醉潮館

營業中

休息中

喺荃灣三陂坊搵食，見到呢間門面好潮好特別嘅潮州菜，就入去試吓，冷氣夠好舒服😍傳統鴨蛋煎蠔烙$88招牌菜冇得輸，即叫即炸熱辣辣，超級鬆脆又多蠔仔，鴨蛋真的比雞蛋香囗，唔油膩！香辣魚仔炒花甲$108都係招牌菜式，花甲份量大碟，飽滿鮮味又冇沙，魚仔乾索汁尤其香辣！🥵紅燒籠中BB鴿子$48炸得剛剛好，皮脆肉嫩 香口惹味。黃金咸蛋脆魚皮$68我最愛呢道菜，超級鬆脆香口，咸蛋黃醬咸香適中，多吃亦不會過鹹🤤🤤👍🏻推薦花膠螺頭炖雞湯$68好足料，兩大片花膠、雞腳、圓肉、螺頭⋯⋯火喉夠好味。足夠兩個人份量！正宗海南椰汁～好味、未見過唔知邊度可以買！🧐仲有好多傳統潮州菜未試，如滷水鵝、拼盤、潮州粥，但人少試唔到，已經飽到食唔落😋

我身為半個潮州人，對潮州食物當然情有獨鍾。今天工作經過荃灣的「潮醉館」， 嘗到了夠鑊氣的潮州食物。田螺大腸煲$98已好耐無食田螺，見到這個田螺大腸煲，簡直讓人食指大動。田螺夠惹味，用竹籤慢慢把肉挑出，肉質鮮甜，大腸不太肥，加香口的大蒜蔥，好正。涼拌魚皮$78這味餸已很少地方有得食，魚皮食落非常爽口，但外皮卻滑到用筷子夾極都夾唔起，加埋芥未豉油就更好吃。蜜桃咕嚕肉$72咕嚕肉煮得比酒樓好吃，最喜歡是大部份都是瘦肉，醬汁的甜酸味調得很好，還灑了幾粒芝麻在面，更錦上添花。勝瓜白蜆湯$68這湯非常清甜，勝瓜甜，白蜆也是甜，只是這兩樣已經可以煮出超甜好飲的湯，白蜆頗大隻，沒有沙，讚。小米餃$42 這是潮汕的地道小食，有點像潮州粉果，但比較細，可以一口食一個，外皮用薯粉製造，煙韌彈牙，餡料是豬肉。

男友話佢屋企樓下新開左間潮州菜，裝修幾有特色而且好多人幫襯，果日收工我地咁啱想食中菜，於是就揀左呢間試下😜餐廳果然好似佢講咁有特色！而且連碗筷都係中國風～餐牌選擇都幾多，價錢同一般大排檔差不多！🥢 花膠響螺頭燉雞$68有一塊大花膠、響螺、雞、豬肉同其他藥材，真係好真材實料😳飲落好濃郁但係唔似有味精，非常推薦！🥢傳統鴨蛋煎蠔絡$88完全估唔到咁大塊！蠔絡炸到非常非常非常脆，加上大量既蠔仔，雖然好熱氣但係真係忍唔到🤤🥢鐵板黑椒豬仔聛$98啖啖肉，食落好滿足！🥢芥末牛肉炒通菜$78呢個真係好好食！芥末同牛肉融合得好好！呢間餐廳d菜好大碟，而且味道都唔錯，下次可以帶埋屋企人黎！😃

今晚同男朋友去咗朋友推介嘅《醉潮館》食飯 好彩有訂到枱 如果唔係都要等位🤦‍♂️ 望望個餐牌 除咗打冷野之外 仲有燉湯喎💁‍♀️ 又有卜卜蜆 都幾多元化💁‍♀️我哋為咗叫咩食 掙扎左好耐🤦‍♀️🤦‍♂️ 因為實在太多野都想食啦 最後叫咗五樣嘢 食到勁飽💁‍♂️💁‍♀️椒鹽鮮魷 $78份量好多 炸起熱辣辣 粉漿都幾薄💁‍♂️💁‍♂️💁‍♂️ 鮮魷仲𠝹埋花 賣相幾靚仔💁‍♂️ 椒鹽味道好夠 但喼汁我覺得偏酸💁‍♀️ 唔點喼汁仲好味💁‍♀️火焰醉花螺 $108湯底原來係麻辣口味 夠哂麻超過癮！🙆‍♀️🙆‍♀️ 花螺得幾粒係帶葉既💁‍♂️ 但肉質都爽嫩 size都幾大粒 中意麻辣既一定要叫呢個💁‍♀️紅燒BB鴿 $48價錢咁平一定要試下 幾乎每枱都叫一隻 幾受歡迎咁💁‍♀️ BB鴿係連埋鳥籠上 幾有新意💁‍♀️ 肉質滑得黎有啲juicy 一定要襯熱食 好快凍💁‍♀️花膠螺頭燉雞 $68鍾意飲湯嘅我自然唔會放過呢個咁滋補美顏嘅靚湯啦💁‍♀️💁‍♀️ 份量夠哂兩個人飲💁‍♂️ 螺頭燉到勁稔 花膠就偏爽身💁‍♀️ 湯既味道香濃清甜💁‍♀️鐵板黑椒豬仔脾$98兩個人真係食唔哂 啖啖肉最岩送啤酒🍻 豬仔脾似係炸完再用鐵板上💁‍♀️ 幾香口 仲有啲肉汁

