豪隍點心工房

營業中

休息中

新店係地舖, 裝修比較有時代感同埋坐得舒服啲, 食物既質素同價錢同原舖差唔多👍🏽蝦仁燒賣皇🦐($26)一隻完整大蝦擺左係塞滿豬肉既燒賣上面, 豬肉入面會再包住一隻蝦仁, 口感同味道都相當豐富, 咁足料既燒賣真係買少見少😍杞子濃湯鮮竹卷🌯($24)杞子湯一啲都唔味精, 仲有幾粒杞子可以食, 三大條鮮竹卷包住滿滿既素菜絲, 一啲都唔油膩😉豉汁蒸鳳爪🐓($26）豉汁濃郁得黎又唔會太鹹, 鳳爪整到啱啱好, 唔會煮到爛曬😌流沙奶黃包🍳($26)奶黃包熱辣辣中間勁流心, 食完雖然有種罪惡感, 但係真係好好食😋蜜汁叉燒腸🐖($30)腸粉既皮偏厚, 不過叉燒既份量真係多, 而且仲有芫茜做配搭, 真係一定要食😍XO醬蘿蔔糕🥕($30)份量都幾多, 煎到表面有少少脆, 仲有大量XO醬乾瑤柱絲舖左係面添😇蓮子紅棗糕🍮($24)煙煙韌韌既紅棗糕中間有一層蓮子, 食完成個人都覺得好養生☺️呢度既食物質素保持一貫既水準, 絕對唔會令人失望, 茶芥$6位, 大家黎開觀塘真係一定要黎試下😍

💛💛💛💛💛想係觀塘飲茶？💛💛💛💛💛呢加又多一間 「豪隍點心工房」新開無耐 相比起舊嗰間 環境好咗 舒服咗 食得舒服啲CP 值極高 排隊都好快有得入！😂1️⃣豪隍蝦餃皇 $26 (兩粒) ⭐️⭐️⭐️⭐️✨大大粒，好多蝦，爽口 👍🏻必食2️⃣蝦仁燒賣皇 $26 (兩粒) ⭐️⭐️⭐️⭐️✨大大粒 ，新鮮豬肉，又有蝦 👍🏻必食3️⃣鵝肝醬咸水角 $26 ⭐️⭐️⭐️✨今日整得小小油 ，但好脆啦4️⃣豉汁蒸排骨 $24 ⭐️⭐️⭐️✨係真排骨，好味 ，不過有小小咸5️⃣蒜香芝士鮮蝦腸長春卷 $36 ⭐️⭐️⭐️⭐️重芝士味 熱辣辣咁上如果覺得膩，可以配一啖青瓜😂6️⃣香茜牛肉腸 $26 ⭐️⭐️⭐️皮略為厚 牛肉都幾多7️⃣五谷雜糧糕 $24 ⭐️⭐️⭐️唔知咩黎，食黎試下甜甜地嘅糕 好健康😂.另外好多人都推介：✨✨✨墨西哥叉燒包 ＄26.豪隍點心工房 (觀塘)觀塘鴻圖道83號東瀛遊廣場地下B號舖.#觀塘 #觀塘美食 #觀塘好西 #觀塘食嘢 #駿業街 #豪隍點心工房 #墨西哥 #叉燒包 #春卷 #咸水角 #蝦餃皇 #燒賣皇 #觀塘點心黃店 #觀塘點心 #黃店 #觀塘飲茶 #飲茶 #foodblogger #foodiehk #foodphotography #lo

較早之前已光顧此品牌的總店，最近知道於同區開設了地舖分店，所以急不及待去此分店飲夜茶。當天大概於夜晚七八點進入店舖，當時店內已有很多食客進餐中，亦有很多人在旁等候外賣。而分店的裝潢與總店截然不同，而原木色為主，帶有點點的日式風情⋯食物質素方面，與總店大致相同。蝦餃、牛肉仍舊大件兼美味、炸物香脆可口。那天總共叫了六、七款點心，大部份食物都能保持水準，肚子很飽、很滿足！唯一美中不足的甜點——桂花糕，稍為久缺清甜味道，質地較為軟腍，難於用筷子夾起進食。

見雜誌話開左新鋪，星期六就同家人黎試。下午2點幾黎到都要等25分鐘先可以入座。入到去立刻剔點心，點了以下食物豪隍蝦餃皇點了2次2粒$26×2，蝦餃好大粒，蝦都有4隻 ，皮唔算厚。但調味好鹹。蝦仁燒賣皇$30，燒賣好大粒，豬肉無肉味 調味又係好鹹蜜汁叉燒腸$30，皮薄叉燒算多鮮蝦腐皮卷$30，味道唔錯，煎到卜卜脆，重點唔多油xo醬蘿蔔糕$30，無乜蘿蔔，粉多，無乜xo醬味生煎菜肉包$24，豬肉唔夠味，包底唔夠脆，可以唔食蓮藕煎魚肉餅$30，煎到卜卜脆流沙皇包$26，好流沙有鹹蛋黃香味，唔算甜杞子桂花糕$24，有桂花香味好清甜豉汁蒸鳳爪$26，無乜豉汁味無上鏡的墨西哥叉燒包$26，d饀唔會甜，好食過叉燒包四寶雞扎$32，雞滑可惜無乜味，芋頭夠粉有芋頭香味籠仔馬拉糕$26，馬拉糕蒸得軟熟，又唔算甜。總結：地方唔算大，要有等位心理準備。還好唔算太嘈。食物質素可以，又唔係講到特別好食咁囉！炸物比較出色，包點唔算太甜。（如果唔洗排隊可以一試）服務幾好，收碟快!茶芥$6，4人食左13碟（無下午茶），只需$432，抵食。最好就係唔洗加一，咁又可以食多碟啦！