餐廳係自助形式叫野食既，只要睇完食咩、落單就OK，之後就有服務員拎食物黎架喇👍 今日自己1個食唔到幾多野，於是叫左呢個餐: - 三部曲套餐 三部曲套餐有啲咩，分別有豬五花、豬頸肉同埋雞脾肉😋除左肉外，套餐重包埋溫泉蛋飯 (超愛溫泉蛋)，泡菜、湯🥰 湯並唔係普通既麵鼓湯，而係蔥花加肉條，飲落去好清同啖啖肉😋 之後就係開始燒我既三部曲，豬五花豬頸肉同埋雞脾，豬五花薄薄既1片，好多油，啲牛油用黎撈飯1流，五花夠曬肥，好食👍 豬頸肉就非常厚身，而且非常嫩滑，真心唔錯🥰 最後就係雞脾肉，大份得黎又嫩滑，真係同食雞脾1樣，啖啖肉🥰 總結: 燒肉唔再係1大班人先食得既專利，自己1個都可以去食，而且食物質素亦相當高質❤️如果大家有機會ME TIME下，又或者拍下拖，就黎燒肉 DON DON試下啦🤪

平時都係叫外賣返屋企食多，今日就決定坐下，入到去裝修有著細細個食雲吞麵既裝修，諗起左細細個會同媽咪去食麵既情景🥰 今日我地就叫左呢啲餃子食: - 韭菜肉餃 (湯) - 雲耳椰菜肉餃 (湯) - 芹菜餃子 (煎) - 栗米肉餃 (煎) 首先黎既係韭菜肉餃同雲耳椰菜肉餃，本身Carton都幾鍾意食有味野，所以都愛韭菜肉餃，份量好多，成隻餃都係脹卜卜，而且韭菜新鮮，非常好食👍而雲耳椰菜肉餃就非常健康，椰菜非常爽，加埋少少肉，剛好😋 而之後就有芹菜餃子同栗米肉餃，出面比較少地方有芹菜食，所以都試試佢，出奇地芹菜同餃子配合幾好，而且非常芹菜亦都係非常新鮮，食到濃濃既菜味，非常好食🥰當然唔少得有我外賣成日叫既栗米肉餃啦，大大粒既栗米🌽，非常鮮甜，加上滿滿既肉，令我個人非常滿足呢個晚餐~🥰 除左食物外，服務姐姐亦非常好，當你有選擇困難症時，佢都會推介下你食咩，令到你即刻有心水食咩好，同同你傾下計，對於我呢啲鍾意吹水既人，梗係非常開心啦😊 總結:雖然店舖少少，但充滿開心既笑聱，加上大大份既餃子，2個人食既拼餃，食到8成都已經好飽了，今次既晚餐非常滿足，期待下次再去食過🤪

話說5月中左新冠，病足2個星期都冇食過好西😢 可以出關後，當然就係瘋狂俾朋友約食飯。之前去唱K見到阿卵好鍾意食雞翼，而我又好想食雞 (因為某種原因戒左食雞)，於是就約咗阿卵去WINGMAN食雞翼放題🤪 一開𨋢門，就見到好大隻「雞頭」嘅字，而佢嘅裝修，亦都好香港懷舊嘅感覺，餐廳入面亦都好酒吧feel，好適合飲酒傾偈食雞翼😝 我哋今日揀咗10款口味嘅雞翼放題，我哋除咗辣嘅味道冇叫之外，其他都叫晒嚟食，實行試晒佢😋 而我認為最好味嘅係蒙古燒烤、加州風情、泰式甜酸醬同埋田園風味😗 蒙古燒烤嚟到，已經有好大陣辣味攻陷我哋嘅鼻，食落去啲辣即刻去到喉嚨🥵所以如果鍾意食辣嘅，可以不妨試試呢度嘅所有辣味雞翼😝 泰式甜酸醬，好似食緊麥記嘅雞翼咁，但味道我覺得係好食啲，應該係因為呢度嘅雞翼，係用法國無激素走地雞，加上用慢煮嘅方式去炸雞翼，所以雞翼食落去比較嫩滑🙈 另外餐廳嘅雞翼並唔係我哋平時一隻隻完整嘅雞翼，而係切開左半邊，令到我哋可以食到更多味道，同食得更加多雞翼，食完呢餐真係等於我食咗幾年嘅雞翼🤣 總結：餐廳感覺好舒服，好似係酒吧好relax嘅感覺，加上雞翼係用法國無激素走地雞，加上慢煮嘅方法去炸出所有嘅雞翼，令我食得都放心啲，如果朋友係食肉獸的話，不妨去吓呢間有好多味道嘅雞翼放題餐廳試試佢👍

