金金日式燒肉店

營業中

休息中

好耐無食日式燒肉, 原因係開始無乜驚喜而且中伏度亦高左好多今次食呢間中價位日式燒肉, 期望唔大, 反而感覺更好壺漬牛肋肉無左個壺硬係差啲牛肋肉切花, 比較焾身易熟原條燒, 再加少少醬汁燒到5成熟左再剪成細件, 燒多兩下就食得肉味濃, 醬汁味配合雞翼貼心開成單骨, 食時候好方便簡單鹽燒, 皮燒到香脆就啱啱好和牛肉眼扒雪花分佈幾靚肉眼中央肥位亦唔會太肥, 幾適中入口少少溶, 同時有肉味, 再肥啲就未必好食和牛扒, 建議5成熟左右就食燒太耐, 和牛都變美國牛, 脂肪全燒就無晒果種入口即溶感覺厚燒牛舌質素好, 都用舌芯燒到7成熟, 入口爽口, 又有油香超級推介黑松露和牛炒飯松露足料, 新鮮熱辣既炒飯湧出強烈香氣和牛只係點綴, 油香遠不及松露香份量兩個人食都唔會太多兩口子都可以一試食燒肉, 睇價錢就會知有幾多期望今次的確係有少少喜出望外

呢排sogo thankful week, 我同同事放工後都要來血拼！行到咁攰，都要獎勵下自己！咁啱見到呢一間餐廳食評唔錯！價錢睇落仲好超值！前菜我哋要咗一個溫泉蛋菠菜沙律，日式芝麻醬好開胃，菠菜亦都好鮮嫩，混入溫泉蛋好滑！黑松露沙律醬雞泡魚干幾特別，雞泡魚干用咗甜甜地嘅醬汁去醃，有煙煙韌韌嘅感覺！中間腍腍地，黑松露沙律醬如果可以更多黑松露味會更好。鹿兒島極上黑毛和牛盛盒好豐富，油份好高！肉好嫩！入口即溶！有牛肋肉，牛五花等部位！唔需要特別醃製或者點醬汁去食，牛味已經好香濃！牛肋肉無咁肥，較有𡁻口，有口感！牛味亦好香！最後和牛黑松露炒飯一d都唔油，黑松露味好香！好滿足！原來呢度仲有午餐供應，價錢亦都好實際，下次再來試吓！

朋友話銅鑼灣開咗一間日式燒肉，價錢十分貼地，同食普通燒肉差不多！二話不說今晚就同佢哋試一下！呢度可以選擇套餐亦都有大量特級燒肉去揀蒜蓉薄切牛脷，十分有𡁻口！蒜蓉味好香！燒汁牛肋骨肉好入味，肉質好腍好香，油脂分布均勻！一d都唔韌！雞泡魚干配黑松露沙律醬，雞泡魚干好香脆，已經預先用醬汁葉制好，鹹鹹地甜甜地，黑松露沙律醬好開胃！配搭幾特別澳洲和牛胸腹壺漬，油脂雪花分布好靚好均勻，入口有溶嘅感覺！燒之前將牛肉響旁邊嘅醬汁浸一浸，更加入味！建議唔好浸咁耐，會太咸，浸一兩分鐘就可！黑松露和牛炒飯好香，飯好煙韌，每一粒都有黑松露香氣包住！而且夠晒乾身！我都不禁食咗兩碗！呢一餐入均都係二百多！真係超值抵食好享受 ！

呢間係cwb嘅日式燒肉店環境真係唔錯, 地方闊落, 啲台唔會密質質, 而且抽煙算唔錯, 食完都唔會搞到太大味, 咁當然少少都有嘅。呢個係鹽燒豬腩肉配黑松露醬($48), 份量算多, 個醬出奇地配合, 腩肉燒出來夠香, 口感好好。 岩鹽青檸燒雞翼($58), 呢個我就覺得無咁抵食了,燒完後青檸汁嘅味道都好重, 個人覺得唔算太夾, 但味道都ok嘅。呢個係黑松露和牛炒飯($88), 份量好多, 飯夠乾身, 一粒粒, 配料都多, 食落去有黑松露香味, 值得一試。 呢個燒汁一口牛($68)都好香, 肉質好好, 不過粒狀嘅牛一般比較難燒, 就要考各位技巧了。 呢個係韓式手造餃子($38), 皮都煎得香脆, 餡料都係豬肉菜, 正正常常, 鍾意食餃子嘅都可以叫。 呢度價錢算比較抵, 性價比高, 食物環境都唔錯。

