豪隍點心工房

營業中

休息中

本身打算吃某某餐廳, 發現原來是是酒店內的酒樓, 所以走著走著就看到這間點心餐廳, 現在才發現原來這間點心餐廳有另一間分店, 而兩間鋪頭都是位於觀塘 😮 這一間是滿滿的日本風裝修, 而另一間從相中看就相對普通, 但擺滿模型, 也有其特色, 但感覺這間比較舒服和美觀 😊脆皮雞中翼 $28雞翼炸到非常脆口, 果然食物如其名 🤭 味道蠻惹味的, 只是稍微炸得乾了一點。甜奶炸饅頭 $26饅頭鬆化, 微微脆口, 最重要是沒有油膩味, 加一點煉奶就更美味 ☺️沙律雜果鮮蝦炸雲吞 $34同樣炸到又薄又脆, 裡面蝦肉大大粒, 眼見油份不少, 幸好味道沒受影響, 加上有雜果沙律🍒在上面, 感覺中和了不少油膩感, 當然其實沙律是更邪惡 🤪香茜牛肉腸 $28腸粉皮中規中矩, 不算太薄也不算太厚, 芫荽味道不太突出, 餡料正常份量正常味道。XO醬蘿蔔糕 $32蘿蔔糕並不厚粉, 煎得蠻香口的, 蘿蔔量再多一點會更理想, 加了點XO醬在糕點上增加味道, 最上面的幾件還好, 可是最底的那幾件超多油 🫥點心拼盤 $54分別有2粒蝦餃, 2粒粉果, 1個叉燒包和1個流沙包, 蝦餃與粉果皮都相當厚 🫣 蝦餃內的蝦同樣大大粒

這間店舖第二次去飲茶，因另一間分店工廠大廈1/F冇開才行過去，我們三個人午餐12:45pm到達餐廳，員工態度十分之差、冇禮貌、語氣差、黑臉及趕客走，我們只能用膳70分鐘明白，當我們用膳60分鐘後想再加單，服務員說冇得加单，用膳只能70分鐘，你們只可以埋單出去再重新排隊入來食過，所以我們對某侍應生態度及語氣極到不滿，不會考慮再光顧，大家請注意員工截單的態度，一定令你難忘（極失望），完全一點顧客服務質素都冇。

好多人話呢間點心真係made in HK仲要即叫即蒸，所以都有啲期望嘅。但係真係好少响香港食到咁差嘅點心，但係佢中午真係長期排長龍嘅。燒賣同蝦餃唔係大粒就叫好食，上枱已經爆曬皮，燒賣塊片一忽忽嘅，兩樣都唔好食。腸粉又厚又鞋口，又係蒸到爛開咗🥹叫咗十幾個點心，竟然無一樣點心好食，有啲叫唔難食，有啲直頭難食。千祈唔好叫炸物，有陣味嘅。啲侍應態度奇差，叫一籠燒賣佢上兩籠，問佢又話唔知，上漏點心又話唔知。坐又坐得唔舒服，入面又焗又迫。

觀塘人一定會認識的「豪隍點心工房」！自從兩年前開了新分店後，我都會選擇到新分店，除了是因為裝修感覺更清新簡潔外，坐位亦比較寬敞舒適。多次到訪這間豪隍點心，水準依然維持，本人最愛的燒賣依舊大大粒，雞扎依然足料。🥢蝦仁燒賣王 ($28/2粒）$28得兩粒，雖然性價比唔算好高，大大粒嘅燒賣食落啖啖肉，中間蝦仁好爽！🥢蜜汁叉燒腸 （$32) 皮薄餡靚 淡淡都有叉燒🥢四寶雞扎($34) 入邊嘅魚肚晶瑩剔透 多汁好食🥢鮮蝦菜苗餃 ($28) 內餡豐富！☕️茶芥 （$8/位） 不設加一服務費 📍豪隍點心工房 (觀塘)觀塘鴻圖道83號東瀛遊廣場地下B號舖營業時間：0830-2100（敬業街工廈分店已於2024年九月結業，大家記得唔好摸門釘喇）#港式點心 #豪隍點心工房 #觀塘 #觀塘美食 #燒賣

最近經過先留意到原來呢間有下午茶，3pm~5:30pm貪心既我呢次食煎蓮藕鯪魚餅米線+蝦餃皇兩樣都熱辣辣上枱！食住蝦餃等下個米線湯無咁熱先蝦餃皮係咪好似厚左DD？不過口感幾好煙un，好多蝦蝦蝦係入面數到好似唔止5隻？好味米線個湯比較清，米線滑身軟硬適中，鯪魚餅煎得幾香，蓮藕粒增加口感5點左右黎當食個早D既晚餐，加埋茶介 $8 total $60 好滿足真係食到好飽下次打拳之前試下食腸粉+蝦餃算 lol另外枱面有一大壺熱水可以自己加水都幾方便，可以係咁飲不過可能下午茶時間員工都輕鬆D，傾計聲浪比較大，仲大聲過我隔離（只係同枱隔板）既食客，做餐廳黎講，呢點可以留意下

