豐鍋雞煲 (京瑞廣場1期)

營業中

休息中

突然雞煲癮起，見到屋企附近有間好似唔錯，所以去試試。我地先叫左半隻BB辣麻辣雞煲，見到姐姐係隔離個爐炒左好耐，食個時雞同啲配菜都好入味，個麻辣香味味好濃郁，有花椒香氣，開始食唔覺得辣，但愈食就愈辣。一人叫左杯咸檸七解解辣。食完雞煲加湯打埋邊爐。叫左個手工黑墨丸- 彈牙有嚼勁，唔錯的。本地手切牛頸脊 – 好有牛味，建議唔好碌咁耐，牛肉一啲都唔韌，係有質素既牛肉。新鮮肥鵝腸 – 爽口，有油香，配埋麻辣湯底，一流。仲叫左個雜菜籃，蔬菜都很新鮮。

最近發現石門好多人，食店都非常多，今次就去咗京瑞廣場1期嘅「豐鍋」，主打雞煲。睇Menu有4款招牌雞煲，亦有多種食材選擇，目不暇給。包括手工丸、餃子，另有肉類(如豬、牛、羊、雞)，多種海鮮、各式火鍋配料同蔬菜。招牌雞煲我揀咗：滋補螺片花膠雞煲雞味香濃，花膠嫩滑、螺片爽口。食材方面：頂級安格斯牛雪花均勻厚薄適中，肉質鮮嫩，正！😋手工四寶丸（蝦丸＋墨魚丸＋黑墨丸＋鯪魚丸）食過呢款手打丸就知平時嗰啲真係冇得比，超讃！😍即炸爆芝紫菜響鈴真心好食，響鈴包住紫菜已經加倍香脆，加埋芝士嘅香味，增添咗香滑嘅口感👍！飲品：鹹檸七、玫瑰柚子玫瑰加柚子味道清新，打邊爐嘅絕配！

今日過咗嚟石門呢邊打邊爐，有驚喜，支持小店🙌🙌滋補螺片花膠雞煲湯底十分足料，無味精！真材實料！非常濃郁！隻雞超香雞味！好耐無食過咁重雞味嘅新鮮雞😍肉質結實得黎非常鮮嫩，雖然只係點左半隻，但份量大到2⃣️個人都食唔晒。芝士紫菜嚮鈴呢個好食到dum一聲，上枱時係熱辣辣，應該係廚房新鮮炸起，脆卜卜，淥一淥，芝士溶溶地，腐皮索左香甜嘅湯，少少脆口，真係食過番尋味，要encore 餃餃陣係粒粒新鮮手包餃，其中麻辣餃實在太好味，咬開爆哂麻辣汁出嚟，涵料豐富。極品本地牛手切牛頸脊牛肉味非常濃郁，肥瘦適中，值得一試！

❗️豐鍋雞煲 (京瑞廣場) ❗️ 餐廳燈光光猛，環境唔升大但坐得幾闊落舒服。豐鍋招牌麻辣雞煲（半隻）$178店員好好人，講解佢地餐廳小辣比出面既辣，建議我地唔食得辣可以選擇BB辣。雞煲惹味份量多，雞肉質感嫩滑又唔霉。手工四寶丸（蝦丸十墨魚丸+黑墨丸＋鯪魚丸)(8粒）$89爽口彈牙無雪味，值得一試。頂及黑豚豬梅肉$125肉厚而又唔嚡口，有肉味。即炸紫菜響鈴（3件）$43有3件同6件選擇，6件就$73，想食多啲款所以叫3件。手工即炸魚皮$54原塊炸魚皮，調味足夠，好大片又脆口。雜菜籃$70玫瑰柚子$38藍蝶雪梨$38整體嚟講，性價比高，除咗招牌雞煲仲有螺片花膠雞煲、藥膳雞煲同椰子雞煲，配料選擇都好豐富。🏠：沙田石門安群街3號京瑞廣場一期1樓137號舖

食過咁多間雞煲始終都係石門豐鍋最正，非常惹味，最鍾意佢嘅海量紫洋蔥，掛滿雞煲醬超好食～半隻份量兩個人食非常足夠，叫咗BB辣都好夠辣。上桌一刻雞已炒熟，唔駛等即刻食得🙌🏻醬料區執得企理，所有野都自助，想幾時再加配料都得食完雞煲打埋個邊爐，揀咗手工餃拼盤，有魚皮餃、麻辣雲吞、韮菜餃等，款款都飽滿彈牙。自家製響鈴夠脆唔太燶，好食🙌🏻本地牛頸脊細份都唔少，肉味香濃唔韌。蔬菜籃有唔少款式，用料新鮮。食辣野免不了要杯野飲解辣，推介藍蝶雪梨，清清地唔甜，賣相仲好打卡able~