聽行有講喺鄭銅鑼灣地鐵站出面行幾步路就到一間日式燒肉店，而且價錢唔貴可以試吓，我哋就提早book枱去食飯。裏面幾有格調，日系木系風格。餐牌選擇都有好多，唔係一定話要食好多燒肉，仲有其他沙律、和食、湯同埋粉面等等。雞泡魚乾配黑松露沙律醬＄58要返個前菜小食，雞泡魚乾整得幾乾身又咬口，甜甜地種配搭買個黑松露醬，估唔到又幾有特色。燒汁牛肋骨肉$68牛肋骨肉花紋分布適中，而且燒汁味道很香，吃起來有牛肉味而且一點肥美。極上網燒一口牛$68 法式芥末子法式芥末令成個牛變得更有豐富口味，有點辣的香味。而且當時間適中的時候，非常有口感。佐賀A4和牛里肌肉$178A4牛是比較高級的，花紋分布十分適中，吃下去的時候滿牛的的油脂，油香十足，可以算得上是入口即溶。十勝豆乳海之幸湯麵$78豆乳湯原本心裏已經很香、有點清新的豆乳味道。裏面有很多不同的海鮮，令到麵底變得更加豐富。韓國手造餃子＄38口感非常香脆的餃子裏面的肉調味也很不錯，皮薄餡靚。

今日去完希慎行街街，行過見到有折，不如試下先。青瓜好爽脆，配上香香的麻醬，加上粒粒芝麻，中和了青瓜的涼性。網走車海老（2本）蝦味濃，肉質豐盈帶甜，煙韌有致已很彈牙。自家製白菜泡菜泡菜夠辣亦有發酵的酸香，爽脆之餘不會過鹹。.鹿兒島極上黑毛和牛盛合有西冷、肉眼、和牛肋條、厚切牛舌，各3件。西冷的脂肪相對雖然較少，但入口味濃，其脂肪紋理細緻，肉質細嫩，口感柔軟多汁。肉眼上分怖得非常平均的霜降，令到肉眼入口即溶，肉質細嫩，柔軟多汁。和牛牛肋條，是牛肋骨間的條狀肉，含有豐富的油花，一燒油花會和肉質糅合在一起,非常juicy、入口即溶的口感效果，燒起來非常美味。牛舌牛味濃郁，入口紮實有彈性，不像平時食牛舌嘅口感，牛味滿滿，大滿足了。

媽媽說想吃日式燒肉，收工帶左佢去位於銅鑼灣怡和街的金金日式燒肉店吃個燒肉晚餐。這裡裝潢富和風感覺，放工晚飯時段很多客人來光顧啊！餐牌種類選擇繁多，更設VIP兩人盛套餐由於媽媽少食肉，所以只叫左三碟肉同蔬菜，分別有以下食物: 韓式手造餃子金黃色的棒狀餃子，非常香脆可口，肉餡內有雞軟骨粒，增添口感意大利香草汁雞腿肉肥美雞腿肉沾了滿滿的香草汁，烤至金黃色，肉嫩Juicy香蔥薄切牛舌師傅刀工真厲害，把牛舌切得非常非常薄，要夾起它放進爐也有點難度😂牛舌很快便被燒熟，香蔥粒在燒的過程全掉進了爐底，幸好牛舌已吸收了蔥香，不錯喔鹽燒牛胸腹燒至八成熟，油脂四溢，富牛味和脂香，很好吃嚕！日本甜蕃薯粉糯甜甜的！有機蔬菜盛合雜錦蔬菜撒上了鹽粒，放進鐵pan裡烤熟，感覺健康！個人最喜愛的是南瓜和粟米，非常鮮甜喔泡菜芝士海鮮石鍋飯熱呼呼的石鍋裡滿載海鮮和泡菜，好足料！微微辣，很暖胃飽肚最後還點了濃郁的黑芝麻味雪糕兩個人吃得飽飽都是$500，幾抵食啊