去到門口已經佢地貼曬所有餐牌出黎，真係想食咩就可以食咩，勁多選擇～ 入到去坐低後，就叫左以下既餸： - 避風塘炒鯇魚腩🐟 - 滋味柚子一字骨🐷 - 蒜蓉油麥菜🥬 等左1陣餸就黎喇，首先黎既係避風塘炒鯇魚腩，好香避風塘，大大舊既鯇魚腩🐟食落去啖啖肉，鯇魚腩好肥美，好食😋 之後黎既係蒜蓉油麥菜🥬真係落足蒜蓉，油麥菜亦都非常新鮮，正🥰 最後黎既係壓軸，滋味柚子一字骨🐷餐廳用上新鮮既柚子，令到個餸好甜，連大股東都話：係新鮮柚子呀😋柚子完全冇苦澀味，成個餸啲味好夾🥰 總結： 餐廳緊有1個餸岩你食，真係岩曬成班人做完運動 (超近九龍公園🙈)黎食飯既朋友們，餸菜亦好有心機煮，好食😋有時間要過黎試下呀🥰

今日就去左荔枝角工商區附近既Baron Cafe食我地既第1餐～ 睇完Memu，我地就叫左以下野食： － 燒美國12安士T骨牛扒🥩配洋蔥汁 (配飯) － 自選飛碟餐 (栗米🌽+火腿🐷) － Baron拼盤 首先黎既係燒美國12安士T骨牛扒🥩黎到既時候香噴噴🥰而且都幾大塊，切出黎見到燒得岩岩好～食落去好好食，都幾鬆軟，老人家都會食到😋 之後係自選飛碟，唔係間間餐廳都有飛碟可以叫，所以見到第1時間叫左，🥪麵包脹卜卜，非常脆口～入面既材料亦都非常足，我都食到跌曬啲栗米🌽出黎，飛碟非常出色👍 最後黎既就係Baron拼盤，有好多唔同野食，有蝦角、雞翼、薯條同魚餅，當中最鍾意既係蝦角，食落去好脆，而且非常足料，真係好好食😋 總結： 食物款式多，而且份量大，岩曬打工仔食lunch黎食，地方亦非常大，成間公司黎食飯都重得，如果係附近返工既朋友仔，可以黎試下呀👍

入到門口第1下覺得好Chill，吧枱有好多唔同品牌既生啤，之後行左上層，原來餐廳好大🙈坐低左之後就睇下想食咩☺️ 睇完之後我地叫左： - 芝士🧀️焗波士頓龍蝦🦞 - 芝士焗美國焗蠔 - 美國安格斯牛肉拼盤 - 時令海鮮拼盤 - 手工粟米水餃 - 灸燒芝心丸 - 蔬菜拼盤 首先黎既頭盤，芝士🧀️焗波士頓龍蝦🦞及芝士焗美國焗蠔，2個頭盤既芝士都好香，我既焗蠔有3隻，都幾大隻，而阿卵既龍蝦則有好多糕，味道不錯👍 之後就係開始打邊爐🍲主菜，美國安格斯牛肉拼盤同時令海鮮拼盤，牛肉拼盤分別有手切牛小排、牛肩胛、封門柳及牛板鍵，牛肉幾靚，夠新鮮，食落好爽口😋1次可以食唔同靚牛部位，抵食🥰 而海鮮拼盤亦都1樣，各式各樣既海鮮都有，當中亦都有我愛既廣島蠔 😍蠔🦪都相當大隻，啖啖肉👍另外鮑魚亦相當新鮮，阿卵話：佢重郁架🤣証明新鮮呀☺️ 除左肉類同海鮮，我地亦有叫丸同水餃🥟當中手工粟米水餃🥟非常好食，我叫左佢做明天見水餃🤣想知點解可以問下我🤣手工好食，肉唔會散，非常嫩口😋，鍾意食粟米🌽既朋友唔可以錯過呀🥰 總結：無限時任食非常吸引，非常適合一大班朋友食飯兼吹水🗣️，前菜多款式😍食物新鮮👍要約大班朋友🧑‍🤝‍🧑食飯，呢到值得1試👍

