貴德宮私房素宴

營業中

休息中

香港雖然連鎖的餐廳佔據比較多，要找出隱蔽好又合自己味道，相信一眾食家亦各自在嘗試。我對素食也很追求，平常去大眾都認識素食店，的確吃素但味濃亦不太驚喜直到我去了這間真的要像食神電影內家燕姐大叫好好味

今日有人萬歲，同事話呢間ARM任何年齡既同事去一直都不明白，直至去到先知係素菜，又真係人人都ARM食就去試一試，聽個名，好有皇宮FEEL而今時今日，大家對食素菜要求隻鮑魚真係做得好似，不是做得大大隻，反而跟平民食既先似，但配料卻是健康的芽菜，青瓜，番茄等。食碗飯都不是白飯，而是紅米小米加白飯，成件事真係健康到呢。。。。。個豆腐同埋個冬菇上面都整左D不是係咩既野，好像魚肉，好得意因為中秋節後，可能食得太多熱氣野，喉嚨不太舒服，所以煎炸野無食桂花糕係玫瑰花形，好靚，而又有桂花同杞子，又不會太甜素菜既心思比肉仲要多，多食素對身體好，LIKE

因為有親友食素既關係所以平時都會睇下有咩素食餐廳好食禁岩同同事講開 佢就推薦左依間比我（睇佢相都好似唔錯）食之前都擔心會唔會唔夠飽/會唔會好伏🙈好彩最後整體都👌🏼去到門口計埋我地大約有三班人等緊好彩我一早訂左枱唔洗等好耐（5-7分鐘）一入到去安排我地座後好快就有茶水同小食比我地等食😁入面唔算太大，用屏風間開部分枱雖然都聽到隔離傾計，但唔係好大聲唔算嘈我地個屏風入面就仲有一張二人枱 同我地差唔多時間入坐（為食既我當然有留意佢地野食同我地一唔一樣😆）等左大約5-7分鐘 開始上菜🎉🎉第一碟係冷盤素飽魚，皮蛋都🙆🏻 （平時好似會係壽司）中間粉皮（好似係禁叫🙄）配麻醬幾好味～跟住我地食得差唔多就再上另一樣菜跟住依個係好似係腐皮卷唔會太濃味 又唔係用炸唔會熱氣👍🏼再黎都係清清地既豆苗 東菇 配 明目既杞子仲有出現過既腐皮😂🙈比上一碟係腐皮卷更有味道配答亦算唔錯～～之後再黎有個餃酸酸辣辣 好開胃依個真係好好味😋（唔記得係咪叫酸辣湯）跟住就有炸豆腐同埋芝士焗菇菇🙈芝士味不算太濃，夾左塊🍅 令🧀無禁「流」👍🏼👍🏼有紅蘿蔔，唔知咩菇（長長地 幼身，黑黑地），雪耳湯都大盤同幾好味，係有小小鹹 飲完比較口渴跟

食齋，不再侷限於初一、十五，宗教理由，相反身邊愈來愈多朋友為健康為保育而開始茹素。素菜市場發展蓬勃，除了傳統中式素菜，還演變出日式、泰式、西式、印度式等林林總總新式素菜來迎合年輕市場。一向對油膩晦暗的傳統素菜敬而遠之，這晚為一對好友夫婦慶生，一班食肉獸決定齊齊齋戒，順便好好洗滌腸胃。當晚精心挑選的私房素菜館，雖然主角們已光顧好幾回，沒有為他們帶來新鮮驚喜，但有回頭率的素菜館反而引人好奇，對當晚素菜引頸以待。《貴德宮》藏身於大廈閣樓，裝潢簡樸低調。細小的店面善用竹製屏風，堆砌了私人空間，讓食客開懷暢談。每晚預設好的九菜一湯 （每位$260，免加一茶芥），省卻了點菜煩惱，傳菜速度快，將飯局焦點放在好友聚舊，更令人愉悅。輪到揭開神秘色彩的菜單，前菜 <小樹耳海珊瑚千色併盤> 以皮蛋、蕃茄、素薰蹄、素壽司、芝麻柚子涼拌木耳粉皮堆砌而成，色相俱佳，清新爽口，剛好用來揭開這場食肉獸舌戰素菜的序幕。<鴻運芙蓉餃> 紅色的紅菜頭湯頭，登場時搶眼奪目，可惜淡而無味。餃子餡料貧乏，鮮味欠缺，味同嚼蜡。<京式蓮藕酥伴角包> 傳統刈包，用上肥豬肉加酸菜、香菜、花

