鋿晶館

營業中

休息中

｛食盡荃灣之中式 — 鋿晶館｝————————————————自從轉咗唔喺港島個頭返工之後，都食少咗上環個間鋿晶館，不過原來佢喺我經常出沒嘅荃灣地區都有分店㗎！ 荃灣分店主打點心燉湯， 聽講師傅曾經喺多間米芝蓮酒店做過， 佢嘅所有點心都係即叫即整，香港製造！🔸 黑松露北菇燒賣燒賣咬落實淨唔鬆散， 食得出落足料又大粒， 加埋面頭少少黑松露，令到味道更加豐富🤗 比較貼心嘅係你可以選擇要兩粒或者四粒 ，咁就可以留肚試多啲唔同點心啦！🔸 時菜牛肉球牛肉球一籠三粒， 大大粒好有彈性， 佢嘅牛肉球落咗好多青蔥喺入面，我個人係幾鍾意的🤭🔸 芝士蝦春捲個人覺得蝦春捲真係鋿晶館名物😍， 自從食過一次之後，每次食呢間都一定會嗌， 因為係即叫即整嘅春捲，所以夠曬熱辣辣， 同出面嗰啲用保溫燈照住嘅相差十萬八千里🧐金黃色脆皮， 彈牙鮮蝦再加埋芝士， 味道冇得彈😋推薦！🔸 蟲草花螺片燉雞湯我個人都好鍾意飲燉湯，燉湯足料自然味道夠濃， 夜晚六點至十點更加有晚市套餐， 配埋一個蒸飯同一碟時菜， 埋單都係唔使100蚊，健康又美味！Overall comment: 平日晚市7點幾過嚟食， 位置雖然唔係好多但2個人食既話未

原來餐廳是自家製品牌所有點心現場即點即做手作點心師傅曾就職於日本東京富麗華多年回港後在多間米芝蓮酒店及大型連鎖酒樓集團做主管❤️蝦菜苗餃餃入面d蝦都多正常發揮❤️百吃不厭鹹水角炸到外脆內軟入面d肉醃得好入味好食👍❤️黑松露北菇燒賣皇黑松露調味燒賣入面有豬肉同香菇好高級❤️螺片燉唐排湯飲完暖苙苙 真材實料飲唔出有味精❤️喜灼爽甜娃娃菜娃娃菜好爽甜有別於平時食個d可以一試❤️蒜香虎蝦蒸飯虎蝦大大隻配上蒜香入囇飯入面好好送飯💁‍♀️鋿晶館 (荃灣)👣荃灣沙咀道130號地舖

🔸 龍仔蒸飯 蒜香石斑片蒸飯套餐   $108 附送 時令養生原盅豐料 養生燉湯，蔬菜大大盅荷葉飯係 即叫即蒸 ，用炒飯底荷葉包住，上面有五大片石斑魚肉， 鋪上蒜蓉同埋蔥花一齊蒸，個樣已經好靚，魚肉係好有鮮味㗎，又吸收咗啲蒜蓉味，一啲都唔腥，不過就比較淡口，需要落啲豉油更加和味😚原盅燉湯湯料有：豬脊骨、 新鮮雞肉、冬菇、蟲草花、蜜棗，飲落好清甜，可能由於落得好多雞肉，係一個好滋補潤喉嘅燉湯。味道：8/10性價比：7/10🔸煎釀虎皮尖椒    $39有兩大條虎皮尖椒破半，用鮮魚膠饟出四條好焦香嘅虎皮椒，虎皮椒好新鮮爽脆，只係微微辣嘅，唔食辣嘅人都接受到，因為饟魚膠好飽滿又煎得好香，整體好有香辣惹味。味道：8/10性價比：7/10🔸月半灣晶瑩鮮蝦餃 2粒 / $22蝦餃都相當大粒，饀肉飽滿， 咬開裏面有成粒大蝦，而且流出一啲鮮蝦汁好甜好香，有濃濃嘅鮮蝦味。味道：7/10性價比：7/10🔸黑松露北菇燒賣王  2粒 / $20大大粒燒賣，有黑松露控嘅朋友會好中意食，總之燒賣一定係粵式點心裡面嘅皇牌，一定要點嚟食。味道：7/10性價比：7/10🔸叉燒包  3個 / $24  係標準嘅港式叉燒包

