金金日式燒肉店

營業中

休息中

朋友推介銅鑼灣有新日式燒肉店，高質又坐得舒服，即刻拉班朋友食完街街！內在環境寬闊，而且乾淨整潔餐牌封面每人都會有熱茶飲，唔洗逼住叫嘢飲！牛舌唔算多但高質，爽口好味道，牛味重芝士豬肉同想像唔同，我以為會係港女拉絲原來係芝士粉不過食落又ok嘅 不過不失和牛完全超水準，唯一係太少份量，好難夠飽但真係好似去咗日本食咁，入口即溶好滑啊 脂肪比例啱啱好 唔洗沾任何醬都好好味總的來說，高質食物，靚餐廳，係貴咗少少咁多

出左銅鑼灣行街，朋友話想食燒肉，即刻上網search下邊度有先，見新開左金金評價不錯，試下佢先。店員好快就送上熱茶，幾香茶味，仲refill得好勤快添。日式燒爐，乾淨無乜油，感覺衛生。醬料有辣醬，醋同燒汁，兩人一份share用。香草牛油一口牛（$68）一口牛柳粒配上混入香草的牛油，用鐵盤盛載。店員話可以整盤放入爐到燒，咁瀜左嘅牛油就唔會漏哂啦。好香呀，牛柳粒入口無渣，好食！鹽燒牛舌（$68）牛舌都唔錯，但薄啲口感差少少。特上厚切牛胸腹（$98）呢款牛味十足，果然係一分錢一分貨。18cm鎖鏈五色胡椒黑豚肉（$68）豬肉燒起上黎都好香口喎，胡椒味正。哈哈笑溫泉蛋紫菜飯（$38）食燒肉有碗飯送下仲正，無普通白飯叫就叫左呢款，都大碗喎。蛋汁勁正！紫菜香口，不過飯味差少少，亦不夠軟綿。新開張有八五折，人均$170，都ok啦～

Few tables but they have this looks like a sushi bar and they’re not using it. Easy to find and very close to MTR. We were there on Friday night and they’re few available tables. Make a reservation for a sure table. We greeted with a friendly smile as we got out from the elevator. Just be careful when you get out or in the elevator there’s a bump that you might miss. Some staff can’t understand English very well but they did their best to served us.Food was delicious! The best wagyu beef slice I

今日與先生及朋友一齊於銅鑼灣行街購物，到了食飯時間，正商量食火鍋還是食燒烤，見到金金日式燒肉店招牌，介紹有香草牛油廣島蠔。香草牛油帆立貝，燒汁肋骨肉.. ...等，既可點小菜又可食燒烤，非常吸引呢，於是一致決定試。餐廳裝修清麗優雅，燈光柔和，令人覺得十分舒適。香草牛油廣島蠔。(放在烤爐上蒸)，雖然不是很大只，但是十分淋滑，蠔味濃郁。特上厚切牛胸腹$98。(燒烤)，有㸃像雪花肥牛，顏色亮麗，入口帶著燒烤的特有香味及濃香牛肉味，十分推薦這款特上厚切牛胸腹。24CM壼漬牛肋骨肉$93。(燒烤)，嘩，顏色鮮艷，肥瘦分布均勻，見到經已垂涎三尺，牛肋骨肉牛味夠濃，不用㸃醬汁已非常好味。十分推薦這個24CM壼漬牛肋骨肉。十勝豆乳海之幸湯麵$78。味道帯㸃淡，面帶煙煙靭靭。18CM鎖鏈五色胡椒黑豚$136。(燒烤)。面上鋪著一行的胡椒碎，經過燒烤，鎖鏈五色胡椒黑豚帯著烤的香味及胡椒味，惹味非常。免治和牛烏冬$68。面比有湯的更帶煙靭，有點乾身，所以還是將湯放進面淋滑些。與和牛斉食，十分好味呢。

