西關老祖 (文苑樓) (已結業)

黎到佐敦上網睇左d餐廳，見到呢間幾特別，佢有堂食位置不過好細，所以我諗都係主要外賣。佢好多特色既頹飯，睇落頹飯但其實做得唔頹，賣相都幾吸引，不過今次我買左佢既蘿蔔糕食。老袓秘傳瑤柱蘿蔔糕新年之後都冇食過蘿蔔糕，突然心思思想食。見到呢間仲可以一底底咁買岩哂我，當然佢都可以係煮埋比你，不過疫情所以買翻去自己煮，佢包裝好有心思，佢竟然係用法式焗盤裝，真係未見過 ，佢係真空，另外有卜卜紙包住，保護佢。用陶瓷焗盤真係好環保，重可以重用，佢既蘿蔔糕我分別係煎同蒸。佢質地唔鬆散好易整，口感唔會好實又唔會好軟，好適中，我最怕食個d好軟水份好多既蘿蔔糕，呢間就岩岩好。佢料好足，成個面都係料，味道好濃海鮮味，味道食出好足料好濃味，佢蘿蔔糕比我以往食開既都濃味d,個人都係鍾意煎，怕熱氣既話蒸都好好食，當然煎就香口好多。佢砌到一粒粒咁煎都係好方便，手殘都煎到唔會散哂，暫時食過既蘿蔔糕之中都高質，絕對可以一戰。

之前同朋友傾開過左新年都仲想食蘿蔔糕，估唔到又真係有好介紹，佢地話呢間餐廳嘅蘿蔔糕好惹味足料，於是就嚟試吓啦。餐廳只有外賣冇堂食，要留意返。除左蘿蔔糕，仲有醬料同其他小食同飯類。包裝好嚴實，除左有卜卜紙，裡面仲係真空包裝，疫情底下都令人好安心食得。蘿蔔糕用陶瓷兜盛載，更有質感，食完仲可以留返嚟整焗飯。糕身食落口感有咬口得嚟帶啲鬆軟，唔會太淋，亦唔係好漿好粉個啲，抵讚。至於味道方面都有驚喜，佢係偏濃味，食落好香瑤柱同蝦米嘅香味，絕對係完勝出面啲乜乜酒樓嘅糕。係食完會想追嚟食、翻食嘅味道。糕身係切同煎嘅過程都能夠維持完整一體，唔會一夾或者推兩推就散開，比想像中更易處理。總結：估唔到一個蘿蔔糕係會令人想再次去食，味道同份同包裝量絕對有誠意，下次買糕嘅時候，可以試埋佢地嘅港式飯～

之前同朋友黎過食，覺得個瀨粉惹味同抵食，今日決定試下其他野。芝士薯條🍟幾大份裡面有滿滿既薯蓉炸脾：個size未係最大既，但肉質幾滑同有質感。個皮炸得好香脆，係生炸個款。豆漿：豆味幾香，唔會話好似溝咗好多水咁。岩曬食炸野熱氣要解下膩朋友大讚腸粉+燒賣，燒賣魚蓉味香，入口好有彈性唔會一舊粉咁。腸粉滑得黎，搭埋甜醬、麻醬、辣醬一齊食好惹味。至於xo 醬炒蘿蔔糕，粒粒外型好討好，一口接一口咁好快就清曬。黑叉燒煎蛋🍳飯：個叉燒鋪係入面，重點飯量好多，我地最後差d食唔曬。炸物幾出色，三個人share試到好多唔同款😳

蘿蔔糕呢樣野真係可以話係易學難精係街買既要搵到足料更加係難於上青天咁好彩又比我搵到呢間喎主打既古法瀨粉都幾吸引，不過今日我係為左蘿蔔糕而黎，下次一定要食下呢到係自助點餐既，都幾方便都幾多野食，價錢都公道蘿蔔糕個包裝都幾型，而且仲有實際既保溫作用我點左老祖·秘傳瑤柱蘿蔔糕佢係用真空啤死左，咁就一定衛生同埋可以見到上面幾多瑤柱同其他配料，勁足料用黎裝蘿蔔糕既盤都幾厚實，食完仲可以平時用返，超抵！煎到少少焦焦地，食落勁香口最緊要係佢真係勁足料食得出係落左好多蘿蔔因為你係真係會食到好香蘿蔔香，而且一Ｄ粉既感覺都冇，證明夠足料瑤柱更加唔洗講，睇個面都知幾足料所以你食落除左會食到臘腸等配料既咸香之外仲有瑤柱既鮮香真心正