上個月舊同事聚會，介紹一個素食私房菜，第一次食已經好驚喜，真喺好好味。所以今日再帶屋企人嚟食。我地平時大魚大肉，偶而食餐全素，感覺好清新。私房菜嘅特色就喺無餐牌，而且每日都可能會唔同，但服務員每上一道菜，都會介紹，不過，十道菜的菜名，我已經忘記喇。😅 素湯真喺無得彈，好濃，好鮮甜，原來素湯都可以咁好飲👍🏻。香煎茄子喺我嘅至愛，夠香口，中間仲有粒素肉 tim。今日有個冬陰公湯餃子，上次無的，酸酸辣辣，都唔錯。餐廳會早一日 what apps confirm 人數，我覺得都幾好，因為每道菜，只會預每人一份，如果有人去唔到，要減人數，都可以提早同餐廳講，無謂預多咗食物浪費吖嘛。

私房素食係香港比較少，自從幾年前食過貴德宮，幾乎每年都黎食，大家睇睇它既環境佈置，會覺得舒服而且私隱度高，開心食、開心傾。 頭盤：小樹耳海珊瑚千色併盤個粒壽司内雖無肉，但不失色，好好味 上：甘露芙蓉餃；下：黃金繡球餃子配上紅菜頭汁，好入味黃金繡球，即係素版錦滷雲吞，配上自家製桃汁，覺得無咁油而且同個汁好夾，得！ 上：香草四季平安；下：照燒釀茄子四季平安食完估左好多都估唔到有咩材料，原來內有豆腐，外包腐皮，好巧手既一道菜！茄子既照燒汁好正，令到茄子好味提升。 上：瑤柱金竹扒豆苗；下：椰香雜菜咖喱+滋潤養生濃湯豆苗一向係至愛，點煮都好味，但未試過加豆腐花食，豆腐花滑一滑，加上豆苗甜，既新鮮，又美味雜菜咖哩充滿印度風味，內裏既牛丸、貢丸、魚旦，當然係素既丸，但可比美真丸呀！再附送黃油法包，點咖哩，邊有得輸養生濃湯更是焦點之一，路過聽到隔離枱既人都問：點解無肉都可以煲到咁濃、甜、入味呢？推薦必飲 上：香芒盧荀錦繡+有營藜麥飯；下：芝士焗彩菌批食素都要計營養，不然也會營養不良，食完這個藜麥飯加香芒盧荀入饌，夠哂營養呀！ 芝士焗彩菌，又香又

老闆今日請食素，就book左呢間，由於無餐牌嘅關係，我盡量記得就寫菜名 裏面有青瓜、雲耳、素熏蹄，加埋少少青芥辣十分之惹味，但伴碟的壽司就麻麻地 難以形容，湯好清甜，餃子好食 面層芝士裏面係雜菇撻底好薄好鬆化 用炸過嘅面根代替咕嚕肉，味道好似再配埋個藜麥飯 將粒蘑菇挖空再釀左唔知乜入去，好香口 脆卜卜蓮藕餅放入鬆軟麵包再加埋北京填鴨醬好嫰而且爽口嘅豆苗上面還有充滿豆味嘅腐竹咖喱雜菜丸d丸整到好似真係牛丸同魚蛋一樣，但唔夠惹味呢個齋湯十分之濃郁，飲完一碗又一碗