晚上加班食好啲，跟同事來到銅鑼灣的金金燒肉，聽講宵夜有折頭，優惠正來得合時！心心眼～我們先點了一份菠菜溫泉玉子沙律＄58 溫泉玉子能夠做出流沁的效果，蛋白口感滑溜溜！沙律菜非常新鮮和清爽，份量還要比想像中多。雜錦燒肉盛合（意大利香草雞，鹽蔥一口黑豚，汁燒牛肋骨，澳洲和牛，鹽燒牛舌各三片）$198 這個組合包括了牛、豬和雞，有選擇困難症的人不妨一試。香草雞醃得幾好食，香草味不會過濃，非常惹味，雞肉鮮嫩。牛舌非常爽口，用了海鹽燒，味道非常香口和夾。和牛的口感非常軟林，讚！這簡直是一個天衣無縫的盛合。另外點了石鍋泡菜牛肋骨湯＄88，這個非常推介濃郁而且味道少許辣的泡菜配上口感軟熟的牛肋肉，一半脂肪，一半瘦肉，雖然牛肉味不重，但是口感很好。這個湯底非常惹味，還配上多種蔬菜，非常健康，抵食飽肚之選。我們還點了一份溫泉蛋紫菜飯＄38，配上燒肉進食，味道正正常常，價錢合理。喜歡吃紫菜飯的人不能錯過。甜品還有不少選擇，包括奶凍和雪糕，我們點了一份紫薯雪糕＄35，紫薯的味道甜甜的，有點像吃真的紫薯般，必食！

放工飛往銅鑼灣，與好友滙合，再由他帶我到一間日式燒肉店吃晚飯。餐廳的食物選擇不少，不過大部份都是以燒肉為主，當然，當中不乏熟食，如石鍋飯、湯麵或沙律等。 由於餐廳設有用餐時間，所以我們極速點了數款食物。 芝麻阿波雞軟骨 雞軟骨炸得非常香脆，口感不會過乾，蘸上沙律醬來吃會更惹味。軟殼蟹青蘋果野菜沙律 平日吃軟殼蟹沙律，通常都是原隻蟹的放在正中央，但這裏卻把蟹肉切散了，而且份量偏少，感覺有點被騙，不過，沙律菜口感爽脆，配上味道清新的青蘋果，挺好吃。什錦燒肉盛盒 (意大利香草雞、鹽沖一口黑豚、燒汁牛肋骨、澳洲和牛、鹽燒牛舌，各3片) 說實，感覺是有點少少，但還是值得推介，特別是牛舌，口感嫩滑得來又帶點咬口，而且帶有濃郁的牛肉香味。 而澳洲和牛有一種入口即滆的感覺，加上油香豐腴，肉質軟滑，非常好吃。免治和牛沾烏冬 本來想點沾麵，但店員推介了沾烏冬給我們，免治和肉，其實是和牛半生熟的牛肉粒，烏冬口感Q彈，但用上沾麵方式來吃，感覺有點怪，加了特濃湯汁後，感覺有點像吃牛肉汁撈烏冬，個人認為不太配合。意大利香草鵝肝石鍋飯 鵝肝大大塊的放上石鍋飯上，賣相滿分，而飯面上除了有鵝肝，還有多款配料，不過，當將

