金飯館

營業中

休息中

［想私藏的飯館］在觀塘辦公，於是多了時間可以找觀塘的美食。今次，經過這間新開的飯館，決定入去一試.餐牌主打飯類，有炒飯、泡飯，和小食當中最吸引我的是飯配醬汁：黑椒汁、咖哩汁、茄汁，仲有金沙汁.招牌脆皮牛腩飯 （配金沙）可以搭配金沙、黑椒、咖喱、茄汁，個人配了金沙汁（咸蛋黃）很香同炸得香脆的黃金牛腩好夾！撈飯更是一流一碟講究的脆皮牛腩其製作工序比較多，再加上其獨特外脆肉香的味道和口感，由製作、調糊、烹炸等每一步驟，都很考究廚師的功力..招牌蝦頭油炒飯即叫即炒的蝦頭油炒飯，超級有鑊氣！一碗就有6-7隻大蝦，配料多帶子，大蝦米，蠔仔等…仲有粒粒分明的炒飯充满蝦頭油的香味香口而不油膩小食:椒鹽雞翼每隻雞翼都精心挑選，夠大隻，炸至金黃色香口酥脆的雞翼夠邪惡夠惹味，配有的蒜香，更是齒頰留香.好味到想私藏！再配一杯手攬凍檸茶

經過牛頭角見到一間新開無耐嘅餐廳，餐廳用飯來做主題，除咗門面見到大大粒飯既卡通公仔之外，入面仲裝修得幾靚。到咗晚餐時間已經有一家大細嚟排隊，可見受歡迎既程度 秘製炒牛肉雙燶邊蘭王蛋炒飯呢隻雙蛋真係無得輸，一睇色水就知係嚟自日本蘭王，大大隻呈燈黃色，而且仲要係燶邊，煎得恰度好處。睇到咁飽滿既靚蛋畫面真係好治癒，咁靚真係有啲唔捨得拮穿佢🥺 炒飯底粒粒分明，再配搭沙嗲牛肉既微辣夠哂惹味🤩，濃稠嘅蛋漿除咗增加炒飯既濕黏度，更令蛋香滲入每一粒飯，食落更有層次👍椒鹽豬扒飯大大碟既椒鹽豬扒飯又幾足料喎！飯係混合咗蛋絲同埋蔥既炒飯底，更加入色彩鮮艷既辣椒，望落開胃。椒鹽豬扒肉質鬆軟，相當惹味。蜜汁雞翼蜜糖既甜配上香脆嘅表層，上面更灑上芝麻增加口感。雞翼尺寸比一較大，所以入口啖啖肉👍 正一間港式餐廳入面，奶茶絕對係靈魂角色，呢度既奶茶比例岩岩好，飲得出茶香又唔會過於苦澀，即刻精神曬🤩總結：見到間餐廳要排隊都知佢相當有料，估唔到所有餸係新鮮滾熱辣即叫即整，而飯採用炒飯底真係幾有誠意。除咗食物質量幾好之外，值得一讚既係店員服務態度都nice，係一間幾親民既溫馨小店，真係幾適合一家大細嚟食👨‍👩‍👧‍👦

•金飯館•金飯館主打各款特色炒飯，店內環境唔錯，性價比相當高，除咗街坊，附近返工嘅朋友都係佢地嘅fans呢!🌀招牌蝦頭油炒飯果然係招牌菜，裡面配料豐富，有蝦、元貝等海鮮，最驚喜係加咗creamy嘅蠔仔🦪jeng‼️炒飯底夠晒鑊氣，金黃色嘅賣相十分討好，食落亦粒粒分明，充分演繹炒飯嘅特色🌀椒鹽豬扒飯賣相極霸氣，聽店員講呢個飯都好受歡迎，好多人都會打電話嚟訂定先！同樣係配炒飯底，椒監豬扒加上大量配料，香口惹味得嚟唔油膩，微辣嘅辣椒🌶️送飯一流👍🏼🌀蜜汁雞翼小店選用mega size嘅雞翼，高成本之作！而家真係買少見少😍雞翼外皮以蜜糖包裹住，依然香脆無比，食落甜絲絲仲有少許黏牙嘅效果😋內裡雞肉juicy滑嫩，一試難忘，小店嘅實力不容忽視‼