好難得一家人可以齊齊去吃素，私房素宴無餐牌..所以依餐無記低菜名就只有記住味道，食店環境中式佈置帶古色古香，而且每檯客用竹平風間隔又可以保持每檯客既私人空間。第一個小菜..開胃冷盤，食材清新又有點酸薑以日式醬汁做調味，好開胃壽司卷握得夠實..飯粒黏口南瓜湯伴上菠菜餃子，湯底帶點薑味..質感濃郁餃子餡料仲裹上點素肉，餃子皮厚薄適中仿片皮鴨的包子包身好軟綿綿，炸蓮藕好香脆，伴上甘筍絲, 青瓜絲及醬汁同吃口感帶脆又有蔬菜清爽..醬汁味道令整體好似吃片皮鴨一樣芝士焗翠肉瓜，內夾有素火腿，瓜身清淡配上芝士及火腿帶點鹹香味道燒茄子..茄子中間釀左粒素肉，醬汁好惹味..燒得乾身茄子軟腍入味泥麥飯，飯粒較黏..味道好淡依個似仿咕嚕肉，但醬汁唔係酸甜..比較惹味食材豐富有菠蘿，甜椒，腰果，最正係炸過好脆既麵筋素湯，湯底好濃郁..味道清甜咖啡什丸伴麵包，咖啡唔夠濃稠比較水感，咖哩味淡素丸類好似..由其有款肉丸，好似肉感腐竹扒豆苗，依個份量好多..菜好豐富，味道好好泰式炸釀豆腐，汁底好重檸檬葉味..席上就未必人人鐘意食用腐皮包裹豆腐，外脆內軟綿綿..口感幾得意甜品..腰果露，味道唔突出，勝在唔甜杞子桂花糕，

因為工作關係要黎呢到食野，所以無影到MENU，相都影得唔多，有D 菜名都唔記得，只係記得部分重點食物。初初知道要黎呢到食飯，都有點兒擔心食物唔合口味，但食完後發覺都唔係想像中咁差啫。呢間餐廳雖然與港鐵站有一段距離,但尚算就腳。芝士雜菌批: 唔好芝士既我真係對佢無咩好感。千層豆腐都算係佢地特色菜，呢樣菜無令我地失望。吃得出很花功夫去煮，豆腐口感香滑柔軟，中層夾了D梅菜同素肉碎，咸咸地甜甜地咁都幾得意。福袋: 裡面有素肉，豆腐及蔬菜，個皮稍為炸過， 唔吸外面既汁， 所以咬入去, 依然是餃子的原味。海珊瑚千色拼盤: 盤裡面各款食物都好美味，賣相唔錯，好似係中西日混合沙律，個醬汁好好味，用黎做頭盤都幾開胃。最後,以桂花糕作總結。桂花糕清甜味道香. 晶瑩剔透，俾個讚佢。

舊戰友call食飯，揀咗呢間食齋私房菜。早咗到，但店方準時8點交到枱。店方提供薰衣草鐵觀音幾清香。我哋坐住傾下偈飲下茶，待最後一位朋友嚟到差唔多9點上菜，因店方提示10點關門，要預足夠時間進食。小樹耳海珊瑚千色併盤－賣相精美，雲耳、海珊瑚、青瓜絲、柚子、車厘茄，醬汁酸甜的幾開胃，壽司好認真咁比埋芥辣點，仲有子薑、皮蛋，其中有塊扮燻蹄嘅，皮同肉咬落唔同質感，唔似燻蹄但食落反而似扎肉🍖野菜小雲吞湯－入面有隻扮蝦🍤咁爽彈嘅做涵，個湯都幾好。香芒黃金卷－外皮炸得薄脆又熱辣辣，芒果味略淡。芝士焗日本年糕－淡淡芝士味，年糕煙韌。照燒釀金葫蘆－脆肉瓜好多汁，入面釀咗嚿扮豬肉嘅，咬落好似真豬肉🐖嘅實淨。鮮果如意花錦繡－有菠蘿、荔枝、青椒、紅椒、白合、腰果，仲有嚿好似䱽魚🐟，質感似魚肉有啲鬆散，味道酸味味，襯埋有營藜麥飯嘅微帶椰香，送飯幾好。蟲草花養生濃湯－侍應知我要影相，幫我起啲湯渣。飲落有輕微辛口，應該係落咗薑，都幾濃郁。瑤柱鮑片扒豆苗普通正常。香草腐皮卷個汁酸酸地但我唔鍾意呢種冇乜甜嘅酸。椰香雜菜咖哩－略稀身唔夠椰香，但味道都幾好，我食咗好多😋。有椰菜、車厘茄、薯仔，扮魚蛋都幾彈，但扮牛丸無論質

