豪隍點心工房

營業中

休息中

同好多觀塘街坊一樣，以前一直幫襯開舊鋪，依家冇左舊鋪，又想食番熟悉嘅味道，唯有黎新鋪回味一開始係openrice見到大家嘅食評係有少少擔心😂但都即管一試11點左右黎到都有啲人流，未到排隊但已經剩番一兩張枱，不過鋪面係比舊鋪細一截嘅。最多人講嘅識員態度問題，算不過不失，未係賓至如歸，但有基本禮貌用QR code落單，上菜熱辣辣，點心外貌覺得係企理過舊鋪嘅，都放心少少皮唔厚剛剛好！入面都好脆，食落相當唔錯！山竹牛肉同菜苗餃係以前必嗌嘅，呢到一食保持到水準！大粒抵食爆餡😋🌈😋紅棗糕就唔知係咪俾倒汗水up住個底，底個層浸淋左咁😂味OK，口感就差左少少點心拼盤幾抵食～有招牌蝦餃，蝦餃係唯一覺得差左嘅，蝦肉細粒、量少…叉燒包唔錯！正常水準最後呢個勁正！以前冇嗌過。上菜個陣有驚喜咁大塊😂煎得有啲脆口，肉同蓮藕比例啱啱好～一定要趁熱食😋食落成餐都開心！睇黎可以黎番食啦～

2019年撐你豪隍到今，之後不會再幫襯！因服務安排令人10分不滿！這樣管理不知所謂！有水準出品，冇水準營運！香港現在環境，創業難守業更難，不改善服務態度及方式，我相信好快會比舊客戶唾棄！

作為街坊已幫襯此店好耐。見喺隔離街開咗分店就當然繼續幫襯。好可惜嘅係，碗肥牛金菇米線食到一半，見到隻昆蟲，咁我就叫店員換過碗俾我啦。我叫佢換返半碗魚蛋米線俾我。原因就係唔想佢扮換但俾返同一碗我，所以我係要求另一款同價錢嘅餸（魚蛋），而且我都食咗一半，我叫店員換另一款半碗俾我就可以。店員望一望，見到有昆蟲，就好爽快咁話換過碗無問題。過咗一陣，店員放低咗碗米線。我一望就知係同一碗。因為碗米線我食淨嘅金菇仲喺度，只係多咗幾粒魚蛋。我用匙羹lau 兩吓，仲見到啲牛肉碎。今次我無再叫店員換過喇，再換都應該係同一碗/加料。純粹想講，食店做到咁，長期食客都唔會回頭了。希望老闆見到會有所改善啦，始終你地生意咁好咁多食客。

港人的習慣，一般飲早茶多於飲夜茶，然而因為不少點心工房的出現，甚麼時候一盅兩件都不成問題了。這晚跟絲打的約定，到了這家點心工房小聚，兩個人簡簡單單叫了兩個點心加一個飯。潮州粉果的皮勁厚，中間的肉餡超級濕碎，蔥亦發揮不出香氣，唯一最突顯的是花生，比起街邊檔的好不了多少。兼且聽聞潮州粉果的最佳拍檔辣油要另外加錢，我們唯有蘸點腸粉的豉油，卻已風味全無。羅漢齋腸粉稍為好些，至少腸粉滑溜，羅漢齋餡亦算豐富，沒有違和感。有別於傳統的窩蛋牛肉飯，這裡改為溫泉蛋。牛肉絞得夠爛，中間混合了些蔥及芫荽，蒸過之後更添香氣。戳穿蛋黃，蛋液流下飯裏，加少少豉油亦頗滋味。可惜飯較為腍，如果軟硬控制更好便會更佳。食完我倆都很飽足。

我係為咗呢個雪山叉燒包嚟呢度食佢個皮真係超級鬆化咬落去嘅時候係會有啲汁流出嚟，同埋有煙噴出黎，叉燒唔會太肥或者太瘦真係超級好味呢個排骨米線係有啲驚喜排骨非常之有水準非常之脆口可惜佢放咗喺啲湯上邊浸腍咗少少如果佢一開始係排骨另上既話咁樣會更加好味個米線都煮得啱啱好唔會太腍或者太硬如果要改善嘅話，呢一味餸加多條菜咁樣色水就會靚好多Ps之前聽到佢有另外一間嘅分店，原來係無牌經營，俾食環署捉咗所以我幫襯之前都專登打去問呢一間分店有冇開

