食得出有咸蛋香味，亦都有甜嘅奶香味！包面微微濕。💪🏻 百吃不厭鹹水角 （$24）鹹水角外皮都炸得脆身，而咸水角嘅皮幾厚身同黏糯，餡料咸香都幾夾。💪🏻 暖身提氣薑汁糕 ($28)薑汁糕好煙靭，而且薑汁味道突出，亦食得出薑汁辣味！餐廳點心係自家品牌，點心師傅都曾經係日本同香港米芝蓮酒店任職。味道：6/10 性價比：7/10 食住瘦指數：💪🏻/5

平時一得閒就鐘意出酒樓食點心，今次發現呢間自家製點心，食物質素拍得住高級酒樓🤩。齒頰留香脆蘿蔔腸好有特式嘅蘿蔔腸，賣相有點似油炸鬼。外面果層的腸粉好滑口，包住經過油炸後脆卜卜的蘿蔔，好脆好新鮮，做法新穎，味道驚喜十足。黑松露北菇燒賣皇（2粒）自家製大大粒嘅燒賣，黑松露味不濃，但菇味好出，肉質結實不油膩。紫金名醬蒸鳳爪每隻鳳爪都好大隻又夠晒入味。月半彎晶瑩鮮蝦餃（2粒）蝦餃好新鮮又大粒，蝦肉鮮甜彈牙。鮮蝦菜苗餃呢款見到個樣都知道佢足料，幾乎係一半蝦肉同一半菜苗的比例。層皮又夠晒薄，一咬開真係啖啖菜苗啖啖肉😋。整體而言：點左幾個點心，每份都好大份、新鮮同足料。另外，同店員傾計發現廚師以前係多間米芝蓮酒店及大型連鎖酒樓工作，吾怪得菜式甘有特式，而且性價比高，值得再來。

好耐無食過點心，牙癢癢，見到餐廳自家製品牌，所有點心現場即點即做，我當然要入去試下係咪真手作點心。🌟#蝦餃及燒賣蝦餃皮薄餡靚，鮮蝦大大隻，鮮甜爽口，好好味。燒賣亦十分之足料，雖然得兩隻，但係份量都算唔錯，味道清甜香口。🌟#芝士蝦春卷必試！鬆脆的春卷皮包住滿滿的餡料，爽口彈牙，食得出很新鮮的蝦肉製成，正。原來廚師曾就職於日本東京富麗華多年，專為高管達人和明星服務，怪不得有創新fusion菜。🌟#養生燉湯及#時令蔬菜今日係蟲草花燉雞湯，湯濃郁清甜，養生滋補！蔬菜鮮甜爽口。🌟#籠仔蒸飯: 蒜香石斑片蒸飯大大的荷葉飯，石斑片好新鮮，鋪滿係飯上面，配上炸蒜好香好好味。店員的服務十分之細心，而廚師曾在多間米芝蓮酒店及大型連鎖酒樓集團做主管，經驗豐富。怪不得食物水準不錯👍🏻

朋友大力推薦呢間係荃灣廣場後面嘅點心專門店，試過發現真係好掂，點心質素直逼酒店酒樓～係等嘢食嘅期間，同店員傾偈發現原來師傅之前喺日本東京富麗華做過，返到香港之後又喺米芝蓮酒店做過，然後就自立門戶出嚟開左呢間點心店～款式算好多，即叫即蒸，價錢相當合理～流沙奶黃包熱辣辣新鮮出爐，好香蛋黃味～鮮蝦菜苗餃皮薄餡靚，鮮蝦好爽，係新鮮蝦，完全無雪味～肉餡有雲耳同菜，好清新～黑松露北菇燒賣皇自家製手打大大粒嘅豬肉燒賣，豬肉唔會太肥，黑松露放喺面點綴左成粒燒賣嘅香味～齒頰留香脆蘿蔔腸好特式嘅蘿蔔腸，蘿蔔好脆好新鮮，咁樣食真係好新穎，夾埋油炸鬼真係口感100分～暖身提氣薑汁糕自家製真係好食得出個種字加份量調配嘅香，薑汁味好香濃，唔會死甜，健康之選～

黑松露北菇燒賣皇-豬肉不但新鮮，而且係瘦嘅，冇肥乜滯。黑松露裝飾之餘亦都增添咗蘑菇味。月半彎晶瑩鮮蝦餃-有韭黃，新鮮蝦。大大粒爽口。好姐潮州粉果-有馬蹄，韭菜，蝦米。鮮蝦菜苗餃-自家製嘅粉果皮有靭度，有彈性。菜苗夠幼嫩而且好多。由新鮮蝦配搭。夠曬大份。齒頰留香脆蘿蔔腸-特別在有一層糖醋麵筋包著白蘿蔔。可以食到每一樣食材。炸黃金豆腐磚-迷你炸豆腐。炸過嘅當然係夠曬有層次感，口感亦都好動感。有酸汁配搭。總括：曾就職於日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富。點心用料新鮮十足，即叫即蒸。

