金飯館

營業中

休息中

朋友本身係牛頭角番工😌佢話近期果邊開咗間好多人推介既炒飯專門店，今次襯收工同朋友去試吓😎 全部都係即叫即整，需要等耐大約10至15分鐘，味道果然有驚喜！_🐷椒鹽豬扒炒飯 見倒差唔多枱枱都有叫所以叫咗黎試吓，即叫即整熱辣辣，食落好惹味，椒鹽豬扒肉質不會過鞋，另外值得一讚既係個炒飯底好有鑊氣幾香口😀鐘意食炒飯既朋友仔要試吓秘制沙爹牛肉煎燶邊蘭王雙蛋飯平時既印象沙爹牛肉都會配公仔麵，原來配炒飯都唔會唔夾，沙爹牛肉有咬口沙爹汁幾香口，特別之處應該係佢隻雙蛋，用咗蘭王蛋蛋味香濃，煎燶邊幾脆口值得一試蜜汁雞翼餐廳亦有提供多款港式小食，今次叫既蜜汁雞翼都好滋味，大大隻好重蜜糖香，如果雞翼可以更入味會更好

-金飯館🍽-🥢蜜汁雞翼 $32小編覺得蜜汁雞翼係最難抗拒仲要雞翼炸到卜卜脆再淋上蜜汁甜甜地既好食😋3隻唔夠喉可以叫佢5隻🤣-🥢椒鹽豬扒飯 $78呢個不得了係每日限量供應😍椒鹽豬排即叫即炸勁有鑊氣仲要豬扒份量都好多成5,6件😉飯底係呢間鋪頭既特式就係所有飯底都係用炒飯！岩哂小編因為小編最唔鐘意白飯😂炒飯勁香蛋味飯粒分明👍-🥢秘制炒牛肉雙燶邊蘭王蛋飯 $78想再重口味d可以試呢個牛肉飯😍佢其實係沙嗲牛肉汁加埋兩隻蘭王蛋再撈炒飯好邪惡🤭

最近屋企樓下開左依間炒飯專門店，每次經過都見門外總好多人等位或等外賣，今晚無煮飯和屋企人一試，食出其滿分誠意。店子雖細枱櫈排列工整，座位有一定空間唔算好迫，環境光鮮無油煙味。而炒飯係即叫即炒，炒飯需時但值得一得，真心覺得好味，足料又好味道，價唔經濟ＣＰ值高。是街坊飯堂的不二之選，難怪平日夜晚店子都慣常坐滿人啦～即叫即炸椒鹽豬扒飯 $78豬扒五大塊厚身，份量相當多，無骨半肥瘦，食起來啖啖肉，肉質鬆軟保留肉汁。以椒鹽炸蒜花椒爆炒，醞釀著避風塘風味，欣賞其香口惹味，味道也不會過濃，配以黃金炒飯底，飯粒粒分明，水準不俗，加埋菜脯粒，多份口感和味道。炒飯都幾大碟女仔未必食得晒。秘製沙嗲牛肉雙燶邊蘭王蛋飯 $78沙爹汁味道香濃好多汁，牛肉嫰滑大片好多片。配以燶邊蘭王蛋，蛋香非常濃郁，蛋液撈飯食超正，加埋菜脯粒，好味好味。蜜汁雞翼 $48雞翼五隻大隻，外皮脆沾滿蜜汁，內裡充滿肉嫩充滿肉汁，小食都值得一食。手攪檸檬茶 熱飲 +$6，凍飲 +$8，用黃檸加青檸，味道清新無澀味。

