豪隍點心工房

營業中

休息中

二訪點心餐廳新分店🇭🇰豪隍係觀塘開咗分店，新店裝修得環境更舒服，本店人流依然旺🔥係本店等號碼較耐，行遠少少去到新分店等位，反而等快咗💨𖡼 蝦餃拼粉果 今次無叫佢哋既點心拼盤，反而有呢個蝦餃拼粉果既選擇，兩樣都係我哋鍾意既點心，蝦餃依然係大大粒，粉果有驚喜地個皮好軟糯，老人家食都無問題～🤭𖡼 豉汁蒸鳳爪水準之上既鳳爪，好味𖡼 XO醬蘿蔔糕驚喜地XO醬好香🧈辣感很足，推薦！𖡼 紅棗糕 紅棗味道很夠，軟綿不痴牙🫶𖡼 叉燒腸 我最愛，見到皮薄餡靚，啖啖叉燒，正！😋𖡼 金錢肚算是偏軟易咬的，同行老人家表示OK點心大概係即叫即蒸，要點等候時間的。

收銀阿姐態度差，愛理不理。在外送平台唔小心落錯單，已經馬上打電話通知收銀請唔好整住，會請平台方取消訂單，之後會重新落單。但係收銀態度差，唔願意配合，只係落單30秒，但已經話整緊，根本冇可能！最後更加cut線 ！結果因為收銀不願意幫忙，夾硬叫貴咗成百蚊，食到一肚氣。食物質素無論如何，職員嘅態度如果差，都唔會再回來食！希望貴店改善一下收銀員工嘅態度！蝦餃好大隻，份量大，但蝦肉鬆散，皮女好容易夾穿。今時今日咁嘅服務態度，真係好易倒閉…

放工約左朋友諗爆頭唔知食乜，最後試咗第一次夜晚食點心🍽️之前一路舊舖食，第一次嚟新舖，環境舒服好多，餐具都靚啲，我哋兩個人7點去到冇乜人，點知越夜越多人，咁嘅市道平日都keep到客，真心堅嘅！🍽️個松茸菇燉湯味道就不過不失，雞油太充足，飲時一定要撇左層油先🍽️我最愛的流沙包依然保持水準，三個都流沙，唔算太甜超正！🍽️金錢肚超足份量，但係略鹹 🍽️人氣燒賣冇得輸，蝦同豬肉比例剛好，豬肉唔肥🍽️濃湯鮮竹卷足料，個濃湯堅濃但冇咩味精feel😋Keep到水準，上菜超快兼熱騰騰，大滿足短聚點心夜！

我点的点心都一般般，本来是慕名而来的，结果味道还没有我平时去的那家好，特别是鹅肝醬咸水角，打开完全没有看到而鵝肝酱，完全就是普通的叉烧咸水角，而且非常的油，有点炸过头了，一吃下去满嘴都是油，招牌虾饺皇虽然比其他的店大一点，但味道我觉得和其他店一样，味道并没有其他人推荐的那么好吃，我和同行的朋友都觉得一般般。环境方面，还好，装修也挺好看。卫生方面，没有什么问题，还挺干净的。服务方面，他们进来的时候，其实有些桌子是空的，但是不知道为什么不让坐，要我们两个人拼桌子，但有些桌子，从进门到我们走都依然还是空的

食過總店，真系大件夾抵食，每次都有介紹人去食，下午茶真系好平，如果住觀塘，真系會再去多D。今次去左新店試下，環境好舒服，無甘迫。味道同以前一樣甘好味，仲系甘大件，好吸引，但可惜下午茶時間已經吾再系以前既2pm，變左3pm。我去到都打左個突，雖然可以嗌少少野食，然後3點再嗌，但太晏喇，所以就甘普通時間食翻普通價，睇翻價好似差大概$5-$10一個點心。無以前咁脹，但都好食，入面都系粒粒叉燒，皮都做得好軟滑同唔黏。豉油比你自己落，吾怕落多/落少，可以就翻自己口味。菜苗餃就做到以前食嗰種脹，真系好吸引，咬落去好清爽。皮又系做得同腸粉一樣甘好，仲要夠透明，賣相非常好。依加吾系到到既流沙包都真系流沙，尼個要小心食，佢真系流出嚟，包都好軟熟，好味👍🏻佢D野真系夠曬熱，鮮竹卷都好足料。煎得好香，好有口感，大大份，好食呀尼個點心最貴，其他既點心都忘記幾錢，諗住應該都會好味，但好可惜，吾知系咪條春卷長左D，食到一半已經好膩，吾太想繼續食。入面既料都因為出面太炸，突出吾到。最後附上如果早茶/下午茶黎，真系好抵！地點系遠少少，但都值得！