早前在銅鑼灣逛完本來諗住返屋企會合囡囡至食飯點知在巴士站附近比我們見到間新開張的日式燒烤店仲有新張優惠 ... 晚市消費有 85 折優惠 ... 當然食埋至返家囉 !!! 先來開胃前菜 ... 和風胡麻牛舌 HK$68 切成片狀的牛舌看上去有點似香腸，配上爽脆的生菜和和風胡麻醬，味道清新開胃法式芥末子牛舌 HK$68又是切成香腸片狀的牛舌，帶點厚度的牛舌烤好後也不會乾乾的，爽口又有點嚼勁法式芥末子醬好香，烤好後不需點任何醬汁也好好味鹽燒牛胸腹 HK$88牛胸腹燒的時候不要過火，每面烤一陣就食得喇 !!!帶點油花入口牛香滿溢，肉質軟嫩岩鹽青檸豚腩肉 HK$48豚腩肉肥瘦相間，層次分明我鍾意將豚腩肉烤至焦香，入口爽脆，加上清新酸香的岩鹽青檸醬一點也不覺油膩鹽燒黑豚肩胛肉 HK$78店家很貼心的預先將厚切的肩胛肉切成小件，方便燒烤愛香口惹味的我們鍾意烤至外面焦脆，裡面仍然有肉汁肉味濃郁帶點油香，肉質軟嫩有彈性 ** 以上分享是以我的口味、喜好和情況作出分享及感受，一試 / 合用貿否請自行決定

今日同男朋友去左呢間新開既燒肉店，位置超方便，位於銅鑼灣Sogo對面。食物款式選擇都幾多，由牛肉、豬肉、羊肉到海鮮都有。同一般燒肉店一樣，都會有3款醬汁，不過呢3款汁我都覺得麻麻。左邊係類似日式豉油，中間類似醋，酸酸地咁，右邊係類似韓式辣醬咁。<溫泉蛋紫菜飯，$38>呢個溫泉蛋紫菜飯就正正常常，無乜特別。<澳洲黑毛和牛盛合，$298>呢個澳洲黑毛和牛盛合總共有4款和牛，分別係肉眼、里肌肉、肩胛同一口和牛，每一款都會有三塊，一共十二塊。我地都好推介大家食呢個，和牛質量好高，亦好新鮮，如果想食得好少少既可以揀呢個，一次過試到4款和牛。呢4款和牛入面，左邊個款比較普通，右邊個款係較為肥美，下邊個款最腍，上邊個款係最好食，脂肪分佈最平均。4款都好好食，好腍好香牛味，咁既價錢我地都覺得都算抵食！<特上厚切牛胸腹(鹽燒)，$98>呢個特上厚切牛胸腹$98有五塊，呢款就比較瘦，無咁重油分，食落比之前既澳洲黑毛和牛韌少少，但係都有好香既牛味！<辛口豬頸肉，$63>辣味既豬頸肉好特別，好惹味。如果將個表面燒耐少少，脆脆地就更好食！我好推介大

這裏環境非常闊落, 有日本風格特色, 每張枱都坐得好鬆動, 唔會覺得好迫夾, 而且呢度抽氣做得好好, 燒咗一輪嘢之後, 身上完全一啲燒烤味都冇, 值得一讚! 除此之外佢嘅網都唔會容易燒得燶, 所以燒食物易左, 質素 變得更加好 食燒牛, 我覺得最緊要係有質素既, 選擇平嘅牛, 未必有一個好好嘅質素, 寧願叫貴好過叫平 所以有點選咗鹿兒島嘅黑毛和牛, 鹿兒島極上黑毛和牛盛合, 有西冷, 肉眼, 一口和牛, 牛肋條, 厚切牛舌 果然我冇選擇錯, 要咬口有咬口, 要入口即溶有入口即溶, 每個部位口感都有所不同, 但係都係咁好食食咗啲熱氣嘢我覺得食番啲凍嘅嘢去平衡一下, 叫咗個冷烏冬, 烏冬非常之彈牙, 配埋蔥粒, 仲有WASABI, o點一點佢既汁一齊食, 煙韌 無比