今年過年疫情咁嚴重，都冇咩心情好似往年咁自己整蘿蔔糕但係市面上既蘿蔔糕質素可以話係十分參差，一直都冇咩信心不過呢一間就令我發現原來街買既蘿蔔糕都可以好高質好足料雖然鋪仔細細，但走文青風既裝修都幾簡潔舒服而且雖然主打外賣，但都有有少量堂食位自助點餐機，好似我呢Ｄ怕醜既都唔怕啦麻雀雖小，但係選擇都唔少，而且好多都好吸引，價錢亦唔貴老祖。秘傳瑤柱蘿蔔糕蘿蔔糕用真空包裝，夠晒衛生而且佢仲用陶瓷盤黎裝，都幾特別將蘿蔔糕輕輕煎一煎就食得呢個蘿蔔糕真係超足料淨係睇佢個面有幾多瑤柱就知道啦食落口感更加係一流因為佢唔會好粉，真係落足蘿蔔同埋粉同蘿蔔既比例都剛剛好最正係佢瑤柱既香味完全融入晒個蘿蔔糕到令你每一口蘿蔔糕都會食到濃濃既瑤柱鮮味真係超級高質下年過年真係一定要買佢

🇭🇰港式懷舊街頭小食外賣店【#西關老祖 】極黑 •黯然銷魂飯（自家製黑叉燒 配煎雙蛋）$56超級足料嘅叉燒口感十足仲要有超多豉油撈飯配埋落隻蛋到真係一流爆炒 •XO 醬蘿蔔糕（自家製）$38呢個炒得好香，蘿蔔糕十分清香，再配上XO醬有好多瑤柱同蝦米嘅鮮味，真係好夾，10分推介！爆炒 •XO醬腸粉 $30腸粉鹹辣先香樣樣有！不過我就覺得同XO醬冇咁夾，都係鍾意蘿蔔糕多啲老祖炸 •芝士邪薯(薯條＋薯餅）配黑松露醬 $38炸到香脆可口既粗幼適中薯條同薯餅表面再淋上超多金黃色既芝士醬,，賣相已經超級邪惡同吸引！再加上香氣十足既黑松露醬，既濃郁又惹味！X0醬 •怒炸金龍燒賣 （5粒）$20外脆內軟嘅炸燒賣配XO醬都係一個有趣嘅配搭～西關老祖 (文苑樓) (佐敦)佐敦文苑街18號文苑樓地下18B號舖

係ig見到人打卡西關老祖, 個名咁特別就睇下佢食乜, 原來係外賣店, 岩哂近排買到唔知食乜好!極黑•黯然銷魂飯豬腩片煎到好香, 有肉感, 肥瘦有層次入口彈牙juicy! 仲有成兩隻太陽蛋, 流心黃， 夾埋一齊撈飯一流!古法瀨粉瀨粉口感腍身, 好似狗仔粉, 入面撈左豬油渣, 又幾鬼香喎! 重點係可以加辣, 會放入自家製辣菜脯, 口感同味道都更正!XO醬蘿蔔糕蘿蔔糕煎到表面脆脆地, xo醬辣辣地, 好惹味!飲品叫左豆漿同紅豆沙, 味道較清淡, 不錯。

淨係做外賣生意，得好少位可以堂食🤣但係見佢不斷做街坊生意，好多街坊都幫襯！！！鋪面裝修好有特色！見到個餐牌又唔算好貴，而且好多都有香港地道風味！！見佢個瀨粉好似好出名，就叫咗嚟試！！仲要有豬油渣添😍😍正！！好足料，而且好豐富！味道同以前食嘅狗仔粉好似😚不過我哋落咗辣油，就更加吊起哂個味😍XO醬炒羅白糕！！！好濃味😆超多蝦仔，好鮮味！好食！重口味人士要叫！！份量一樣超多🤣極黑黯然銷魂飯😍😍個豉油好似加咗黃豆醬，好特別！！個叉燒肥瘦均勻，好入味，非常之高質！！！煎蛋個邊脆卜卜，好食！！重點嚟！！！炸黑毛豬糭！第一次食！！好好食！！脆卜卜外面，入面就好chewy!!!仲配咗糖同麻辣醬，麻辣醬明顯係自家製，好多芝麻！又唔算好辣！正！不過最正都係點砂糖食😚😚😚肥仔之選！！絕對會encore!!高質小店！！！