想食潮州野就嚟到荃灣一條滿滿潮州餐廳既街，由街頭行到街尾都好吸引咁，好多人坐哂出嚟食，「大排檔」咁。最後嚟到木枱木椅既潮汕餐廳，未食先感受風味。新派潮汕小食 - 小米餃 $42鐘意食魚皮餃既朋友必試！餡料八成似，外皮就qq薯粉咁，好好特別！第一次食，叫得好！潮汕砂鍋粥 - 膏蟹粥 $200中size岩岩200蚊送粥底，嘻！蔥、唐芹同芫茜另上，可以跟據自己口味加！我地加哂，愛綠人士！薑味重十足。蟹肉香甜，非常鮮！蟹腳都脹肉，爽！粥底加棉同就算得蟹，味道都好鮮！蟹鉗最甜美！蟹膏千萬唔好放過，勁多勁香！又粥軟又膏厚！人嚟炒個菜，好霸氣一句話！方魚炒芥蘭 $78鑊氣重，翡翠綠，方魚脆片！薑汁味既芥蘭既味道，有d鑊焦咁好惹味。鑊焦唔係黑苦個種！蜜桃柚子骨 $82比較常見既廣東菜，擇佢最多原因係喜歡酸甜食物，無揀到鹵水野添。炸過，有南乳味。豬肉大，一字骨排！今餐潮汕菜滿足，年輕店員都好有禮係中餐嚟講！好熟menu食物係有咩料同味道大約係點！

身為潮州人嘅我，自細就好鍾意食潮州菜當然成日食到嘅就係打冷但除咗打冷之外潮州菜好多小菜都超級有鑊氣餐廳店長不算大，用以懷舊特色的裝潢。19:00到達，可能適逢今日母親節餐廳已經九成滿，不少人在外等位原來三坡坊依度，習慣咗夜晚嘅時候會擺好多枱凳出外面-胡椒豬肚白果湯 $88 📝總分：8/10性價比好高，而且依個湯好足料一鍋大約可以有五至六碗好香胡椒味，飲落去勁暖胃豬肚大約有10多件，而且每件都厚切啱晒我哋呢啲平時少湯水嘅人-一口鐵板牛 $108 📝總分：7/10上枱時用上鐵板，所以治治聲鑊氣十足，其實它是鐵板黑椒牛柳粒惹味黑椒將牛柳粒帶上另一個層次因為牛肉跟黑椒絕對是絕配-雀籠BB乳鴿 $48 📝總分：6.5/10用上雀籠真是超美，打卡一流我也是因為在網路看到這個而來的乳鴿真是的偏小，可是外皮燒得依舊又香又脆肉質都夠嫩滑，重要係熱辣辣新鮮炸起-加鄉粉絲兜亂 $78 📝總分：6.5/10份量真係好大，兩/三個人share食都夠但略嫌味道不足，可能因為以上嘅菜都比較濃味但入邊啲料都幾多，有芽菜、魷魚、蝦乾⋯而且鑊氣都幾足夠。

The restaurant is located behind the school and it takes some time to find it. Sea Urchin Rice is quite nice. As first, I saw sea urchin turned to be quite watery but the taste is still fine Fried oyster cake is good match with the fish sauce, so crispy outsides and insides is in right texture, not so dry, but a bit too many baking powder for the toppingThe portion of Fried squid is quite large here though the taste is way too saltyyy, but still attractive, really cant eat too much, so evilllWe

