鋿晶館

營業中

休息中

平時一得閒就鐘意出酒樓食點心，今次發現呢間自家製點心，食物質素拍得住高級酒樓🤩。齒頰留香脆蘿蔔腸好有特式嘅蘿蔔腸，賣相有點似油炸鬼。外面果層的腸粉好滑口，包住經過油炸後脆卜卜的蘿蔔，好脆好新鮮，做法新穎，味道驚喜十足。黑松露北菇燒賣皇（2粒）自家製大大粒嘅燒賣，黑松露味不濃，但菇味好出，肉質結實不油膩。紫金名醬蒸鳳爪每隻鳳爪都好大隻又夠晒入味。月半彎晶瑩鮮蝦餃（2粒）蝦餃好新鮮又大粒，蝦肉鮮甜彈牙。鮮蝦菜苗餃呢款見到個樣都知道佢足料，幾乎係一半蝦肉同一半菜苗的比例。層皮又夠晒薄，一咬開真係啖啖菜苗啖啖肉😋。整體而言：點左幾個點心，每份都好大份、新鮮同足料。另外，同店員傾計發現廚師以前係多間米芝蓮酒店及大型連鎖酒樓工作，吾怪得菜式甘有特式，而且性價比高，值得再來。