話你知，今日去咗間好出名嘅點心店試下口福。蝦腸啊，皮嘅厚薄度啱哂，滑唔溜手嘅腸粉仲包住跳嘅鮮蝦，口感正👍！再講下個鮮蝦菜苗餃，勁脆嘅菜苗夾雜咗鮮甜蝦肉，真係揮之不去嘅鮮味。至於個蓮藕煎鯪魚餅，蓮藕咬落去爽口得嚟唔漏油，攞盞茶低低聲講句，「真係正」！講到蝦仁燒賣皇，啖啖蝦肉，每啖都令人回味無窮。但話說返，我都好鍾意潮州粉果，個皮似雲般輕盈又唔會太澀口，正宗！墨西哥叉燒包就一啲都唔同凡響，個包鬆化唔膩，叉燒鹹甜適中，頂呱呱。總括來講，喺呢家點心店，每款點心都做得出色，有咁嘅味道，真係可以再嚟幾轉！呢家真係食到諗住咁多菜味道棒棒噠，加埋舒服嘅環境同埋精緻嘅食物擺盤，啱曬平時想搵啲優質點心嘅打工仔。總結呢間點心店，係實力同品味兼備嘅選擇💯！

在觀塘返工的人超有口褔。呢間茶樓款款點心都好大件，價錢又合理。次次去都需要排一段時間，但是值得的墨西哥叉燒包外皮鬆脆又唔干，包裏面有好多叉燒流心奶皇包味道好👅裏面真係做到流心混醬腸粉食落好滑基本上全部食物都夠味除了腸粉其他都不用額外再加豉油

以前喺觀塘返工嘅時間，久唔久都會去豪皇飲茶，果陣都仲未有鴻圖道呢間分店，最近有啲掛住佢嘅點心，就約左朋友過嚟。拎住個menu真係好多野都好想食，瘋狂咁叫，4個人都只係600幾蚊，都幾抵丫。煎蘿蔔糕 XO醬蘿蔔糕蘿蔔量多，入口清甜。配XO醬更惹味。長春卷必食之選，夠脆夠熱，個餡夠汁唔乾。蝦腸粉皮厚簿適中，唔會一夾就爛，蝦肉新鮮大隻。蝦餃必食推介，大大隻蝦，新鮮彈牙，個皮厚簿適中。燒賣啖啖肉，夠大隻，鮮甜。牛肉球牛肉味濃，軟綿綿，馬蹄爽口清甜。鳳爪 金錢肚入味夠淋雞翼以前係勁好食的，不過今次有啲失色，太乾了。菠蘿叉燒包今日有啲細個，入口好似唔太鬆。流沙包個心夠流。尖椒 矮瓜啖啖鯪魚肉，煎得夠香。紅棗糕紅棗味濃，唯唔夠甜。不過唔太嚐甜嘅人應該好啱食。

估唔到呢間點心店係同區已經有另一間分店，睇黎真係好受呢區既街坊歡迎。新店比舊店再偏僻多少少，所以無舊店咁多人排隊。新店裝修精緻，乾淨企理，不過座位都係比較逼。今次除左encore返上次拳頭咁大既蝦餃之外，都叫左山竹牛肉球、鳳爪排骨飯、流沙奶皇包。鳳爪排骨飯同流沙奶皇包算係正常發揮，同出面既點心質素相若。不過山竹牛肉球就相對較差，雖然份量上每粒都大大粒，但肉味好淡，口感都唔夠好，有啲令人失望。另外今次既點心都唔太夠熱，希望下次再黎會見到改善。

觀塘工作有10年，由豪隍第一間店食到依家，除左一貫時間趕D同逼少少外，食物質素到現在依然保持高質同穩定，最喜歡就係珍寶燒賣同蝦餃。今次去觀塘另一間分店，環境相對寬敞闊落，今次叫了蝦餃粉果，脆皮銀蘿腸，生煎蘿蔔糕，竹笙上素餃。蝦餃依舊大大隻，要包裹住一群蝦，皮會有少少厚，餡料今次少了點油份，啖啖蝦肉依然係爽！其它點心上枱熱氣騰騰，食材新鮮足料，味道不需靠腌料主導！尤其脆皮銀蘿腸及竹笙上素餃，２款都以素為主導的點心，更可以食出新鮮感

今早約了朋友到官塘鴻圖道東遊廣場地下豪隍點心工房飲吓茶、食個包。籠仔馬拉糕 $27大大個的籠仔馬拉糕食落感覺鬆軟，有濃郁的蛋香味，又不會太甜，十分好味。豉油時菜 （今日係菜心）$27綠油油的菜心感覺鮮嫩，不會灼得太生或太腍，恰到好處。是日燉湯 $37熱辣辣的燉湯裏混入了雞、雞腳、排骨和一些煲湯藥材，湯料十足，飲落鮮甜可口。香茜牛肉腸 $27腸粉皮又薄又滑，裏面包著厚厚的免治牛肉，牛肉裏混入了少許馬蹄和笎茜，豐富了口感和香味，真係皮薄餡靚，再加上醬油，提升了鮮味。XO醬蘿蔔糕 $31蘿蔔糕裏有一條條的蘿蔔幼條和臘腸粒，口感十足，再配上瑤柱蝦米XO醬，提升不少香味。醬汁茄子拼尖椒 $33茄子和尖椒都釀了鯪魚肉，鯪魚肉醃得入味和彈牙，到配上惹味的醬汁，十分滋味，但可惜油膩了一點。