沒有考究過私房素菜館貴德宮的背景,從玄關陳設的佛壇和室內雅緻的裝潢,相信有好些佛道的淵源.而服務員亦多溫文有禮,像是很有修為.星期天首次光顧,乍看四壁掛滿書畫,極俱東方情調,未幾奉上香茗和小吃,初步印象頗佳.隨後菜肴逐一上枱..情況亦慢慢浮上桌面..{海珊瑚壽司拼盤}是冷盤,有些奇怪的組合..假蟹柳壽司,素燻蹄,西紅柿皮蛋,海珊瑚木耳柚子沙律..擺碟和食物的味道均有點雜亂無章..{鮮茄湯包},番茄湯底鮮甜,但餃子過於清淡,翠玉瓜饀料色澤晦暗,顯得不新鮮.{黃金繡球},以碎菜葉醸入素雞,裹以雲呑皮酥炸,算是較正常的小吃.{芝士雜菌批},批饀呈流質狀態,直菇伴入白汁,嚐不到芝士味,忘記了調味?很抱歉我完全不喜歡這個作品.{釀磨菇},以碎素肉釀進磨菇𥚃,沒有印象的味道,皺皺的外觀也不甚討好.{鮮果炒韓國年糕伴黎麥飯}..為什麼一定要賣弄多國菜式,假如完全掌握不到其中基本味道,更枉談精粹,只有令人覺得不倫不類罷了..這道菜配搭錯誤,味道沒有酸甜辛辣,只有兩塊扮魚的東西口感很像

昨日相約姨姨吃午飯慶祝生日。碰巧姨丈也休息，便一同進餐。2007年曾光顧貴德宮的午餐。那時還在舊地址。遷到新地址後是首次光顧。不知道食物的品質有沒有改變呢？幸好地圖上有標注珍豆漿的位置，貴德宮就在附近，因此我很容易便找到了。不過，大廈是舊式私人樓宇，讓我有點狐疑。當我看到門前的電子通話機在「UG」旁貼有「貴德宮」的貼紙時，便安心了。然而我到達時，大廈管理員剛巧離開了座位。於是，我按了一下「UG」的按鈕。與此同時，有人從大廈內走出來，我沒有等待答覆便進入大廈了。乘搭電梯或走樓梯也可以，只是一層而已。貴德宮的木門緊閉著，看不到裡面的情況，令人猶豫是否可以開啟。當時有一位男士在旁，他比我早到達樓層，也一臉無奈地站在門前。我嘗試打開木門，立即看到姨丈了。我比約定時間遲了二十分鐘左右，姨姨和姨丈早已安坐那裡。姨姨很喜歡那裡的環境，古色古香，很寜靜，也坐得很舒服。她說茶很香，味道也好，好像是薰衣草。我們完成整個午餐後，茶仍然是香濃的。食物很快便送到我們桌上。餐單由店主馮太設計並定下來。當天每一桌的客人也是同一張餐單。份量按人數而定。每人收費$168，沒有加一服務費。注意只收取現金。店員每奉上一道菜

