貴德宮私房素宴

營業中

休息中

被食評吸引去試下這間素食私房菜，環境一般，比較嘈雜，菜色共有九道菜，前菜份量正常，跟著每樣菜色每個整得精緻，味道幾好，但又不是令人回味，份量也很少，四人份量好像兩人份量，也沒有什麼特式菜色，一般的私房素食，以這個私房菜值錢頗貴。

好開心既晚飯，入到餐廳好似別有洞天咁，每張枱都有少少間隔，好夠私隱，服務員態度非常好，成餐飯都好舒服。上黎之前唔知係私房菜，咁就無得點菜，所以每道都好有驚喜！味道幾好，比想像中用得多素肉，擺盤都可以再靚D，每人二百幾蚊真係好抵，食到好飽，朋友話飽到嘔。記得呢度淨係收現金前菜藍色既湯係用左蝶豆花炸得好鬆脆！牛油果tart燒茄子，中間有釀野架！湯都好味椰汁咖哩（食到一半先記得影相）芋頭做汁既豆苗甜品（唔用即棄膠叉就好啦）

新式素食私房菜，煮得出色，好味值得一讚，值得推介👍😃與一般傳統的素食店的餸菜大大不同，由外型也很吸引，味道方面也很好。翡翠黃金卷，以翠玉瓜做主題，廚師煮熟翠玉瓜上碟，仍然可保留咬落多汁，值得一讚👍每日廚師發版不同菜單，今次第一次到訪，試到各樣餸菜都很滿意。這間素食私房菜，無論餸菜的外貌至到食物味道，都很細緻。下次一定會再來試試其他菜式😋至於服務方面，也很滿意，上菜時間也很緊密。茶方面，茶加薰衣草味道，飲落很清新，也很特別☕️

一次吃，感覺真不錯，因為是私房菜的關係，要一早訂位，而且有時間限制，只有1.5小時。雖然是素食，但非常有特式，而且私密度比較高， 就算係公眾人物，都未必會好容易比人發現。價錢方而也不算太平，每人27x元。1

通常齋菜都比較鹹或者油膩，但係貴德宮呢間私房菜嘅素菜完全無呢個問題。平平無奇嘅一碟腐皮翠肉瓜都可以好美味。鮑魚同魚蛋、牛腩都像真度非常之高。鮑魚仲好味過真鮑。非常有驚喜。係我試過香港眾多中式齋舖之中暫時最好嘅一間。蓮藕紅蘿蔔粟米湯亦非常足料。份量比較大，最好自備食物盒，避免浪費食物及即棄飯盒。服務態度都好好。唯獨最後上桂花糕時用膠叉，好唔環保，其實一間餐廳洗多幾隻叉差幾遠呢？希望餐廳能夠考慮用鐵叉。

一個月裏頭幫襯左兩次，食物質素並不差，唯獨欠缺新鮮感，兩次所識嘅菜式全部一模一樣。頭盤係一碟撈起，味道不差，賣相亦OK。第二個湯餃子，味道也很好。這個是我最喜歡的一個，不過包子太大，餡料太細，如果兩者作出一個合適嘅平衡就更加好。醸茄子我就覺得普普通通。這個一般有少少失望。咖喱魚蛋，真係好似魚蛋， 個咖喱汁真冇得頂👍👍。老細應承候補菜單名俾我，但最終都係收唔到，呢個係唯一嘅遺憾😔😔

有朋友係吳食肉，所以如果佢提議去食乜嘢我地都會就佢，通常外面食素，食齋，多數都係面筋，豆腐，菜，芋頭🐟之類既嘢，食完呢間真係估吳到素菜都可以做到甘出色，仲要食物個擺設完全吳似一般既素菜，有一碟仲好似去左食日本菜甘😂😂吳好以為就甘上去就有得食，都係朋友識得人卜位先有得食既私房素菜😅😅@餃子——需然全部餡料都係素菜做，（但一D都吳輸蝕用肉做既餃子，）湯仲好清甜@什錦拼盤—壽司，皮蛋子薑，熏蹄，沙律。壽司—-有D似食更日本壽司，好味👍皮蛋子薑——皮蛋又靚吳會有苦味👍素熏蹄——-食落去既味道直情同真熏蹄一樣甘好味😋😋😋😋😋沙律—用雲耳，青瓜絲，面頭用拆出來的柚子切左朵🌼，好味之餘，廚師仲好有心思😊@飯——用健康米做，食落口感好又健康☺️@素咖喱魚蛋牛丸——-全部味道真係好似食更真係魚蛋牛丸甘味，最好就係我吳食牛都可以食得😂😂😂@腰果🦐仁肉丁——-味道好味吳在講，用素都整得甘惹味👍👍👍@🐟—-用腐皮做既魚卷，真係好味到真係食更🐠甘好味😋😋😋食完呢餐素菜，真係吳知道素菜係可以整得甘好味，又特別，完全可以話係回味無窮👍👍✌️✌️😋😋坐既環境又舒適，招呼仲非常之好👍👍

健康素食私房菜🥗呢間素食私房菜都食左好多年，每次的菜式都會有些改動，晚膳有十餸兩個甜品，以前啲人覺得素會好油，但呢間私房菜絕對唔會，頭盤，燒茄子，咖喱豆腐雜丸同藜麥食都是我比較喜愛

