豪隍點心工房

營業中

休息中

之前都有食開佢係舊鋪既，見到佢係附近開左新地鋪就一於試下有無咩新野！一大早去飲早茶，佢地鋪都好易搵，地方都算方便，門口有斜台可以輪椅方便出入，入到去裝修好靚，重有特色風格既卡位，打卡一流👍🏻到食物方面今次叫左幾款野食1.蝦仁燒賣皇佢既燒賣出名大粒，2粒既size比得上外面其他4粒細既🤣2.山竹牛肉球好多牛肉球都好勁味精，但佢既牛肉球算係唔太多，唔會成口味前精既感覺！3.蝦餃拼粉粿，豪隍蝦餃皇因為佢既蝦蛟同燒賣一樣都係好大粒，粉粿就正常size，都好滿足😋4.蒜香芝士鮮蝦長春卷新鮮即炸，脆卜卜⭐️5.墨西哥叉燒包正常不過不失！6.鵝肝醬咸水角依個見到個名期望有啲大，不過都有小失望食物完全無鵝肝醬味，只係一個普通既咸水角🥲7.最後重叫左個蝦腸，佢皮唔會太厚，都幾好食👍🏻其實整體服務都好好，會有下一次既選擇👍🏻味道: ⭐️⭐️⭐️⭐️⭐️服務: ⭐️⭐️⭐️⭐️⭐️價錢: ⭐️⭐️⭐️⭐️⭐️🦽👍🏻: ⭐️⭐️⭐️⭐️⭐️🚗: 附近無咩停車場同錶位，最近要係觀塘廣場

取飛失敗事隔一年後，再度擇一個平日下午一點前挑機去排，得出以下結果：不忿，任由通告擺佈找鴻圖道。店內果然見成行人，我手中飛，等十張枱後。不禁暗罵有何巴閉⋯⋯舖內等位處只能企四五人，小小點心店居然要部分人變熱暑人在門外左邊大廈勉強有遮擋的大門等。熱夠廿分鐘後埋位便是報復式點單。茶葉用原片。來幾客點心。總結味道似自家製，非平時酒樓點心劃一的工場味道。附近幾枱都有「沙律雜果鮮蝦炸雲吞」，幾霸度的大大塊炸脆雲吞皮，咬開鬆脆聲又大又響可以收錄為薯片廣告之用，用的是有椰果有蜜桃的那款雜果，入面兩三隻大蝦肉，不理雪藏與否都還有蝦味。其餘「脆皮蘿蔔絲腸粉」腸粉皮薄內裏超脆，豉油另上，配醬麻醬甜醬大大碟不吝嗇；「墨西哥叉燒包」叉燒餡搗得得碎，內攏有點似空氣包稍遜色；再來的炸物「蒜香芝士鮮蝦長春卷」，一咬定格，入口極鹹，懷疑掩飾不夠新鮮剁成蓉的蝦肉，吃了一半筷子已放下，無吃下整條春卷意欲。但見川流不息的外賣自取都人手大外賣碗的取走，想必是單子上的米線類。即管試「酸菜魚片湯米線」。顛覆三觀，主調非酸，酸菜只是茄喱啡，這鋪滿黃油的湯底居然是濃重的薑味，口感似在吃胡椒豬肚湯，邊吃米線邊抹汗，很驅風的模樣。所用的

