豐鍋雞煲 (京瑞廣場1期)

營業中

休息中

因為要陪屋企人換身份證,順便係石門京瑞廣場食晚飯。第一次黎石門,原來係美食寶庫。大大小小的特色食店,因為天氣轉涼就決定去豐鍋打邊爐。由於媽媽唔食得辣,我地健康D叫咗個滋潤椰子雞煲隨即店員就係我地面前將整個椰子倒進湯裡!!每客雞煲都用上半隻新鮮雞!!連胸肉位都超嫩滑!!最意想不到是加了鮮雞的椰子湯鮮甜無比一渴之下完全停唔到口,從未試過係未食野之前已經飲咗兩大碗湯!!!頂級安格斯牛-睇相就知道絕對頂級,每片大小均一,沒有多餘的筋位。雜菜籃-大約有5種蔬菜每一種都非常新鮮,蔬菜完全吸收椰子湯底!!連平時唔鍾意食菜的我都K.O.完食。即炸爆芝響鈴-小店的皇牌推薦!!由於是即叫即炸,完全沒有油膉味,中間夾著半溶芝士,滋味滿分。手工即炸魚皮-每片均有筷子般長。比街外的魚皮厚身,用料上乘。同樣是即叫即炸,在魚皮表面上輕輕灑上胡椒及鹽作調味。作小食或火鍋伴侶亦非常合適。四寶丸- 亦非常出色,用墨魚,蝦,黑墨魚及綾魚打成每日新鮮製作,彈口滑身此外小店還提供日本米飯。店內環境明亮,座位寬闊,但因沒有圓枱,適合2-4人小組家庭前來。小店無論食物味道,質素都是高水準。更值一提得是店內的每一佔員工都超級親切,經

天氣轉凍，最岩就係打邊爐！上次黎過豐鍋食午餐，知道有雞煲打邊爐，今晚約好友黎試試！一入座店員就好熱情咁介紹餐牌，笑容滿面而且又有禮貌，超讚！滋補螺片花膠雞煲 HK$208/半隻湯頭濃郁鮮美、膠原感重，未打邊爐前先飲碗湯，香濃又滋味。雞件嫩滑有雞味而且啖啖肉；螺片脆嫩、花膠滋潤又養顏，口感爽而滑溜，好滿足啊！手工四寶丸 HK$85有蝦丸、墨魚丸、黑墨丸、鯪魚丸粒粒彈牙飽滿，有嚼勁！雜菜籃HK$68有白菜仔、菜心、唐生菜，份量十足，三款蔬菜均新鮮爽脆。即炸紫菜響鈴HK$38即叫即炸熱辣辣脆卜卜，金黃色賣相超吸引，涮數秒後進食，鬆脆又香口～頂級安格斯牛小排HK$178份量十足既安格斯甫上枱就令人食指大動！每片都切得好平均，色澤鮮豔，賣相新鮮。肉質細嫩柔軟，味道濃郁，肉汁豐富！大檸茶HK$32大大杯檸茶不會苦澀，甜度剛好椰青HK$48椰肉嫩口，味道清甜。

朋友推介，特登山長水遠來到石門食豐鍋係mtr隔離的小商場，估唔到咁full -_- 不過等左陣都有位，好彩啫。***因為呢日收工收得晏，入到來都9點，咁岩9點後好多配菜都有半價 好鬼抵～～～我地叫左個小辣的麻辣chicken pot $168 with 半隻雞 半隻雞都係168 又幾抵～兩個人都食唔晒所有雞  雞好滑 而且唔肥 無乜膏 一流牛小排 $178 大大碟！！兩個人食到勁飽　脂肪比例同紅肉比例岩岩好! 啖啖都好JUICY 我食左成碟都無點過SOURCE 因為D 牛本身就好香 P 附大圖畀大家睇下ＨＡＨＡ。。。必點爆芝紫菜響鈴 $42 (3件) 我本身麻麻地響鈴 覺得佢太油 又唔係特別香/ 好味但第一次試呢個爆芝紫菜響鈴真係超超超超超超正呢3樣野夾埋成味好夾...而且真係啖啖芝士！芝士控必叫雜菜盤 $68 有菜心，生菜....第一次雞煲叫菜心...haha本身個雞pot 湯底好濃郁，d 菜 索晒d 辣汁 好正  大檸樂 $32 其實咁大個chicken pot 一杯檸樂係唔夠架！！嗌一杯大檸樂 之後再追加淨可樂咁樣係最抵  