今晚揀咗麻辣雞煲做晚餐🍗，個湯底辣辣地，令人胃口大開！😋蔬菜籃🥦，啲蔬菜新鮮靚色，口感脆嫩，好健康！啲雞件好嫩滑，食落勁有口感，數量又多手打丸🍡都好好味，彈牙又有嚼勁，真係令人回味無窮。芝士紫菜響鈴🧀🌿絕對係我最愛之一，個芝士濃郁香滑，同埋紫菜脆口，夾左係響中間，一口咬落真係好享受！肥牛🥩肉質鮮嫩，每一口都帶來滿滿的肉香。必吃！鴨血🦆則係我哋的另一個驚喜，質地滑嫩，鮮味十足，配上湯底更加美味。最後，我哋仲叫咗兩杯特色飲品🍹，影相靚靚，口感清爽怡人，完美地平衡了整頓美食餐。除咗食物好味之外，要特別讚揚佢哋嘅服務態度良好😊！我哋7點到達食晚餐，唔使等位⌛，服務員迅速帶我哋坐低同埋介紹菜單。上菜速度快🚀，每一道菜都喺適當嘅時間送上黎，唔使等得太耐。而且服務員態度親切有禮，耐心解答我哋嘅問題，令我哋感受到賓至如歸嘅待遇。總括而言，呢間餐廳唔止係食物好味，仲有優質嘅服務，令人滿意！如果你鍾意辣辣口味同埋好嘅服務，絕對值得一試！👍

今日阿叔黎搵我食飯，我就帶左佢去美食綠洲既碩門，今次就帶左佢去係京瑞廣場1/F 我成日去食既雞煲便爐既餐廳，地方唔算大，但座位都算寬敞，有幾多卡位。既然話係主打雞煲邊爐，點少得雞煲打頭陣，我就叫咗個麻辣雞煲BB辣，未上枱已經聞到好香雞煲味，雖然我哋只係半隻，但份量都非常充足，隻雞好鮮味，而且一啲都唔肥，食完仲可以加返湯去打邊爐。極品本地手切牛頸脊（小）：雖然話係細size但份量都好足牛味好濃。十優狀丸：黑松露墨魚丸/蝦丸/墨魚丸/黑墨魚丸/鯪魚丸各2粒，每樣少少份量可以每一種口味都試勻晒，手打丸非常彈牙，而且好新鮮。薯粉：薯粉永遠係打邊爐嘅絕配，每條薯粉都掛滿濃濃嘅雞汁，超級好味。大話七：就咁聽個名真係唔知係咩飲品，原來係鹹柑桔配七喜，又可以解辣又可以解渴。總結：朋友食完讚不絕口，雞煲真係鎮店之寶。

一直以為豐鍋淨係雞煲呢類口味轉重既野食，結果午膳係有著重少油少鹽既健康餐！目測餐牌大約一星期更新一次（餐廳社交平台會update 餐牌）.見到每次餐牌都有該有蒸魚餐，有7-8 款比大家揀，每個餐有湯（基本上你一坐低、付應就會即刻送上大碗老火湯比你）、有飯，菜，主菜同野飲（凍飲另加錢）真心叫蒸魚餐，無諗過原條魚咁大條…（$7x) 絕對抵食過好多茶記！ 魚蒸得剛剛好，唔會太老！相對藥膳雞.. 味道真係轉為健康😂😅 .. 肉質滑身既，只係個人認為調味可以多番少少！其他粉絲排骨同肉餅豆腐都好好食，送飯一流！ 基本上女仔黎講，餐既份量可能會食唔曬😛

現在的石門發展有點像深圳的羅湖商業城，港鐵站一出就已經係京瑞廣場，內裏遍布食肆，今晚想吃雞煲，便來到這裏。幸好早點來到，七點之後已經全場爆滿。如果下次來的時候，預訂會比較好。麻辣雞煲半隻$178，這裏的雞煲，有很多香料，侍應會在店內其他地方炒熟之後，放在客人的枱上，不用等待，便可進食。雞肉吸收了醬汁的香味，非常滋味，加點蒜頭、芫荽，已經回味無窮。吃完雞煲之後，加上湯便可開始火鍋。四寶丸：鯪魚球、墨魚丸、蝦丸、墨魚汁墨魚丸$89，除了鯪魚球之外，其他丸類都很爽口彈牙。西班牙頂級黑豚豬梅肉$125，肉質結實，肉味濃郁，這個火鍋配料非常值得推薦。萵筍片，如果喜歡吃軟淋的萵筍，可以等待十分鐘以上便可進食。魚腐，放在湯裏5分鐘，可以吃到有魚肉和豆腐鮮味的魚腐。大話七，酸酸甜甜，味道特別，個人非常喜歡。龍鳳檸樂，兩種不同酸味的檸檬，加上可樂，是吃雞煲必備的飲料之一。