今晚放工經過金飯館， 順便入去食晚飯。 店內環境光猛， 店員服務貼心，非常有禮，值得一讚。 餐廳以炒飯為主， 價錢適中， 我就點了🥢🍚秘制炒牛肉雙燶邊蘭王蛋飯(沙嗲汁) 、 即叫即炸豬扒飯、 椒鹽雞翼和手攪檸檬茶。 🔸秘制炒牛肉雙燶邊蘭王蛋飯(沙嗲汁) ～ 嘩！ 蘭王蛋的蛋黃橙紅色🍳， 亮麗吸引， 蛋香味濃， 用作拌飯特別好吃😋。 沙嗲味道香濃，配牛肉就更加滋味， 牛肉份量多又軟嫩。炒飯底更加是重點， 粒粒金黃色的炒飯😍，晶瑩通透又乾身， 必吃推介👍🏻。  🔸即叫即炸豬扒飯 ～ 有幾塊大大的豬扒🥩，厚切酥香惹味， 肉質新鮮又入味🥰。 🔸椒鹽雞翼 ～ 椒鹽雞翼很香口🤤， 有肉汁。 🔸手攪檸檬茶 ～ 凍檸茶味道正常， 帶點微甜。 用心製作的食物， 絕對值得推介👍🏻。

是日同HONEY去左哩間牛頭角的金飯館，佢的飯底大部份都系炒飯，啱曬我地哩D唔鐘意食白飯的人哈哈是日同HONEY點左個招牌蝦頭油炒飯，蜜汁雞翼，秘制沙嗲牛肉雙燶邊蘭王蛋飯，金飯仔沙嗲三寶，手攬凍檸茶 ，凍忌廉汽水手攬凍檸茶 ，凍忌廉汽水手攬凍檸茶 ，凍忌廉汽水，佢地的手攬凍檸茶真的好特別，先整好再給客人飲，真的夠方便金飯仔沙嗲三寶金飯仔沙嗲三寶有豬皮，魷魚，牛柏葉，佢地的沙嗲汁好重花生味，真的愈來愈開胃蜜汁雞翼(3隻)蜜汁雞翼的蜜糖真的超多，炸得香口，3隻真的唔夠食招牌蝦頭油炒飯招牌蝦頭油炒飯有三隻大蝦，另外金黃色的炒飯，蝦頭油的香味在飯到，愈食愈想食，秘制沙嗲牛肉雙燶邊蘭王蛋飯秘制沙嗲牛肉雙燶邊蘭王蛋飯的蘭王蛋真的好吸引，如果雙燶邊再燶就無敵，牛肉飯的汁好濃，再加埋炒飯真的好滿足金飯館的飯真的好啱我地唔鐘意食飯的人，另外職員的服務也唔錯，值得支持~~

今日約左個朋友係牛頭角附近食野，本身唔太期望呢間茶餐廳，不過一入門口就比個叔叔吸引到，佢勁好服務同態度，搞到我都唔好意思tim。龍躉球飯$78 (金沙汁 +$5炒飯底) 龍躉啖啖肉好正，而且熟嘅程度岩岩好，唔會太老，又唔太凍左或者翻熱個啲整定感覺。加上金沙汁不得了，勁邪惡，而且個炒飯好好食，粒粒分明，又乾身，加5蚊真係抵到爛。老干媽口水雞飯 $62 (+$5炒飯底)口水雞好好食，辣味好爽，唔算好辣，不過麻辣感覺好爽好好送飯，而且套餐都差唔多有半隻雞左右份量，飽到癲。龍躉班肉泡飯 $73泡飯湯底好重要，魚湯做湯底加埋好大份嘅龍躉肉，淨係食龍躉肉都好飽，加上泡飯係一個好好味嘅配搭，不過胡椒味就重左啲啲，可接受。雞翼3隻 $25新鮮炸雞翼，冇得唔好食。醋香青瓜 $23冷盤青瓜加汁，standard水準。白灼時蔬配秘製醬油 $22菜都係冇得難食，不過醬油就幾好味。Overall黎講，可能一開始比呀叔太禮貌搞到成個experience都好好，心情好左啲野食都好食左，估唔到茶餐廳都好有水準。正！

我和朋友喜愛食西餐，今次打算到牛頭角一帶覓食，享受美食佳餚的情趣，上網看見「金飯館」在旺角砵蘭街，地理環境很好，食材都很新鮮，受顧客喜愛，一個談天說地的好地方。進入金飯館，環境雅緻，整齊優美，舒適寫意，歡聚閒談的聚腳地。入面的佈置和擺設十分美觀，可愛的公仔，充滿溫馨的格調。店內特高樓底，人多也不感覺侷促，空間感很好，乾淨整潔，氣氛輕鬆。招牌蝦頭油炒飯炒飯賣相吸引很開胃，十分足料，大蝦肉質鮮嫰爽滑，紮實彈牙，仲有蠔仔，元貝粒及細魚肉，保持彈性，口感煙靱，炒飯香氣撲鼻，整體配合，非常滋味，我食不停口，正合我的口味，令人食指大動。招牌脆皮牛腩飯外層脆皮好脆，脆口細膩，牛腩可比美坑腩，牛肉味濃郁，肥瘦均勻，肉汁豐盈，咬落去啖啖肉，彈牙爽口，讓人回味無窮。麻辣青瓜未食都聞到很香的青瓜味，青瓜有麻香，唔會太辣，食落多汁，肉質嫰滑，非常爽口，口感豐富，芳香的味道仍在口中留戀。蜜汁雞翼雞翼厚身大隻，蜜汁香甜，功夫非常了得，恰到好處，配上醬汁，配搭很好惹味，齒頰留香，值得推介。金飯館（牛頭角）地址：牛頭角牛頭角道323號地下J號舖 