本身今晚去食，去到等位，我同職員講2位，個位女職員話要等一陣，等呢張台（門口第一張）埋單就俾你，我話好呀唔該晒，當時呢張台有2位顧客食緊差不多完，過了15分鐘，張台埋單了，突然有台4位入左黎同個位女職員攞位，當張台清潔好了，果位女職員居然俾左果4位客人，當時我全程企係門口度等位，咁眼見咁既情況咪行埋去問果位女職員囉，佢話人地訂左位所以俾左人地先。咁都得？竟然你有Booking就唔好咁Confim同我講係等呢張台啦，當然我覺得佢話Booking係假既，係想入左大頭先，我明既，但都唔好完全講都唔講聲先就咁俾左我原本張台人囉，以後都唔會再去食

琴日同屋企人去左豐鍋🥣🥢食晚餐，我係十級邊爐雞煲愛好者，細佬介紹黎呢度食雞煲。我第一時間話好。.知道呢家火鍋店都重視雞煲既辣度同鮮味，我地叫小辣，好鍾意呢個味，個煲夠足料，一d都唔馬虎。.環境方面都好寬闊，座得幾舒服，不過一早我地訂左位，但係都要係門口等十分鐘，之後見到其他客人也對坐位分派不太滿意，這點餐廳需改善。有時候收工四圍食嘢都會逼同嘈，入到去石門呢邊感覺就很不錯，靜靜地。如果一班人想自己圍威喂一邊飲酒🍻暢談一邊雞煲火鍋，呢度都幾好，但員工服務就有待改善，有時候舉手好耐都冇人應。.呢度9:30pm後有優惠，都幾抵，大家不坊試下。

石門真是一個新興搵食熱地。今日收工朋友想食打邊爐。決定找間餐廳可以打邊爐。滋補螺片花膠雞煲。材料充足的一個雞煲。雞件新鮮嫩滑。入口美味。螺片必然配合花膠。花膠的彈牙鮮甜養顏。極為保氣養顏一個靚湯。手工四寶丸。四寶各有爽滑特式。入口爽脆。滑喉感更突然。但有一個特點係同一樣。就是新鮮打造。自創爆芝紫菜響鈴。響鈴加添紫菜芝士。入口極豐富不同感覺。響鈴的爽脆配以紫菜的海青味再加芝士的濃厚味。浸上濃烈雞湯。更添複習美味。順德撈魚皮。傳統做法是薑絲/蔥絲/花生/麻油/小小熟油。他們堅持到這些傳統。還會創新加上芝麻更令魚皮的爽口添加多一款咬感。芝麻的香氣可以掩蓋薑絲的辛辣味。頂級安格斯牛小排。安格斯是牛肉中極為重牛感。重牛味的一款。它們切得細細塊入口即溶。牛味濃郁。大話七/大咸檸七/玫瑰特飲 - 咸檸七是本人喜愛。有些餐廳會用黃檸檬。但而家多數係用點咸柑桔。保持傳統的做法。玫瑰特飲入口甘甜花香味。但不算太甜。值得一試。