聽講呢間點心店非常好味，今日終於試到，因為朋友話呢間地舖分店味道同總店差唔多，不過就好坐啲，所以就揀咗呢一間。佢有個點心拼盤，入面有兩粒蝦餃、兩粒潮州粉果，一個叉燒包同埋一個流沙奶皇包，一次過滿足四個願望所以叫咗，另外仲叫咗個是日燉湯，今日係鮑魚螺頭燉雞，另外叫咗鵝肝醬鹹水角同埋鮮蝦腐皮卷。先講蝦餃，雖然入邊隻蝦唔算大，不過木柵都有一隻半至兩隻，脹卜卜好大粒，蝦餃皮好薄，果然係招牌蝦餃。潮州粉果入面啲餡好新鮮，尤其是啲沙葛「索索」聲，不過我覺得佢個皮太薄，所以好易穿搞到啲餡跌晒出嚟。叉燒包同埋流沙包就冇乜特別。個燉湯都唔錯，好似冇乜油，不過湯渣就少啲，而且鮑魚同埋攞頭都好細粒。鵝肝醬鹹水角同埋鮮蝦腐皮卷就係幾樣嘢之中最精彩。好多時候出面食到嘅鹹水角多係室溫甚至乎凍凍地，所以味道一定唔好，不過呢度嘅鹹水角好熱，值得一讚。入面加咗鵝肝醬就令到啲餡料更滋味。鮮蝦腐皮卷嘅蝦都算新鮮，另外佢個腐皮煎到好香脆，而且佢本身都夠薄，所以食落去口感好好。我最欣賞佢兩款炸嘅點心都冇乜油，實在難得。

🥡突然好想飲茶，特登嚟觀塘一轉！聽講平日好多人，但星期六晚餐時段可以直接有位🤩。好耐無飲茶，少咗啲戒心，無開「芫茜蔥雷達」🤢，竟然唔小心，叫咗兩樣有芫茜/唐芹嘅點心 —— 竹笙上素餃蜜汁叉燒腸！⚠️怕芫荽芹菜嘅朋友要小心⚠️。但整體係唔錯嘅，特別鍾意嘅俾咗🌟。🌟『蝦仁燒賣皇』$26除咗面頭有大大隻蝦，原來啲餡入邊都有蝦㗎！新鮮、彈牙、紮實☺️～『墨西哥叉燒包』$26熱辣辣，幾好味；外皮鬆脆，但係啲餡就少咗啲⋯⋯『豉油時菜』$26⋯⋯『竹笙上素餃』$30🌿「芹岀沒注意」⋯⋯『蜜汁叉燒腸』$30🌿「茜岀沒注意」⋯⋯🌟『蒜香芝士鮮蝦長春卷』$36長條型，附送兩條青瓜，夠晒清熱；三條長長嘅春卷，咬落索索聲、脆卜卜⋯⋯🌟『蓮子紅棗糕』$24紅棗蓮子糕，要放一放先食，如果唔係會太軟身；當佢凍返少少嘅時候，個Q彈度就會出返嚟；而中間有一層蓮子蓉&蓮子粒，幾有層次；但係如果多啲薑味就更好啦。📍 豪隍點心工房 (觀塘)觀塘鴻圖道83號東瀛遊廣場地下B號舖。好味指數：🌕🌕🌕🌕🌑回味指數：🌕🌕🌕🌕🌑

今日原本會去迪士尼，點知因為1早個天就黑曬🌧，而時候不早了(已經11點鐘)，所以我同路人甲決定唔去迪士尼，而我又需要返公司拎野，所以我地就出發去觀塘拎野兼食飯🤭係觀塘拎完野完成諗唔到食咩？最後我同路人甲講不如去飲茶🫖，佢話好呀，但3點幾係邊到有茶飲，我就即刻話去豪隍飲茶🫖，話之前只係食過外賣，今日想試下堂食😋去到門口，我地都要等左5分鐘先有位，入到去都爆滿，我地坐左張有窗既枱(諗住睇住架車🚗，但都係俾人炒左牌😭)，咁就開始叫野食喇😋今日叫左d咩：1. 豪隍蝦餃皇🦐2. 籠仔馬粒糕3. 鳳爪排骨飯🍚4. 香茜牛肉腸5. 墨西哥叉燒包6. XO醬蘿蔔糕7. 炸雲吞D點心終於都黎喇，首先係豪隍蝦餃皇，佢只係得2粒，但係好大粒，食落去個皮唔算厚，粒蝦都幾大隻，好好食😋籠仔馬粒糕係路人甲既至愛🤗，所以我就唔同佢爭，我食左1舊，我就覺得佢硬左少少🙃，唔夠鬆軟，所以我都只係食左1件，其他就俾路人甲包底😁其後係鳳爪排骨飯，我淨係食左排骨，唔算老，普普通通，冇特別野😁如果朋友係唔食香茜，我勸大家唔好叫❌，因為牛肉腸都算多香茜，我就鍾意食，所以覺得好好食，腸都拉得好滑，幾好食😁我最鍾意既墨西哥叉燒包😍，個