今日去銅鑼灣shopping，原本打算行完就去盛八食日式燒肉，去到樓下發現唔見咗盛八嘅廣告牌，取而代之係金金日式燒肉，但我食嘅燒肉慾望已經被喚醒晒收唔返，唔理咁多，照去。餐廳裝潢其實同之前盛八冇乜分別，打開餐牌亦見到係熟悉嘅菜式，唔理咁多，開餐。【七輪燒活蛤$68】大大粒，本身都好水潤所以燒完都唔會「乾爭爭」，攤一陣連埋啲汁一齊食，鮮味十足，喉嚨有少少回甘，正！【角切黑豚七味芝士燒$58】油脂豐富，燒完嘅芝士再加七味粉，出到嚟係輕微辣+芝士咸香，都幾惹味，只係燒完出嚟細粒咗啲。【鹽燒豬腩肉配黑松露沙律醬$48】燒完出嚟比較乾身，所以一定要蘸黑松露沙律醬食，味道特別又開胃。【岩鹽青檸燒手羽中$58】燒完嘅雞翼皮雖然食唔到岩鹽味道，但有青檸嘅清香酸甜味，再配合香烤味，都幾夾幾好食。【特上厚切牛胸腹(鹽)$98】只係四片唔係好夠喉，都幾貴吓。幸好油花分佈均勻，食落係勁爆油，油香肉香濃郁。厚切，咬落口感特別好。【香草牛油燒大磨菇$38】成個大磨菇切成八細件，用金屬盤成個放上爐燒。面頭多香草，咬落好香口，仲意想不到咁juicy。濃濃菇味，必點之選。【十勝豆乳海之幸湯烏冬$78】凈係湯底已經要讚，

叫左個二人餐，連加一$600，唔算貴亦唔係特別平。但服務態度就不可接受。話說我座嘅係一張長枱，中間枱面放塊又細又通窿嘅版仔就當分隔開同你旁邊搭枱嘅陌生人。好多食店都會咁做，我亦接受，不過呢間就同隔離位好近，所以隔左幫助不大，都算。但最大問題係，中途無端端有職員拿走左我地同隔離之間塊版，完全無交待咩事，我望住個職員攞塊版去邊，原來係比遠處第二枱客做間隔！咁都得？唔通我地就唔係客，唔駛同隔離間開？我睇到o晒咀唔識反應。全晚就無遮無掩咁同隔離一齊食。中途雖然有女職員主動埋黎加茶，但佢竟然係用好似人地平時催人還錢咁嘅手勢，攤開手版，郁下手指，示意我要攞隻杯比佢，一粒字都唔講。我平時見食店職員唔夠手長，都會主動自己攞隻杯比佢，但未試過比人咁樣命令比杯佢囉。另外，我地個位比較近bar枱，但唔知點解成晚都傳來陣陣垃圾酸臭味。總括而言，食物好普通，有隻蝦係梅嘅添，同樣價錢有好多更好選擇。黎一次都嫌多。

▫️特上厚切牛胸腹 (HKD 98)🐃油脂分佈均勻 肉味濃郁 就咁鹽燒已經好好味🤤⠀▫️香蔥薄切牛舌 (HKD 68)👅輕輕燒到變色就食得😻咬落好爽脆 配埋大量嘅洋蔥粒一齊食唔會膩👍🏻如果多啲蔥粒相信會更惹味⠀▫️特選厚切鹽燒牛舌 (HKD 78)👅真係超厚切❕咬落爽脆又粉嫰🤤好滿足呀✨但厚切會較油膩 建議可以叫生菜夾埋一齊食 ⠀▫️香草牛油廣島蠔  (HKD 58)🐚雖然唔算大隻 但係味道鮮甜☺️加埋牛油同埋香草食落唔會腥🌿⠀▫️意大利香草汁雞腿肉 (HKD 58)🐔雞腿肉嫩滑🍗同香草汁幾夾🌿雞皮加上黑芝麻一齊燒 好香✨⠀▫️燒汁一口牛 (HKD 68) 一口牛無咩特別 但都係好味既😂▫️溫泉蛋紫菜飯 (HKD 38)溫泉蛋太熟無流心好失望 而且飯粒都唔夠好食 相都無影到.環境：.Menu：

