西關老祖 (文苑樓)

營業中

休息中

朋友推介的蘿蔔糕，細細聲講自己係俾佢既包裝吸引了。用上好靚既陶瓷盤盛裝，食完仲可以重用，包裝有心思之餘仲好環保。蘿蔔糕份量好足，重手之餘配料都非常多。瑤柱、蝦米、臘腸、臘肉炒香後香味十足，所以成底蘿蔔糕都好香。蘿蔔糕唔會好粉味，但依然有彈性。蘿蔔糕煎到外層焦焦脆脆，香口之餘都令到配料既香味更突出。媽咪表示好鍾意，話新年都要食番幾底送俾人。去買蘿蔔糕時見到舖頭都有其他食品感覺都好似幾好食，或者下次去幫媽咪買蘿蔔糕可以試試。