去夜校報完名就去附近醫肚，係時候睇定依頭有的咩食，等遲下上堂前街可以食下野🤣。原來依到開左好多唔同新既舖頭，今次就揀左食飯🍚。兩個人食，叫咗兩個飯share再加一個小食。佢上餐嘅形式好似快餐店咁，一個餐盤一個set咁，幾清晰😌，除左個飯，仲有一小碟辣菜莆🤤。🔻秘製沙嗲牛肉雙燶邊蘭王蛋飯🔻個沙嗲牛肉真係冇得彈🤤，沙嗲味香濃，同牛肉係超夾🤗，濃郁得黎唔會過咸，比例好好👍🏻。蘭王蛋蛋味十足，橙紅色既半熟蛋黃加燶邊係勁吸引😌，你可以一啖吸左個蛋黃滿足左自己先😆，只一隻就可以撈飯食，而且撈埋沙嗲牛肉食落又滑的又惹味😋。🔻即叫即炸椒鹽豬扒飯🔻依個真係不得了，真係推介‼️一上枱個下真係嘩出黎。淨係賣相己經流晒口水🤤。金黃色既炒飯，配上勁有鑊氣既椒鹽豬扒，真係想快的擺入口😌。炒飯食落幾有口感，真係粒粒分明粒粒飽滿😋，加少少辣菜莆，食落爽脆又惹味。主角椒鹽豬扒咸味恰好，香脆味帶少量辛辣🌶，加埋炸到勁香既蒜，撈埋個飯一齊食真係停唔到口🤩🔻蜜汁雞翼🔻雞翼炸到脆卜卜，食落熱辣辣，沾滿蜜糖，真係好好食。熱辣脆口食落香甜，油膩感大減😌之餘仲幾醒胃👍🏻，表面既芝麻，食落仲帶少少香氣😋。

第一次嚟呢度食lunch, lunch time 時間人山人海叫左個雞亦，青瓜，豬扒炒飯同沙嗲牛肉蘭王蛋飯。雞亦好正，青瓜好有驚喜，佢個涼拌好得，美中不足係係個沙嗲牛肉有筋。

經過見到呢間餐廳平日都坐滿客人，原來係觀塘區新開飯店，睇個名『金飯』就知道重點係個炒飯底🤣 目測全間舖前後十多張二至四人枱，坐位的確有點兒迫，但為咗支持小店迫小小都值得的。店舖員工都非常友善，唔該前唔該後又叫你小心啲，安排都好細心。我地分別叫咗兩個招牌碟頭飯，椒鹽豬扒同燶邊蛋沙嗲牛😆😆 另外飲品就凍奶茶凍檸茶，仲加咗碟小食蜜汁雞翼。睇相都覺得好吸引，大大碟飯大大嚿豬扒🤤驚喜、驚喜、驚喜！驚喜一：凍檸茶用咗雙檸🍋係檸檬加青檸，FRESH! 驚喜二：燶邊蘭王蛋，仲要有兩隻咁多！驚喜三：脆皮蜜汁雞翼，真係好脆，可以改名叫做拔絲雞翼🤣驚喜完梗係要講下招牌炒飯，真係好大碟😁 飯就粒粒黃金有蛋香，乾身唔油。無論係配惹味十足嘅椒鹽豬扒定沙嗲牛肉都好夾。豬扒夠入味又香口，沙嗲牛肉就會比平時湯麵嗰啲香濃稠身，好味道。兩大碟飯清晒，估唔到食碟頭飯都可以咁滿足😋😋 聽到隔離枱叫黑松露帶子炒飯同埋蝦頭蝦油炒飯😇下次再嚟！

牛頭角新開左間隱世飯館，就算唔係食飯時間都滿哂人😏所以最近K同M妹都走左去試下點解咁利害🤗一入去到就比店員大叔滿滿既熱情吸引左🤣🤣佢對每位入黎既客人都好親切咁招呼，單係呢樣都好加分啦😛🌟 秘制沙嗲牛肉雙燶邊蘭王蛋飯 $78一見到果兩隻橙黃色既燶邊蘭王太陽蛋已經覺得又邪惡又吸引🤤好晶螢咁💥拮穿濃厚既蛋黃用黎撈飯已經好正🤣沙嗲牛肉同樣好味～花生香氣濃郁調味剛好，唔會過太鹹。牛肉肉質細嫩，好快就清左個飯😗🌟 即叫即炸椒鹽豬扒飯 $78 (限量)即叫即炸既椒鹽豬扒熱辣辣🔥而且份量好多，每件炸豬扒上面有椒鹽、炸蒜粒、香葱、辣椒粒等調味，香口又惹味～送飯一流😋炒飯同雞蛋均勻混合，粒粒飯都顯出淡黃色，而且炒得幾乾身，粒粒分明咁😉🌟 蜜汁雞翼 雞翼可以選3隻 ($32) /5隻($48)，口味則有蜜汁同椒鹽可以揀~即炸雞翼外皮夠哂香口；蜜汁完全包裹雞翼，咬落去既有蜜汁既甜味、又滿滿肉汁😏好難唔好味～