由於奶奶係素食者，我哋兩家人一齊嚟咗貴德宮食母親節午餐。先嚟嘅係頭盤，中間嘅青瓜沙津汁酸酸甜甜好好味，仲有鮑魚好像真，連個底都整到好似真鮑魚咁有少少黑色，口感彈牙唔似出面一般嘅素鮑魚咁，有驚喜。跟住係福袋冬蔭功湯，福袋面有啲雜菜絲咁，湯都不錯。有長老唔食得辣佢哋即刻換咗個唔辣嘅紅菜頭湯，好貼心。炸物有雲吞同炸蠔。雲吞有少少鹼水味，但蠔啲味好似真!面啲紫菜就係精髓燒茄子入面釀咗啲素肉，都幾香口好味。衣個雜果炒雜錦我就唔喜歡了，酸酸的有啲薑味，唯一好味係入面有啲炸山根咁嘅少少脆咁有啲似咕嚕肉。衣個蕃茄芝士餅味係幾好嘅好似pizza咁，但自己覺得下面用塊米餅有啲hea...老火湯冇肉都好甜呀。咖哩入面有薯仔，魚旦，牛丸，好似真的!咖哩都唔係好辣，配多士，飯都可以免費添食。枸杞豆腐配紅菜頭汁，枸杞本身有啲苦，豆腐就好滑嘅，整體就普通啦。最後有桂花糕做甜品，有杞子同有啲龍眼味，少少咬口唔係一般大菜糕，應該係蒟蒻。佢會keep你個電話等下次再嚟會煮唔同嘅菜式的。母親節都冇乜加價算係咁。下次再嚟睇吓有咩驚喜。

很久沒有到貴德宮，懷念昔日的美味，今晚再試，有點失望，整晚的菜式偏甜，由前菜到咖哩都係，正餐似食緊甜品，有點失望。亦可能近年開始茹素，光顧了很多素食店，明顯沒有進步就是退步，食材也沒有驚喜，只是普通價錢食品，暫不會再光顧，希望老闆娘努力持續進步。環境方面，都算闊落，舒適，沒有壓迫感，我們沒有訂位，也有位。我不渴薰衣草茶，特意同侍應提出，第一位男侍應回應不渴薰衣草茶，只有水。再搵第二位女侍應講，佢就換另一款茶俾我地，一壺茶已分別到兩人的顧客服務態度。

因為班朋友話想同我慶祝生日..！，要食返一餐素食私房菜....仲要話今次帶我去一間會令我食過返尋味嘅餐廳我就睇下堅定流先。呢間樓上素食店都有好多人喎。第一道菜嚟返個新年撈起呢个個呢個小菜苗包都幾好味再嚟多個天婦羅夾麵包完全冇諗過佢個饅頭可以咁軟熟呢個釀茄子裏邊有一啲好特別嘅素食材料...食落去都好甘香之後哩個芝士海鮮撻有濃濃芝士加上薄薄地嘅批幾得意呢個沙茶牛肉都唔係太辣...撈飯啱啱好呢個如意付竹卷....清清地幾好味最後加多個咖哩薯仔魚蛋炆羊腩....啲魚蛋好似真嘅一樣完全唔似食緊素食加上個素羊腩相當有質感...我都食咗兩碗飯。最後嚟個花花杞子桂花糕

私房菜雖然要一早訂位，但過程順利。菜單由廚師發板，不用煩吃什麼，讚。每款菜式按人數預份量，所以一定夠食。地方雖然位於商業大廈閣楼內，有少少舊，但內部氣氛给環境也整潔舒適。特別一讚台與台之間都有屏風分隔，所以有点私人空間。食物都美味，每款菜色我屋企人無一不讚。雖然全素，但扮肉的(如素熏蹄)也好像真。特別是個素湯，非常清甜(無肉煲既湯原來都可以咁好味！最後連甜品我媽媽也讚清甜彈牙的桂花糕。成餐飯勝價比相當高！

朋友生日飯想吃得健康點，於是，來了貴德宮私房素宴吃。這裡是每位計不收茶芥/加一服務費，不用煩惱吃什麼，餐廳會安排餐單。注意只收現金！小樹耳海珊瑚千色併盤：賣相不但漂亮，壽司、素火腿、皮蛋和涼菜都很好吃😋野菜芙蓉包：皮很煙韌，餡料很不錯👍🏻香芒黃金酥卷：這個較為失色，個人認為炸得太乾身！香燒圓白菜： 白菜夠爽甜，味道普普通通👻有營藜麥飯：內有椰汁，配咖哩汁吃很好味😋芝士焗小蘑菇：蘑菇鮮甜，芝士香濃👍🏻照燒釀金葫蘆：葫蘆瓜肉爽脆，素肉餡很像真肉餡😻😋椰香雜菜咖哩： 我很喜歡這個咖哩，素牛腩、魚蛋、豆腐卜及薯仔都很好吃😻法包：夠香脆鮮素鮑魚片扒豆苗：豆苗嫩滑好吃！杞子圓肉桂花糕：清甜美味👍🏻

我12月16日打去 book 1月6日自己的生日飯，約咗1900, 6 位。。位小姐仲話 $268 一位，只收現金，今晚一行六人上去，佢話冇 records, 仲要講到我有妄想症咁。。咁都得。。不知所謂。。

好幾個朋友介紹過，聖誕節終於試左， 依家私房菜菜色會久唔久轉下， 假如你有野唔食可以預早講定， 餐廳會因應要求適當更改餐單。依到係以人頭計， 一個價錢食當晚菜單， 基本上會係八餸一湯，白飯任添。我食個晚茶係薰衣草茶，提神清熱氣又清幽之餘仲可以靜一靜個人，準備品嚐之後上ge菜。以下係當日菜色，最鍾意係個頭盤，有d似撈起，雖然聖誕節only未到新年，反正節日食依d清新又好意頭ge菜就開心啦！另外，煎茄子攘豆品， 外吹內軟， 快煎外表令最外邊個層夠脆同時裡面唔會吸收少d油分，讚呢👍🏼！