還記得第一次同L小姐慶祝情人節，就在呢個地址既舊鋪😳😳⠀⠀⠀⠀⠀⠀⠀⠀⠀如今人仍在，店鋪卻已轉手😣同樣主打燒肉，但價錢卻更便宜😳⠀⠀⠀⠀⠀⠀⠀⠀⠀所以一於幫大家試試佢！⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣金金日式燒肉位於銅鑼灣，主打日式燒肉，價錢豐儉由人，平食可以散叫，亦有鹿兒島和牛盛合供大家選擇。溫馨提示，現時於金金晚市消費，一律享有85折😝😝⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣雞泡魚乾配黑松露沙律醬💲58 (推介👍🏻)💭雞泡魚乾好惹味，香中帶點鮮😍💭配埋黑松露沙律醬，錦上添花🤤⠀⠀⠀⠀⠀⠀⠀⠀⠀2⃣24CM壺漬牛肋骨肉💲93 (推介👍🏻)💭成條牛肋骨肉放在壺中浸泡💭拎出黎直接放入燒爐🔥🔥💭燒至半熟，用剪刀剪件😎😎💭再少片刻出爐，不用添加配料💭入口已經非常入味，抵食😍⠀⠀⠀⠀⠀⠀⠀⠀⠀3⃣鹿兒島極上黑毛和牛盛合💲438💭有齊和牛西冷、一口和牛、肉眼💭以及和牛肋條、厚切牛舌 (每樣三件)💭食落各有特色，油香豐滿😍😍💭3人分享剛好，J先生最愛厚切牛舌！⠀⠀⠀⠀⠀⠀⠀⠀⠀4⃣香草牛油廣島蠔💲58 (推介👍🏻)💭廣島蠔超新

韓國燒肉食得多，今次朋友帶我去左銅鑼灣食左一間我食過覺得較高質素的日式燒肉店，環境唔錯，兩個女仔食得唔多，所以貴精不貴多，開開心心傾下計食美食，人生就是這樣吧。小食要左個芝麻亞波雞軟骨 $38味道唔錯不過有點乾身，脆口但無嚼頭，好彩熱辣辣！生菜拼盤 $38新鮮生菜配蒜片同他們自家製燒烤醬！牛油粟米 $28特別嘅切角令粟米更容易食，用上牛油香滑！什錦海之幸盛合 $118 價錢合理又豐富，大扇貝，大蜆，生廣島蠔，大虾同七味尤魚鬚，估唔到尤魚鬚可以燒得咁好味，其他海鮮也鮮甜，大扇貝夠厚身食落有啖啖肉，虾亦彈牙。汁燒牛肋骨肉 $68醃得好出色，燒得好快熟，微蕉就惹味帶點甜。石窩泡菜牛仔骨湯 $88熱辣辣還滾著，好多泡菜酸酸辣辣好開胃，還可以食到牛仔骨肉！

約左食肉獸老公食飯，佢提議去左金金日式燒肉店，貪佢價錢溫馨，而且質素有保證，環境又坐得舒服。由於係星期日午市，好多一家大細黎左開餐。除左有卡位，人多仲有間塌塌米房坐。食住燒雞泡魚同芥末青瓜八瓜魚等燒肉，雞泡魚點上黑松露沙律醬更惹味同香脆。豬腩肉層次分明又唔太肥，普通加上海鹽，燒到金黃色，已經有種外脆肉嫩感覺，用生菜包住辣醬同蒜片，減少肥膩感。辛口豬頸肉配上特制辣汁，好入味，微辣感令人好開胃，點上檸檬汁已好足夠又或者可以包菜食。到左我最愛秘剩味噌豬大腸，大腸好厚身，濃濃味噌味充斥住大腸每一部分，好特別。食完豬肉，到牛肉。聽聞呢條牛助骨肉有24cm長，係屬於比較厚肉，當燒時可以保持肉汁唔流失，而且更有口感。食落去，牛味好濃郁，肉身好鬆軟。最後亦係最極品—鹿兒島極上黑毛和牛（西冷），一睇就知上等貨，雪花分佈均勻，紅白相間，快速一燒，肉嫩味香，入口溶化，不愧為極品，回味無窮。對於食肉獸黎講，選擇多，而且價錢大眾化，係一個唔錯既選擇。

