豐鍋雞煲 (京瑞廣場1期)

營業中

休息中

冬天最愛吃麻辣雞鍋，今天幾個女人仔聚會，兼夾團年，食好啲就來到石門試新野。餐廳幾骨子，週四晚上都幾多人食，要訂位。我們叫左招牌麻辣雞，半隻168。好多辣椒🌶️好正，職員一邊炒一邊飄來好香既香料味，好肚餓呢！雞煲既味道好有層次，有辣也有香味，而且肉質滑，好食。另外點左其他火鍋料，牛胸爽非常推薦，好爽而且有牛既香味，是朋友介紹先識食，發現新大陸。其他食物都好新鮮，餃子🥟大只又脹卜卜，芝士紫菜响鈴起正！浸5秒即食，脆爆又有芝士香，大愛飲料🥤32元大大杯，有幾款解渴選擇，今晚真是食得非常盡慶下次要試下其他人煲先

今日過嚟烏溪沙接朋友收工 諗住喺呢邊食埋飯先一次過出九龍 點知呢邊嘅選擇真係太少 🤷🏻‍♀️🤷🏻‍♀️ 我哋搭多左兩個站 過咗嚟石門食雞煲啦 朋友話食過呢間唔錯 配料係自助式架 ！！！ 花雕藥膳雞煲 半隻雞 $158 嚟到揀咗個健康嘅花雕雞煲 好適合冬天養生 湯底放入花雕雞 滾左 姐姐會俾個漏斗 ⌛️ 漏完就食得啦 🥳🥳🥳 ，啲雞啱啱好熟 仲好嫩 時間掌控得非常好👍🏻 。。。安格斯牛 一份牛 份量都幾多下 夠牛味 五會根 正正 ！！！ 即炸爆芝紫菜響鈴 真系即叫即炸 即刻食仲勁熱 辣親口添 😂😂 手工即炸魚皮 都係即叫即炸 睇得出係一條大魚🐠 塊魚皮長過枝牧童笛啦 幾誇張 ，好脆卜卜架 ！！！雜菜籃 🧺 最後食返多啲蔬菜 🥬 幫助消膩 椰青 + 玫瑰柚子 打邊爐飲椰青啱啱好 夠晒清熱唔上火 又清甜

🐔雞煲🥘配火鍋真係冇得頂，最鐘意食乾身的雞煲後再加入上湯變成火鍋，再加入鐘意的配料落去，人生一大樂事😋叫左個微辣的雞煲，幾惹味，半隻雞份量，職員會幫你即時炒下個雞煲，以防痴底，炒到ok就會話比我地聽食得😎😎超好service同叫左四寶丸，好大粒又夠彈牙芝士紫菜響鈴浸落去湯底索晒d精華好入味手工魚皮好特別😎又脆有咬口不得不提安格斯肥牛，超雪花超林🥰大愛仲有至愛的咸檸七，咁就唔怕會熱氣啦

原本今日約咗個朋友喺佢公司附近食lunch，但佢臨時俾老細捉左去開會，等咗佢差唔多半粒鐘都未開完，唯有自己食啦～兜左陣個商場睇下食咩，俾呢間住家餸吸引咗就入左去坐低，由於已經一點半過左最繁忙時間所以餐廳唔算多人～一坐低店員就俾左碗湯我，見到好多豬骨，仲有粟米同南北杏，滋潤下，飲得出真係零味精既老火湯👍我叫左個豉汁蒸倉魚套餐，條魚幾厚肉，冇腥味冇泥味，唔會太多調味或者太咸，好有家的味道👍👍另外都想讚下佢嘅米本身用料幾靚，同煲得幾好， 軟熟得黎唔會太淋一pat pat～碟菜落左啲油唔會太乾同太鞋，但又唔會過於油膩，唔錯👍👍

