豐鍋雞煲 (京瑞廣場1期)

營業中

休息中

最近石門廣場都開多左幾間午巿家庭小菜，晚上做火煱的餐廳。上次去完親子餐廳，就見到這間餐廳，今日就同朋友午餐來光顧原來午巿係座無虛席, 黎到時候有點兒呆了等了約十分鐘才有人離開，而且全餐廳都搭枱的多啊午餐選擇有幾款，見很多人都選魚了，我們就另外選呢，仲註明每碗飯都係日本珍珠米呢和風咖哩炒美國肥牛上枱時，以為細細碟同薯仔多，但一翻開，成個底都係肥牛，已經係一口飯一口咖哩汁撈飯，加上肥牛，最後飯吃完了，但咖哩還有呢，味道微辣的太開胃了，喜歡多汁的不能錯過土魷蒸肉餅上枱見魷魚是放在肉餅面上，加上豉油，狀甚普通。但吃肉餅時，充滿魷魚味道啊，這個必須讚的，做得很入味而且上菜速度非常快，喜歡肉餅的記得點每個午餐還會有足料靚湯(忍不住已喝了一半)及油菜，話先到先得的另外可以優惠價加飲品。整體不錯，價錢合理。

天氣開始涼，又想食下雞煲補下身，就來番上次幫襯過呢間好好食既豐鍋。呢幾日冇左MTR，今次來到，就少人過上次好多，不過食物質素及服務都一樣KEEP到咁好。滋補螺頭花膠雞煲，有半隻雞，哇，隻雞好大又好厚肉呢，上來時見佢既顏色好靚，一睇就知係好野~!店長教唔，煮呢只雞你有特別既方法，而且有個計時器，以免煮得太老。見個煲入面仲有3只花膠架，真係抵食~!食曬D雞之後，我地就可以食其他都好正既配料，來個一品鍋LA~~GOGOGO叫到成木台都係，真係超級開心~~~~全部每一樣食物都好精細呢~~呢個響鈴真係不得之了，好大件，而且入面有好多芝士，在湯浸一浸就食，WOOOO....不得了, 口感勁好。菜籃有3款菜，而且都好多夠食，非常FRESH全都好青綠。手打四寶丸有墨丸、0魚丸、蝦丸仲有黑墨丸，樣樣試下。呢到真係好好好好食，所以今次再來，都非常滿足。而且店長竟然認得我地，仲同我地互相打氣。我都明白呢個時間，佢地呢D小店真係會比較難做，所以大家真係要多多消費在小店上，大家共渡時艱。

朋友話沙田有間餐廳無味精，少油、少鹽、少糖就是石門安群街3號京瑞廣場一期1樓137號舖——豐鍋。午飯時間幾乎爆滿，12:45前或1:45後有9折。午市套餐有七款任選配油茶及飲品，真抵吃，我們點左安格斯牛肉炒萵筍$72，牛肉嫩滑，萵筍炒得很有鑊氣，很香甜。配菜心和檸檬🍋水，餐附送花生🥜眉豆樟魚豬骨老火湯。真不錯。蟲草花臘腸雲耳蒸雞$70，雞肉嫩滑入味，菜心好嫩，配檸檬🍋可樂。老火湯有家的清甜味道，真好飲。

今天放假，本來滿心歡喜來食雞煲的...點知原來中午時段係沒有雞煲供應的~有d失望，唯有下次晚上再來過啦！！不過既然一場來到,就試下呢到的lunch la~見到有我最愛的萵荀，即時有返mood, 於是就order左安格斯牛肉炒萵荀而且menu仲標榜左係少鹽﹑少糖﹑少油及無味精,而且白飯仲係選用左日本珍珠米~一個咁有誠意的lunch冇理由抗拒。果然係炒得好好味,牛肉嫩滑,萵荀好有口感，而且芡汁好每個set都會配有飲品，我地就選左0 樂

今日同老婆去咗丰鍋打邊爐沙田石門有一間專打邊爐嘅火鍋店雖然小小但係裏面啲嘢食好好味我哋都唔係第一次去食已經第二次去嗰度食嘢啦我哋首先叫咗一個牛肉 一個菜籃 一個手工炸魚皮 花雕藥膳雞煲 烏梅汁 水蜜桃梳打！先講下牛肉牛肉非常之新鮮一片一片 六嘅時候只要見到熟一拎上嚟就剛剛好 不會太硬 亦不會太山配合雞煲藥膳有一種 藥膳牛肉的感覺 如花雕藥膳雞煲 非常之好香的藥材味 雞好新鮮冇雪藏味的感覺 這個魚皮炸得非常之香脆好有魚皮的香味 不會太熱氣 因為打邊爐所以我同老婆都叫了一啲清涼的飲品烏梅汁 烏梅汁裏面好有烏梅味 水蜜桃就好有香甜嘅水蜜桃味唔似得有色素 新鮮得嚟又夠特別 特別得嚟又夠好味

