醉潮館

營業中

休息中

喺荃灣打完波，同隊友黎左三坡坊食野，佢話上網見到介紹呢間潮洲菜幾好食，所以一齊試下。餐廳係小店既feel,店面唔算好大餐牌設計幾有中國特色，仲有一本本草湯目，專sell 燉湯我地叫左四樣野食打冷必食既滷水鵝醬滷鵝（$128)滷水味唔算特別香，但鵝肉夠肥美，肉味香濃之餘又帶有油香，而且份量夠，底下用左鵝肉墊底而唔係得韭菜。潮式小食牙籤雞（$58)呢個非常抵食！$58 但估唔到有咁多，數下原來有成20粒！雞既外表炸得香脆，雞肉又唔會太乾。潮洲特色傳統鴨蛋煎蠔烙（$88)蠔餅唔會太油，而且非常香脆，如果蠔仔肉再多啲就更好！家鄉粉絲兜亂（$78)睇落似韓式炒粉絲，食落有蝦乾、魷魚、肉粒等等，又好有中式風味，粉絲唔會炒到痴埋一舊，而且味道都唔錯，有驚喜。整體黎講，味道雖然有少少偏重味，但都可以接受，畢竟煎炸野就係要重口味先好食😂而性價比都合理既，食物份量比我預期中大碟，幾抵食。