紅日朝早11點幾去，成間鋪得幾枱客，半滿都冇，啊姐示意隨便坐，我哋揀左4人枱(冇晒2人枱)，完全冇同我哋講如果多人要搭枱。食物ok，但好熱，冇乜冷氣咁，我哋食左7成嘢嘅時候，有個啊姐突然放低2對碗筷係我哋枱，以為係放住先，然後鋪頭都滿座，有組客話4位，但得一個人到左，本來有個啊姐叫佢係門口等等，然後有個啊姐乜都唔同我哋講，唔好意思都冇一句，推開我哋d 嘢食同茶，叫個個人坐係我哋張枱洗住碗等，睇邊張4人枱走就換張俾佢。然後不停見我哋食完一碟就即收走。。。我哋仲有好多未食完，放個人係我哋枱係咩意思？擺明想趕客啦！其實都未齊人，洗住碗先真係快好多？另一邊廂，有張同樣坐4人枱既2個人，食完晒坐係度撳電話又唔趕佢哋走？仲有個一人坐2人枱既，我哋黎之前已經食緊，齋坐到我哋走都仲坐緊，你又唔叫佢走？ 有個3人家庭坐6人枱你又唔叫佢哋俾返2個位出嚟？然後有張4人枱埋單走左，個個人就搬左去個張枱。心諗可以慢慢食埋先啦，點知個員工啊姐又再放返2對碗筷係我哋枱，係乜嘢意思呀？ 淨係放我哋枱係點玩法？咁急想做多枱生意就唔好開飲茶啦，又乜都唔講聲先，真係好冇禮貌，唔想有回頭客係咪？第一次去，亦唔會再有下一次！！

第一次幫襯鋿晶館嘅點心，竟然有驚喜！同媽媽兩個去食，茶位唔貴，都係 $8/位點咗個蒜香蝦春卷，大大條，仲要爆晒料，外皮炸得好脆，有菜有蝦膠仲有蝦肉，濃濃嘅蒜香味，超好食👍🏻而且擺盆好似薯條咁，好吸睛，增加食慾！另一好味嘅係黑椒醬皇金錢肚，味道濃郁，醬汁惹味，咬落唔韌，都係好味嘅點心。臘腸滑雞飯，臘腸香，雞真係滑，不過飯就濕啲，份量少啲，但都好味嘅。月半彎晶凝鮮蝦餃，尚算可以，皮不是太厚，中間蝦肉都爽口，都可一試。

荃灣這間小店的千層蛋糕真係"曳"爆炸！🍰 一入口，即刻錫住個蛋糕，質感綿密得嚟層次分明，忍唔住想用"幽默"來形容。驚喜嘅係每一層餅皮同奶油都犹如雲朵咁柔軟，甜而不膩嘅滋味係真啲令人"拍案叫絕"！話說返呢個鐵板牛柳，滋味真係好正宗，啖啖肉嘅質感"曲高和寡"，肉汁豐富溢出，令到每一口咀嚼都充滿滿足感。✨另外，啲炒通菜簡直就係"青春永駐"，爽口得嚟又保持到口感嘅脆生生，咸香之中透出蔬菜嘅鮮甜。飲品方面，試咗杯凍檸茶，佢個檸檬味夠酸夠甘，仲帶點微微苦澀，飲落絕不膩口；一杯好茶正啲可以解下膩。🍹要講究香港飲食文化，呢度真係標準嘅"老土"打卡熱點。總結落嚟，呢間餐廳絕對值得推介，食物同服務都令人"心花怒放"。下次想尋找一個暖笠笠嘅地方飽餐一頓，記得要來無錯過呢度囉！👍👍👍

食過3至4次，覺得野食好食所以一直都有幫襯。今次諗住帶埋班朋友黎食，點知就出事！ 叫完野落單，黎左兩盅湯，以為係有fd 叫左or 係個飯送。大家一直傾計食野，無理過都無飲過嗰兩盅湯。到後來我地check 單，先發現我地係無圈過嗰盅湯，但又計左我地錢，就即時問職員係咩事，職員查都無查過，就秒速答係佢自己落錯order, 話啲湯好好飲，想焗我地要左佢。我地無掂過嗰兩盅湯，我地堅持要職員拎返走同退返錢，同呀姐講左幾次先肯黎拎走同退錢，嗰度大約$90。由頭到尾我地無叫過呢兩盅湯，都無掂過呢兩盅湯，都無店員同我地講係佢落錯單，如果我地無發現同堅持唔要，就會比呀姐焗比呢兩盅湯既錢！ 呢個行為真係好唔誠實同好狡猾！有咩理由要客人承擔員工既錯失？ 明知落錯單都唔補救，仲想側側膊唔多覺焗個客人要左佢，真係好過份！ 啲野食幾好食都唔會再去！