燒賣蝦餃一味得個大字，味道極普通，仲要一籠只有兩粒～我哋點咗兩籠，嚟到以為佢少咗籠，佢話係將兩籠裝埋一籠俾我哋⋯⋯（原來唔係因為佢哋對燒賣蝦餃要有要求～兩粒兩粒咁蒸，而係可以將四粒放番埋一齊蒸嘅⋯⋯咁除咗為搵笨之外，點解要set一籠得兩粒？）菜苗餃（一籠三粒）算係最好味——同出面啲酒樓差不多（但佢都係淡過人）腸粉難食春卷用萬年油炸炸到深啡色流沙包落枱2分鐘內食已經無流沙⋯⋯🙄信錯網上食評⋯⋯完全唔知佢好食嘅point喺邊⋯⋯早知係咁食番屋邨酒樓仲好～總結係佢浪費咗我個早餐Quota⋯⋯唔會再嚟。同埋飲茶食點心真係去番酒樓仲好～

朋友想試呢間點心舖好耐皆因佢一個又識煮又識食嘅朋友高度推介呢日特登過嚟試吓～嚟點心舖當然要試吓佢嘅蝦餃燒賣得唔得啦，仲order咗我喜愛嘅雞扎，而朋友就想食鹹水角🔸豪隍蝦餃皇 🦐👑呢個有睇頭，外貌不負其名，果真係蝦餃皇，好大隻嘅呢～係一般蝦餃嘅double size 😲😲不過，可能因為要包住好多餡料，蝦餃皮厚咗啲蝦餃皇對於我嚟講太大隻，要分開幾啖食，我都係鍾意傳統嘅蝦餃，一啖一隻，要求餃皮薄滑，仲要筍味香濃🔸蝦仁燒賣皇🐷👑燒賣皇又係外觀取勝，大大粒，但又要分開幾啖先食得晒不過，同蝦餃一樣，我都係鍾意傳統size嘅燒賣同埋呢度燒賣嘅調味比較重手，不是我杯茶～🔸四寶雞扎🐔四寶都係普遍嘅雞、芋頭、魚肚同火腿足料嘅，正常發揮啦～🔸鵝肝醬咸水角平時比較抗拒煎炸點心，怕油膩，不過朋友好想食，陪吓佢呢個相對有驚喜，皮脆餡香，熱辣辣油膩感尚可接受可能因為朋友嘅朋友高度推介，對呢間點心舖有啲期望，結果有啲落差😅 🤷🏻‍♀️埋單嘅時候一問，原來呢間係新開嘅分店，裝修舒適，老闆好明顯收藏大量Figures，喺舖頭預留咗地方display自己嘅珍藏～ 😎😎

本身放假特登帶埋屋企人九龍搭的士入去食 之前一直都好想試終於有機會，舖頭好乾淨好光猛環境都好舒服，點心種類好多 不過價錢都係算係小貴 如果相比起其他點心舖頭，不過都明白因為始終手工點心有質素。嘢食都上得好快，整體食物質素幾好 蝦餃真係好值得一試好有份量。不過有個失望地方 職員相對比較被動 服務態度一般，有啲職員黑面 講嘢完全冇尾音 收錢嘅時候一句多謝都冇，令到成個用餐體驗一般。不過男經理態度有善客氣 值得一讚。希望餐廳可以改善一下職員服務態度

