記得紅島第一間分店既時候我已經留意到佢，因為個陣仲未有咁多茶餐廳係以復古去裝修🍴而佢地好iconic既紅綠搭配基本上離遠都會見到🚛而今日做完facial，原來樓下都有分店，反正都唔知食乜好就入去試試 。 同我印象中既餐牌唔同，因為佢地已經增添左好多唔同款式既食物🍛除咗普通茶仔成日見到既常餐之外，佢地仲有越南菜🍗好奇心驅使下就揀左個撈檬，岩哂依家啲天氣食 。 🐒香茅雞扒撈檬💰$58 👉🏻熱杏仁霜 🐒瑞士雞中翼(5隻)💰$40 佢地既份量真係好大，我自己一個真心KO唔到一大碗撈檬而佢個香茅雞扒調味好好👍🏼如果有多塊我都食得落🤣不過如果想試道地茶仔既話我都係建議大家可以食番佢地既常餐 另外我再嗌左雞翼補充下蛋白質🐔瑞士汁超入味，如果有白飯應該會好正🍚下次會想試哂佢地啲烘焙🥯我見都有唔少人係齋買佢地既麵包🥖

呢間校長燒肉出名抵食，之前都成日去荃灣分店到食🔥因為佢一個價錢又有得打邊爐又有得燒肉，最緊要係唔貴，不過出嚟做野之後都有一段時間無食，結果今日係朋友約我去食👫即刻recall哂我既回憶，而且依家仲升級左好多😍完全值得介紹一下 。 🐒2小時精選燒烤火鍋自助餐(早鳥時段5:00-7:00pm)(包刺身)💰$188 我地諗住反正有早鳥優惠，一於就upgrade做任食刺身(三文魚，吞拿魚，希靈魚・赤蝦，玉子)有得食咁多款刺身都只係需要加$30，我都諗唔到咩理由唔加🤣而如果係openrice買券，仲有得食3個鐘添，慢慢燒慢慢食 。 肉類方面基本上你諗到既都會有💡而如果你係甜品控，呢到除左一般甜品凍櫃之外，仲會有個自助bar for我地自己整一碗台式甜品🍮真係勁滿足😌我就食左2大碗仙草西米椰奶 。 另外佢仲有打邊爐同各款熟食🍲真係估唔到upgrade左咁多款式既野食，就連點心，茶碗蒸等等都有🍢我自己食哂啲熟食刺身同甜品之後都完全唔記得自己今日係食緊燒肉放題😂連邊爐都無打

平時黎旺角都唔知食啲咩好，因為係旺角實在係太多野食啦🍜今日落雨又想求其食啲，係香港又快又親民既肯定就係茶餐廳😚真係好中意香港既茶餐廳文化 。 🐒鮮薑汁豬潤鮮雞湯通粉💰$58 👉🏻轉奶油豬+$5 👉🏻炒蛋 👉🏻熱薑汁奶茶+$4 🐒大滿足啖啖肉豬扒印尼雙撈麵💰$68 👉🏻熱華田 今次黎到雖然係晚餐時間，但竟然都仲可以order到豬潤通粉同奶油豬🫶齋係呢點我已經俾佢100分🤣而佢仲有埋印尼撈麵食，相信無人抵抗得到呱 佢呢到選擇雖然並唔係好多，但係就貴精不貴多👍🏼野食無論係擺盤定味道都好impressive，而入面仲佈滿住貓貓既壁畫🐱成間茶餐廳都充斥住可愛既氣氛

收工黎行Moko，無諗過係一間充斥着各種名牌既地方入面有一間首次引入日本既Zeni Rone Cafe☕️上網睇一睇先知原來佢大有來頭🤩由五星級酒店名廚主理，怪唔得入面既蛋糕款式全部都咁精緻🌸不過我今日就試左佢地既輕食系列🥪揀左個我平時都好中意食既Toast 。 🐒Smoked Salmon Toast💰$78 👉🏻Avocado Sauce 佢地有唔少輕食，而最岩我既就係佢地既Toast，因為都真係好靚🥪On top有唔少花花做擺盤，岩哂啲中意打卡既美女們👧🏻仲要呢到隔離就已經係各種行街位，完全可以行到累就直接入嚟嘆翻杯咖啡☕️食件cake又或者想飽啲既又可以好似我咁食個tea，都會好滿足嫁☺️