今日帶左朋友去間比較有香港特色既餐廳，門口已經好大排檔feel，落樓梯是有好多唔同70年代既特色野，例如霓虹燈牌同大花牌等，非常懷舊🥰 入到餐廳睇完餐牌就叫左以下食物： - 龍鳳雞煲翅 - 梅菜豬肉餃 - 美國穀飼肥牛 - 日本黑豚肉 - 魚皮餃 - 油密菜 首先黎既係龍鳳雞煲翅，湯底係1湯2用😋先用黎食雞煲翅，雞肉好滑，唔會好似酒樓咁諧霎霎🥰翅量極多，絕對足料👍連朋友都話好食😍 然後係梅菜豬肉丸，唔係度度有得食，梅菜既味道入左落丸到，淥完上黎勁香梅菜味，食落去超甜🥰推介👍 美國穀飼肥牛同日本黑豚肉都非常嫩滑，而且比較厚身，唔似出面咁薄切切😍食落去非常有咬口😋 最後不得不提魚皮餃，同出面既爭1倍大細，Carton未食過咁大隻魚皮餃，而且餃皮比較薄，食起上黎啖啖肉🤤鍾意餃既朋友唔好錯過🥰 總結：懷舊既感覺，絕對岩曬移左民返黎探親既朋友們，聚舊談心非常好，食物亦非常高質，高質邊爐👍非常推薦呢間餐廳🥰