你以為在銅鑼灣的鬧市只有高級的烤肉店嗎？ 其實在怡和街就有一家比較平民化的烤肉店，叫金金。我們被安排坐在高臺，可以自成一角，兩人並肩而坐比撐枱腳還好~燒烤的牛豬雞洋海鮮蔬菜樣樣俱全，主食飯麵類都有，各適其適。要叫就當然要最頂級的來享受，所以牛舌方面我們選了特選厚切牛舌，有五大條。厚身牛舌是比較難燒的，除了六面都要熟外， 中心部分也不能太生。 剛剛燒熟的牛舌外層部分口感爽，中心部分又有肉汁又幼嫩， 真的是極上享受牛胸腹也是要了特上厚切的，鮮紅色的牛肉上平均佈滿雪花，非常美觀，讓人垂涎欲滴。這個也是燒到表面剛剛熟的樣子最好。牛胸腹的肉質也是相當嫩滑，脂肪部份味道香而不膩，牛味香濃網燒一口牛的大小比我們想像中大，有用醬油調味，也撒了芝麻在上面~把六面輕輕燙熟就完成~用醬汁醃過的牛肉烤完後，味道帶點甜。每粒牛都有一點點脂肪，吃下去又爆汁又香口在燒烤類沒點海鮮，所以我倆點了十勝豆乳海鮮烏冬。米白色的湯全是豆乳，喝下去清新帶點海鮮的鮮味，真材實料。看，蜆大大隻，肥美又新鮮，就算其他海鮮也不欺場，所以整碗是鮮味的融合！烏冬又滑又彈牙，最後我們一滴不漏的清掉了~最後還點了款豚肉來試，是很有啅頭的五色胡

相約友人一同前往銅鑼灣逛街，時至午餐時間，兩人逛累了想找個餐館祭祭五臟廟順道休息。碰巧經過看見了日式烤肉店的招牌名叫金金，兩人見獵心喜二話不說，便上樓了解一二。入內後第一感覺，環境乾淨和座位寬敞。最重要的是完全看不見燒烤煙四處飄散，而且沒啥油煙味。這樣的烤肉用餐環境，讓我感到相當滿意。侍應安排入座後打開餐牌，林林總總的菜色，真的無從選擇。只好麻煩侍應推薦一番。經一番介紹後，友人與我共挑了有軟殼蟹青蘋果野菜沙律、厚切沙肝、芥末青瓜八爪魚、香草牛油帆立貝、香蒜酒煮蜆湯、芝士櫻花黑豚肉捲軟殼蟹青蘋果野菜沙律，軟殼蟹鹹香酥酥脆脆，與清脆的野菜一同入口，清爽無比，再吃片青蘋果，更顯酸甜美味，口感層次分明。香蒜酒煮蜆湯，清甜的湯頭，蜆肉的Q彈，溫熱入喉，鮮味十分。厚切沙肝，口感脆脆的，很有咬勁，沾上醬汁吃風味獨特。香草牛油帆立貝，帆立貝好新鮮好大一顆。烤熟的貝肉帶點海鹹味，軟嫩鮮甜，口感滋味真沒讓我們失望。芝士櫻花黑豚肉捲，黑豚肉上灑滿芝士粉，香氣濃郁。肉質嫩口，芝士的香與豚肉嫩相互融合出一種好滋味。芥末青瓜八爪魚，微微辛辣的滋味。青瓜好青脆與八爪魚的Q彈，兩種口感相佐，酸甜滋味恰到好處，我們都很

今晚抽起條筋想食日本燒肉，喺銅鑼灣其實都好多選擇，今晚揀咗呢一間價錢係中位數嘅試吓佢菠菜溫泉玉子沙律呢一個沙律好好食，溫泉玉子生熟程度啱啱好，菠菜同埋羅馬生菜都好新鮮，麵包粒好脆口，成個沙律份量都幾多，所以好抵食24cm壺漬牛肋骨肉呢一個係我今晚嘅最愛，原條牛肋骨肉，點左佢嘅燒汁，先然後原條擺上個爐度燒，燒熟左先剪開黎食，佢一啲都唔肥肉味好重，加上燒汁嘅味道，真係好好食呀，值得推介！佐賀產極上黑毛和牛肉眼200g，油脂分布平均，入口即溶，同頭先嘅牛肋骨肉感覺截然不同，日本和牛嘅愛好者必叫岩鹽青檸燒雞翼呢一個好特別，以為佢酸酸地， 點知原來係甜甜地，單骨雞翼好易燒熟，好味！黑松露和牛炒飯分量出乎意料地多，每一啖都充滿着黑松露嘅味道， 原來黑松露配日本和牛都幾夾，炒飯炒得夠乾身，又唔會好肥膩，good ~