兩對夫婦好友約左銅鑼灣食燒肉，他們訂左位係怡和街話新開的，準時到達，老公話咪即係盛八舊址，開lift 就即刻比人見到新招牌。平日大家各有各忙好難得抽空食餐晚飯，所以好期待見面傾近況。入店內感覺好似去左日本咁，讓我們回憶結伴出遊時！兩個老公都喜歡飲啤酒嘆燒肉，話咁先爽喎，Asahi生酒夠凍。雞泡魚乾配黑松露沙律醬，專登order比佢地送酒超正，本身魚乾都好夠味又香脆配上黑松露醬更突出！特選厚切鹽燒牛舌 燒起後仍然有口感易咬但帶點嚼頭。特上厚切牛胸腹 (鹽蔥)生時肥瘦均勻，燒後牛香撲鼻又淋身，食完就即刻encore, 正。雜菇拼盤同生菜拼盤都要叫，減低食太多肉同油膩！ 岩鹽青檸豬腩肉片 (味道似曾相識，原來係沖繩遊時食過呢種味道)燒到扑扑脆，當食時還有青檸幽香，鹹香24C壺漬牛肋骨肉自己覺得呢款最好味，燒到半熟掃上專用肉汁，再燒，好香用生菜包住食好有肉味，帶又咬牛嚼出牛肉汁。無得輸！石窩生牛肉飯嘩 好多生牛肉份量唔少，拌均後牛肉被石窩嘅熱力迫熟，剛剛好牛肉滑淋拌上配菜不比韓國差。

‼️值得推介嘅日式燒肉‼️上個星期帶左媽媽去撐枱腳 試左一間起銅鑼灣新開嘅燒肉店 好正喎💁🏻‍♀️ 燒汁牛肋骨肉 $68看！油花紋路清晰🤤 牛肉味無俾燒汁遮蓋🥩💁🏻‍♀️ 鹽燒牛舌 $68今次揀嘅係薄切 入口好爽 簡單用鹽調味 nice wor👍🏻💁🏻‍♀️ 香草牛油廣島蠔 $58五隻大大隻嘅蠔 鮮甜呀仲加埋香草牛油 好香呀🤩💁🏻‍♀️ 岩鹽青檸燒手羽中 $58呢個我自己好喜歡💓 青檸味好岀呀 而且雞翼係單骨好方便💁🏻‍♀️ 鹽葱角切豚腩肉 $48豬腩肉切到一粒粒 唔算好肥😙💁🏻‍♀️ 五色胡椒牛胸腹(18cm) $88呢個有18cm甘長 沾滿胡椒😳都幾重口味 自己剪開一舊舊 幾有咬口⚠️新張期內八五折 坐嘅環境好舒服 有🇯🇵感覺 服務又好 性價比超高的💓🍽 金金日式燒肉店 🔎 銅鑼灣怡和街2-6號英光大廈3樓