同朋友做完運動，又嚟咗附近醫肚。其實上次黎已經食過幾樣點心，今次再嚟試其他，一樣咁好味。除咗鵪鶉蛋燒賣同蘿蔔糕氣必點之外，今次仲點咗雞紮、菜苗餃、鮮竹卷、流沙奶皇包同埋炸煎堆。點心一如以往都係即叫即蒸，個鵪鶉蛋燒賣真係每次必點，啖啖都係兒時嘅味道。而菜苗餃、鮮竹卷同埋雞紮味道都好好，而且好足料。今次嘅流沙奶皇包唔係好流沙，不過都可以接受。比較失望係煎堆，雖然食落去有流心嘅芝麻，但係個皮好厚，咬落去有啲油同埋好韌。但係overall點心都非常高質，而且服務態度好好，阿姐成日叫我哋多啲嚟

🐻又是飲茶時間，今次到了荃灣嘆茶食點心，小店裝修摩登，待應態度很友善，一進來未食嘢感覺已經很好。🐻菜單點心取名有心思，一籠月半彎蝦餃粒粒飽滿，蝦仁新鮮，皮簿彈牙，價錢公道，實屬難得！🐻另一道半肥不瘦叉燒腸，腸粉皮又簿又嫩，叉燒餡鮮甜。香脆芝士蝦春卷一來就吸引了我們眼球，切法新奇，用了斜切，芝士味濃而不膩，香脆可口，且每條蝦仁十足，絕無偷工！🐻其他點心味道相當不錯，絕對值得再來！

同朋友做完運動搵宵夜食，搵到間好嘢。因為宵夜關係，冇叫好多，淨係叫咗四款點心，但係肯定會再嚟試埋其他嘢蘿蔔糕一啲都唔粉，仲食到成舊蘿蔔，好食過出邊果D用粉整嘅，煎得好香。黑松露燒賣非常好味，充滿豬肉同蝦，一咬落口有成舊冬菇，配黑松露醬少少喺面惹味，足料燒賣牛肉腸粉夠晒滑，配牛肉口感一流。仲有個流沙奶黃包，真係流沙唔係呃人。啲點心好有誠意，呀姐話全部都係即叫即整，唔係工場買返嚟加熱，加埋阿姐服務態度好好，親切有禮，仲叫我哋多啲返去食，絕對可以再嚟！

Tsuen Wan (Nearby Famous Dim Sum Place)  SEA FOODS ;The restaurant's location, in close proximity to the popular dim sum spot, gives it an air a comfortable setting for a relaxed dining experience.Black Truffle and Northern Mushroom dishes ;The Black Truffle and Northern Mushroom dish was a revelation of earthy flavors and aromatic richness.  The dish was elegantly presented, allowing the ingredients to shine while satisfying both the eyes and the taste buds.The Golden Money Belly in Black Peppe

做完成日嘢，就梗係想歎。但港式美食，一向都係快、快、快！如果放工想慢活嘆吓，唔知會唔會諗起一盅兩件呢？嚟到位於荃灣嘅鋿晶館飲夜茶，餐廳師傅曾經喺幾間米芝蓮酒店同大型連鎖酒樓工作，所以對於食物出品總有堅持，最大賣點係點心即點即做，有別於工廠整好再到餐廳翻蒸。老爺鮮蝦腐皮卷外皮一咬落去就有清脆嘅「咔嚓」聲，鬆脆爽口加上新鮮又足料嘅餡料，果然真材實料。脆炸北海道牛奶炸牛奶呢個懷舊炸物點心絕對係考功夫之作！炸牛奶嘅外皮爽脆而唔會硬巴巴，火侯控制得相當好，而牛奶用上北海道牛奶，入口嘅感覺更幼滑，令口腔充滿牛奶香濃味。馳名南翔小籠包小籠包皮薄餡靚就係基本，最精粹嘅係裡面嘅湯汁。一咬開小籠包，源源不絕嘅湯汁就已經留晒出嚟。混合埋半肥瘦嘅豬肉餡，呢個小籠包真係令人食指大動啊！月半彎晶瑩鮮蝦餃飲茶又點會唔叫蝦餃，外皮厚薄適中，內層同腐皮卷一樣用上鮮蝦，彈牙好味呀！黑松露北菇燒賣師傅亦曾經喺東京嘅富麗華工作，所以敢於嘗試新菜式。呢個燒賣就用上黑松露配上傳統嘅北菇燒賣，多了一份黑松露嘅香味，夠晒驚喜。

