西關老祖 (文苑樓) (已結業)

係ig見到人打卡西關老祖, 個名咁特別就睇下佢食乜, 原來係外賣店, 岩哂近排買到唔知食乜好!極黑•黯然銷魂飯豬腩片煎到好香, 有肉感, 肥瘦有層次入口彈牙juicy! 仲有成兩隻太陽蛋, 流心黃， 夾埋一齊撈飯一流!古法瀨粉瀨粉口感腍身, 好似狗仔粉, 入面撈左豬油渣, 又幾鬼香喎! 重點係可以加辣, 會放入自家製辣菜脯, 口感同味道都更正!XO醬蘿蔔糕蘿蔔糕煎到表面脆脆地, xo醬辣辣地, 好惹味!飲品叫左豆漿同紅豆沙, 味道較清淡, 不錯。