西關老祖 (文苑樓)

營業中

休息中

黎到佐敦上網睇左d餐廳，見到呢間幾特別，佢有堂食位置不過好細，所以我諗都係主要外賣。佢好多特色既頹飯，睇落頹飯但其實做得唔頹，賣相都幾吸引，不過今次我買左佢既蘿蔔糕食。老袓秘傳瑤柱蘿蔔糕新年之後都冇食過蘿蔔糕，突然心思思想食。見到呢間仲可以一底底咁買岩哂我，當然佢都可以係煮埋比你，不過疫情所以買翻去自己煮，佢包裝好有心思，佢竟然係用法式焗盤裝，真係未見過 ，佢係真空，另外有卜卜紙包住，保護佢。用陶瓷焗盤真係好環保，重可以重用，佢既蘿蔔糕我分別係煎同蒸。佢質地唔鬆散好易整，口感唔會好實又唔會好軟，好適中，我最怕食個d好軟水份好多既蘿蔔糕，呢間就岩岩好。佢料好足，成個面都係料，味道好濃海鮮味，味道食出好足料好濃味，佢蘿蔔糕比我以往食開既都濃味d,個人都係鍾意煎，怕熱氣既話蒸都好好食，當然煎就香口好多。佢砌到一粒粒咁煎都係好方便，手殘都煎到唔會散哂，暫時食過既蘿蔔糕之中都高質，絕對可以一戰。