西關老祖 (文苑樓)

營業中

休息中

早兩日經過佐敦近渡船角附近， 見到呢間小店裝飾好特別， 於是停下來睇睇，原來係經營一些古法小食，以外賣為主， 一睇menu價錢真係一啲都唔貴， 於是叫咗幾款特色嘅小食，回家一起吃過飽！呢度外賣包裝同埋餐具，都幾有taste，好似高級酒店一樣！炸黑毛豬粽餡料豐富， 外層炸得十分鬆脆，好似食薯餅一樣， 細味裏面嘅餡料，綠豆同黑毛豬，食落口都幾特別！黯然銷魂飯半熟嘅荷包蛋，黑毛豬叉燒，半肥瘦，五花腩，入口油脂分佈平均，有瘦有肥，真係幾夠水準！醬汁都係特別調製，少少酒香送飯一流xo醬爆炒蘿蔔糕細細粒一口一件，賣相很好，裏面嘅 xo醬仲加咗唔少白飯魚乾仔，好食！豬油渣古早瀨粉食入口有點像狗仔粉， 湯底偏濃， 加上蔥花、冬菇、菜脯同豬油渣一起入口， 口感豐富！清湯蘿蔔 分量相當足料，蘿蔔鮮甜好味道！

西關老祖主打古法、懷舊，之前吃過炸黑毛豬肉糭，古法瀬粉，好有風味！想不到在佐敦這小區也有這樣用心的小店。冬至大過年，決定買一底蘿蔔糕和家人好好分享。蘿蔔糕用陶瓷盤盛起，送禮一流，很大體。整份蘿蔔糕的份量不少，很足料。今晚做冬，用蒸焗爐焗了大約8分鐘，蘿蔔糕已經熱透，香噴噴的蘿蔔香甜味，還有蝦米和瑤柱碎的加持🤓👍🏼蘿蔔糕切開時有絲絲蘿蔔絲，蝦米、臘肉粒和瑤柱碎均勻加在蘿蔔糕內，吃起來很滿足。由於蘿蔔糕的份量不少，翌日我倆亦將蘿蔔糕蒸起來，一樣好吃，滿是蘿蔔的香甜味。想起來，整底蘿蔔糕也只是$150，還送陶瓷盤，新年必定再來購買，非常欣賞小店的用心經營，相比起連鎖集團的食品，這裏的蘿蔔糕更有家的感覺♥️

是日朋友約我係海港城食飯食完之後大家都想散下步咁岩我上網睇過呢區開左啲特色文青小店見唔係遠咪黎睇下有咩正野～係橫街之中碰見呢間西關老祖個名幾得意，唔知係咩意思😂但感覺係賣啲古早味既野食舖仔細細，我睇餐牌係賣小食多openrice上面既評語有幾個都係讚佢個蘿蔔糕咁我就放膽一試啦😁個蘿蔔糕超級重😅而佢既重量主要來自個兜係類似LC果種陶瓷兜，食完就可以重用講返食物本身，佢用既料比我想像中多唔係渣流灘果種厚粉味精糕佢裡面落左唔少瑤柱、臘腸、蔥花、蝦米點解會影到咁😂因為見幾好食，我第二日晨早煎好，帶埋返公司做早餐😝

之前收工特登去佐敦諗住試吓西關老祖, 兩次都摸門釘第三次終於買到啦原來佢收八點零鐘, 難怪頭兩次去都閂咗舖<極黑•黯然銷魂飯>大食妹之前喺OpenRice見到呢個極黑•黯然銷魂飯覺得好吸引果然名不虛傳, 雖然叉燒冇港式叉燒嗰種燶燶哋嘅口感, 但豬肉非常彈牙煎蛋窿邊流心, 非常加分吉開蛋黃撈埋一齊食, 簡單粗暴好味道<炸•黑毛豬肉粽>炸•黑毛豬肉粽可以話係西關老祖最出名嘅小食將肉粽切片然後落去炸, 出到嚟嘅味道竟然唔錯主要餡料有肥美嘅黑毛豬肉同蓮子, 仲有附送嘅辣油, 但大食妹覺得唔使點已經夠味<XO醬•怒炸金龍燒賣>XO醬•怒炸金龍燒賣嘅XO醬好香, 蝦米都幾多燒賣輕輕咁炸過, 帶有魚香味<爆炒•XO醬蘿蔔糕>爆炒•XO醬蘿蔔糕嘅調味同燒賣係一樣嘅蘿蔔糕口感軟硬適中, 裏面有超多冬菇, 唯一可惜嘅係有少少油<港式混醬腸粉>朋友話見到港式混醬腸粉好抵食, 又嗌多咗份港式混醬腸粉腸粉同醬汁堅多, 裏面加入左辣椒醬, 大食妹就唔係咁好啦都係鍾意甜醬豉油only