豪隍真係食過好多次，我都算係die hard fans，由佢得一間門市食到而家開埋分店。每次去到必定會點拳頭咁大個粒既蝦餃同墨西哥叉燒包！但係好可惜，食物水準有輕微下降既趨勢🫣今日再去幫襯，我最愛既蝦餃層皮有點厚（但好彩仲係好足料，數過一粒蝦餃有4隻蝦😂），墨西哥包既質感都冇以往咁鬆軟😔加上呢間分店店面比較細，好難搵位，基本上lunch hour過左12點都唔洗諗…希望豪隍可以將個食物水準提升番啦～

觀塘豪隍點心工房嘅分店，餐廳環境新裝修，坐得舒適，不過唔算好大間，今次中午食要等位。餐廳嘅食物價格實惠，份量十足而且好味，性價比好高👍👍推薦佢哋嘅招牌菜包括蝦餃、燒賣、奶黄包。蝦餃皮薄彈牙，內餡蝦肉新鮮多汁，相當好食。而燒賣既外皮金黃酥脆，食到啖啖豬肉蝦肉鮮味，令人回味無窮。另外幾鍾意佢地既墨西哥叉燒包，麵包夠鬆軟，叉燒鹹甜適中好好味。而奶皇包每一口都能食到濃郁既奶黃味道，讚‼️都係不能錯過的點心。餐廳服務質素都唔錯，員工有善，上菜都夠快。整體用餐體驗不錯，值得再來👍👍

二訪點心餐廳新分店🇭🇰豪隍係觀塘開咗分店，新店裝修得環境更舒服，本店人流依然旺🔥係本店等號碼較耐，行遠少少去到新分店等位，反而等快咗💨𖡼 蝦餃拼粉果 今次無叫佢哋既點心拼盤，反而有呢個蝦餃拼粉果既選擇，兩樣都係我哋鍾意既點心，蝦餃依然係大大粒，粉果有驚喜地個皮好軟糯，老人家食都無問題～🤭𖡼 豉汁蒸鳳爪水準之上既鳳爪，好味𖡼 XO醬蘿蔔糕驚喜地XO醬好香🧈辣感很足，推薦！𖡼 紅棗糕 紅棗味道很夠，軟綿不痴牙🫶𖡼 叉燒腸 我最愛，見到皮薄餡靚，啖啖叉燒，正！😋𖡼 金錢肚算是偏軟易咬的，同行老人家表示OK點心大概係即叫即蒸，要點等候時間的。

收銀阿姐態度差，愛理不理。在外送平台唔小心落錯單，已經馬上打電話通知收銀請唔好整住，會請平台方取消訂單，之後會重新落單。但係收銀態度差，唔願意配合，只係落單30秒，但已經話整緊，根本冇可能！最後更加cut線 ！結果因為收銀不願意幫忙，夾硬叫貴咗成百蚊，食到一肚氣。食物質素無論如何，職員嘅態度如果差，都唔會再回來食！希望貴店改善一下收銀員工嘅態度！蝦餃好大隻，份量大，但蝦肉鬆散，皮女好容易夾穿。今時今日咁嘅服務態度，真係好易倒閉…

放工約左朋友諗爆頭唔知食乜，最後試咗第一次夜晚食點心🍽️之前一路舊舖食，第一次嚟新舖，環境舒服好多，餐具都靚啲，我哋兩個人7點去到冇乜人，點知越夜越多人，咁嘅市道平日都keep到客，真心堅嘅！🍽️個松茸菇燉湯味道就不過不失，雞油太充足，飲時一定要撇左層油先🍽️我最愛的流沙包依然保持水準，三個都流沙，唔算太甜超正！🍽️金錢肚超足份量，但係略鹹 🍽️人氣燒賣冇得輸，蝦同豬肉比例剛好，豬肉唔肥🍽️濃湯鮮竹卷足料，個濃湯堅濃但冇咩味精feel😋Keep到水準，上菜超快兼熱騰騰，大滿足短聚點心夜！