同婆婆去食飯 所以就搵左間食點心嘅小店 本身真係諗住求其搵間點心店去食 點知又有驚喜啵🤩艇頭三寶蘿蔔糕小妹就好鐘意食蘿蔔糕嘅 所以哩樣都係我必點嘅點心 哩度嘅蘿蔔糕好足料 食落去唔會食到好多粉咁👍🏻脆炸北海道牛奶外脆內軟 熱辣辣 好明顯係新鮮炸出嚟嘅 仲要入面嘅牛奶好有奶味😍招牌奶黃包一咬落去 個流心奶黃包多汁到流晒出嚟我隻手度 好滿足嘅感覺🤤🤤黑松露北菇燒賣皇有少少嘅黑松露令到個燒賣唔會淨係得一舊肉味咁寡🤣月半灣晶瑩鮮蝦餃粒蝦餃好大粒 塊皮又薄 入面起碼有三粒蝦🦐🦐🦐好姐潮州蒸粉果哩樣係婆婆嘅至愛 所以每次飲茶都會點 個粉果皮都好薄 入面都好足料 我同婆婆都食到好滿足😋😋舖頭嘅姐姐都好好傾 佢哋話餐廳係自家製品牌所有點心現場即點即做 手作點心 難怪咁好食啦😋😋佢哋仲話師傅曾經喺日本東京富麗華做左好多年 專為高管達人和明星服務 返香港之後喺多間米芝蓮酒店及大型連鎖酒樓集團做主管架🫡

鋿晶館🥟夜晚放工都想食點心？到底邊度可以滿足到我哋？答案就梗係鋿晶館啦🤤🤤餐廳嘅點心係自家製品牌，所有點心現場即叫即做，係手作點心！佢哋嘅點心師傅，聽講仲喺日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富架！鮮蝦菜苗餃🥟 $30菜苗餃餡料飽滿，鮮蝦隻隻大大隻，好食！百吃不厭鹹水角$24即叫即炸嘅鹹水角又點會輸呢？呢個一定係飲茶必要點心！💓香噴噴招牌流沙包 $30佢哋嘅流沙包，味道偏甜一啲，我比較鍾意呢一個味道！🙈好姐潮州蒸粉果 $24粒粒都大大粒，20幾蚊就有！✅✅馳名南翔小籠包 $34呢度嘅小籠包，雖然稱唔上係最薄嘅皮，但係入面嘅餡料同埋肉汁一樣都係冇得輸，好好食😋！椒鹽魷魚🦑 $58魷魚鬚份量都幾多，即叫即炸非常香脆，比起大部份嘅酒樓做得好喎👍🏻

好耐冇同呀爸撐台腳，今晚順佢意去飲夜茶🫖其實我係第一次食，不過呀爸係常客😳佢話呢間係自家製品牌，啲點心現場即點即做，好新鮮👍🏻👍🏻👍🏻又真係幾好食喎！🛎 $22 月半彎晶瑩鮮蝦餃(2粒)蝦餃皮很薄～晶瑩通透✨ 蝦肉非常多，而且爽口彈牙🥰有得揀只叫2粒好好🤣咁我哋就可以試多啲其他唔同既點心🤘🏻🛎 $30 山竹牛肉球大大球🐮牛肉超新鮮嫩滑入面既馬蹄都好足料，啖啖都索索聲😈加喼汁係絕配🛎 $22 老爺子古法馬拉糕非常金黃挺身靚仔既馬拉糕😎好似海綿咁既鬆軟口感甜甜地既點心🥧岩曬我心意！🛎 $20 黑松露北菇燒賣皇 (2粒)呢到啲點心都好大粒😍燒賣都唔例外～北菇令燒賣更有水份黑松露味道濃郁，又香🤪正🛎 $30 香噴噴招牌流沙包呢個流沙包真係好濃蛋黃味趁熱食係一流🙏🏻問下樓面姐姐先知，原來呢間既師傅之前係日本東京富麗華做左幾年野👨🏻‍🍳專係服務啲高管達人😳返香港之後又係唔同既米芝蓮酒店同大型連鎖酒樓集團做主管，經驗咁豐富，唔怪得知啲點心咁高質😏🛎 $24 百吃不厭鹹水角完全食得出係即叫即整，因為唔係平時食會乾炆炆個啲🙏🏻外皮金黃煙韌內裏有蔥花肉碎，調味平衡，咸香充足😋學呀爸話齋～手作點心真係冇得彈