終於黎到試呢間傳說話好食既點心店呢間點心店傳聞開向工廈樓上舖，經常座無虛席，以因好食同好親民既價錢取勝新店位於觀塘東瀛遊廣場地鋪蝦仁燒賣皇 🦐中點 $26果然係推介食物！上菜時俾佢嚇一嚇！好大粒！面頭除左有原隻大蝦🍤，食落去入面有1-2隻蝦，都係原蝦；豬肉都非肉碎👍🏻推介必食！𝕏𝕆醬蘿蔔糕 大點 $30蘿蔔糕係今次食既第一碟上菜食物！是好多蘿蔔既蘿蔔糕！感覺唔係有撈埋XO醬一齊煮，但XO醬好足料，又有蝦米、又有元貝、係好香，又唔太咸同唔太油！味道剛好！惹味！鵝肝醬咸水角 🥠中點 $26都係一上菜被嚇嚇，比起坊間好大個！堅做到外脆內軟！佢既脆皮係好堅挺，入面一食落去唔係話好濃既鵝肝味，但食完之後停留向口度係有鵝肝味！ 😋我覺得幾好既👍🏻蜜汁叉燒腸 🐷大點 $30份量相繼一樣係勁多！叉燒量好多，皮唔算超薄，但覺得因叉燒份量勁多，所以皮同料既比重黎講係恰到好處👍🏻燒排骨米線🍜 超點 $38嘩，估唔到超級大碗！仲以為係好細碗，2個人食咁多野，真係飽到飛起😂燒排骨有微炸感，細細粒，好食！米線🍜好彈牙，煮既時間剛好，粗幼度剛好，湯底真係食唔出咩湯，係好奶白色，有d似豆乳/腐皮熬湯，飲落去都無味精感

大熱天時喺觀塘地鐵站行去呢間舖都幾辛苦，呢間係新鋪，但感覺上比舊鋪仲細，而且冷條唔夠凍！我哋嗌咗點心拼盤，我覺得呢個係最抵既有兩粒蝦餃兩粒粉果一個流沙包一個叉燒包，但係啲粉果整到太冧，所以啲皮一夾就散晒啲蝦餃嘅蝦好大，但係都係一夾就散流沙包幾好味紅棗糕中間係有少少咬口我覺得比較大嚿，啲金錢肚咬落好難燒賣大大粒真材實料之後最好味嘅係春卷，超長同埋入邊真係有蝦，點埋啲芝麻醬食一流總體來講我覺得都算好味，但係又唔算超級好評，如果要一場去食我又覺得唔值，不過喺附近行開就可以食下

久唔久又係去飲茶既時候，飲早茶要避開人多擠迫，除咗閒日去之外，仲要揀個無咁早，啲人又返曬工既時候。先黎個大大粒蝦餃，一籠得2粒件頭好大，裡面有4粒左右蝦仁，皮不算薄，味道就唔夠鮮，而且無加筍絲，無左清香味。加上而家肉多左，唔加筍絲，都可以加少少蔬菜類，令到無咁油膩。個人喜好，食點心唔貪大件，以味為先，太大件反而唔啱個口大細，我會減少少分。至於一籠2粒呢個做法好明顯係商業決定，如果一行4人原本叫一籠，而家就要叫兩籠。至於淨腸粉就唔覺有米香，佢望落光滑硬身啲，唔會黐埋一齊，估計用唔同比例既粉造成嘅效果。煎尖椒就加XO醬，感覺又唔錯，魚肉應該有加臘味粒，所以味道鹹鹹香香。最後金錢肚份量夠多，味道正常不過食落入味夠冧。整體來講，除咗大件之外，未發掘到其他特色，如果有時間，都會去試吓其他。

第一次到新鋪食 因為舊鋪等40張枱 新鋪只係等廿張，30分鐘內就入座（預期之內）兩間鋪都係隔個轉彎位 如果舊鋪太爆不妨試轉新鋪 個人覺得新鋪味道 重點的蝦餃王燒賣王依然大大隻 一粒頂人兩粒！最貴的金錢肚諗甜惹味 最啱口味 亦都對得住價錢😋雪山飽都好熱辣軟熟，只不過雪山皮比之前食的略薄 會覺得油膩 如果再厚少少就完美了鮮竹卷好香甜 不過唔愛食西芹的話環留意 入面餡好多西芹🙈牛肉球（無拍照）雖然好香 不過肉質反而有明顯粉紅色 略略有太生的感覺 唔好生肉都可能要留意食過2次舊鋪的比較之下 此店品質控劑好過好多大鋪 大路點心齊全 而且款款都岩食 如果再開分店都一定會再試（如果港島區有就正啦）因鋪頭新開無幾耐 裝修環境同埋衛生好過舊鋪就一定的了，無論座位餐具新淨度無得比，最驚喜係店內播的純音樂真係好舒暢 這種品味愈見愈少了🥲