談到街頭小食必然要數雞蛋仔、格仔餅、燒賣和魚蛋，西關老祖卻偏偏另闢蹊徑，主打各款別具特色的小食，創意與懷舊風味並駕齊驅。店內設有自助點餐機，只接受以八達通、信用卡或電子錢包付款，以外賣為主而門外亦設有一個堂食座位。除了有黑毛豬油、辣椒油、XO醬、辣菜脯等多款自家製零售產品之外，當然少不了西關瀨粉、炸黑毛豬肉粽、極黑黯然銷魂飯等招牌菜式，即點即製而且大部分材料均為自家製造，誠意十足。炸·黑毛豬肉粽 ($45) 現今已經近乎失傳，將黑毛豬肉粽厚切炸成，每件中間均裹住一件西班牙黑毛豬腩肉。外層炸衣口感香脆得與薯餅如出一轍，而糯米保持煙韌並富米香，配以自家製秘傳麻辣油或白砂糖品嚐各有風味。極黑·黯然銷魂飯 ($56) 與一般港式叉燒不盡相同，用上西班牙黑毛豬腩肉製成叉燒，軟嫩豐腴充滿油香，切成薄片故肥而不膩。叉燒汁更帶蜜汁甜味，流心煎雙蛋蛋漿與叉燒油分滲入飯底更是無可挑剔。爆炒·XO醬蘿蔔糕 ($38) 炒至表面微微焦脆，質感結實毫不鬆散軟爛，蘿蔔清甜再加入瑤柱、蝦米、臘肉及臘腸粒真材實料，而XO醬亦用上瑤柱、蝦米及白飯魚炮製而成，辛麻香辣相當惹味。

呢間係主打懷舊中式外賣小食，有唔少都係自家出品(蘿蔔糕，盆菜，黑毛豬肉粽)，仲有賣唔同既醬料(菜脯，XO醬，辣椒油，豬油)佢總共有兩間分店，今日就黎左佐敦呢間，一心淨係想試佢個賣相勁吸引既黯然銷魂飯，但原來其他野食都好高質😍。🐒極黑。黯然銷魂飯(自家製黑叉燒配煎雙蛋)💰$56一開始以為極黑係解黑毛豬🐷，但原來係指係汁，呢個飯完全打破左我對叉燒飯既印象，佢啲豬係五花腩，但口感勁爽，完全無油膩感，feel到係用新鮮豬肉蛋係半熟，外賣拎到番去都仲係流心，蛋汁加埋落個極黑醬，甜甜地但又唔會有蜜汁個種漿口既感覺呢個飯有100分！😋💯。🐒炸。黑毛豬肉粽(自家製)💰$45第一次食炸粽，本身都覺得會好乾，好似食窩巴咁，但原來唔係！粽中間係半肥瘦豬肉，出面係綠豆粽，炸完之後原來係外脆內軟，配埋佢個自家製辣油同糖，一隻粽原來都可以咁食，大開眼界👀好彩老細推薦左我食呢個咋🤪。🐒爆炒。XO醬蘿蔔糕(自家製)💰$28嗌呢個除左可以試下佢既蘿蔔糕之外，仲可以試埋個XO醬🤣果然自家製係足料啲，完全同係茶樓食到既粉漿唔同XO醬係偏香唔辣，完全唔洗點其他醬，我keep住咬到瑤柱但都唔知係蘿蔔糕跌出嚟定XO醬入面😂。🐒老

過咗新年都好一段時間喇, 但唔知有冇人同我一樣仲係好想食蘿蔔糕呢, 過咗咁耐都仲好想食😍西關老祖出名整蘿蔔糕等小食, 之前新年已經食過一轉😁今次發現佢地有得賣自家製嘅蘿蔔糕拎返屋企煎, 所以我就早兩日訂咗底😁外賣個包裝做得幾精緻, 外邊係黑色既bubble保溫袋袋住, 而蘿蔔糕係放係陶瓷盆上再用密實袋抽空保存, 好整潔, 而個陶瓷盆可以重用黎焗野食👍🏾👍🏾老祖•秘傳瑤柱蘿蔔糕 $168一打開瑤柱滿滿鋪喺面頭, 蘿蔔糕質地唔會好鬆散亦好容易煎, 唔會煎到啲餡料跌到周圍都係, 所以冇咩廚藝既人都唔洗咁擔心失手易煎濃👍🏾😄本身諗住煎半底但忍唔住煎埋另一半😅食落面頭香脆內裡蘿蔔蓉滿滿, 口感十足, 份量足夠兩三個人食😋😋