豐鍋係京瑞廣場一期既一樓同地下都有，我地去左一樓食雞煲。環境: 坐得好舒服，枱面同餐具都好乾淨無油跡。服務: 店員好靚女，又有禮貌，有問必答，即使長氣小小嘅問題，店員亦都好有耐性咁樣解答，值得表揚。食物: 我地一開始叫左個滋補螺片花膠雞煲($208)，辣既雞煲就食得多，今次我就叫左個養生嘅煲。雞肉非常鮮嫩，明顯唔會係放左好耐先拎出黎賣，加上個湯底，我地放哂d野落去煮左陣，湯底更鮮味。食完之後都唔會好口渴，證明用料天然又唔咸。特別推薦-頂級安格斯牛小排($178)就咁睇油花分佈都睇得出好平均，熟左之後更加明顯，雖然價錢係貴少少，但質素絕對值得。自創爆芝紫菜響鈴($42) 響鈴內層有紫菜同芝士包住，絕對適合芝士迷，芝士流哂出黎，如果食哂成舊會有少少偏咸。手工四寶丸($85) 非常彈牙，一食就知全手工打，用料非常天然，讚!德國手工麥啤($29)(抵飲!)好有麥味，飲住食雞煲一流。手工即炸魚皮($48)我鍾意成舊炸魚皮dom落去煲，之後等佢軟哂先食都依然好香口。

石門開咗好多新餐廳，今日想食雞煲就walk in左一間餐廳 - 豐鍋！雖然睇一睇個Menu唔係平，不過應該有質素嘅，咁就試吓啦！而且入嚟第一個感覺已經好好，啲侍應嘅服務同埋態度都好好同埋睇得出呢度嘅裝修擺設都用過心思！幾精緻同埋靚因為呢排喉嚨有啲敏感，所以帶咗花膠雞煲，唔辣麻！仲有嗌左手打四寶丸！全部遠都真係好蛋同埋好粥了！我自己最鍾意就係下院，真係好大浸蝦味架不過如果就咁嗌就有少少肉赤，始終一分錢一分貨嘅🤣見佢個響螺幾特別，帶咗黎試下！史樂真係勁特別！又有芝士又有紫菜口感同埋味道都好豐富有層次大家可以試吓！好特別其實我自己最鍾意食就係佢本身個雞肉，好想知係邊度出產地！勁滑勁鮮勁好味好正丫 大家都瘋狂搶晒😂朋友鍾意食牛就覺得呢個牛先係最正！我自己就覺得有少少肥🙈不過我食嘢係好怕油嗰啲人haha 仲有呢，佢啲菜都超新鮮囉！呢間餐廳每一個位都好認真準備貴啲都值得

初次來訪時，這裏仍是寂寂無名的隱世店家，初嚐他的花膠雞煲覺得驚為天人。後來也來訪數次，試過麻辣，椰青，花雕三種風味，心中認定已是新界東一帶的最強雞煲之一。時光飛逝，這裏已經是不少人口耳相傳的名店，在朋友的邀請下，終於再訪這間名店-豐鍋。2019年發生了太多事了，和朋友見面後當然當先要飲枝啤酒。德國手工啤酒很易入口，帶有強烈的花果香，雪得冰凍就更是完美。用上鋼杯是好選擇。若可以把杯子雪得冰凍就滿分了。雞煲來了，要了麻辣的口味。雖然味道上不如其他三種鍋底出眾。但也是心機之作，何況吃雞煲這件事，當然是麻辣才夠過癮。鍋中用上的香料是真材實料，尤其是特大花椒的香味十足。好吃！忘了說，這裏的白飯和特制醬油，也是送雞煲首選。簡直是一流。餸菜方面，點得不多，四種手工丸，安格斯肥牛，招牌的魚皮和響鈴，另外加點疏菜。人大了就對那些任飲任食產生厭倦，寧願用差不多的價錢吃少一點，也吃好一點。牛格斯牛小排，盛惠178大元一大碟，比港九市區平上不少。質素卻是一樣的高，嫩滑有牛味，近乎完美的大理石花紋。入口當然不得了，也算是一種治療吧。四種手工丸也如常優秀，沒有因為名氣而變質，咬下去肉感十足，也吃到原材料的質感，墨

見到咁多好評，最終Book 咗兩次先成功有得食。 選咗5：30PM 第一個時段入內，見到員工同我地一齊開餐🤣講返食物質素，唔係話唔好食，只係不論雞煲去到配料（除咗響鈴）、肥牛,都係兩個字「普通」。完全可以話對唔住佢個價錢。服務尚算可以，不過我媽咪覺得3個人食$1000蚊，Waitress服務可以主動D。 試過就算，應該唔會有下次。