一向喜歡食傳統蘿蔔糕，其實唔使等新年先食，最近見到Foodie朋友介紹，被那陶瓷盤吸引到，好奇之下訂左一盤試試。佐敦行完永安，沿住西貢街行到渡船街過咗馬路就差唔多到，比想像中易搵。老祖秘傳嘅瑶柱蘿蔔糕(法式陶瓷盤裝) $168，淨重850克，連埋陶瓷盤，大約有1.5KG，幾有份量的。蘿蔔糕面已經見到有瑤柱、蝦米，另外當然有主角白蘿蔔，同埋臘肉、臘腸。糕身約厚一吋，切成條狀，方便易煎，臘肉及臘腸嘅香味較突出，點少少XO醬就更惹味了！

朋友推介的蘿蔔糕，細細聲講自己係俾佢既包裝吸引了。用上好靚既陶瓷盤盛裝，食完仲可以重用，包裝有心思之餘仲好環保。蘿蔔糕份量好足，重手之餘配料都非常多。瑤柱、蝦米、臘腸、臘肉炒香後香味十足，所以成底蘿蔔糕都好香。蘿蔔糕唔會好粉味，但依然有彈性。蘿蔔糕煎到外層焦焦脆脆，香口之餘都令到配料既香味更突出。媽咪表示好鍾意，話新年都要食番幾底送俾人。去買蘿蔔糕時見到舖頭都有其他食品感覺都好似幾好食，或者下次去幫媽咪買蘿蔔糕可以試試。

炸•黑毛豬肉粽（自家製）🐷$45超級特別～！大鄉里如我從未聽過炸糭呢種食法！當然要試下！😮切片嘅黑毛豬肉粽每一舊都炸到金黃酥脆超級脆卜卜❤️食落外皮脆到咬落有聲 而內裡依然軟綿又帶點糯米嘅煙煙韌韌😘😘😘而最入面就係舊黑毛豬五花腩🤩食落唔會太肥膩，加埋一齊食再多份咬口和香味～店家更會附埋細砂糖和自家製嘅辣椒油🌶️一定要加埋！甜甜辣辣和炸粽超級合襯！～～極黑 •黯然銷魂飯 🐷$56（套餐連zero)絕對要推薦！！！！！！～飯底更加可以向店員提出話想轉最出名嘅豬油撈飯都無問題仲唔洗另外加錢！超級良心！～一定要轉！會更加好食～！❤️自家製嘅黑叉燒厚切又大塊！濃肉香味又帶點豉油甜味🐖，雖然望落偏肥，但食落又不覺肥膩有負擔～，配兩隻煎得完美嘅太陽蛋，拮穿蛋黃連埋甜豉油和底下嘅豬油撈飯一齊食真心超級滿足！！～豬油撈飯真心特別又無想像中咁油膩，而是令飯食落更加香🤤整體份量都好多，男仔食都夠飽～！XO醬•怒炸金龍燒賣🥧 10隻 $30炸得好酥脆好好味！～店家更會係炸燒賣上加啲XO醬，自家製XO醬超多蝦米又唔會似坊間嘅超多油～🦐整體食落更加惹味！～極上 •生蛋醬油拌飯 🥚$28 （套餐連豆漿）雖然飯份量超多但甜

經過渡船街係去買呢間舖頭對面嗰間麵包舖嘅，之前試過佢個瀨粉套餐，幾好味，訂埋佢個蘿蔔糕試下💪🏻呢度冇得直接叫嘢食嘅，係經過部自助點餐機，就會直接出單俾廚房，睇嚟老闆都係一個人自己睇鋪自己煮，全部都係即叫即煮嘅。嗌左個瀨粉加炸燒賣套餐，燒賣唔記得影相，但係好鍾意佢嗰啲XO醬， XO醬入邊好多料有瑤柱蝦米，食落去好惹味，正!!! 瀨粉分量好多，絕對足夠兩個女仔下午茶咁食。榨菜好入味，溝少少瀨粉食都幾特別，不過個湯底比較好結身，唔似出邊食開嘅湯底咁水。蘿蔔糕packaging好stylish，全黑嘅bubble wrap，再用瓷器盆裝住。返到屋企煎晒成底都夠四個人食。以前自己食開蘿蔔糕會點甜醬辣醬或者XO醬，但係本身呢個蘿蔔糕已經好夠味，調晒味先再去蒸，所以咩醬都唔使。煎到兩邊香香地，好惹味，而且見到好足料，有冬菇瑤柱臘腸肉粒，對於一間one man band嘅舖頭，都有咁樣嘅質素，絕對值得佩服。同老細傾開先知原來葵芳廣場都有一間分店，下次去掃街又可以試吓其他嘢啦。

