西關老祖 (文苑樓)

營業中

休息中

今日去左佐敦附近街拍，經過呢間店就比個店名吸引眼球，忍唔住要睇下究竟係賣啲咩先。呢間店主要做外賣，餐牌上嘅名都好過癮，例如至尊頹飯，黯然銷魂飯等。跟住我買左黯然銷魂飯，紅豆孖沙，老祖秘傳瑤柱蘿蔔糕。呢個黯然銷魂飯真係好佛心，啲叉燒又多鋪滿哂碗面，仲有粒蛋比你吉爆佢黎撈飯，等個飯同叉燒都可以滑啲同有蛋香。呢隻叉燒食落甜甜地，肉質我用爽黎形容，每啖飯都係一口接一口，停唔到口咁制，雖然我食完未必有食神家燕姐個種感動，但係我有股想食哂佢全都要嘅衝動。紅豆孖沙好岩依家天氣熱去飲，透心涼，而且成杯野都好足料。比個closeup大家睇，沾上蛋汁嘅叉燒叫人點忍到，哈哈。呢個蘿蔔糕可能好多人係用煎炸嘅方式去整，但我就用懶人方式直接成兜蒸，仲用匙羹係咁筆黎食，瑤柱絲，蝦乾呢啲都鋪滿係面，每啖都好足料，唔會好似出面某啲餐廳溝粉無料到。整體上，呢間除左位置偏少少之外，佢嘅食物令到我覺得值得過黎買。

🐱🐷西關老祖🐱🐷當唔係新年嘅時候 除咗酒樓之後仲有邊度有蘿蔔糕食？喺西關老祖就有自家製嘅蘿蔔糕😍佐敦鋪位於文苑街 柯士甸站A出口出嚟行5分鐘左右就到～鋪頭主要做外賣 （葵涌廣場都有分店㗎）落單係自助嘅 大部分電子貨幣都收😉好方便蘿蔔糕到手✨佢入面係真空包裝，出面再用個保冷袋入住，然後再入落紙袋比我😌店員好細心提醒放入雪櫃要拆咗保冷袋先～仲要佢係用法式陶瓷盤裝😍好高質✨仲好環保 可以重用！一打開個包裝 已經聞到啲瑤柱味🥰仲見到有蝦米臘肉等💖好豐富即刻煎香佢試試先😆😆煎到金黃色好靚✨煎個時都好香！佢呢款係用蘿蔔絲整 食落軟身啲亦充滿蘿蔔嘅香甜☺️當你咬到啲瑤柱蝦米或者臘肉嗰時 又會有陣油香同鹹香味爆出嚟😌好夠味～佢除咗蘿蔔糕之外 其實有好多其他野食！例如古法瀨粉，炸黑毛豬肉糭等💖直家仲有28蚊嘅全年糧尾套餐😆有一款主食 兩款小食 仲有野飲！好抵食！🐱🐷總結：對於食蘿蔔糕唔落醬嘅我 呢款都好夠味～❗️注意：呢度唔收現金㗎😌

終於有機會可以試下香港製造嘅老祖秘傳瑶柱蘿蔔糕啦!今時今日仲有餐廳有呢份心力去出品自家味道真係好難得, 佢d瑤柱、臘肉、臘腸、蝦米都落得好足料, 而且煎完d蘿蔔絲仲係好完整。好有咬口, 估唔到鋪仔細細都咁有水準, 聽講仲無落防腐劑, 就食得更放心。會整有誠意嘅食物俾香港人品嚐係我地作為食客嘅福氣, 所以我地都應該好好珍惜同支持。我見佢網上仲有好多醬料同川味雞可以買返屋企食, 端午節又有出粽, 價錢都好合理。可以一試

因為唔想落防腐劑, 店家選擇日日鮮刨制作蘿蔔糕, 淨係呢份心意已經好唔簡單，我買嚟送俾媽媽食, 佢話好容易切開一件件, 而且唔易散開, 煎完出嚟仍然好完整。咬開仲見到一絲絲嘅蘿蔔絲。$168一盒仲連埋個可以重用嘅法式陶瓷盤, 感覺特別化算。所以唔止過年送禮先嚟買, 有時想買野孝敬長輩都係好好嘅選擇。我見佢仲有推出黑毛豬肉粽(端午節蛋黃限定版) $138好似都好吸引, 可以考慮下嚟緊端午節買嚟試下。