去完威爾斯探朋友順便過來石門行下，一出馬鐵站就係京瑞廣場一期，地下見到有間豐鍋日式涮涮鍋放題裝修緊，原來係樓上一樓豐鍋雞煲嘅分店，12月會開張。首先讚下哩到嘅服務，前台個靚女侍應細心介紹店內的招牌菜，感覺真係好親切，十分難得。招牌麻辣雞煲($168）半隻雞煲可以選擇唔同辣度，我唔太吃得辣，所以選了少辣，辣度剛剛好，帶有麻香。侍應姐姐會幫忙翻炒雞煲5-6分鐘，雖然係半隻雞，但份量好足，🐔唔係大肥雞，肉質嫩滑，加埋各種香料同洋蔥，夠曬膿味，正！吃完雞煲就可以加上湯繼續打邊爐店員推介麻辣餛飩($65）果然好特別，粒粒都好飽滿，仲有鮮蝦係入面，一碟有8大粒，好抵吃。必吃手工即炸魚皮($48)雖然只有三塊，但真係超好吃，每條都成隻筷子咁長，即食都好正，勁薄脆!自創爆芝紫菜響鈴($42)認真好特別的配搭，只需烚2-3秒，響鈴鬆脆，加埋流出芝士同紫菜味又幾特別喔，果然有創意。西班牙🇪🇸頂級黑豚豬梅肉($105)大大碟，這個價錢吃到咁樣質素，的確唔錯。吃麻辣雞煲當然唔少得飲返杯凍飲啦，有幾款特色飲品選擇，最驚喜係超級大杯，而且好用心製作，推介玫瑰柚子茶，視覺同味覺都好滿足，玫瑰花🌹係醃製過，甜甜哋，好

石門早期多數唔係地產就美容，朋友近排就同我講開左好多食肆！😃所以今日就以一個偽遊客既心態去睇下有咩好食！🤨1期食肆開得較多！👍🏼行到上去兜左兩個圈！兜完都係覺得呢間門面夠share醒！🤩所以就走左入去食晚飯！😋入到去已經見到有好多Bear Brick吸引住！環景夠光猛！💡員工服務好！👍🏼晚市主要打邊爐為主！🥘雞煲亦都係招牌煲！🐔叫左但椰子雞煲！🐔🥥椰子🥥夠足料！滾左既椰子雞湯🥥🐔員工會有原隻椰子🥥為你倒上雞煲上！🐔🥥感覺原湯原味！🥥👍🏼可惜呢一幕掛住去調味吧整調味料！趕唔切影相！📷📸頂級安格斯牛小排！🐂🥩牛切得夠薄身！👍🏼🐂雖然薄身，但口感絕不遜色！👍🏼🤤🐂手工四寶丸（蝦丸，墨魚丸，黑墨丸，鯪魚丸)！四寶丸之中最好食係鯪魚丸！🐟醃法同平時很不同！🐟👍🏼值得一試！👍🏼其次黑墨丸！🦑墨魚味重！🦑👍🏼但不會有種腥的感覺！👍🏼（因小妹有時食出面劣質的黑墨魚🦑會有種腥的感覺仲會想嘔！🤢🤮）而呢間墨魚丸🦑絕對放得入口之餘亦係好食！🦑👍🏼即炸紫菜響鈴！🔔手工即炸魚皮！🐟即炸紫菜響鈴夠特別！🔔👍🏼仲有好多種響鈴特別做法！🔔👍🏼例如即炸爆芝響鈴！🧀🔔👍🏼夠晒特別！👍🏼手工

又是去嚐美食的時候，地址是沙田石門安群街3號京瑞廣場一期一樓137號舖今日想介紹的是先吃雞煲，後加湯火鍋今天點了：即炸爆芝響鈴外脆內軟-內裏有紫菜外面很鬆脆手工四寶丸包括蝦丸、墨魚丸、黑墨丸、鯪魚一共8粒-四寶丸中我最喜愛的是蝦丸，因為夠彈牙，而且墨丸真材實料。手工即炸魚皮-魚皮製得非常香脆雜菜籃火鍋湯底有得選擇，很多種類招牌雞煲最出名丸類、肉類、海鮮類、配料類、蔬菜類、小食類、飲品類頂級安格斯牛小排-入口即溶

石門有間食🐔煲。之前試過唔錯。今次就試下個lunch 先。午市套餐係Sell健康住家菜。少鹽少油少糖無味精。選擇都幾多。老🔥靚湯🥣足料。味道甜甜地。幾解渴。D)土魷蒸肉餅～土魷唔Un又帶鹹香味。美中不足肉餅比較薄身。有小小唔夠喉。可能係我太大食嘅關係。C)豉汁蒸原條鱸魚～條魚🐟蒸得岩岩好。又嫩又滑。配埋油菜（全走）同白飯。絕對係健康100分。套餐包咖啡茶是常識吧午市套餐價錢有小小高。不過一分$一分貨。