如果不是被本地朋友帶來的話估計我自己比較難發現這家好吃惹味的雞煲～隱藏在石門的京瑞廣場裡面雖然位置不顯眼但平日週三晚上去吃的時候竟然都需要排隊感覺生意好好哦！雞煲我們兩人吃所以點了半只（份量剛剛好～）原本想點BB辣（因為擔心走辣會不會不夠味～）但最後還是點了走辣結果走辣的雞肉也超級入味！！而且他家雞煲不像有些店的雞煲 是端上來需要煮熟吃的那種 在廚房就已經煮好了上桌後就可以開吃！吃完雞煲就可以加湯開始打邊爐點了他家推薦幾款招牌～頂級安格斯牛小排雖然選的小份 但好足料牛油脂和肉分布的很均勻美麗另外還有擺盤很好看的 十優狀丸包括 龍蝦丸、鯪魚丸、黑松露墨魚丸、黑汁墨魚丸全部都很彈牙有味～雜菜藍也很新鮮 洗的很乾淨～最後必須加一份腐竹太適合打邊爐了！他家的飲品也真的是超級大杯的！依然點的招牌款 大話七和龍鳳檸樂配著打邊爐吃簡直是滿足！平時沒怎麼來這邊原來石門這邊好多吃的和逛的小店～雞煲吃得好飽吃完還可以順便去逛逛消消食！

🍽️ 豐鍋雞煲 📍沙田石門安群街3號京瑞廣場一期1樓137號舖-今日心情靚靚～行步路都有風～決定食個雞煲🐓🐓朋友介紹呢間性價比又高、質素又唔差嘅餐廳，又真係幾好喎😍😍💫豐鍋招牌麻辣雞煲（ BB辣）（ $178半隻）雖然係BB辣，但係味道惹味🫶🏻🫶🏻雞肉滑溜入味有肉汁❤️❤️仲要份量好多添！見到鍋入邊有好多配料，例如洋蔥、芫荽、蒜頭等等，全部都好入味好香濃！重口味必選！💫餃餃陣（ $88）有八粒餃，包括鮮蝦雲吞、魚皮餃、韭菜餃同埋麻辣雲吞😍😍好欣賞佢嘅鮮蝦雲吞真係有隻鮮蝦，仲要有好多唔同嘅配料，例如木耳、豬肉等等，味道配合得好好之餘，仲要幾鮮味🤭🤭💫極品本地手切牛頸脊（小） （ $238 ）話就話佢係小份，但係好大碟！最少都有20塊😋😋😋好香牛味，仲好新鮮😍😍性價比超高啊！💫日本蟹柳（ $48 ）朋友好鍾意食蟹柳，食落唔係虛偽嘅蟹柳，都唔差㗎 ！🤩🤩💫雜菜籃（ $70 ）呢個雜菜籃又係好大份😆😆😆有油麥菜、生菜、菜心同埋白菜仔💚💚份量又多又新鮮！最鍾意佢嘅油麥菜，好清甜👍🏻👍🏻💫水蜜桃梳打（ $38 ）飲品好大杯！仲高過隻手掌❤️❤️水蜜桃梳打好解渴👍🏻👍🏻👍🏻有淡淡的水蜜桃香氣，又唔會太甜🥳🥳💫

之前黎過一次覺得好好食，今次專登帶朋友黎試下，水準依然保持到!!好滿足!豐鍋招牌麻辣雞煲 (BB辣) : 呢隻辣度普遍都大眾接受既程度黎，雞煲味道好香，雞件大、厚身多肉! 肉質吾會好鞋都幾新鮮! 炸魚皮(必叫) : 即叫即炸新鮮熱辣 長度真係有前半臂甘長!!! 一路食一路打卡!! 超香脆，單食又得，沾埋雞煲醬食一流!!頂品本地手切牛頸脊 : 色澤紅潤油脂平均! 肉質吃起來會有少少嚼勁! 但牛味好濃岩哂我!!!好味!手工黑松露墨魚丸 : 黑松露味道好突出! 感覺真係加左好多入丸內好香好正! 手打墨魚丸非常爽彈! 真材實料! 牛柏業：好少見到又厚又大舊既牛柏業架！好新鮮又爽口，煮完都吾會縮哂水吾見左！！雜菜籃 : 分別有菜心、白菜及唐生菜，新鮮嫩綠又乾淨!總括來講，餐廳保持高質素，經營認真而且食物自家制很有綽頭，一唸起想食炸魚皮/響鈴就一定會即時唸起豐鍋呢度!!

