鋿晶館

營業中

休息中

同朋友做完運動，又嚟咗附近醫肚。其實上次黎已經食過幾樣點心，今次再嚟試其他，一樣咁好味。除咗鵪鶉蛋燒賣同蘿蔔糕氣必點之外，今次仲點咗雞紮、菜苗餃、鮮竹卷、流沙奶皇包同埋炸煎堆。點心一如以往都係即叫即蒸，個鵪鶉蛋燒賣真係每次必點，啖啖都係兒時嘅味道。而菜苗餃、鮮竹卷同埋雞紮味道都好好，而且好足料。今次嘅流沙奶皇包唔係好流沙，不過都可以接受。比較失望係煎堆，雖然食落去有流心嘅芝麻，但係個皮好厚，咬落去有啲油同埋好韌。但係overall點心都非常高質，而且服務態度好好，阿姐成日叫我哋多啲嚟