當年，貴德宮乃一新店，於灣仔道營業時，已被捐窿捐罅的小妹發現。那些年，對馮太的創意和手藝極為欣常，故屢帶友人光顧，每每均盡興而歸。後來，小店遷至現址，小妹也先後去過兩次，只感一次不如一次。屈指一算，已有兩年沒有光顧了。是晚，義工好友聚會，想去懷舊，一行六人就坐言起行。然而，換來的，是舊人的失望。初次去的，也露出不屑的神情。唉，除了一句 - 不進則退，還能說甚麼呢？ 店子裝潢擺設歷久不衰，四周滿是字畫、水墨畫、青花瓷器等擺設，饒富詩情畫意。是晚，我們被安排是另一間只有三張圓枱的房間。人門口側鋪有紅布的大枱，以木板或竹簾間開，自成一角，空間較大，旁邊放有一張太妃椅。我們張枱在後方，六人坐十人枱，蠻舒適闊落的。一竹簾之隔的左端，已有客人入座，故不便拍照了。私房菜每位二百三十八元，包十道菜式，以及甜品，每款每人均一口、一塊或一粒，份量不算多。然而，有飯、年糕及薯仔等飽肚之物，務必讓每位客人吃得飽飽而歸。十道菜式中，有數道已是若干年前的作品，新作不多。即使是新作，也是不精的。 多年來，仍舊是那一壺的鐵觀音薰衣草茶。創意不大，然，小妹喜歡這種淡香的茶。小吃魚皮花生實屬一般，連拍照的衝動也沒有。

第一次素食既經驗就送左比依間貴德宮, 由於咩都唔知既情況,所以決定搵個朋友介紹個地方。朋友話依間好味道加埋好多人食,結果就佢幫我訂位同埋我一齊食。都好呀有個伴陪下。黎到門口,先知係私房菜,感覺很獨特,雖然係商廈,但感覺都似番左屋企咁。裹面裝修都唔錯嫁, 起碼坐得舒服, 地方夠大,而且都好清新咁。依到無餐牌嫁,如果自己一個第一次黎都唔知點算,朋友就話每個月款都會有唔同, 保持新鮮感,加埋人數既預番分量比你地一開始就有個燒茄子, 我對燒既野一向都有好感, 佢個既茄子做得幾爽口,唔錯,可能其他人好鍾意軟身少少。之後就黎個芝士年糕, 我自己就好鍾意芝士,不過未試過咁既組合,不過佢賣相好靚,睇起黎都吸引,味道都唔錯,不過重口味配合未必個個鍾意。之後就有個咖喱雜丸,好神奇,絕對係素菜,不過入面有個丸真係好似牛丸,味道好似真既一樣,咖喱味道都有心思,稀稀地, 濃少少我會更加鍾意。大部分都唔錯,而且賣相都夠吸引,可以令唔食素菜既人都吸引到。

第一篇食評送給貴德宮, 但由於還沒嘗試過寫所以不知道要放相片~阿女跟我說我才知道, 下次要拍照了。知道阿女個多月前已經訂檯, 說這家素菜多人吃。來到門口, 感覺很獨特, 像私人地方, 位於商廈。內裡裝修不錯, 清雅舒服, 地方寬敞。這裡沒有餐牌, 阿女說每月款式會不同, 訂了多少位就來多少份量。先來魚皮花生及茶，一般。雜錦拼盤,味道不錯, 賣相漂亮。燒茄子, 茄子可以再軟少許, 但阿女說好好吃。芝士年糕, 我不太喜歡芝士, 阿女超級喜歡, 這款賣相放得好漂亮。餃子, 不太特別。湯, 清淡, 適合我。咖喱雜丸, 入面有個丸好像牛丸！真的一樣！咖喱味道不錯, 但較稀, 如果濃一點會更好。咕嚕肉, 炒雜錦, 一碗瓜, 不錯。片皮鴨？食法好特別！還有個甜品。吃之前阿女話聽朋友說好特別。菜式好靚,可是我覺得除了有二三碟菜式賣相放得比較漂亮之外, 不太特別, 一般。而且每位2百多元, 我們4個人去吃差不多1000元了。不值得。