荃灣一向都好多好嘢食，尤其是三坡坊一帶附近有好多特色小菜，今次朋友就帶咗我嚟一間比較多人排隊嘅潮州嘢食試試！我哋叫咗一個招牌黑松露蟹膏蒸水蛋$88一上枱已經聞到超香嘅黑松露味，可能係蒸過嘅關係，比起平時出街食黑松露意粉黎得更香！一揭開啲蟹膏多到滿瀉，超誇張！分量多到可以淡淡都食到蟹膏，估唔到黑松露丶蟹膏同水蛋係咁match！撈飯一流！我哋另外仲叫咗一個招牌豬仔骨$98，佢好貼心咁有埋錫紙包住，黑椒味好香，識落啖啖肉，好適合我呢啲食肉獸！我哋仲叫咗個水煮牛肉$82，牛肉份量好多，個底仲有幼薯粉，味道唔算好辣，大概係小辣程度，比較容易入口！飲品沒有一種特別想推介，就係天地壹號，之前喺深圳打邊爐嘅時候試過，覺得勁好味！佢係有汽嘅蘋果醋，喺香港暫時好少地方見到有得飲！仲有砂鍋粥同燉湯都好吸引，下次再嚟試試！

香港西式就大家其實就食好多啦, 地道特色菜就應該唔多啦,周圍都係扒,海鮮個D, 呢間位於荃灣既醉潮館, 就有D新鮮感,味道又唔算係我地平時既中菜餐館, 又唔係西式,牛肉粒, 有芥末係上面既, 所以會有小小辣, 牛肉口感易咬, 唔硬, 味道濃, 調味調得好, 基本上無咩太大問題, 份量都多!四季豆比較香, 但如果有D肉碎炒可能更香, 肉片有小小咸, 份量正常 , 呢2樣野味比較濃, 所以帶飯食會唔錯.中和返既個味我推薦一定要叫煲湯飲, 因為 呢到湯水落足料, 份量都足夠多人飲用,二來我地出街食既人 真係好少食到有益既湯水, 飲下D健康野中和返平時過量多既肉類海鮮等.價錢絕對唔貴, 呢間一定要來試試!

荃灣呢間中菜館，裝潢餐具都有濃濃中國風，連menu都深得我心，好有心思。係本草湯目入面，揀左花膠螺頭炖雞$68料好足，炖湯既餐具又精緻，一開蓋，也太香了，花膠料又足，仲有雞同桂圓肉好滋補～招牌小米餃$42勁好食，煙韌得黎，入面好重蝦味，好特別，而且好飽肚，難怪係招牌菜～紅燒籠中bb鴿子$48先48蚊也太高質了，先不說那精緻的鳥籠，鴿子配既汁好開胃，點完汁更帶到味～路邊炒米粉$78太大碟了，兩個人根本食唔曬，料有放蛋、蝦乾、魷魚，炒得都爽身～最後上菜既係鐵板一口牛$108比較新派菜了，黑板味較重，熱辣辣咁放係鐵板上，牛既嫩滑都有做到，火候控制得唔錯～

喺荃灣打完波，同隊友黎左三坡坊食野，佢話上網見到介紹呢間潮洲菜幾好食，所以一齊試下。餐廳係小店既feel,店面唔算好大餐牌設計幾有中國特色，仲有一本本草湯目，專sell 燉湯我地叫左四樣野食打冷必食既滷水鵝醬滷鵝（$128)滷水味唔算特別香，但鵝肉夠肥美，肉味香濃之餘又帶有油香，而且份量夠，底下用左鵝肉墊底而唔係得韭菜。潮式小食牙籤雞（$58)呢個非常抵食！$58 但估唔到有咁多，數下原來有成20粒！雞既外表炸得香脆，雞肉又唔會太乾。潮洲特色傳統鴨蛋煎蠔烙（$88)蠔餅唔會太油，而且非常香脆，如果蠔仔肉再多啲就更好！家鄉粉絲兜亂（$78)睇落似韓式炒粉絲，食落有蝦乾、魷魚、肉粒等等，又好有中式風味，粉絲唔會炒到痴埋一舊，而且味道都唔錯，有驚喜。整體黎講，味道雖然有少少偏重味，但都可以接受，畢竟煎炸野就係要重口味先好食😂而性價比都合理既，食物份量比我預期中大碟，幾抵食。