四月忙到人都癲，決定一team人去吃餐好，下星期一再捱過（苦笑）香港人，不停拼搏騙自己這就是競爭力，說穿了其實是窮忙，忙到沒了半條命，依然上不到車，為甚麼？不想多想這些想來想去想不通的事，倒不如開開心心辛苦搵嚟自在食。金金日式燒肉店，上網見價錢不算貴，食得起，肉的質素不錯，一於過來嘆一餐。香草牛柳粒，本來以為是醃好的牛柳粒，原來是牛柳粒加上牛油，鐵盤子盛著。自己動手燒，其實都OK，尤其是今天出席的一位同事，自認是燒烤小男神（笑）9成的肉都是他燒給我們吃，在這裡先謝謝他的努力～真的燒得很不錯吧？8粒牛柳粒，$68，質素我覺得OK，主要是燒的火候不要過火，就能做到鎖住肉汁，又夠牛味！鹽燒牛肋肉，必點之選。牛肋肉真是無論何時何地都是最美味，也是$68，印象中好像有6～7片，不用沾醬汁已經好好味。豪一豪之選有這個壺漬24cm牛肋骨肉。不過上桌發覺不是漬在壺之中，有點和想像中不一樣。$93，說貴也不算太貴的。店員介紹，先燒至半熟，不用剪斷，在放進豉油中，在燒一燒。是帶點微酸的豉油，和平日吃燒肉的甜豉油不同，日式燒肉的味道，比韓國單一味道不一樣（個人覺得啦）也是自己還是比較喜歡日式燒肉的原因。單看

銅鑼灣一帶食肆新舊交替，每次來到都定必找到一些未吃過的新店，新鮮感十足！早前有朋友相約我來銅鑼灣午飯，由於大家都沒有心水餐廳，所以決定先在區內四處逛逛，終於在怡和街發現一家新開的日本燒肉店。雖然筆者早幾日先啱啱喺旺角食完燒肉放題，不過既然友人說很想一試，我當然樂意奉陪。餐廳位於怡和街 2-6 號英光大廈 3 樓，佔地全層，門外等候區擺左幾張木櫈。踏進店，環境光猛，右邊全是梳化卡座，而中間同左邊亦放了多張四人檯，檯與檯之間空間甚多，地方寬敞，配上店內的燈飾和裝潢，充滿日本地道風味，感覺親切舒適。由於餐廳主打日式燒肉，所以每張檯上都裝有一個金屬燒烤盤。甫坐下，立即翻開餐牌細閱，散點項目包括有：前菜、豆腐、沙律、特級牛肋骨肉、特級牛胸腹、壺漬、牛舌、和牛及和牛盛合、海鮮、豬腩肉、黑豚、雞、手羽、和羊、野菜、配搭嘅蒜片、京蔥、生菜，另外亦有內臟、湯、飯麵、飲品及甜品等。如果唔想散叫嘅話，其實餐廳亦另備有午市定食、海鮮燒肉自選套餐及豪華商務二人套餐可供選擇。友人唔想食套餐，咁就一於散點。一口氣揀左 4 款肉食，包括有：燒汁牛肋骨肉、鹽燒牛胸腹、香蔥薄切牛舌、鹽燒黑豚肩胛肉，另外再加多客生牛肉石鍋

以前經常食韓式燒肉放題，為迎合大眾將價就貨，令我對燒肉沒太多好感。今晚朋友提意食日式燒肉，銅鑼灣的金金日式燒新張期內全單做85折，想不到推搪的理由，let’s go!還以為環境會烏煙瘴氣，看來我要抹去對燒肉的記憶。餐廳寬闊企理，枱與枱之間有適當距離，不會被其他食客影響。兩個女生比較細食，所以只點了一份什錦燒肉盛合及石頭鍋飯。燒肉併盤有意大利香草雞肉、鹽葱一口黑豚、燒汁牛肋骨、澳洲和牛、鹽燒牛舌。當中我特別鐘意牛舌，肉質好爽滑，沾少少檸檬汁減少油膩感，突出味道 ; 另外還有黑豚肉，味道不太濃，但爽口多汁！生牛肉石鍋飯，由於由客人自行攪拌，所以一來要小心熱，二來要小心太熟。如果將蛋直接接觸到石鍋就gg了！當然我小心翼翼，一切在掌握下，所以連友人都讚，個飯真係好好食。如果味道在夠，要以另加點醬汁去調味。