想係屯門食越南菜唔單止係得屯市入面嫁🇻🇳其實走出去外圍就已經見到呢間小店，咁就唔洗擔心大集團既質素參次啦🍲 。 上網揾先知原來屯門呢到唔係第一間嫁，佢地係將軍澳同銅鑼灣都有分店，果然有品質保證先可以陸續係唔同地區擴張👍🏼而今日黎到都keep住full house，而外賣既單都keep住無停過🥡 。 🐒河內麻香手撕雞粉皮💰$76 👉🏻 凍志明奶茶$38 🐒魚片頭配魚腐撈檬💰$60 👉🏻 凍咸檸七$16(半價) 🐒越式香茅雞翼(5隻)💰$58 🐒蒜蓉炒通菜💰$58 食物方面我幾中意佢個麻香手撕雞粉皮🐓因為佢首先夠辣，而佢個粉皮係煙韌個種，雖然係涼拌但個口感都keep到好好 而佢個魚腐係自家製既，係出面未試過呢種口感既魚腐🐟配埋個撈檬汁夏天食真係一流☺️ 。 因為依家做緊野飲第二杯半價，所以我就揀左杯志明奶茶試下🥤感覺同泰式奶茶都幾似，因為都係落左練奶去整，所以特別滑

好耐無食過西餐啦，之前都會抽到時間去食個brunch or tea🍴但最近真係好少去發掘啲新既餐廳去relax下🌳今日就試左呢間應該得附近居民會知既高質又抵食既西餐 。 今日係weekday但都完全冇阻呢到既多人，入到去基本上都已經滿座，不過睇埋menu都知道點解會有咁多人🤩因為價錢真係好抵，而食物質素完全係💯 。 🐒香煎西班牙豬鞍扒配蜜糖芥末籽汁💰$148 🐒羅勒青醬蝦肉意粉💰$98 👉🏻精選生蠔2隻+$30 👉🏻烤蜂蜜牛油雞翼2隻+$25 👉🏻法式焦糖燉蛋+$25 👉🏻餐湯(椰菜花湯) 👉🏻是日沙律 ☕️焦糖甜忌廉美式咖啡+$20 🥤芝士奶蓋烏龍+$22 。 今日嗌左2個Lunch Set，而佢每個set都可以跟唔同小食，特別既係lunch都已經有provide生蠔🦪而add-on價錢只係$30兩隻，真係好抵，另外每個set都可以揀沙律/餐湯，所以細食既話其實唔加小食甜品都一定足夠🍮

茶漬飯聽就聽得多，但真實一次都未試過，今日聽到我朋友話我知原來呢到有間日本過江龍專門食一丼二食既獨特食法丼飯，仲要咁近我，緊係要試下啦🐟 。 🐒鯛出汁&刺身盛合御膳💰$208 👉🏻前菜(沙律+茶碗蒸) 👉🏻主食(刺身盛合) 👉🏻湯漬飯(日本鯛魚高湯漬飯) 👉🏻宇治抹茶布丁佐紅豆+$30 首先我自己就揀左呢款期間限定既刺身盛合御膳🍱因為佢一盤連埋個鯛魚高湯一齊上，成件事好有儀式感，對於我呢啲第一次食呢款丼飯既人黎講真係好新鮮😝好似食緊藝術品一樣，而店員都會帶俾我一種真係去左日本既感覺🇯🇵每次上菜前都會好有禮貌咁打聲招呼先🤵🏻‍♀️ 而我呢個set仲可以加埋個抹茶布丁🍮特別地方係佢布丁係好軟熟，有啲似吉士cream咁，配埋紅豆同粟米片🫘中和左抺茶既苦澀，令但布甸更有層次 。 🐒特上💰$298 👉🏻增量海膽，紅鱈蟹，增量鮭魚子，赤蝦，鮮魚子，象拔蚌，螺肉，魷魚，金槍魚，金槍魚蓉 👉🏻時令刺身4片(油甘魚) 另外我幫媽咪揀左呢款有齊晒各種刺身既特上丼飯🍣同樣地都係可以食到淨翻3分1左右就叫店員幫你落高湯，變成湯漬飯，而呢款就係店員去幫手落湯，所以配料都會由店員直接係面前做🤩望住佢地感覺都好療癒

