影片
營業時間
今日營業
08:00 - 21:00
星期一至日
08:00 - 21:00
以上資料只供參考, 請與餐廳確認詳情
相關文章
同好多觀塘街坊一樣，以前一直幫襯開舊鋪，依家冇左舊鋪，又想食番熟悉嘅味道，唯有黎新鋪回味一開始係openrice見到大家嘅食評係有少少擔心😂但都即管一試11點左右黎到都有啲人流，未到排隊但已經剩番一兩張枱，不過鋪面係比舊鋪細一截嘅。最多人講嘅識員態度問題，算不過不失，未係賓至如歸，但有基本禮貌用QR code落單，上菜熱辣辣，點心外貌覺得係企理過舊鋪嘅，都放心少少皮唔厚剛剛好！入面都好脆，食落相當唔錯！山竹牛肉同菜苗餃係以前必嗌嘅，呢到一食保持到水準！大粒抵食爆餡😋🌈😋紅棗糕就唔知係咪俾倒汗水up住個底，底個層浸淋左咁😂味OK，口感就差左少少點心拼盤幾抵食～有招牌蝦餃，蝦餃係唯一覺得差左嘅，蝦肉細粒、量少…叉燒包唔錯！正常水準最後呢個勁正！以前冇嗌過。上菜個陣有驚喜咁大塊😂煎得有啲脆口，肉同蓮藕比例啱啱好～一定要趁熱食😋食落成餐都開心！睇黎可以黎番食啦～
繼續閱讀
2019年撐你豪隍到今，之後不會再幫襯！因服務安排令人10分不滿！這樣管理不知所謂！有水準出品，冇水準營運！香港現在環境，創業難守業更難，不改善服務態度及方式，我相信好快會比舊客戶唾棄！
繼續閱讀
作為街坊已幫襯此店好耐。見喺隔離街開咗分店就當然繼續幫襯。好可惜嘅係，碗肥牛金菇米線食到一半，見到隻昆蟲，咁我就叫店員換過碗俾我啦。我叫佢換返半碗魚蛋米線俾我。原因就係唔想佢扮換但俾返同一碗我，所以我係要求另一款同價錢嘅餸（魚蛋），而且我都食咗一半，我叫店員換另一款半碗俾我就可以。店員望一望，見到有昆蟲，就好爽快咁話換過碗無問題。過咗一陣，店員放低咗碗米線。我一望就知係同一碗。因為碗米線我食淨嘅金菇仲喺度，只係多咗幾粒魚蛋。我用匙羹lau 兩吓，仲見到啲牛肉碎。今次我無再叫店員換過喇，再換都應該係同一碗/加料。純粹想講，食店做到咁，長期食客都唔會回頭了。希望老闆見到會有所改善啦，始終你地生意咁好咁多食客。
繼續閱讀
港人的習慣，一般飲早茶多於飲夜茶，然而因為不少點心工房的出現，甚麼時候一盅兩件都不成問題了。這晚跟絲打的約定，到了這家點心工房小聚，兩個人簡簡單單叫了兩個點心加一個飯。潮州粉果的皮勁厚，中間的肉餡超級濕碎，蔥亦發揮不出香氣，唯一最突顯的是花生，比起街邊檔的好不了多少。兼且聽聞潮州粉果的最佳拍檔辣油要另外加錢，我們唯有蘸點腸粉的豉油，卻已風味全無。羅漢齋腸粉稍為好些，至少腸粉滑溜，羅漢齋餡亦算豐富，沒有違和感。有別於傳統的窩蛋牛肉飯，這裡改為溫泉蛋。牛肉絞得夠爛，中間混合了些蔥及芫荽，蒸過之後更添香氣。戳穿蛋黃，蛋液流下飯裏，加少少豉油亦頗滋味。可惜飯較為腍，如果軟硬控制更好便會更佳。食完我倆都很飽足。
繼續閱讀
我係為咗呢個雪山叉燒包嚟呢度食佢個皮真係超級鬆化咬落去嘅時候係會有啲汁流出嚟，同埋有煙噴出黎，叉燒唔會太肥或者太瘦真係超級好味呢個排骨米線係有啲驚喜排骨非常之有水準非常之脆口可惜佢放咗喺啲湯上邊浸腍咗少少如果佢一開始係排骨另上既話咁樣會更加好味個米線都煮得啱啱好唔會太腍或者太硬如果要改善嘅話，呢一味餸加多條菜咁樣色水就會靚好多Ps之前聽到佢有另外一間嘅分店，原來係無牌經營，俾食環署捉咗所以我幫襯之前都專登打去問呢一間分店有冇開
繼續閱讀