今日朋友介紹呢間自家制即叫即整點心，佢話見過介紹，呢間嘅師傅之前喺米芝連酒店做過，所以今日黎試吓。活拆生剝鮮蝦腸粉腸粉好滑，有米香，d蝦都好彈牙。百吃不厭咸水角上枱熱辣辣，啱啱炸起，一咬落去個皮好脆口，入面d料都幾多。月半彎晶瑩鮮蝦餃隻蝦餃都幾大隻，入面應該起碼有2隻蝦，外皮好煙韌，d蝦爽口彈牙。黑松露北菇燒賣皇d燒賣都幾大粒，有蝦，北菇同豬肉喺入面，而且上面d黑松露都幾香，原來黑松露同燒賣係咁夾。好姐潮州蒸粉果粉果外皮晶瑩剔透，食落個皮好煙韌，d粉果都幾大隻，入面勁足料，點少少辣油就好正。流沙奶皇包一咬落去d奶皇涵即刻流出黎，食落唔太甜唔太滯，d涵都幾多。

我晚上食飯很少選擇飲夜茶，食點心。不過今晚朋友推介話帶我試好嘢，話呢度個師傅係日本富麗華返嚟，同埋之前响米芝蓮酒店揸旗，所以專登嚟試下。入到去見到座滿人，不過好快就有位，坐低叫咗壺普洱就開始揀點心。呢度款式都算多，除咗點心，仲有好多其他選擇。選擇困難症之下，隨便選了些喜愛的點心和朋友一齊分享～- 老爺子古法馬拉榚- 馳名南翔小籠包- 齒頰留香脆蘿蔔腸- 香煎韮菜餅- 鮮蝦菜苗餃- 黑松露北菇燒賣皇點心- 月半彎晶瑩鮮蝦餃點心一上枱，睇外觀就知道唔係工場點心，而係自家製作，因為好多都大大粒，而且係即叫即整，全部熱辣辣。我最喜歡小籠包和韮菜餅。小籠包非常多汁，咬下去爆汁鮮味充滿口腔。而韮菜餅則煎得十分香口，聞落去已經覺得吸引。另外，馬拉糕亦有啲驚喜，鬆軟而不會太甜，啱我口味。香港人對點心真係情有獨鍾，有空嚟呢度嘆杯茶，整返籠點心，都係一種享受～

荃灣飲夜茶好去處😋夜晚嚟到荃灣心血來潮想飲餐茶同fd慢慢傾吓偈🫖就嚟咗哩間自家製品牌嘅鋿晶館嘆茶😆因為佢嘅點心係手作點心都係現場即點即做^_^所以可以慢慢坐🤫睇翻介紹原來師傅背景曾經係日本東京富麗華做野 專為高管達人和明星服務😮翻咗香港都有係多間米芝蓮酒店同大型連鎖酒樓集團做主管 經驗豐富🤔咁我就慢慢嘆住茶慢慢等啦😂嗌咗幾籠點心😋👇🏻👇🏻👇🏻月半灣晶瑩鮮蝦餃（2粒） $22佢每一隻蝦餃都有大大粒蝦係入面😋蝦都彈牙新鮮😋重點係我勁鐘意佢哋嘅蝦餃皮喎😮蝦餃皮勁煙靭🤞🏻好姐潮州蒸粉果（3隻）$24佢同平時食嘅潮州粉果唔同😋個餡有好多都有唔同嘅材料 而且入面好多汁😋重點佢個粉果皮都好好味呀😮👍🏻咱家脆皮蝦多士（4塊） $48哩款蝦多士食落勁脆 係外脆內軟嘅感覺😋而且面頭鋪滿芝麻 勁香🤤下面有一層蝦滑再一齊去煎芝麻愛好者可以一試✌🏻懷舊鵪鶉蛋燒賣(3粒) $32鵪鶉蛋燒賣大大粒勁足料🤤而且食落juicy唔會好乾食落啖啖肉👍🏻艇頭三寶煎蘿蔔糕 $24佢個蘿蔔糕好味😋食落唔粉唔會一夾就爛仲會食到粒粒蘿蔔係入面😮入面仲有蠟肉粒惹味好多😆而且師傅煎得好香唔會燶外皮仲脆👍🏻💬整體🧀🧀🧀🧀點心都好味，而且食