八款招牌炒飯都吸引，叫左個最貴既招牌蝦頭油炒飯 $73 非常足料，有大蝦，蝦仁，櫻花蝦，蠔仔，帶子，魚塊等。個飯炒得乾身，好香！另外叫左碟招牌脆皮牛腩飯 $68牛腩食得多，脆皮牛腩都唔多餐廳做，呢度個脆皮整得唔錯，賣相幾吸引，可惜食落件牛腩唔夠腍。除左脆皮牛腩少見，金沙汁都幾特別，呢個係用鹹蛋黃整成，質感比較杰，有少少鹹蛋碎，但味道唔覺太鹹，撈飯一流。每碟飯都有跟微辣菜脯，平時多數食麵先加，原來加埋落飯一樣正！餐牌上樣樣都好吸引，下次去再試下其他！

呢間啲炒飯真係用明火爐同鑊炒，同出面普通茶餐廳真係差幾遠😳有個叔叔超好服務態度，好欣賞！秘制沙嗲牛肉雙燶邊蘭王飯 $78兩隻蘭王蛋相當吸引，蛋黃係鮮橙色，撈飯一流👍🏻炒飯炒得好乾身，粒粒分明，但由於本身都有味，再加上沙嗲牛肉就略嫌太濃味，但沙嗲牛肉係好濃郁份量又好多的！即叫即炸椒鹽豬扒飯 $78呢個豬扒炸得外層香脆內層鬆軟，炒飯同炸蒜夾到不得了，好香！🤤蜜汁雞翼 $48熱辣辣炸起再加蜜糖感覺冇咁熱氣，灘左一陣都仲係熱到辣口🔥甜甜地幾夾啲飯凍檸茶幾出色，加上左青檸🍋

餐廳位於牛頭角，鄰近地鐵站地鐵附近，地理十分方便快捷。餐廳主打的就是米飯類型，我這天和朋友一同前來挑選的食物也就是椒鹽豬扒炒飯，這個炒飯絕對是美味的選擇，先說說飯底，炒飯底即叫即炒，絕對是新鮮又美味，不要小看這個炒飯底，雖然只是挑選了蛋和飯，把兩者混合起來，但完全不油膩，最重要粒粒分明，絕對不是一件容易的事。另外椒鹽豬扒更是一絕，吃起來充滿大排檔的感覺，鑊氣十足，但最重要也就是不油膩，加上豬扒入口鬆軟，真美味。

《粒粒皆辛苦🍚》———————————————-#金飯館 🧡-早排見客放工經開觀塘，超級肚餓就去咗呢間新開主打鑊氣碟頭飯嘅餐廳，估唔到質素咁高👍🏻-叫得做炒飯專門店，就知道夠哂講究啦😚全部都可以配炒飯底，即叫即炒，製作需時，所以要耐心等候～炒飯用上泰國米，米香突出，粒粒炒得金黃乾身🧡-🐽 即叫即炸椒鹽豬扒飯呢款係麻甩之選，招牌椒鹽豬扒相當出色，肉質鬆化，肥瘦分明，一啲都唔鞋口～用咗秘製醬料醃製，唔會死鹹，椒鹽及辣椒亦是即時生炸，超級惹味😋-🐮 秘製炒牛肉雙燶邊蘭王蛋飯沙嗲牛肉味層次豐富，原來唔止擺落公仔麵得，放落炒飯亦可以，味道配搭得宜！重點係落重本，用上蘭王日本蛋，橙黃色澤凸顯出蛋香極濃，仲要專登煎到燶邊，一定要刺穿蛋黃撈埋炒飯底嚟食😈-🐣 蜜汁雞翼我哋仲追加左個小食，呢款蜜汁雞翼非常驚喜，蜜汁帶點微酒香，沾滿大大隻煎雞翼嘅上面，超級抵讚！-🍌 抵deal 指數：8/10💰 人均消費︰$100

🌸即叫即炸椒鹽豬扒飯 $78每日限量供應，製作需時15分鐘，要吃好西，要點耐性。椒鹽豬扒份量超多，非常足料。炸豬扒一點都唔嚡熠熠，好juicy，炒飯底好香又大碟，粒粒飯都被蛋包住，粒粒分明，大胃王岩哂。🌸秘制沙嗲牛肉雙燶邊蘭王蛋飯 $78半熟橙黃色的蘭王蛋非常吸晴，沙嗲汁好香濃惹味，牛肉份量都唔少，一點都唔韌，蛋黃跟沙嗲汁伴飯一流。🌸蜜汁雞翼(五隻) $48即叫即炸，蜜汁沾滿雞翼，再灑上白芝麻，香脆可口。

