西關老祖 (文苑樓) (已結業)

之前同朋友黎過食，覺得個瀨粉惹味同抵食，今日決定試下其他野。芝士薯條🍟幾大份裡面有滿滿既薯蓉炸脾：個size未係最大既，但肉質幾滑同有質感。個皮炸得好香脆，係生炸個款。豆漿：豆味幾香，唔會話好似溝咗好多水咁。岩曬食炸野熱氣要解下膩朋友大讚腸粉+燒賣，燒賣魚蓉味香，入口好有彈性唔會一舊粉咁。腸粉滑得黎，搭埋甜醬、麻醬、辣醬一齊食好惹味。至於xo 醬炒蘿蔔糕，粒粒外型好討好，一口接一口咁好快就清曬。黑叉燒煎蛋🍳飯：個叉燒鋪係入面，重點飯量好多，我地最後差d食唔曬。炸物幾出色，三個人share試到好多唔同款😳