估唔到一間裝修西式嘅餐廳竟然買啲咁傳統嘅食品，真係好特別😀今次嚟嘅目的，就係要外賣一底蘿蔔糕🤣作為一個蘿蔔糕控嘅我，一年四季都要食蘿蔔糕，新年嘅時候更加為之瘋狂🤪呢個包裝絕對可以令人放心，而且送禮之用都非常得體👍🏻裏面真空包裝，非常乾淨企理，切落去嘅時候，就知道非常軟熟～切開一件件蘿蔔糕之後，就立即拎去蒸煎，煎到四面金黃，份外誘人😍蘿蔔糕非常足料，而且口感軟糯，味道方面惹味非常😍配上辣醬更加令人欲罷不能😋😋😋

⭐️西關老祖⭐️📍:佐敦文苑街18號文苑樓地下18B號舖⏰:11:00am-8:30pm雖然而家唔係新年 不過我都係好鍾意食蘿蔔糕 所以去咗呢間佐敦嘅西關老祖 買咗一底蘿蔔糕返屋企同屋企人share🥰 呢間係外賣店 除咗見到一個坐唔到人嘅位之外就無了😂🙈佢哋除咗蘿蔔糕之外 仲有招牌賴粉、油渣面、腸粉、小食 仲有特色嘅醬汁可以買！🥰呢款蘿蔔糕用咗陶瓷兜裝住 仲用咗真空包裝 同自製嘅保溫袋 真係好少見 落足本錢👍🏻環保之餘可以重用 仲可以用泥煮其他餸😍 一底蘿蔔糕有850g 三個人食都足夠！蘿蔔糕好足料豐富 有瑤柱、蝦乾、臘味 煎嘅時候落少少油就可以 唔會痴鍋底 蘿蔔糕唔會粉 質地唔易鬆散 又唔會太淋 岩岩好👍🏻 不過有一樣就系 味道比較鹹 比較濃郁 如果落少啲胡椒粉就好啦🙈 不過呢個蘿蔔糕真係好高質 食完會好掛住😍

⛰西關老祖 ⛰經典小食豬油撈飯 講緊係上一代阿爸阿媽既回憶將普通食材好好發揮令我哋呢代人都有機會享受到 性價比高又好味嘅豬油渣食物！經典瀨粉重出江湖 Attention玻璃樽裝住綠豆沙 紅豆沙🥰🙈Jeng!另外 如果跟套餐大超級抵食兩大王牌👀全年糧尾套餐————25蚊炸！！！🙈夠鐘返屋企食飯————25蚊炸！！！佐敦舊城區 買完可以喺附近行吓唔係因為幫襯佢 都唔知佐敦舊城區一地*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*地址⛰⛰⛰⛰佐敦文苑街18號文苑樓地下18B號舖

有日經過佐敦，發現見到呢度原來有蘿蔔糕買！就算唔係新年嘅季節都有，買來解下口癮都幾好喎～自家製嘅蘿蔔糕（$168）大大底，用上陶瓷兜好揼本！🥸🥸🥸食完仲可以拎返黎放其他嘢，蘿蔔糕食到蘿蔔粒粒，而且拉起有蘿蔔絲，淡淡都好足料，而且仲有好多蝦米同臘腸，整體口味偏鹹，最適合重口味嘅人士食用，點上辣椒醬就更加惹味。蒸嚟用XO醬炒都好好食㗎！😛😛包裝方面，佢哋有自製嘅保溫袋包實，蘿蔔糕仲有真空包裝，十分之衛生同埋方便。只需要返屋企雪住就得了。下次嚟呢度仲可以買埋其他特色小食，有腸粉燒賣等等嘅港式小食仲有炸糭，聽落超好食😋😋😋佢哋鋪面裝修好新淨，而且細細間，食飯時間嚟到都有好多人排緊隊等拎，廚房半開放式一路煮都會傳出陣陣香味！真係好吸引㗎～