鋿晶館最近重訪了一間品質點心店，餐廳仍然保持水準，盡顯師傅功架！齒頰留香脆蘿蔔腸很特別的腸粉。柔軟的蘿蔔粒油炸後再用幼滑的腸粉包著，層次分明，口感十足。除腸粉滑嫩，炸蘿蔔粒外皮酥脆，蘿蔔粒又很柔月半彎晶瑩鮮蝦餃每一隻蝦餃都很大隻。它們的外皮晶瑩剔透，Q彈十足，而且鮮蝦的份量驚人，目測一隻蝦餃有四/五隻鮮蝦在裏面百吃不厭咸水角咸水角即炸即上，新鮮熱辣。外皮呈橙色，應該加了南瓜，有清甜的味道。口感外脆內軟，十分出色咱家製秘製叉燒包特制的叉燒包，竟然是流心叉燒包！叉燒包的包一看就知道是鮮制的，所以口感跟連鎖店的不同。叉燒粒仍保持咬勁，不會很軟爛好姐潮州蒸粉果一籠有三隻粉果，每一隻都裝了大量材料，咬下去時香味口感豐富～黑松露北菇燒賣王黑松露味很香，燒賣肉質比較結實，感覺沒有用太多肥膏，所以不會肥膩這家店是自家制品牌，所以制作需時。問了店員，辦公室人士可以預先打電話下單再到堂食，不過位子有限，最好先打電話問清楚喔。

｛食盡荃灣之中式 — 鋿晶館｝————————————————自從轉咗唔喺港島個頭返工之後，都食少咗上環個間鋿晶館，不過原來佢喺我經常出沒嘅荃灣地區都有分店㗎！ 荃灣分店主打點心燉湯， 聽講師傅曾經喺多間米芝蓮酒店做過， 佢嘅所有點心都係即叫即整，香港製造！🔸 黑松露北菇燒賣燒賣咬落實淨唔鬆散， 食得出落足料又大粒， 加埋面頭少少黑松露，令到味道更加豐富🤗 比較貼心嘅係你可以選擇要兩粒或者四粒 ，咁就可以留肚試多啲唔同點心啦！🔸 時菜牛肉球牛肉球一籠三粒， 大大粒好有彈性， 佢嘅牛肉球落咗好多青蔥喺入面，我個人係幾鍾意的🤭🔸 芝士蝦春捲個人覺得蝦春捲真係鋿晶館名物😍， 自從食過一次之後，每次食呢間都一定會嗌， 因為係即叫即整嘅春捲，所以夠曬熱辣辣， 同出面嗰啲用保溫燈照住嘅相差十萬八千里🧐金黃色脆皮， 彈牙鮮蝦再加埋芝士， 味道冇得彈😋推薦！🔸 蟲草花螺片燉雞湯我個人都好鍾意飲燉湯，燉湯足料自然味道夠濃， 夜晚六點至十點更加有晚市套餐， 配埋一個蒸飯同一碟時菜， 埋單都係唔使100蚊，健康又美味！Overall comment: 平日晚市7點幾過嚟食， 位置雖然唔係好多但2個人食既話未

原來餐廳是自家製品牌所有點心現場即點即做手作點心師傅曾就職於日本東京富麗華多年回港後在多間米芝蓮酒店及大型連鎖酒樓集團做主管❤️蝦菜苗餃餃入面d蝦都多正常發揮❤️百吃不厭鹹水角炸到外脆內軟入面d肉醃得好入味好食👍❤️黑松露北菇燒賣皇黑松露調味燒賣入面有豬肉同香菇好高級❤️螺片燉唐排湯飲完暖苙苙 真材實料飲唔出有味精❤️喜灼爽甜娃娃菜娃娃菜好爽甜有別於平時食個d可以一試❤️蒜香虎蝦蒸飯虎蝦大大隻配上蒜香入囇飯入面好好送飯💁‍♀️鋿晶館 (荃灣)👣荃灣沙咀道130號地舖