去開附近麵包舖買包, 順便買外賣番屋企食, 見到呢間小店人氣幾高, 食既野又幾過癮喎!去到自助機買完就可以, 簡單方便~叫左幾樣野同屋企人SHARE, OVERALL食物味道都好好, 同埋款式都幾多, 價錢仲好抵!最驚喜就係炸黑毛豬粽, 炸完一件件好似薯餅咁, 完全無左食粽果種油滯咁, 食落好似日本果種可樂餅, 加番沙糖食真係好好食!另外叫左極黑·黯然銷魂飯, 其實姐係用上黑毛豬腩, 燒得好香, 再配埋煎蛋同豉油真係超正!另外燒賣腸粉都好抵食, 仲係用上金龍燒賣, 所以好彈牙, 腸粉都唔會好糊, 口感好好, 醬汁超多, 拎到番屋企都唔會索晒~

最新因疫情關係 又禁咗堂食🙁係佐敦附近周圍搵下食～見到呢間西間老祖都幾多人推薦 所以就外賣返屋企食～ 門面唔算大 只有小量座位 所以大部分人都係外賣拎走 叫完外賣等左一陣就可以拎得👍🏻👍🏻 佢地係似自助點餐機落order 都幾方便😋 見到佢地有出名不同醬料 e.g. 豬油、XO 醬、麻辣醬同辣菜脯～～ 睇到都覺得惹味😆西關老祖話明出名古法瀨粉 緊係要試下呢個招牌瀨粉啦！佢有得簡辣/唔辣菜脯 我今次試下辣！呢個瀨粉質感好濃稠 加埋辣菜脯個味岩岩好 不過菜脯比我想像中要辣🤣 岩晒d食得辣既朋友另一特色係呢個炸黑毛豬肉棕！第一次食炸咗既粽 點知意外地好食😋！個口感類似薯餅 唔覺唔覺會食到停唔到口 不過最好同人share 因為份量真係好唔客氣☺️仲多左款小食—XO醬炒腸粉，味道好夠 係懷舊既港式味道😍唔錯 最後又差唔多食晒!飲品方面 叫左佢地既低糖豆漿～～ 餐廳default 左係低糖 中和岩岩既罪惡感✌🏼✌🏼本人唔鐘意飲太甜 所以呢杯低糖豆漿岩晒我 疫情禁堂食期間大家都可以外賣返去試下呢個懷舊味道☺️☺️😍

新年來到，又係時候吃賀年食品應節。蘿蔔糕當然係必吃的食品，於是到這小店試一下這個老祖秘傳瑤柱蘿蔔糕。店家很快已準備好這個蘿蔔糕，而且包裝精美，還附送一個法式陶瓷盤，可循環再用，環保得來又有誠意。拿回家中，已急不及待拆下包裝袋，整條拿出來，切成一片片，用煎pan 稍為煎一下，確保兩邊都煎熟後便把蘿蔔糕整齊排列在碟上。不得不盛讚自己的廚藝，蘿蔔糕都非常脆口，內裡鬆軟，調味也適中，而且還嘗到臘肉和蝦米，非常足料。

因為禁堂食, 而又住附近, 於是就係呢間餐廳嗌外賣, 要係隔離部機點餐, 而且係唔收現金架!西關瀨粉配黑毛豬油渣 $25: 非常大碗, 而且菜圃可以揀辣/不辣, 我就揀左辣試下, 食落去果然的確好辣! 個人覺得係中辣程度添呀! 唔食得辣既朋友記得要嗌唔辣既菜圃呀! 而D瀨粉都好特別, 食落去比較粉狀, 質感同其他瀨粉係有D唔同! 而且size都好大份, $25黎講真係好抵食!極黑黯然銷魂飯 $56: 黑叉燒半肥瘦, 食落去少少燒香既味道, 而且有少量既叉燒味, 叉燒好蜜味! 而雞蛋係太陽蛋黎, 蛋黃非常飽滿! 撈埋D飯食真心一流! 呢碗飯既質素真心高, 叉燒既份量都好足料!黑松露炒蛋 (日本蛋) $28: 一打開勁香黑松露味! 而且雞蛋係用左日本蛋黎整, 師傅亦都將雞蛋炒到半熟狀態, 呢碟小食係幾惹味, 尤其係中意食黑松露既朋友必嗌!上湯浸蘿蔔 $28: 湯底飲落去好清好fresh, 唔會覺得落左味精~而蘿蔔既size都好大份亦好多舊, 食落去好淋甜, 少量既蔥花可以將蘿蔔既鮮味提高!XO醬炸金龍燒賣 $20: 雖然較為熱氣, 但食落去又炸得幾香脆, 再配埋d XO醬一齊食, 成件事仲