搵食搵到牛頭角呢邊😍已聽聞呢度既炒飯好出名，同埋都幾易搵，一出牛頭角地鐵站A出口，沿住牛頭角道一路直行，大概五分鐘就到😍🌟招牌蝦頭油炒飯🌟寫得係招牌，第一次嚟到點都要試吓先算係嚟過，想講碟飯未到，已經聞到蝦頭油既香味，好有獲氣，飯盒粒粒分別，上面有新鮮既蝦肉、蝦米、帶子、蠔仔，仲有少許蔥花一齊炒，非常惹味💯呢度既熱飲(+$6)，其實想試佢哋既咖啡茶，但怕夜晚會失眠，就唯有飲熱檸茶🙈凍飲就+$8，目測都幾大杯🤩🌟即叫即炸椒鹽豬扒飯🌟呢個又係要食😍不過係每日限量，有幸今日食到，要問下老闆售罄未😅同埋留意返製作時間需時：15分鐘，好野係要啲時間等下😆無論係豬扒定飯，又係大大碟夾抵食，飯底都係炒飯底🤗🌟蜜汁雞翼🌟即叫即做，味道係偏甜既蜜糖味，個皮好香脆可口，上面帶有些少芝麻，雞翼既精華係個皮，好味到連皮都食埋🤤食完真係覺得要私心收藏，要推介比鐘意食炒飯既朋友仔😌

🍳秘製炒牛肉雙燶邊蘭王蛋飯（$78）：每片沙嗲牛肉都十分完整，肉厚有嚼勁，味濃帶微甜。店家落足本，就連煎雙蛋都選用咗上好蘭王蛋，離遠就見到鮮紅濃稠嘅蛋黃。將蛋黃及炒飯融合，再送入口，簡直係炒飯底嘅浪漫。小編個人覺得，如果呢份沙嗲牛可以跟麵嘅話就簡直係一絕。🥣即叫即炸豬扒飯（$68）：小編揀咗椒鹽豬扒飯，最鍾意啲香口惹味嘅嘢食。尤其係啲炸蒜粒，拌飯真係好正！每塊豬扒嘅長度同小編手掌差唔多，仲要係真正嘅啖啖肉。厚切得來又可以保持到鬆軟，相信豬扒經過咗千錘百鍊。另外店家提供多種醬汁供食客選擇，包括有：金沙汁、黑椒汁、咖喱汁，茄汁，以及椒鹽（招牌推介）🍗蜜汁雞翼五隻（$48）：名副其實嘅蜜汁雞翼，雞翼與雞翼之間有着蜜糖絲的黏連。味道嘴邊就已經聞到蜜汁嘅香氣，外皮脆香蜜甜，內裏肉質軟滑多汁。🥤跟餐熱飲+$6；凍飲+$8：友人嗌咗杯凍檸茶，小編則叫做杯凍奶茶，飲得到茶味，仲要唔澀！幾好。☺️總體而言：性價比合理，食物質素有保證。店員服務態度優良，熱情有禮，會主動推介食品。食物份量足，運動員男性朋友都食得飽，食量比較少嘅朋友可能要叫少飯。茶記來講，唔錯嘅選擇。金飯館 (牛頭角)地址：牛頭角牛頭角道32

牛頭角附近新開左間小店，估唔到有幾有心思！即叫即炸蜜糖雞翼🐔外脆內軟剛剛乍起熱辣辣，蜜糖均勻地鋪滿雞翼表面，雞翼夠晒大隻厚肉！好食嘅估佢唔到！秘制炒牛肉雙燶邊蘭王蛋飯可以自選執我揀咗秘製沙嗲汁！沙嗲味超濃郁真材實料，冇咩地方會用蘭王蛋，呢個燶邊蘭王蛋超好食！深橙色香濃蛋黃流出來，包住炒飯，第一次食咁香蛋味嘅雞蛋🥚！即叫即炸椒鹽豬扒飯有四塊超大塊豬扒，即叫即炸，炒飯係真正嘅金鑲銀炒飯，粒粒炒飯分明！好大份，可能係我食過最有心機同出色既豬扒飯！