雖然過左新年，但我對蘿蔔膏仲係念念不忘😔成日都好想食返, 同埋我比較中意自己煎因為可以控制油量, 減少heavy既感覺!👍🏾之前係葵芳已經食過呢間西關老祖, 今次早兩日係佢佐敦分店訂定左一底諗住自己煎黎試試佢😁😁佢地包裝得好靚仔, 我拎完之後成3個鐘先返到去都完全冇問題, 而最大驚喜係佢用陶瓷盤裝住底蘿蔔膏, 環保之餘我之後仲可以拎黎焗野食😱超正呀！講返野食, 蘿蔔膏建議放冰格最長一星期, 而我係拎返黎第兩日已經食哂😂 煎既時候落少少油, 好易煎👍🏾 而內裡配料超多😱有瑤柱蝦乾同肉粒, 啖啖都美味十足！ 蘿蔔糕內唔粉，真材實料！😋飽肚感好足！佢地現場仲有得買即煎既小食同飯等，經過嘅朋友仔一定要試吓！😋

有聞八文樓納入清拆計劃中，有空就過來走訪一趟。近年新型餐廳進駐這區生色不少，例如嘉多利 kennedy7po。今次這間店舖製作香港獨有的小食，攜去附近的西九野餐就最適合不過。港式小食經典之最必然是燒賣，標榜用金龍燒賣。金龍一向以品質見稱，每粒蒸熱後柔軟並有回彈感。本體有魚的甜味，燒賣皮又薄又滑。XO炒蘿蔔糕CP值高，份量是一碟酒樓煎蘿蔔糕的兩三倍，而且是厚切更有口感。蘿蔔糕是自家製，雖臘肉粒未見很多，但配上粒粒XO蝦米瑤柱碎就剛好。入面有少量白蘿蔔絲還算是清甜，蘿蔔糕邊緣煎到微徵焦香。菜牌上看到黯然銷魂飯這名稱不禁一笑，或許只有香港人才懂，就是豉油叉燒蛋飯。簡單幾樣食材已組成人間美味。叉燒竟是日式叉燒製法，長時間煮燉肉質非常柔軟，份量挺多。兩隻流心煎蛋滿足度加倍。薯條炸得熱烘烘，配合芝士醬很滋味。一大盒最適合一班朋友分享，如果可以加購芝士醬會更好。雞肶正常發揮，孜然粉惹味讓人大增食慾，略嫌炸煮時間久了一點點。寫食評之時留意到葵廣亦有分店，相信幾個朋友靠邊站在一角一人一口更具掃街風味。

西關老祖 (文苑樓) 佐敦文苑街18號文苑樓地下18B號舖————-———————————————佐敦舊城區食肆林立之下 有名氣的小店之一就係老西文苑街 一個好文雅文清嘅感覺以純白色木系裝修的店售賣中式美食的外賣店創意小食 試一試古法味道————-———————————————智能化 想食咩自己就去撳機西關老祖 感覺好有朝代古典嘅feel依家佢哋仲做緊$25 夠鐘返屋企食飯系列仲要係全日供應 罐裝汽水免費另外一個 $25 抵食糧尾餐兩款撈麵自選兩款配菜 今時今日去邊度搵呢個價錢😆🤣極邪惡.黑毛豬油撈飯$15啱晒基層市民 打工仔一種不可一 不可再 呢個價😂😆爆炒. XO醬腸粉(香蔥XO醬炒腸粉)$30老祖.臭草綠豆沙$28極黑.黯然銷魂飯$42老祖.至尊頹飯$32

經過佐敦特登嚟睇吓呢度呢間外賣店！食飯時間見到都有唔少人排隊，門面簡單整潔，採用自動下單，落單之後等一陣就可以了。最近仲做緊折扣，最平$25就已經可以食飽飽。我就叫咗佢哋招牌瀨粉，配埋黑毛豬油渣，叫咗唔辣嘅菜浦。味道比較清淡但係越食越香口，有少少似食緊粥。佢哋嘅瀨粉係自家製，咬落特別有口感，粒粒分明，同平時唔一樣，麵粉嘅感覺更加多。菜浦都好好食～另外仲有黯然銷魂飯，黑毛叉燒加上兩隻蛋嘅組合真係無敵，半肥瘦嘅叉燒層次分明，啖啖都係油香，而且份量好多，兩個人分享都足夠，一人食咗一隻蛋再加幾舊叉燒！另外仲叫咗燒賣，豆漿亦都好好飲，佢標榜係微糖但係飲落都仲有少少甜🤣🤣如果經過呢頭不妨買個外賣返屋企試吓啦！