由舊店，已幫襯，攞飛時三人，入座時朋友又突然話唔嚟，未坐低已表明係兩人，職員表示冇問題照坐，食到一半，職員竟然走嚟話你哋得2人，要搬位，唔係就要收多1人茶錢，真係第一次見這種熊度，下次唔會再幫襯

朋友介紹 試吓新嘢點知 收錢的一個後生女 說話態度差我只是問一問可以加多一個位嗎佢話隔籬枱人哋啱啱食點加俾你啊我不是叫佢即刻加入，只是問一問可唔可以，完全冇禮貌又話唔得 又話乜乜搞到我冇心情食以後都唔食！入面姐姐就好 哥哥也好唯獨她一個係收錢果個 嬲到一個點

這間店舖第二次去飲茶，因另一間分店工廠大廈1/F冇開才行過去，我們三個人午餐12:45pm到達餐廳，員工態度十分之差、冇禮貌、語氣差、黑臉及趕客走，我們只能用膳70分鐘明白，當我們用膳60分鐘後想再加單，服務員說冇得加单，用膳只能70分鐘，你們只可以埋單出去再重新排隊入來食過，所以我們對某侍應生態度及語氣極到不滿，不會考慮再光顧，大家請注意員工截單的態度，一定令你難忘（極失望），完全一點顧客服務質素都冇。

好多人話呢間點心真係made in HK仲要即叫即蒸，所以都有啲期望嘅。但係真係好少响香港食到咁差嘅點心，但係佢中午真係長期排長龍嘅。燒賣同蝦餃唔係大粒就叫好食，上枱已經爆曬皮，燒賣塊片一忽忽嘅，兩樣都唔好食。腸粉又厚又鞋口，又係蒸到爛開咗🥹叫咗十幾個點心，竟然無一樣點心好食，有啲叫唔難食，有啲直頭難食。千祈唔好叫炸物，有陣味嘅。啲侍應態度奇差，叫一籠燒賣佢上兩籠，問佢又話唔知，上漏點心又話唔知。坐又坐得唔舒服，入面又焗又迫。

觀塘人一定會認識的「豪隍點心工房」！自從兩年前開了新分店後，我都會選擇到新分店，除了是因為裝修感覺更清新簡潔外，坐位亦比較寬敞舒適。多次到訪這間豪隍點心，水準依然維持，本人最愛的燒賣依舊大大粒，雞扎依然足料。🥢蝦仁燒賣王 ($28/2粒）$28得兩粒，雖然性價比唔算好高，大大粒嘅燒賣食落啖啖肉，中間蝦仁好爽！🥢蜜汁叉燒腸 （$32) 皮薄餡靚 淡淡都有叉燒🥢四寶雞扎($34) 入邊嘅魚肚晶瑩剔透 多汁好食🥢鮮蝦菜苗餃 ($28) 內餡豐富！☕️茶芥 （$8/位） 不設加一服務費 📍豪隍點心工房 (觀塘)觀塘鴻圖道83號東瀛遊廣場地下B號舖營業時間：0830-2100（敬業街工廈分店已於2024年九月結業，大家記得唔好摸門釘喇）#港式點心 #豪隍點心工房 #觀塘 #觀塘美食 #燒賣