雖然話要報復式打邊爐，但係打得多人都會燥底🤣所以就同大股東食返啲平和啲既菜，平均返個身體先🥰

因為出左去尖沙咀行街，而大股東想食日本野，所以今日就去左重慶大廈Heath既臻一鮨食返個晚餐🥰

入到去先見到1排壽司吧枱，可以見到師父既刀工👍然後就係1字排開既卡位☺️傳統既木系設計，非常光猛🥰

睇完menu之後，我地決定食以下食物：

- 特上壽司盛(八貫)🍣
- 瑩光魷魚🦑
- 和牛稻庭烏冬🥘
- 松葉蟹蒸蛋🥚
- 三文魚籽手卷
- 炸芝士年糕

首先黎既係特上壽司盛🍣1其有8件，當中我最鍾意係油金魚，魚油好正，食落壽去好鮮味👍冇乜腥味，怕腥既朋友都食到😋而大股東則鍾意赤身吞拿魚，食落新鮮兼啖啖肉，抵食😍



之後黎既係Carton自私食三文魚籽手卷，蟹籽本身好新鮮👍係我食到底既時候，竟然重有蟹籽係個底出黎，真係冇諗過連個底都有蟹籽🙈非常推介呢到既手卷



跟住黎既就係和牛稻庭烏冬🥘烏冬冇1舊舊，好爽口，牛肉亦煮得岩岩好，好嫩👍



黎到炸芝士年糕，好多店舖既炸年糕都係得3件，但呢到係有4件😍而且芝士🧀️濃，年糕亦非常煙靭，鍾意芝士🧀️既朋友們唔好錯過😋





松葉蟹蒸蛋🥚正宗熱辣辣出爐，要用紙巾先開到蓋，蛋勁滑，而且好多料，好食😋



最後出場既瑩光魷魚🦑1食落去勁多糕，而且非常鮮味 (豐富既海水味☺️)，點埋個醬，再調出新鮮味道出黎😋鍾意食刺身必叫👍



總結：店舖裝潢舒服，座位舒適，食物性價比高，非常適合朋友黎飲飲酒🍻食下野🍣談下心👍

入到去感覺係好高尚既港式邊爐，好私房菜feel😎 睇完餐牌，我地叫左以下食物： - 2人滾得好套餐 - 招牌椰子雞鍋 - 新鮮鱔片 - 美國安格斯牛肩胛 - 唐三藏田園菇菜拼盤 - 即炸紫菜響鈴 - 手包韭菜餃 - 手打四寶丸 - 鮑魚 - 鬼馬雙色 (百花釀油條) - 深海炸彈 (百花釀皮蛋伴酸薑) 首先黎既招牌椰子雞鍋，真係用新鮮既椰子同椰皇做湯底，侍應叫我地煲好後焗佢5分鐘，開蓋既時候勁香，好大陣槨子味，先試舊雞，非常嫩滑～而湯底超級甜，即刻拿拿臨飲多幾碗～ 之後既配料，樣樣都非常好食，其中阿卵點名鑽賞深海炸彈 (百花釀皮蛋伴酸薑)，炸得唔厚，需要我地遲左食，但仍然脆卜卜，相信熱辣辣會再好食啲😋 因為驚唔夠食既關係，另外叫左美國安格斯牛肩胛俾佢食😎牛肩胛啲紋幾靚，大大塊拎去淥👍淥完仍然爽口彈牙，好味道😋 最後不得不提唯有的海鮮 - 鮑魚，黎到已經感覺到好新鮮，加試餐廳已經細心切片，只需要係咁而淥一淥就食得，非常爽口同甜，值得推介😋 總結：私房菜感覺既港式邊火鍋店，無論肉類同海鮮都非常新鮮，預食亦非常出色，想打港式邊爐既朋友們，唔可以錯過呀😋 1定會再好食喲～

入到去見到點心紙，見到好多好特色既點心，當然都有平時我地食開既點心，而睇完點心紙決定叫呢D點心: - 春風得意腸 - 千島醬脆皮蘿蔔糕 - 紫薯流沙煎堆仔 - 龍蝦湯鮮竹卷 - 得獎蝦餃之王 - 馬拉糕 - 瑪卡燉竹絲雞湯 - 姬梵茸燉排骨 首先黎既春風得意腸☺️，非常滑同足料，而且好大舊~唔可以1口就擺曬落口，要分開食😆炸兩亦非常脆口，大股東大讚好食👍 然後係千島醬脆皮蘿蔔糕，脆皮蘿蔔糕見得多，點甜醬都見得多，但係用千島醬就第1次食~感覺幾得意，千島醬係酸酸的味道，亦非常夾蘿蔔糕既味🥰蘿蔔糕亦好扎實，非常足料既証明，好食😋 跟住既紫薯流沙煎堆仔非常有驚喜，出面係紫著著既樣子，而入面流住奶皇出黎，但唔會太甜，熱辣辣咁食住，正👍鍾意食甜野1定要叫呀😍 再黎就係燉湯系列，湯渣不算太多，但油亦唔算多，最重要係飲落去鮮甜，足料燉出黎，少飲湯水既我，勁快咁飲曬🙈 蝦餃係去邊間點心舖必食點心，咬落去蝦大大隻，好好肉地🤤食落去好滿足😋 最後想講講龍蝦湯鮮竹卷，龍蝦湯🦞好濃，大股東聞到味已經急不及侍夾左入口，又係足料之作，炸左既皮浸左湯，仍然係脆😋 總結: 特色點心唔止特色，重要好好味，同傳統點心有得揮，燉湯夠曬火侯，飲左好滿足，甜點唔會太甜，岩曬得呢啲少食甜野既人，每樣野都有出色位🥰鍾意食點心既朋友值得去試👍