見到網評，讚好這間雞煲，也想試吓，真唔真🙄？前兩天，約埋8個同事一齊食晚飯，7:00到，他安排了我們到另一間房間，他說VIP房，實質，是士多房改建，房內有一個大雪櫃，有二十幾盤汽水，放埋一邊， 我們覺得，地方也算OK，而且自己人一齊，嘈吵一點，也叫自己空間，不騷擾別人🤣服務員，也很好笑容和有禮貌😊首先點了兩個雞煲一個招牌小辣雞煲，花雕藥膳雞煲，肥牛， 牛肉粒，十優狀丸，炙燒芝心丸，珊瑚蚌，雜菜....等樣樣都好味😀👍只是，罐裝汽水， $15/罐，有點貴這次消費，一共大約$2100

昨晚收工幾個朋友叫食宵夜，見有d肚餓就應約食飽先返屋企原來係食雞煲打邊爐，我哋除左食雞煲另外叫左幾款火鍋配料試吓，雞煲來到睇賣相幾好但唔知食落又好唔好味呢，食落味道可以但未去到好惹味，雞未算多肉，肉質唔係好彈牙食完後加湯打邊爐頂級雪花肥牛（大）：肉質嫩滑，但冇乜牛味白鱔片：厚薄適中，肉質彈牙，但我覺得多碎骨手打四寶丸（蝦丸、墨魚丸、黑墨丸、鯪魚丸）蝦、墨魚、黑墨丸：肉質爽囗彈牙，鯪魚丸：肉質嫩滑餃餃陣（鮮蝦雲吞、魚皮餃、韭菜餃、麻辣雲吞）雲吞和餃子都好大隻飽滿，味道美味自家炸響鈴：大大件，爽脆鬆化，冇油溢味食完呢餐覺得某些嘢普普通通，某些就幾好，但未必會再去

今日游車河又到沙田嘅石門 一直都唔知原來呢度咁多嘢食 行行下啲商場就發現左呢聲稱完全唔落味精嘅餐廳 我就決定試吓係咪真試咗薯仔牛柳粒飯餐 牛柳粒好林 薯仔勁入味 仲配有菜感覺好健康 飯佢聲稱用日本珍珠米 日本就唔知係唔係啦 不過就係珍珠米 成個餐咁多嘢仲有埋嘢飲先至$69 勁抵👍🏻

爬文見前人讚賞不絕，所以一於去試試！食物質素算不錯，雞煲可以，但還是吃不到傳統雞煲的味道。火鍋方面，肥牛只屬中規質素，有少許誇大，其他配料亦是一般貨式...(但價錢比一般貴少許) 總結而言，試一次無妨，CP值不高。

今日同一位住馬鞍山既朋友慶祝生日🎂, 所以就佢去石門京瑞廣場一期既 雞煲] 食雞煲餐廳地方細細, 但座位闊落舒適, 可以同朋友一路傾計一路慢慢食🗣醬油費 (每位$8)食雞煲黎講醬料真係唔太重要, 所以就算選擇唔多, 都係得D基本既蒜、辣椒、蔥、豉油都夠, 唯一surprise係有芫茜, 因為真係唔係間間雞煲火鍋店有🐔豐鍋招牌麻辣雞煲 *半隻-BB辣 ($168)因為朋友唔太食辣, 所以今次揀左BB辣, 上菜時店員會幫我地炒3至4分鐘至全熟後我地就可以開始食喇, 好香好惹味, 半隻雞件份量多, 啖啖肉, 好嫩滑👍🏾食完雞煲就開始加湯打邊爐喇🍲🐮頂級安格斯牛小排 *小 ($178)睇色澤就知好新鮮, 而且油脂分佈平均, 口感軟腍, 牛味濃, 性價比高🤤🥟餃餃陣 *鮮蝦雲吞、魚皮餃、韭菜餃、麻辣雲吞 ($85)4款餃之中我比較欣賞🌶麻辣雲吞, 陣陣麻辣香, 惹味得黎又唔會太辣而搶左雲吞餡既鮮蝦味同鮮肉味🥬什菜籃 ($68)排得咁靚就知餐廳幾有heart啦🧀自創爆芝紫菜響鈴 ($42)超級驚喜, 響鈴內有紫菜同芝士, 好正啊!🤤🍹大咸檸7 ($32)大大杯, 抵!值得推介, 雞煲正, 配菜都好

夏天熱辣辣成日想打邊爐，搵咗間有雞煲加火鍋既小店。9:00pm左右入座，醬料費每位$8，大約都坐左八成滿。我哋叫咗個招牌麻辣雞煲BB辣半隻雞$168，雞煲整得好正，面上面有好多芫荽同埋蔥，因為係半隻雞所以都有食到雞髀同埋雞翼，另外個麻辣醬唔會太辣，辣度適中。之後叫咗個頂級安格斯牛小排$178，牛味好正，雖然叫細碟但係都好大份量，價錢都好抵下。其他打邊爐配料就包括手工四寶丸$85，食得出啲丸一定係手打，好彈牙同好有口感，咬落唔會粉狀咁。老闆一直推介叫個順德撈魚皮$58， 反正未試過就即管叫黎試試，又估唔到幾得意喎，魚皮煙煙銀銀咁，但咬落去又夠爽脆，配埋個汁都幾特別！另外都想特別讚下個爆芝紫菜響鈴$42，響鈴咬落去好勁嘅芝士，真係芝士控必點呀！朋友帶咗支酒黎，老闆竟然好好人話唔收開瓶費，火鍋配美酒簡直就係一流，另外飲品都勁大杯，食到好飽，大滿足既一晚！