打邊爐正，雞煲正兩者一齊食更正今日就近近地去咗石門食雞煲加打邊爐秋風起就想食滋潤小小嘅雞煲所以我哋就揀咗個滋補螺片花膠雞煲雞煲上到嚟首先湯係未放雞嘅但係見到已經有好多嘅螺片同埋花膠旁邊既雞睇黎唔似冰鮮雞店員介紹原來係三黃雞難怪成個樣好靚仔（之後食，真好香雞味）等緊嘅期間就係食小食嘅時間手工即炸魚皮真心要試不特止脆，仲要好惹味本身以為食小小之後放湯不過兩三下就食曬水滾之後店員就提我地將切件嘅三黃雞放落湯提醒我哋只要將用傳統既沙漏⏳計時食雞打開蓋之後濃濃嘅雞湯味傳出嚟時間啱啱好我就一開始食花膠又大件又彈牙螺肉都非常多好滿足咁食滋補雞煲之後當然要打返邊爐啦牛肉係邊爐既主角肥瘦適中牛味香濃味覺享受加上即炸紫菜響鈴響鈴索左湯湯仲有少少脆加埋有紫菜在其中口味豐富加埋雜菜籃同埋飲品椰青依餐令人感覺好幸福過了一個滋補又滋味的晚上

昨天往沙田舆媽午钣，我們揀了(石門豐鍋)因友人推薦此店出品好，及以健康住家菜為主！泰式海南雞钣，雞很嫩滑，而雞份量也比其他店多，飯是軟绵靓米，配幾款醬汁，另有大大碟青菜，花生雞腳眉豆此豐料例湯，沒味精外更香濃好味，正！豉汁蒸原條珍珠魚很新鲜及大條，和鱼肉滑滑味清甜，媽很讚啊，又把正例湯及青菜清場了而，還有咖啡及茶跟餐！這店果然如友说應多來食，又如家庭般健康菜式，款式多元化又冇味精，出品新鲜，日後懒煑時，可作自家飯堂了！

跟住好朋友來到石門, 我平時自己真係好少來呢邊，估唔到依家呢到咁旺又多店同餐廳。好姊妹今次介紹食雞煲，見天氣涼涼地，我地就去試下。呢個店面好企理而且店長好NICE，見我地第一次來就詳細介紹佢地既招牌菜，有四寶丸、響鈴、魚皮等，都好多選擇，同一般的火鍋店好唔好，見佢既食材都好精細，係一間食精緻火鍋既店。價錢都當然比外面的貴一D，不過就物有所值。

男友生日上網睇搵到呢間火鍋好多好評，決定來試下，果然沒有選擇錯誤。我們叫了一個椰子雞煲，湯底加入一個椰青，湯底勁清甜好飲。我們叫左半隻雞食完雞就開始打邊爐，叫左手切牛肉，芝心紫菜響鈴，四寶丸和菜籃。手切牛肉很好味，一放上來外觀已很吸引呢個響鈴係即叫即炸，裡面夾著芝士和紫菜，食完一舊想食第二舊吃落去感覺有幾個層次手作丸好彈牙菜籃好抵食呢間火鍋食物質素好高，侍應姐姐好好禮貌一定會再回頭吃。我們平日食都見到全店滿座

相約朋友嚟石門食生日飯，眾多選擇之下揀咗雞煲火鍋，之前食過食物好有質數，今次介紹朋友再嚟，佢都係讚口不絕👍🏻今次試下椰子雞煲，店員將原個新鮮椰青加入湯底，加入雞後 還放低小沙漏溫馨提示5分鐘後就可以食。雞肉好嫩滑，頂級安格斯牛肉雪花好均勻，真的入口即溶，不用多咬又唔韌。四種口味嘅手打丸，有口感又新鮮。最鍾意佢地自制即炸嘅芝士響鈴，同埋大大塊手工即炸魚皮，真係好脆好好味。其他地方真係未食過，似乎只在這店先食到呢個質數。放骨頭嘅碟，店員好貼心主動幫忙換新，呢個都係我再嚟幫襯嘅原因。今晚生日飯食得好滿足，下次要再嚟試埋其他款式配料😍