觀塘呢個地方的確真係非常之少踏足。之前成日好想嚟呢度食嗰間香格里拉米線，但係最後都未能成事，始終地方唔係非常方便。住土瓜灣嘅我哋自從有咗地鐵之後的確方便咗好多，去九龍東同觀塘其實都方便咗好多，以前淨係揸車先至可以嚟呢度食飯，而家搭地鐵都可以嚟食。於是上網見到沙嗲牛肉麵關注組，話呢一個沙嗲牛肉加蘭王蛋飯好食就一定要試吓。送上枱嘅一刻，沙嗲汁非常多，炒飯底，加上煎到燶邊嘅日本蛋，一口吃落去真係出賣靈魂系列。咁大碟，又用上名貴嘅日本蛋都只係$78 ，怪不得今日我後面都坐住幾個學生過嚟食。可惜，冇得閒影到相，食到椒鹽豬扒先記得。另外試咗呢個豬扒幾好食，比喺大圍食嘅都好。

去觀塘搵朋友，發現了這間新開的飯館，見個名幾特別，就入去開飯！他們是小店經營，各種飯只需$50-80左右，食了後發現食材高質，性價比相當高，好驚喜🤩最驚喜的是龍躉球飯，是超大塊且厚的龍躉肉，煎得金香，肉質亦好嫩滑，如此高質素的確是意料之外～還可以配特色咖喱，微微香辣得來好特別，似是餐廳自己調出來。黃金海皇泡飯亦是另一驚喜之作，海皇湯好濃香 足料，入面有魚肉、帶子、瑤柱、鮮蟹肉 ，配⬆️脆米，口感一流。款款食材都是有質素的。蜜汁雞翼非常香蜜糖味，而且蜜糖表層好香脆，甜度剛好，幾高質。麻辣青瓜加了好入味的四川作調味，青瓜非常爽脆，好啱鍾意食辣嘅人。平時不太好食飯嘅我，在這裡吃過後對飯完全改觀，下次再來開飯😋

今日經過牛頭角道，看到這家新開的炒飯店🙇🏼‍♂️ 進店後，熱心的店員帶我入座，並介紹了他們各種炒飯👍🏻 炒飯的配搭有很多種，脆皮牛腩、安格斯牛柳粒、椒鹽豬扒等等。最後我選了龍躉球飯（炒飯底）和蜜汁雞翼。食評：龍躉球飯性價比很高，有大約4塊大片的魚肉。肉質有彈性，連魚皮都是厚厚的😋 加了用蛋黃做的金沙汁，配上炒飯味道很好，炒飯的蛋也是很足夠，炒得很乾身👍🏻 蜜汁雞翼的醬汁很豐富入味🤤，雞翼每隻的份量也是偏大，愛吃雞翼之人吃三隻應該是不夠的😆還點了一杯手攪凍檸茶，沒有拍照，凍檸茶的菜底也喝得出是有花了心思在裡面，味道剛剛好。環境上是舒適的，空氣十分流動，廁所的衛生也做得很好。店內擺設了不少裝飾品，一些藝術畫和Bearbrick公仔，看來老闆也是個潮人👻這次整體的體驗是十分不錯，老闆最後也親自過來問我意見，有什麼地方可以改善☺️ 我當時想不出來，下次一定會叫上好友們再來試的。

疫情之下，好多小店都執左，本身黎食車仔麵小店既，可惜無左，見隔離開左間新店就支持下，反正黎到都唔知食咩好。老闆超Nice，附近返工既熟客仔打過電話黎，計好時間幫佢準備定。🥢招牌蝦頭油炒飯🥢 $73超超超豐盛海鮮飯，有蠔仔、干貝仔，蝦仁..真係食餸多過你食飯！粒粒米飯都充滿油香而且勁乾爽，加埋炸到勁香既海老仔同埋青蔥，真係勁香口勁有鍋氣勁好食！🥢龍躉班肉泡飯🥢 $73成個面都鋪滿魚肉，足料到呢！！！不過湯蓋過哂，影唔到比大家睇。湯底勁奶白，好鮮味，魚肉柔滑帶爽好厚肉。配料仲有Ｄ肉碎同香芹提鮮，喜歡既可以加配菜脯粒，更有口感，味道更濃。成碗食哂見底，都唔覺得好口渴，絕對要飲哂Ｄ湯！🥢椒鹽安格斯🥢 $58呢個係椒鹽真係又椒又鹽，食得出猛火爆香，即刻好上火，牛肉唔老，帶少少脂肪肉味更濃，味道啱啱好。