提早慶祝媽媽節，一早訂了位。今晚一行6人來吃。所有菜式，味道偏濃，重味的，但份量很足。看到傍邊客人點炸曼頭，我們又來一碟，很好吃又不油膩。混醬雞煲，來到時我們發現是田雞加滑雞，我們不太吃田雞，所以是唯一一個吃凈的菜。而醉酒螺，過淋，沒有咬口。菜茶亦是偏濃咸味較重。最後叫了潮州炒米外賣但整体不過不失，價錢相宜。

吃貨小妹間中都會約埋三五知己去荃灣三坡坊食下潮州野炒個小菜輕鬆一下 不過來來去去都係食開果一兩間 今次終於應朋友要求 試左間新野都係食潮州野 但門面就比較光潔新淨 有別於同區既其他潮洲打冷店 呢間醉潮館走中上路線除左有燉湯飲 仲多左一d平時少見既新派潮汕小食呢個牙簽雞好過癮 細細佈滿芝麻既雞粒 逐粒用長牙籤吉住 炸得脆卜卜 一啖一粒 食唔停口用黎送酒應該一流辣酒煮花螺 又係另一個令人欲罷不能既下酒菜近排呢d咁潮濕既天氣 最好就係食返d辣野去下濕呢個普寧豆腐外表平平無奇 但豆腐有濃烈既山水味 炸得滑之餘更係零油膩感 食潮州菜又點少得蠔餅?!睇落好似好薄身咁 查實係好脆唔厚粉 仲要勁多蠔仔 推介食咁多香口野 叫返碟沙嗲牛肉芥蘭balance下芥蘭比想像中嫩滑有菜味 唔錯睇黎以後去三坡坊可以多一個選擇

同朋友行左幾個鐘街，攰攰地就搵間餐廳坐底休息下食個飯，近近地就去三陂坊睇下有咩食。見到醉潮館咁多人食又有椅俾人坐底等，就食哩間先連餐牌都整得好有特色是日燉湯 – 花膠螺頭 ($68)好耐冇食老火湯，一於叫返個湯先個湯好足料! 入面有花膠、螺頭、雞件同豬肉，成個湯都好夠火候，全部精華都係晒個湯度，好香好濃好好飲!!醉潮口水雞 ($68)一食就愛上! 雞肉好嫩滑，食落又麻又辣，勁惹味勁開胃!! 推介!!鐵板黑椒手豬仔骨 ($68)鐵板一上枱就渣渣聲，超香呀! 一定要襯熱食豬仔骨輕輕一咬就撕到d肉出黎，食落非常嫩滑，又多肉汁，好重黑椒味!砂鍋卜卜蜆煲 ($168 – 細)嘩!!! 又話細煲，一上枱都幾大煲，隻隻蜆都好大粒好鮮! 完全冇沙! 成個煲都勁多材料勁足料!! 蜆下面仲有好多白蘿蔔、粟米同粉絲，吸晒蜆既鮮甜味，正!

呢間新開張既潮州餐廳，一入去感覺到非常古式古香，木材製既枱同椅子非常有古代風味，就連餐牌都特別訂製成古代風既書本，仲有一本叫《本草湯目》既湯類餐牌，非常獨特同有心思創意！就連餐碟同餐碗都充滿著中國風格，一坐下來侍應就即刻倒水比我地，仲提醒我地水溫好高，小心飲用，非常貼心。見到佢本《本草湯目》咁吸引，入面的湯即種類又多，全部都想試下，今次試左花膠螺頭燉雞$68 〔功效：養顏美肌滋陰明目〕材料非常豐富，有花膠、螺頭、雞肉、瘦豬肉、龍眼肉、杞子⋯⋯花膠好大塊勁長，螺頭都頗大件下，成個湯飲落勁香雞味，好像食左成雞落肚咁，好濃郁即雞湯，重點係飲完唔會口渴！好好味既湯！然後我望一望其他食客，發現差唔多每一枱都至少有一個湯！雞腳食得出用既係新鮮雞腳，唔係急凍既雞腳，好鮮味！非常推薦！紅燒籠中BB鴿子🕊️$48非常有趣既擺設，有整個公主風既鐵雀籠做裝飾，裡面放左一整隻乳鴿BB，一種籠中鳥嘅感覺！廚師仲將隻乳鴿BB切得靚靚囝囝，擺到好似識飛嘅乳鴿咁，淨係擺盤都已經比滿分啦！相機📷食先～影完相第一時間食返隻乳鴿BB髀先，外皮燒得勁香勁脆，又夠味〔連附上既淮鹽同醬汁都無沾過〕肉又夠滑，不錯👍🏻餐牌除左美觀外，