之前已經食過一次，見天氣凍咗又心癢癢，所以嚟食多次。因為質素真喺唔錯，同埋好鍾意佢杯大話七，真喺好好飲。雞煲同上次一樣都喺食返麻辣雞煲，凍嘅天氣真喺最啱食雞煲。今次就食小辣，根據經驗話我知小辣已經好夠啦，因為會愈煮愈辣，到加水打邊爐果時會更加愈煮愈辣。味道方面仍然keep得住，好似比上次仲更加入味咗。半隻雞嘅份量就夠晒2個人食啦。頂級安格斯牛小排喺出面其他鋪有食過靚嘅安格斯牛，但都喺靚在有牛肉味，而呢道嘅牛小排就靚在食落有牛脂肪香味，似和牛咁重奶香味，但又有牛肉味。如果每一片牛可以再大片d，大大啖就安安全全可以佔領食肉獸嘅胃🤤🤤。手工即炸魚皮今次真喺鄉下仔出城，第一次見咁大片嘅炸魚皮😂😂😂。原本以為得個大字，啪成細細塊咪又喺普通炸魚皮，結果果食同一般散裝炸魚皮好唔同，因為佢脆得嚟又有小小魚皮嘅煙韌彈性，仲有小小咸香味。手工四寶丸另外仲叫咗份手工四寶丸，入面就有墨汁丸、墨魚丸、蝦丸、鯪魚丸。印象最深刻嘅喺墨魚丸，真喺墨魚嚟，唔喺明膠粉嚟。蔬菜籃蔬菜數量癡線地多，基本上喺出面點會有咁多菜。所以性價比真喺好高。大話七呢杯大話七真喺好好飲，果種咸青檸味好出，咸、甜、酸樣樣都齊晒。

今天去左沙田石門約左朋友食飯！石門c 出口一出有幾個商場！商場大部分食市都是火鍋店我兩個人點了一個螺片花膠雞鍋我們點了半隻雞的雞肉鮮嫩，花膠滑滑！👍🏻👍🏻👍🏻湯底清香，不油利！一分頂級安格斯牛小排嘩😍😍😍好靚的肥牛，肥瘦比例剛好雪花和肉的分佈！！手工四寶丸四款都是手打丸，有蝦丸、墨魚丸、墨魚汁墨魚丸...彈牙爽口👍🏻👍🏻自制爆芝響鈴響鈴吸收曬d 湯汁。手工即炸魚皮炸得香香脆脆什菜籃蔬菜好新鮮！椰青好新鮮有內面d 肉都好味！

Lunch hour又來石門搵嘢食！今次試吓呢間出名雞煲嘅餐廳先。佢晚市係做雞煲嘅，原來午餐時段都有lunch set。佢標榜係少鹽少油少糖冇味精嘅健康住家菜，最啱我呢啲鍾意食健康野又可以減肥嘅人！午市套餐都有唔少選擇，而且價錢都幾抵食，仲包埋老火湯，飯，青菜仲有飲品！超豐富！！我揀咗G餐，朋友揀咗C餐。超大碗嘅老火湯，而且係超多料，冇味精飲得好放心，好似住家菜咁。咸魚蒸肉餅個肉餅蒸得唔錯，肉汁仲keep到，唔會蒸到好乾，肉質仲係好嫩。而且菜心好大碟，啲菜心都好新鮮。鴛鴦腸籠仔蒸滑雞飯賣相都幾吸引！連埋啲飯一齊同啲雞蒸令到啲飯都有雞油味，好食！滑雞份量都唔少，而且配埋臘腸潤腸味，好香。撈埋啲豉油簡直一流！呢兩個餐個人都好推介！真心午市套餐來講算好好食，亦都好適合打工仔食返個健康有營養嘅午餐而且仲包飲品同湯，性價比超高！地點又好方便，下次一定會再嚟！