本身打算吃某某餐廳, 發現原來是是酒店內的酒樓, 所以走著走著就看到這間點心餐廳, 現在才發現原來這間點心餐廳有另一間分店, 而兩間鋪頭都是位於觀塘 😮 這一間是滿滿的日本風裝修, 而另一間從相中看就相對普通, 但擺滿模型, 也有其特色, 但感覺這間比較舒服和美觀 😊脆皮雞中翼 $28雞翼炸到非常脆口, 果然食物如其名 🤭 味道蠻惹味的, 只是稍微炸得乾了一點。甜奶炸饅頭 $26饅頭鬆化, 微微脆口, 最重要是沒有油膩味, 加一點煉奶就更美味 ☺️沙律雜果鮮蝦炸雲吞 $34同樣炸到又薄又脆, 裡面蝦肉大大粒, 眼見油份不少, 幸好味道沒受影響, 加上有雜果沙律🍒在上面, 感覺中和了不少油膩感, 當然其實沙律是更邪惡 🤪香茜牛肉腸 $28腸粉皮中規中矩, 不算太薄也不算太厚, 芫荽味道不太突出, 餡料正常份量正常味道。XO醬蘿蔔糕 $32蘿蔔糕並不厚粉, 煎得蠻香口的, 蘿蔔量再多一點會更理想, 加了點XO醬在糕點上增加味道, 最上面的幾件還好, 可是最底的那幾件超多油 🫥點心拼盤 $54分別有2粒蝦餃, 2粒粉果, 1個叉燒包和1個流沙包, 蝦餃與粉果皮都相當厚 🫣 蝦餃內的蝦同樣大大粒

最近經過先留意到原來呢間有下午茶，3pm~5:30pm貪心既我呢次食煎蓮藕鯪魚餅米線+蝦餃皇兩樣都熱辣辣上枱！食住蝦餃等下個米線湯無咁熱先蝦餃皮係咪好似厚左DD？不過口感幾好煙un，好多蝦蝦蝦係入面數到好似唔止5隻？好味米線個湯比較清，米線滑身軟硬適中，鯪魚餅煎得幾香，蓮藕粒增加口感5點左右黎當食個早D既晚餐，加埋茶介 $8 total $60 好滿足真係食到好飽下次打拳之前試下食腸粉+蝦餃算 lol另外枱面有一大壺熱水可以自己加水都幾方便，可以係咁飲不過可能下午茶時間員工都輕鬆D，傾計聲浪比較大，仲大聲過我隔離（只係同枱隔板）既食客，做餐廳黎講，呢點可以留意下

豪隍真係食過好多次，我都算係die hard fans，由佢得一間門市食到而家開埋分店。每次去到必定會點拳頭咁大個粒既蝦餃同墨西哥叉燒包！但係好可惜，食物水準有輕微下降既趨勢🫣今日再去幫襯，我最愛既蝦餃層皮有點厚（但好彩仲係好足料，數過一粒蝦餃有4隻蝦😂），墨西哥包既質感都冇以往咁鬆軟😔加上呢間分店店面比較細，好難搵位，基本上lunch hour過左12點都唔洗諗…希望豪隍可以將個食物水準提升番啦～

觀塘豪隍點心工房嘅分店，餐廳環境新裝修，坐得舒適，不過唔算好大間，今次中午食要等位。餐廳嘅食物價格實惠，份量十足而且好味，性價比好高👍👍推薦佢哋嘅招牌菜包括蝦餃、燒賣、奶黄包。蝦餃皮薄彈牙，內餡蝦肉新鮮多汁，相當好食。而燒賣既外皮金黃酥脆，食到啖啖豬肉蝦肉鮮味，令人回味無窮。另外幾鍾意佢地既墨西哥叉燒包，麵包夠鬆軟，叉燒鹹甜適中好好味。而奶皇包每一口都能食到濃郁既奶黃味道，讚‼️都係不能錯過的點心。餐廳服務質素都唔錯，員工有善，上菜都夠快。整體用餐體驗不錯，值得再來👍👍

二訪點心餐廳新分店🇭🇰豪隍係觀塘開咗分店，新店裝修得環境更舒服，本店人流依然旺🔥係本店等號碼較耐，行遠少少去到新分店等位，反而等快咗💨𖡼 蝦餃拼粉果 今次無叫佢哋既點心拼盤，反而有呢個蝦餃拼粉果既選擇，兩樣都係我哋鍾意既點心，蝦餃依然係大大粒，粉果有驚喜地個皮好軟糯，老人家食都無問題～🤭𖡼 豉汁蒸鳳爪水準之上既鳳爪，好味𖡼 XO醬蘿蔔糕驚喜地XO醬好香🧈辣感很足，推薦！𖡼 紅棗糕 紅棗味道很夠，軟綿不痴牙🫶𖡼 叉燒腸 我最愛，見到皮薄餡靚，啖啖叉燒，正！😋𖡼 金錢肚算是偏軟易咬的，同行老人家表示OK點心大概係即叫即蒸，要點等候時間的。