經過渡船街係去買呢間舖頭對面嗰間麵包舖嘅，之前試過佢個瀨粉套餐，幾好味，訂埋佢個蘿蔔糕試下💪🏻呢度冇得直接叫嘢食嘅，係經過部自助點餐機，就會直接出單俾廚房，睇嚟老闆都係一個人自己睇鋪自己煮，全部都係即叫即煮嘅。嗌左個瀨粉加炸燒賣套餐，燒賣唔記得影相，但係好鍾意佢嗰啲XO醬， XO醬入邊好多料有瑤柱蝦米，食落去好惹味，正!!! 瀨粉分量好多，絕對足夠兩個女仔下午茶咁食。榨菜好入味，溝少少瀨粉食都幾特別，不過個湯底比較好結身，唔似出邊食開嘅湯底咁水。蘿蔔糕packaging好stylish，全黑嘅bubble wrap，再用瓷器盆裝住。返到屋企煎晒成底都夠四個人食。以前自己食開蘿蔔糕會點甜醬辣醬或者XO醬，但係本身呢個蘿蔔糕已經好夠味，調晒味先再去蒸，所以咩醬都唔使。煎到兩邊香香地，好惹味，而且見到好足料，有冬菇瑤柱臘腸肉粒，對於一間one man band嘅舖頭，都有咁樣嘅質素，絕對值得佩服。喺香港已經好少可以搵到呢啲古早味嘢食，仲有人肯堅持傳承落去，好值得我哋香港人去支持。同老細傾開先知原來葵芳廣場都有一間分店，下次去掃街又可以試吓其他嘢啦。

今次食第2次喇。第一次係朋友介紹嚟嘅，食過一次，覺得好特別。所以今日經過佐敦，忍唔住又食多一次下午茶。其實餐廳位置一啲都唔起眼，細細間，而且附近係民居，唔近佐敦鬧市嗰邊。餐廳一眼望晒，主要做外賣，因為外邊企位只可以容納到兩個人。如果人多排隊，大家仲可以自己自助點餐餐廳嘅食物一啲都唔貴，主食都只係幾十蚊。最出名嘅係豬油渣飯，西關瀨粉。今日叫咗個清湯蘿蔔，蘿蔔好鮮甜，而且炆得好入味，個湯底都好清甜。之後叫咗個黑松露炒蛋，每一啖都有黑松露嘅香味，而且雞蛋好友雞蛋香味，炒出黎滑滑嘅，好好味😋朋友叫咗個黯然銷魂飯，佢話好好食，每啖肉好入味，而且碗飯夠大碗，好夠飽。我就叫咗個豬油渣西關瀨粉，豬油渣炸得好香脆，西關瀨粉配埋菜甫，咸到剛剛好。瀨粉唔似平時食開嗰種煙韌，而係食落去有啲似狗仔粉嘅感覺。大家可以自行加配料，都幾香口。

最鐘意食蘿蔔糕尤其足料蘿蔔糕但自己懶所講都係喺外面買但係食左咁耐都係未揾到一間合心水嘅滿意嘅酒樓食嗰啲唔係太硬就係太散有時粉多個蘿蔔透過朋友介紹喺佐敦近柯士甸站有一間小食店佢嘅蘿蔔糕做得特別出色呢間係有別於傳統嘅小食店因為佢嘅裝修偏日式裏面有好多失傳嘅傳統美食當然我係為咗佢嘅蘿蔔糕而嚟嘅所以預先提早訂咗一大底蘿蔔糕打算返屋企煎黎食呢度訂蘿蔔糕仲會送陶瓷盤所以唔夠$200 一底嘅蘿蔔糕包埋陶瓷盤係好抵收到貨嘅時候佢係用真空包裝然後放喺保暖袋入邊無論外觀同埋細緻度都非常仔細返到屋企我迫不及待咁打開煎黎食蘿蔔糕都可以切開但係一啲都唔散切完仲可以見到一絲絲蘿蔔而且粉同埋蘿蔔嘅比例非常完美煎好咗蘿蔔有浸好香嘅臘味味因為蘿蔔糕放咗好足料嘅臘味同埋蝦米所以放少少油就可以將臘味既油迫發出來再用未知返蘿蔔糕就特別滋味蘿蔔糕非常好食一啲都唔咸而且非常入味就算煎完都唔會散開晒又開咗見到蘿蔔絲整體來講蘿蔔糕我非常滿意就算要我搭車嚟買我都願意呢個價錢包埋個陶瓷盤真係非常抵到天氣再凍啲嘅時候我打算再買多次🥰🥰🥰📍 西關老祖 (文苑樓) (佐敦)佐敦文苑街18號文苑樓地下18B號舖