朋友介紹話一定要黎食佢地嘅點心點知食完真係自己再黎食咗好幾次呢度第一名嘅點心一定係佢地嘅蝦餃蝦餃個size大粒到隻匙羹啲都放唔落入面大約有3至4隻大蝦真係好滿足好好味食完一粒好似食咗平時嘅2粒咁而且個皮都算薄燒賣都好足料佢地呢兩款點心都係2粒1籠所以如果3個人黎食可能要share或者再order一客其他點心就正常發揮不過不失所以黎食一定要order蝦餃同燒賣另外一提佢地嘅點心價錢都係20幾到30幾所以都算係比出面平

紅雨都阻擋唔到食點心嘅決心😅近排好多嘢煩，要食啲好嘢平衡下心理😔實在太掛住呢間大大粒嘅蝦餃同燒賣🤩1. 香茜牛肉腸 ($27)腸粉好滑，牛肉超厚好有牛味🤤好足料呀😬2. 杞子濃湯鮮竹卷 ($25)個湯好似魚湯咁，真係想飲哂佢🤭鮮竹卷涵好多肉，但裡面有西芹蘿蔔絲，唔會好油膩👍🏻3. 點心併盤 ($51)啱哂貪心嘅人想試多啲唔同款式嘅點心😂蝦餃勁大粒，裡面至少三隻大蝦😋粉果皮薄，好彩好少花生🫢流沙奶黃包當甜品要留壓軸食🤭流沙涵好滑，甜左少少😅叉燒包正常啦，都好味😂4. 蝦仁燒賣皇 ($27)超大粒🤩豬肉肥肉同瘦肉比例好好，唔會太油，蝦仁好新鮮😋

📍#觀塘 #豪隍點心呢間出哂名嘅點心，觀塘都已經有兩間，好似好勁咁，梗係要試🫶🏻晏晝3點食都要排隊，唔想煩可以係The GULU撳定飛💁🏻‍♀️🦐蝦仁燒賣皇 $27好似話燒賣必叫，因為真係好大粒，又足料🤪大大隻蝦仁舖係面，餡料大概係蝦3:豬肉1😎✨四寶雞扎 $33四寶有芋頭、雞肉、火腿、豬皮，每件都切都好粗條，單食都好正，索哂上湯同火腿味😙✨XO醬金錢肚 $37件件都好大塊，索哂汁好惹味😋偏軟身，冇咩嚼頭😁✨ 點心拼盤 $51🦐🦐蝦餃2隻無意外，非常多蝦肉，放上羮到覺得有啲重手😂可惜皮唔係煙韌，偏軟身😔🥟🥟粉果2隻漲卜卜好得意，餡料係菜多，如果多啲沙葛或者馬蹄增加口感就好😜🍞流沙包1件做到流心效果，餡好滑，包身發得好鬆😚🍞叉燒包1件叉燒幾好食，又多醬汁💦不過包略嫌少少厚，想食薄皮少少🤏❌✨香茜牛肉腸 $27建議叫其他口味，呢個少少伏🙆🏻‍♀️腸粉冇問題，香滑又薄👍🏻問題係牛肉，份量都足，但係冇味🫠🐟酸菜魚片湯米線 $39唔想食飯，可以揀酸菜魚麵食😆幾新奇呢，好少點心舖有🥰味道不過不失，有啲茶記feel，魚肉正常切，冇咩魚味、靠湯底🍲同埋勁大碗，兩個share都得🍜人均價錢 － ～$130

#港女覓食到觀塘✨茶芥每位 $8午市時間入座起計70分鐘~✨蜜汁叉燒腸 $31呢到係2條腸粉有別於其他點心餐廳係3條🤣 食落粉皮軟糯，入面嘅叉燒餡都夠多，做到啖啖腸粉都有食到叉燒粒。✨章魚菇粒雞飯 $37好香嘅章魚味道，送飯一流~✨蝦仁燒賣皇（兩粒) $27爽口彈牙燒賣，肉餡與蝦仁比例啱啱好，唔會過分油膩。✨山竹牛肉球 $25牛肉球食落彈牙，加埋個喼汁食更好。✨四寶雞扎 $33好食夠入味，腐皮入面包住雞肉，魚肚，芋頭，火腿絲。✨XO醬金錢肚 $37呢個都夠味，食落唔會蒸到老曬。✨XO醬蘿蔔糕 $31呢個就偏油了，蘿蔔糕比較淋身，一般般了。✨總結人均消費💸：$125/1人味道：🌕🌕🌕🌗🌑份量：🌕🌕🌕🌗🌑服務：🌕🌕🌕🌗🌑 質素：🌕🌕🌕🌕🌑🍴 豪隍點心工房 (觀塘)📍觀塘鴻圖道83號東瀛遊廣場地下B號舖::::::::୨୧::::::::୨୧::::::::୨୧:::::::::୨୧:::::::::#hkfoodie#eat#gathering #food #foodphotography #foodblogger #foodstagram #instafood #hkfood #food