沙田石門新開了好多新餐廳，西餐、日本菜、中菜都有。而當中有一間雞煲火鍋店「豐鍋」，正合我心意想今晚試試。 店內最受客人喜愛的，自必然是「招牌麻辣雞煲」，不過，食吾到辣，就揀左「滋潤椰子雞煲」。 以新鮮椰子水，而非唔係椰漿，作為湯底，還有紅棗、竹笙 ，飲落好清甜！雞好滑!小菜方面，則有即叫即炸的「即炸爆芝紫菜響鈴」，正！ 索湯汁後更爆芝士汁流出。點了頂級安格斯牛。油脂分佈平均，口感軟腍，牛味濃。四寶丸, 有墨魚丸, 蝦丸, 鯪魚丸, 黑墨丸, 超滑!推介!!!什菜籃藍蝶雪梨, 紫色靚靚!不算甜, 有雪梨味!大話七, 好大杯! 下次一大班朋友打邊爐又多一個新選擇啦！

今日同朋友嚟咗沙田呢間豐鍋雞煲住家小廚晚飯，呢度裝修都幾特別喎，又有卡位坐得舒服店員仲好殷勤招待添啊唔小心打瀉咗杯嘢飲店員立刻幫忙拖返乾淨仲即刻整過杯俾我添啊呢度令到我有賓至如歸嘅感覺呢度其實超級抵食呀因為9:30後有好多嘢食都係半價除了手工丸，某幾款牛肉，海鮮，其他菜類小食飲品一律半價自助醬料區招牌麻辣雞煲有半隻同一隻揀我同朋友兩個所以揀咗半隻喜歡辣的朋友別錯過真係好辣得下手工即炸魚皮上面落咗滿滿嘅調味粉唔使擺落湯就咁食都已經好滋味呀真心推介這個自家製嘅爆芝紫菜響鈴卷入邊夾雜着紫菜同芝士滋味香濃味道勁夾第一次食到手工五寶丸(黑松露墨魚丸,蝦丸,黑墨魚丸,墨魚丸,鯪魚丸）粒粒都好好食呀爽口彈牙黑松露墨魚丸個黑松露味勁香呀頂級安格斯牛小排非常新鮮又美味牛味香濃飲品方面叫咗一杯玫瑰特飲同藍蝶雪梨個人比較喜歡藍蝶雪梨🍐咁抵食下次要再來

個friend 話帶左個仔返學，約我去沙田食個lunch。約左去石門呢間豐鍋，我初頭仲以為食lunch去打邊爐食雞煲？！哦⋯⋯原來有lunch menu既🤣Lunch time都幾多人食，我地呢d閒人就約晏少少，避開lunch time 。Lunch menu 都有7款，我order左和風薑汁炒豚肉，老友就order 左泰式海南雞飯。未上飯先上湯，椰子🥥粟米雞湯，幾鮮甜，椰子味唔會太重太搶味👍🏻，個薑汁炒豚肉都好好味，朋友話佢嗰個海南雞飯好正，雞好嫩滑。Btw，見到隔離枱Order左烏頭魚，嘩！成條上！好似好好味咁，見佢成條魚食晒，下次再嚟可以試吓叫條烏頭食下先

放工時段相約同事一起打邊爐，近近地揀左公司附近食，我地去到唔算多人一早BOOK定枱就唔駛等。此店環境乾淨企理，打完邊爐都無唔覺衣衫有味。店內坐位都算闊落，留意到近窗邊位置有長椅，枱與枱合併起來可供廿人坐，大班人聚會一齊坐埋打邊爐相信都幾開心。花雕藥膳雞煲(半隻) $158今次揀左個花雕藥膳雞煲，同事食唔到太辣，追求健康養生藥膳煲啱晒。湯料有杞子、紅棗粒、龍眼肉、黨篸，藥材唔算太濃湯味甘甜十分順喉，飲完感覺暖笠笠！主角雞件賣相吸引排得整整齊齊，叫左半隻份量十足，兩人食再叫多少少野食都幾飽。雞肉無雪味，花雕酒味唔算濃，點辣椒豉油比較美味。手工即炸魚皮 $48魚皮薄身好大塊好平直，炸到好鬆脆，就咁食好似食薯片，魚皮潵上椒鹽，食起上來好惹味，浸落湯十秒食，食到有層軟皮包住，多一層口感幾得特別，點菜紙上的推介果然係堅正。即炸爆芝紫菜響鈴(3件) $42響鈴好大條食落無咁油，浸湯好快淋，所以點一點即上水，食落有多層口感，鬆軟嘅紫菜仲有溶晒嘅芝士，的確美味有驚喜。西班牙頂級黑豚豬梅肉 $105口感肉質柔軟細緻，脂肪滲透肉內呈現雪花紋好靚，肉味香濃入口即融。侍應見唔夠位擺，即時為我們添置側枱放置碟豬梅