平時都無咁concern節日氣氛，但今日黎到呢間韓式Cafe🐇竟然喚醒左我既少女心，見到唔同既復活節decoration真係好可愛😍都忍唔住同啲公仔合照留念🧸 。 今日係weekday先有Lunch Set，如果2個人係weekend過嚟佢地都有啲二人餐選擇，不過我既然有lunch set咁緊係做左精明消費者啦😎 。 🐒柑橘炸雞沙律Set💰$95 👉🏻Americano(Hot) 因為呢個係即炸，所以等既時間相對上會耐啲🍗本身我expect既炸雞沙律會係沙律菜係bottom而on top就會係幾件炸雞🥗但一上枱就好似一隻UFO咁，成碟圍住都係炸雞🤤想懶健康都唔得添 。 🐒巴馬火腿卡邦尼年糕Set💰$95 👉🏻Americano(Iced) 👉🏻紅蘿蔔園Oreo慕斯蛋糕+$55 而呢款年糕我之前都已經食過，真係係呢到先食得翻呢款既煮法🍝用年糕變成意粉咁去調味岩哂我，因為我都好中意食年糕既texture 而可愛既盆栽其實係Oreo慕斯蛋糕🪴入面仲有朱古力同牛奶奶凍嫁🥛勁打卡able

今日同屋企人諗住好耐無食過片皮鴨，就諗住係附近睇下有咩酒樓有得食，點知發現原來東薈城入面有間主打食鴨既古色古香嘅中菜館🥢諗都無諗就揀左 。 呢間既價錢係中高位，但份量同價錢都成正比，加上如果依家食套餐就好划算🤩有齊前菜到甜品🍮2個女仔係完全食唔晒，我諗3-4個人share既話都可以🤭 。 🐒春季自選套餐(2位)💰$788 ✨前菜 👉🏻巴蜀口水雞 ✨湯 👉🏻黃扒魚肚 👉🏻松露海皇羹 ✨主菜 👉🏻四川水煮魚(2位用) 👉🏻鮑魚雞粒燜飯(例) 👉🏻馳名烤鴨(半隻)配八寶盒 ✨甜品 👉🏻薑汁紅棗小桃膠 👉🏻楊枝甘露 。 成個set既份量真係好多，而且都有齊哂各款美食，由前菜到最重要既烤鴨都有🪿所以嗌呢個set就可以滿足唔同要求🥳而如果要加人數既話都可以額外加購➕所以都好flexible，唔會因為人數而限制要嗌邊個set

不嬲都知道愉景新城係一個啱晒一家大細嘅地方，但係估唔到今日嚟到都搵到一個情侶都啱玩嘅烘焙工作坊🍞特別係個員工真係好funny，所以even有另一班家庭一齊join同一個製作坊都唔會覺得好尷尬👍🏼呢一點真係好緊要，因為成個過程個氣氛都好好，令我地都好投入🥳所以先有咁多咁可愛既麵包仔整到出嚟🥯 。 一入到去雖然個area無一般市面既烘焙workshop咁大🧁但基本上要既野店員都已經prepare好哂俾我地，因為係親子都岩玩👩‍👦‍👦所以難道上都係好易學👶🏻首先入到去第一件事係要清潔雙手，之後圍好圍裙就可以開始搓麵團🥐店員都俾左啲參考我地就可以開始自己發揮，自由度好大 。 而想製成品放入焗爐前，店員都俾左option我地可以周圍行下再翻黎😌而手尾全部都有人幫手包底🤑完全係enjoy個製作過程就可以，所以我地都好appreciate成個工作坊❤️無論係大細定好似我地咁情侶檔都一樣享受👫