屯馬線石門人氣高質招牌麻辣雞煲麻辣濃郁香氣令人垂涎欲滴 味道媲美人氣店Eiko從不奢望平凡的小商場餐廳會有多高質美食和優越服務✨豐鍋雞煲✨實在喜出望外 一定再來食平凡的服務 店長的將心比心卻值得一讚 超忙也多番問我最關心的「夠不夠辣 」令我覺得她是一個親切而用心工作的人平日其他餐廳人流麻麻 唯獨豐鍋經常滿坐一試便知道人氣總有道理 食過返尋味真材實料分量足 價錢貼地 滋味無窮豐鍋招牌麻辣雞煲 (半隻）店長說辣度較辣 我們叫了小辣雞煲香氣四溢 釋放出濃郁的香氣花椒的特殊風味在口中散發出來帶來麻麻的感覺香味充滿整個環境雞肉鮮嫩入味 滋味十足 愛不釋手頂級安格斯牛小排牛味重 油花分佈均勻 具有優秀的大理石紋理十優狀丸有5款手打丸 每款兩粒 有黑松露墨魚丸 蝦丸 墨魚丸 黑墨魚 鯪魚丸 各有特色 爽口彈牙 口感一流滋潤養生三寶 （花膠 魚肚 竹笙 ）份量大 味道鮮甜 具營養價值雜菜籃 有不同菜 新鮮可口玫瑰柚子 甜甜地好開胃水蜜桃梳打 清新好味

好耐冇黎石門食飯喇, 今次再黎豐鍋食雞煲打邊爐, 質素都依然keep到咁好呀, 一樣咁好味平日6點鐘到時餐廳唔多人, 但到食完就滿座咯~餐廳環境唔算好大, 但座位都好闊落, 坐得舒服今次黎最想就係食雞煲~食完雞煲就打邊爐餐牌有多款雞煲選擇, 除左招牌麻辣雞煲, 仲有椰子雞煲, 花膠雞煲等, 都好吸引~~亦有唔同既火鍋湯底&配料, 款式非常豐富醬油費$8/位~~豐鍋招牌麻辣雞煲(半隻) $178叫左BB辣, 辣度剛剛好, 唔會好辣, 好o岩我呢D唔食得辣但又要叫辣既人麻辣味好足好爽呀, 一食就上癮炒完既雞煲好香, 半隻雞份量都唔少, 2個人食岩岩好~~雞肉肉質嫩多汁食完雞煲就加湯打邊爐口喇~~頂級安格斯牛小排(小) $198呢款安格斯牛小排真係冇得輸呀~肉質非常幼嫩軟腍, 油脂分佈均勻, 入口juicy油花四溢, 食極都唔膩手工四寶丸 $89四寶丸分別係蝦丸, 墨魚丸, 黑墨丸&鯪魚丸~~鯪魚丸魚味十足, 甘香可口!!其他3款丸真材實料, 爽口彈牙自創爆芝紫菜響鈴 $49響鈴新鮮製造, 即叫即炸~~響鈴熱辣辣超酥脆, 入面包住紫菜&芝士, 一咬落去有爆芝嘅口感雜菜籃 $70雜菜籃有好多種

石門美食攻略2023石門豐鍋雞煲專門店本身想過黎食椰子雞或花膠雞但店家推介食麻辣雞煲就算叫BB辣都幾辣係少汁乾炒既麻辣雞煲雞煲香辛肉嫩,半隻雞都好多仲有手切安格斯牛細份4色水餃雲吞,大隻雲吞,麻辣雲吞牛柏葉麻辣鴨血先食雞煲,再加湯食火鍋牛肉鮮嫩,油花平衡,口感柔軟,麻辣汁提鮮口感突出麻辣鴨血,口感嫩Q,麻中帶辣,好出色個汁同雞煲有唔同~四色水餃,鮮蝦爽甜,皮薄肉餡飽滿牛柏葉,口感脆爽仲有大量不同特飲~配埋火鍋好爽消費$780評分9/10 #豐鍋雞煲 (京瑞廣場) 沙田石門安群街3號京瑞廣場一期1樓137號舖Shop 137, 1/F, Kings Wing Plaza 1, 3 On Kwan Street, Shek Mun, Sha Tin#開心香港 #HAPPYHK#HELLOHONGKONG #你好香港#EOSRP #35MM18 #canonphotography #BLOG #blogger #HKBLOG #hkblogger #HKFOOD #HKFOODBLOG#hkfoodblogger #HKIG #HKIGFOOD #HKIGFOODBLOG #hkigblog