閒日放工好攰唔想煮飯 搵左朋友係佢公司附近食個快飯！呢間金飯館係係牛頭角既茶記！有好多邪惡炸既肉好吸引😂係weekday comfort food!炸豬扒又厚又大塊 夠曬份量😆大食朋友都話夠食🥳炸粉有少少太厚 不過呢個價錢呢個質素係茶餐廳食覺得都好ok😜值得一提係個炒飯底！🤩餐廳小心機係整左個炒飯唔係配白飯😇雖然只係簡單蛋炒飯 但食落吸引好多香好多🥰雖然係邪惡炸豬扒飯！但都有啲fresh既菜平衡返😜感覺邊康返少少🤣

牛頭角近觀塘附近一直都有好多平民美食，好似之前介紹過嘅餃子同糖水，最近除咗一眾茶記之外留意到開咗一間新店，主題竟然係「飯」🍚，真係有啲估佢唔到。餐廳內籠雖然唔大，但都幾燈火通明。💚 蜜汁雞翼（3隻）即叫即整嘅蜜汁雞翼，皮焗到好脆之餘蜜汁都好甜好香，雞翼亦多汁唔乾身！💚 招牌蝦頭油炒飯呢間餐廳有個賣點就係佢哋嘅招牌炒飯，最經典就係呢款蝦頭油炒飯，坊間少見，即叫即炒好有鑊氣，而且仲超足料！配料有蝦仁、大蝦、蠔仔、魚肉，配合蝦頭油炒更加帶出海鮮鮮味，表面再加上大量嘅櫻花蝦，另外店員仲會俾一兜仔辣菜餔，口感同味道一流。再一讚就係炒飯都非常乾身，唔油膩同埋鹹度適中。💚 招牌脆皮牛腩飯（配金沙汁）邊個會估到原來牛腩係可以炸嘅？牛腩條加上一層薄炸漿，令到本身濃味嘅牛腩加多咗一個層次，配埋鹹蛋金沙汁餸飯一流！另外一提係呢度雖然係小店，但店員服務的確幾好，落單埋單好有禮貌🌟味道: 🌕🌕🌕🌕🌑服務: 🌕🌕🌕🌕🌕環境: 🌕🌕🌕🌗🌑價錢: 🌕🌕🌕🌕🌑－－－－－－－－－－－－📍金飯館牛頭角牛頭角道323號地下J號舖－－－－－－－－－－－－#tiufufoodie在牛頭角 #hkfood #hkfoodie #h

牛頭角有間金飯館。約咗個住附近嘅朋友食飯，佢話呢度嘅炒飯好食。今日一於試試。嗌左美極安格斯炒飯同招牌蝦頭油炒飯。叫得金飯館，d炒飯果然有番咁上下。炒飯粒粒分明，鑊氣十足。美極安格斯炒飯牛腍身，有少少肥膏，牛味香濃。招牌蝦頭油炒飯除左蝦，原來重有蠔同帶子！😍蠔好肥美，入口即溶唔鯹👍🏻蝦開邊，已預先清理曬腸臟，食得放心又暢快。炒飯用左蝦頭油醬炒，加上櫻花蝦，好香口。嗌左兩款小食：青瓜同雞翼。青瓜可以揀麻辣或醋香。我同朋友唔多食辣就揀左醋香。青瓜爽脆。雞翼有椒鹽味同蜜汁味兩種口味選擇。想食香口d就揀左椒鹽味。隻隻大大隻，皮脆肉嫩，入口好香蒜香，辣椒嘅辣味恰到好處，好惹味！😋嗌埋杯野飲——凍手攪檸檬茶。最特別又細心位係佢張點餐紙有格仔比你剔少甜/走甜/少冰/多冰，有白紙黑字寫低，保證整出嚟嘅檸檬茶合乎晒你嘅要求呀！我嗌咗少甜。果然甜度剛好，茶香又濃。

蛋炒飯呢家野，唔容易做得好。米煮冇飯之後，每粒飯要吹返乾身，落鑊先至容易粒粒粘到蛋漿。要每粒都粘到蛋漿，先可以做到每粒有蛋香同埋微焦味。要微焦味，爐火不能太猛。爐火不夠猛，又唔容易打散飯團，同埋俾啲飯粒上油。上唔到油，粒飯就容易粘鑊變燶。簡單嚟講，我望周圍枱，人人都有叫炒飯，碟碟都做到粒粒乾身帶色⋯ 廚房個師傅係得嘅 👍🏼不過整體碟炒飯口味比較偏重，廚師為追求每啖飯都有豐富口感，落咗好多不同質地的配料⋯ 呢啲食法並唔係我杯茶，所以只能比四星。