約左同朋友係佐敦食飯經過左呢間 好細間既店舖 主打外賣佢門口果張瀨粉既相 配黑毛豬油渣 同埋川味辣香雞吸引左我埋去🤣仲要見佢個瀨粉$25 only但因為就黎夠鐘食晚飯 所以無食到瀨粉 勁想試 😝餐牌仲有好多邪惡嘢例如腸粉、薯條&燒賣等等睇menu 見到仲有蘿蔔糕佢係自家製蘿蔔糕 可以一底咁買返去煎 所以決定買返屋企第二日試下😁$168 850g一煎蘿蔔糕果時 已經聞到好香 入邊有好多瑤柱同蝦米臘腸同埋臘肉 基本上唔使加其他醬料 已經好夠味呢個質地都好好煎 唔會一夾就散 👍🏻拎到返屋企先知原來佢唔係用膠盒 係用一個陶瓷盤 仲要係靚既綠色食完底蘿蔔糕 之後個盤可以留返嚟自己焗野用包裝仲好細心 有卜卜紙 唔驚整爛 呢個自家製蘿蔔糕好得 好有心思新年可以再買黎送禮用🥰

炸黑毛豬肉粽 $45將個粽壓成偏長方形攞去炸，中間係粒黑毛豬肉。賣相幾特別～係熱氣啲但最緊要好食～～～炒XO醬蘿蔔糕 $38XO醬超有料，有好多蝦米～～唔知大家對蘿蔔糕有咩喜好，但我好鍾意呢個蘿蔔糕偏粉嘅口感但係又唔散，又不失蘿蔔香味！一粒粒入口size又方便食～炒腸粉都一樣唔淋唔散，好好食～黯然銷魂飯 $562隻煎蛋偏熟但又未熟到變實蛋黃。放咗唔少塊自家製黑叉燒。正！Recommendation rating (out of five):

#西關老祖（外賣店）細個有段時間住喺佐敦渡船街，今日返去閒逛，懷緬童年。文苑街一帶，原來已經食肆林立！有間純白色嘅港式小食外賣店，最搶眼。小店嘅小食林林總總，除咗經典小吃(魚蛋/豬皮/燒賣/腸粉/蘿蔔糕/豆漿)，仲有古法惹味瀨粉。連玻璃小樽裝豬油/辣椒油/辣菜甫，都有得賣！我喺自助販賣機揀咗幾款心頭好。至尊頹飯($32)呢個名改得好正：厚切午餐肉加荷包蛋，正正就係懶人至愛！唔係好多地方有得賣炸黑毛豬肉糭($45)！佢外皮脆卜卜，點砂糖食又係叧一種風味。XO醬炒蘿蔔糕($38)嘅XO醬反而太少。麻香咖喱配咖喱三寶($32)都幾辣！魚蛋有啲實，咖喱汁就好惹味，一於留起醬汁，用嚟聽日撈麵食！地址: 佐敦文苑街18號文苑樓地下18B號舖

有時去到糧尾想食平啲，其實都可以食得好豐富。佐敦呢間小店主打外賣狗仔粉，大件夾抵食。入面有香菇片、自家製嘅西關瀨粉、辣菜脯同埋勁多蔥，有少少似狗仔粉，一樣咁惹味，唔使$20一份，有時都係一個速食嘅好選擇。但菜脯食落有啲辣，要買定豆漿先至得。另外叫咗一份XO醬炒腸粉，唔係間間小店有得食，XO醬俾得多，有蝦米嘅鹹香，食落唔太油。另外黑毛豬炸糭好有驚喜，好似一般舊式粥舖先至會有，冇諗過呢間小店都會有。個外皮炸得好脆，入邊糯米同埋餡料好多好軟糯。除咗佐敦分店仲有葵廣分店，以後掃街就多一個選擇。