平日未到7點，先6點幾去到餐廳，已經差不多客滿！可見呢間餐廳人氣幾高！幸好我們提早訂左枱！而且坐位舒適唔迫！雞煲火鍋好多湯底款式！我和媽媽二人幫襯，梗係選個滋補的花膠海螺🐚雞煲！🐓哇！完全沒選錯！好多花膠，而且大大條！我們大約食左5條花膠，同十幾塊海螺片！童叟無欺呀啲花膠係好滋潤的感覺，大大隻！海螺片一樣鮮味！雞肉大大舊得來好鮮嫩，唔會好似出面食雞頭雞尾的感覺！呢到係舊舊都啖啖肉！四寶丸係真心食得出係自家手打！好彈牙！而且係鮮味的！安格斯肥牛無得輸！勁好食！呢個價錢食到呢個質素抵到爛！真心鮮味肉嫩！響玲必點！本身係自家鮮炸已經係出面比唔到！呢個仲要係爆芝！響玲！芝士腔的我已被融化必點真係浪接浪！呢個炸魚皮唔食唔得！試問出面邊到有得食咁大塊炸魚皮，長過你前臂咁濟！而且係即炸！上枱是仲係暖的！而且超香脆！一上枱隔離左右都跟住叫，而且讚不絕口！菜盒的菜都好新鮮！真是好難得有一間餐廳咩都咁好食！飲品點左椰青！係新鮮令椰青！好好飲！好欣賞呢間咁有誠意的餐廳！服務都好好！強烈推薦！

這晚訂了六半食雞煲，我們早到了大概二十分鐘，店員很友善，即時作出安排，讓我們到樓下的涮涮鍋姊妹店食雞煲😂😂落去前先影一張店內環境，面積不算大，但光猛企理，以四人枱及長枱為主。餐牌是典型的一次性點餐紙，自行剔選。點餐後店員送上調味盤，款式精簡。豐鍋招牌麻辣雞煲 (10/10): 我們叫了bb辣，對筆者來說剛好，一上桌已聞到醬汁超香；店員很有心機，幫我們炒了十分鐘，直至香菜洋蔥煮到淋晒入晒味，雞件同醬汁亦完美融合。這是我們第一次會食晒半隻雞，仲要不停夾洋蔥食，唔捨得加湯打邊爐😂😂😂配料方面選了較多人叫的項目，大部分都水準以上。紫菜響鈴 (9/10): 中間部分加了紫菜令整體感覺無咁膩，浸一浸湯仍保留少少鬆脆感。手工四寶丸 (9/10): 蝦丸墨丸爽口彈牙，鯪魚肉丸用料新鮮，沒有過多調味。雜菜籃 (9/10): 比起其他餐廳蔬菜款式較多，用料新鮮，菜葉塊塊都翠綠。極品本地手切牛頸脊 (10/10): 打邊爐極少食到咁高質既牛肉～肉質超腍，做到入口即溶的效果，男友嘗試將牛肉放在生菜上「慢煮」😅😅😅，結果更好食～大家可試試炸魚皮 (7/10): 口感像薯片，但炸物二選一筆者會更推介紫菜響鈴。飲品

相信大家對🥘雞煲都唔會陌生，通常食完隻雞後就會加d湯變成火鍋但係豐鍋係我食咁多間雞煲/火鍋後沒有油煙味的餐廳相信一定係抽風系統做得好好當然吸引的的地方唔單止係冇油煙啦~食材新鮮同味道同樣重要選左個小辣的雞煲店都會細心幫我地炒勻，等它唔好痴底頂級的安格斯牛小排好靚的雪花入口溶化手工即炸魚皮同樣🈚🉐頂,魚皮仲好得意唔像平時彎ge~而係直不甩好像書簽咁同勁愛自製爆🧀芝士的響鈴💕仲有好彈牙的手工四寶丸

今朝開會晏咗出去食飯， 溫度急降加埋落毛毛雨好鬼凍😖 好想飲碗熱湯，就諗起公司附近呢間住家飯餐廳😄我不嬲熱愛中菜同住家飯😍 佢既餐單逢星期一更新， 午市套餐包咗主食，白飯，菜，住家湯同埋飲品，夠曬豐盛😁近呢幾年唔知點解中意左食魚, 所以今日點左個鹹鮮檸檬蒸烏頭～一坐低店員就遞上左一碗熱辣辣足料青紅蘿蔔粟米豬骨湯😋 飲左幾啖當場成個人暖晒~呢D天氣都要飲下湯水滋潤下👏條魚好大條，好厚肉， 平時食烏頭好怕有泥味腥味，但係呢條完全唔會😍 七十零蚊可以有咁高水準既住家飯，用靚靚日本珍珠米，仲有菜同湯水健康下，兼送埋飲品，真係超值👍 難怪呢間餐廳成日都咁旺場😋😋知道佢旗下既火鍋店係同一個商場好快開張，啲同事已經急不及待想去試😂 希望佢快啲裝修好開張大吉🤣