我点的点心都一般般，本来是慕名而来的，结果味道还没有我平时去的那家好，特别是鹅肝醬咸水角，打开完全没有看到而鵝肝酱，完全就是普通的叉烧咸水角，而且非常的油，有点炸过头了，一吃下去满嘴都是油，招牌虾饺皇虽然比其他的店大一点，但味道我觉得和其他店一样，味道并没有其他人推荐的那么好吃，我和同行的朋友都觉得一般般。环境方面，还好，装修也挺好看。卫生方面，没有什么问题，还挺干净的。服务方面，他们进来的时候，其实有些桌子是空的，但是不知道为什么不让坐，要我们两个人拼桌子，但有些桌子，从进门到我们走都依然还是空的

食過總店，真系大件夾抵食，每次都有介紹人去食，下午茶真系好平，如果住觀塘，真系會再去多D。今次去左新店試下，環境好舒服，無甘迫。味道同以前一樣甘好味，仲系甘大件，好吸引，但可惜下午茶時間已經吾再系以前既2pm，變左3pm。我去到都打左個突，雖然可以嗌少少野食，然後3點再嗌，但太晏喇，所以就甘普通時間食翻普通價，睇翻價好似差大概$5-$10一個點心。無以前咁脹，但都好食，入面都系粒粒叉燒，皮都做得好軟滑同唔黏。豉油比你自己落，吾怕落多/落少，可以就翻自己口味。菜苗餃就做到以前食嗰種脹，真系好吸引，咬落去好清爽。皮又系做得同腸粉一樣甘好，仲要夠透明，賣相非常好。依加吾系到到既流沙包都真系流沙，尼個要小心食，佢真系流出嚟，包都好軟熟，好味👍🏻佢D野真系夠曬熱，鮮竹卷都好足料。煎得好香，好有口感，大大份，好食呀尼個點心最貴，其他既點心都忘記幾錢，諗住應該都會好味，但好可惜，吾知系咪條春卷長左D，食到一半已經好膩，吾太想繼續食。入面既料都因為出面太炸，突出吾到。最後附上如果早茶/下午茶黎，真系好抵！地點系遠少少，但都值得！

話你知，今日去咗間好出名嘅點心店試下口福。蝦腸啊，皮嘅厚薄度啱哂，滑唔溜手嘅腸粉仲包住跳嘅鮮蝦，口感正👍！再講下個鮮蝦菜苗餃，勁脆嘅菜苗夾雜咗鮮甜蝦肉，真係揮之不去嘅鮮味。至於個蓮藕煎鯪魚餅，蓮藕咬落去爽口得嚟唔漏油，攞盞茶低低聲講句，「真係正」！講到蝦仁燒賣皇，啖啖蝦肉，每啖都令人回味無窮。但話說返，我都好鍾意潮州粉果，個皮似雲般輕盈又唔會太澀口，正宗！墨西哥叉燒包就一啲都唔同凡響，個包鬆化唔膩，叉燒鹹甜適中，頂呱呱。總括來講，喺呢家點心店，每款點心都做得出色，有咁嘅味道，真係可以再嚟幾轉！呢家真係食到諗住咁多菜味道棒棒噠，加埋舒服嘅環境同埋精緻嘅食物擺盤，啱曬平時想搵啲優質點心嘅打工仔。總結呢間點心店，係實力同品味兼備嘅選擇💯！

在觀塘返工的人超有口褔。呢間茶樓款款點心都好大件，價錢又合理。次次去都需要排一段時間，但是值得的墨西哥叉燒包外皮鬆脆又唔干，包裏面有好多叉燒流心奶皇包味道好👅裏面真係做到流心混醬腸粉食落好滑基本上全部食物都夠味除了腸粉其他都不用額外再加豉油

以前喺觀塘返工嘅時間，久唔久都會去豪皇飲茶，果陣都仲未有鴻圖道呢間分店，最近有啲掛住佢嘅點心，就約左朋友過嚟。拎住個menu真係好多野都好想食，瘋狂咁叫，4個人都只係600幾蚊，都幾抵丫。煎蘿蔔糕 XO醬蘿蔔糕蘿蔔量多，入口清甜。配XO醬更惹味。長春卷必食之選，夠脆夠熱，個餡夠汁唔乾。蝦腸粉皮厚簿適中，唔會一夾就爛，蝦肉新鮮大隻。蝦餃必食推介，大大隻蝦，新鮮彈牙，個皮厚簿適中。燒賣啖啖肉，夠大隻，鮮甜。牛肉球牛肉味濃，軟綿綿，馬蹄爽口清甜。鳳爪 金錢肚入味夠淋雞翼以前係勁好食的，不過今次有啲失色，太乾了。菠蘿叉燒包今日有啲細個，入口好似唔太鬆。流沙包個心夠流。尖椒 矮瓜啖啖鯪魚肉，煎得夠香。紅棗糕紅棗味濃，唯唔夠甜。不過唔太嚐甜嘅人應該好啱食。