突如其來好想食點心，所以專程過來觀塘試一試由地鐵站行去餐廳大概十幾分鐘左右由於當日天氣非常炎熱，行到門口已經汗流浹背就算入到餐廳有微弱既冷氣都已經舒服好多枱面有QR CODE 可以自助點餐因為食客唔太多，所以直接用點心紙好似仲快不過當日既WAITRESS 額頭上面印左＂生人勿近＂由落單 斟茶 上菜 收碟 都係毫無表情同交流但係佢交足功課 有求必應 所以服務方面無唔滿意 好快就上菜，首先D 點心全部都熱辣辣好開心好似岩岩蒸完就即刻拎出黎，仲要係辣口果種由其係波蘿叉燒包，外脆內軟，又足饀，必食推介鮮蝦腐皮卷係我個人必點既，亦都食過好多間，呢個都係好正，新鮮滾熱辣，好脆口入面仲有西芹，唔係間間都有燒賣都好正，雖然得２粒， 但係比正常SIZE大, 而且非常JUICY  蝦餃好似係皇牌點心，成個拳頭咁大都好有GIMMICK不過我個人就鐘意正常SIZE，一口食晒呢個略嫌大左少少夜晚當然要食飯，所以叫左呢個鳳爪排骨飯，D飯粒粒分明最後叫返個燉湯作結，熱騰騰，仲有粒鮑魚仔最後仲叫左一碟ＸＯ醬金錢肚個人覺得不叫也罷，唔算太好食

食過敬業街本店，食物有水準，雖然次次都要排好耐，都帶埋屋企人去食。知道佢開咗新店，好期待黎試下。話說呢2日都好熱，等位期間出面好好風，太陽都曬唔到。等咗半個鐘左右有位，好多食客都流哂汗咁返出黎，屋企人都話入面熱過出面。愈食愈熱，我坐嘅位成排人都流哂汗，店員話已經開大咗冷氣 (真咩😑) 但真係熱到腳都流汗，慘過食大排檔唔開風扇🥵。最正係，3 點幾有幾枱客走咗，啲風hum hum 聲吹埋黎。多人時冷氣唔涼我理解，少人時無啦啦大風咗就真係離奇嘅。令人覺得係咪 peak hour 想人快啲食完快啲走😑。食物方面都有驚喜，前題係舊舖水準好平均，新店真係唔知做緊乜…👍🏻蝦餃、燒賣、馬拉糕、蒸飯 - 正常操作蝦餃燒賣好大粒同足料馬拉糕好似都唔差，但果陣太熱我唔想再食章魚菇粒雞飯 - 好食，幾香口👍🏻叉燒腸好味，啲皮煙靭，有啲似懷舊酒樓風味🤔XO 醬 & 蘿蔔糕唔明點解要分開佢地，expect 係炒埋一齊見到隔離枱叫普通蘿蔔糕，個樣仲靚啲🤔雜果沙律鮮蝦炸雲吞首先佢個炸雲吞係好食嘅，個皮嘅質感脆得黎有少少煙韌。可能自己理解得唔好，本身以為佢好似海鮮卷咁沙律喺入面，見佢分開上又驚喜咗😳雜糧糕 (唔記得個名

今天高温32度去到觀塘地舖試下吃,點知坐低後發覺空調嚴重不足,要求開大冷氣,但回覆只是已開最大,坐低吃點心好似一路行山一路吃點心咁,好心就加多幾部冷風機啦！空氣對流唔夠也容易中招,真係想叫衛生署來睇睇。但食物絕對係新鮮好吃,不過空調管理扣哂分