🔸 龍仔蒸飯 蒜香石斑片蒸飯套餐   $108 附送 時令養生原盅豐料 養生燉湯，蔬菜大大盅荷葉飯係 即叫即蒸 ，用炒飯底荷葉包住，上面有五大片石斑魚肉， 鋪上蒜蓉同埋蔥花一齊蒸，個樣已經好靚，魚肉係好有鮮味㗎，又吸收咗啲蒜蓉味，一啲都唔腥，不過就比較淡口，需要落啲豉油更加和味😚原盅燉湯湯料有：豬脊骨、 新鮮雞肉、冬菇、蟲草花、蜜棗，飲落好清甜，可能由於落得好多雞肉，係一個好滋補潤喉嘅燉湯。味道：8/10性價比：7/10🔸煎釀虎皮尖椒    $39有兩大條虎皮尖椒破半，用鮮魚膠饟出四條好焦香嘅虎皮椒，虎皮椒好新鮮爽脆，只係微微辣嘅，唔食辣嘅人都接受到，因為饟魚膠好飽滿又煎得好香，整體好有香辣惹味。味道：8/10性價比：7/10🔸月半灣晶瑩鮮蝦餃 2粒 / $22蝦餃都相當大粒，饀肉飽滿， 咬開裏面有成粒大蝦，而且流出一啲鮮蝦汁好甜好香，有濃濃嘅鮮蝦味。味道：7/10性價比：7/10🔸黑松露北菇燒賣王  2粒 / $20大大粒燒賣，有黑松露控嘅朋友會好中意食，總之燒賣一定係粵式點心裡面嘅皇牌，一定要點嚟食。味道：7/10性價比：7/10🔸叉燒包  3個 / $24  係標準嘅港式叉燒包

紅日朝早11點幾去，成間鋪得幾枱客，半滿都冇，啊姐示意隨便坐，我哋揀左4人枱(冇晒2人枱)，完全冇同我哋講如果多人要搭枱。食物ok，但好熱，冇乜冷氣咁，我哋食左7成嘢嘅時候，有個啊姐突然放低2對碗筷係我哋枱，以為係放住先，然後鋪頭都滿座，有組客話4位，但得一個人到左，本來有個啊姐叫佢係門口等等，然後有個啊姐乜都唔同我哋講，唔好意思都冇一句，推開我哋d 嘢食同茶，叫個個人坐係我哋張枱洗住碗等，睇邊張4人枱走就換張俾佢。然後不停見我哋食完一碟就即收走。。。我哋仲有好多未食完，放個人係我哋枱係咩意思？擺明想趕客啦！其實都未齊人，洗住碗先真係快好多？另一邊廂，有張同樣坐4人枱既2個人，食完晒坐係度撳電話又唔趕佢哋走？仲有個一人坐2人枱既，我哋黎之前已經食緊，齋坐到我哋走都仲坐緊，你又唔叫佢走？ 有個3人家庭坐6人枱你又唔叫佢哋俾返2個位出嚟？然後有張4人枱埋單走左，個個人就搬左去個張枱。心諗可以慢慢食埋先啦，點知個員工啊姐又再放返2對碗筷係我哋枱，係乜嘢意思呀？ 淨係放我哋枱係點玩法？咁急想做多枱生意就唔好開飲茶啦，又乜都唔講聲先，真係好冇禮貌，唔想有回頭客係咪？第一次去，亦唔會再有下一次！！

第一次幫襯鋿晶館嘅點心，竟然有驚喜！同媽媽兩個去食，茶位唔貴，都係 $8/位點咗個蒜香蝦春卷，大大條，仲要爆晒料，外皮炸得好脆，有菜有蝦膠仲有蝦肉，濃濃嘅蒜香味，超好食👍🏻而且擺盆好似薯條咁，好吸睛，增加食慾！另一好味嘅係黑椒醬皇金錢肚，味道濃郁，醬汁惹味，咬落唔韌，都係好味嘅點心。臘腸滑雞飯，臘腸香，雞真係滑，不過飯就濕啲，份量少啲，但都好味嘅。月半彎晶凝鮮蝦餃，尚算可以，皮不是太厚，中間蝦肉都爽口，都可一試。

荃灣這間小店的千層蛋糕真係"曳"爆炸！🍰 一入口，即刻錫住個蛋糕，質感綿密得嚟層次分明，忍唔住想用"幽默"來形容。驚喜嘅係每一層餅皮同奶油都犹如雲朵咁柔軟，甜而不膩嘅滋味係真啲令人"拍案叫絕"！話說返呢個鐵板牛柳，滋味真係好正宗，啖啖肉嘅質感"曲高和寡"，肉汁豐富溢出，令到每一口咀嚼都充滿滿足感。✨另外，啲炒通菜簡直就係"青春永駐"，爽口得嚟又保持到口感嘅脆生生，咸香之中透出蔬菜嘅鮮甜。飲品方面，試咗杯凍檸茶，佢個檸檬味夠酸夠甘，仲帶點微微苦澀，飲落絕不膩口；一杯好茶正啲可以解下膩。🍹要講究香港飲食文化，呢度真係標準嘅"老土"打卡熱點。總結落嚟，呢間餐廳絕對值得推介，食物同服務都令人"心花怒放"。下次想尋找一個暖笠笠嘅地方飽餐一頓，記得要來無錯過呢度囉！👍👍👍