➡️食盡柯士甸之港式 — 西關老祖————————————————————大家有冇諗過，新年完左想食蘿蔔糕，但又唔想去茶樓食，可以去邊到買呢！🤔西關老祖就係一間主打外賣既小鋪，佢可以自助order，仲要有好多選擇，由蘿蔔糕，盤菜，去到豬肉粽，真係咩節日食品都齊🤣🔸 老祖秘傳瑤柱蘿蔔糕 850g $168因為今次想買蘿蔔糕同埋企人share住食，所以就買左850g一大盤蘿蔔糕😆佢個外賣包裝都好靚嫁，仲要係用陶瓷盤裝而唔係一般美心個d膠盒，可以循環再用！我諗住用黎整桂花糕！🤣蘿蔔糕未煎已經聞到香味，煎完真係香到不得了😋，佢既味道好濃，咩醬都唔唔落都夠味，蘿蔔糕都足料，食落會見到d蝦米火腿，唔錯！😁💭Overall comment:西關老祖除左有節日食品賣之外，仲有好多小食同豬油飯，瀨粉嫁，如果想外賣不仿一試，佢亦都有小量堂食座位！🍽食物: 7/10🌌環境: 7/10👔服務: 7/10🎖CP值: 7/10

之前聽朋友介紹佐敦有間裝修靚靚細細間嘅小食店，嗰日咁啱出開旺角就去咗搵，地理位置真係幾偏僻，根據Google Maps搵仲係咁行錯路，但係試完佢哋嘅陶瓷蘿蔔糕都覺得值得～而且仲有超級抵食嘅抗疫飯，可惜嗰日星期二，唔係咁啱食。但咁抵食，附近嘅街坊有福了。舖頭其實都有好多飯、小食、醬料嘅選擇，不過我就俾佢嘅蘿蔔糕吸引住～佢嘅蘿蔔糕係用陶瓷盤裝，又幾好睇，上面鋪滿左蝦米、肥豬肉、瑤柱等材料。第一次食嘅時候，我係用咗煎嘅方法，第一啖覺得蘿蔔糕好香濃，裏面嘅蘿蔔切絲，質地軟腍，唔使咬都會入口慢慢妹都得。如果重口味人士一定好鍾意，不過食到最後可能會偏鹹，但整體都幾好食。第二次我用咗蒸嘅做法，兩隻比較，煎係好食啲，佢嘅肥豬肉經過煎咗之後更加香口。另外，陶瓷比較厚，裏面嘅蘿蔔糕份量唔算好多，我諗一個人分三四餐食就可以食完😋

黎到佐敦上網睇左d餐廳，見到呢間幾特別，佢有堂食位置不過好細，所以我諗都係主要外賣。佢好多特色既頹飯，睇落頹飯但其實做得唔頹，賣相都幾吸引，不過今次我買左佢既蘿蔔糕食。老袓秘傳瑤柱蘿蔔糕新年之後都冇食過蘿蔔糕，突然心思思想食。見到呢間仲可以一底底咁買岩哂我，當然佢都可以係煮埋比你，不過疫情所以買翻去自己煮，佢包裝好有心思，佢竟然係用法式焗盤裝，真係未見過 ，佢係真空，另外有卜卜紙包住，保護佢。用陶瓷焗盤真係好環保，重可以重用，佢既蘿蔔糕我分別係煎同蒸。佢質地唔鬆散好易整，口感唔會好實又唔會好軟，好適中，我最怕食個d好軟水份好多既蘿蔔糕，呢間就岩岩好。佢料好足，成個面都係料，味道好濃海鮮味，味道食出好足料好濃味，佢蘿蔔糕比我以往食開既都濃味d,個人都係鍾意煎，怕熱氣既話蒸都好好食，當然煎就香口好多。佢砌到一粒粒咁煎都係好方便，手殘都煎到唔會散哂，暫時食過既蘿蔔糕之中都高質，絕對可以一戰。