蟹仙海鮮私房．蒸氣石碢 (環海大廈)

營業中

休息中

真係好耐未食過新鮮嘅蒸氣鍋…今日趁着天氣涼返…所以收工就叫埋老友去尖沙咀天文台圍食返個暖胃蒸氣鍋先😊😊😊呢間蒸氣鍋有好多唔同嘅汽鍋套餐…任君選擇…而且款款海鮮都新鮮好味我同老友就選咗呢個$439嘅海鮮套餐有我最鍾意食嘅…罕有大王奄蟹…太平洋饅頭蟹…澳洲青年龍蝦🦞….而且仲有其他豐富海鮮呢度嘅越南大虎蝦…真係好大隻..而且好彈牙..仲有台灣九孔鮑…鮑魚都超級大隻呢兩款就係大西洋野生青口和紐西蘭刀貝蚌…真係有半隻手掌咁大隻….而且唔需要點豉油…已經好鮮味仲有日本大元貝呢隻龍蝦真係肉質鮮味☺️☺️最緊要兩款蟹都非常多膏…而且啖啖肉最後補埋呢個新鮮粥底…有齊晒咁多種海鮮嘅鮮味…而且個粥煲到好綿滑…每人都有三碗份量…真係食到飽一飽先返歸

簡單快樂晚餐，清蒸大蟹，蒸螃蟹，清蒸感不會太油，不用佐汁，秋蟹正肥之蒸螃蟹, 無水美味感升。蒸氣海鮮鍋套餐選擇也多，好吸引，海鮮派對套餐有新鮮由產地直送之海鮮，大蜆、元貝、鮑魚、象拔蚌和時令海鮮。海鮮中令人吸引的是龍蝦、蟹、聖子幾款貴價海鮮，也附送甜點點，也有蔬菜籃、自家醬料粥底，最貼心的是店員會細心去提供食材的建議蒸煮時間及套餐食用教學。快樂又學到不同知識呢，愛聽海鮮要來一看呢。龍蝦龍蝦肥美厚肉，非常多膏喔，肉質爽彈肉厚。另外蔬菜南瓜及金菇！海鮮亦追加項目，需要額外加錢享用大份的海鮮吃吃。吃完所有配料後，最後放入粥底於底層充滿海鮮鮮味的湯，攪拌成粥，粥底軟糯，鮮味十足！攪勻，味道是很甜呢

尖沙咀蒸氣石鍋粥底海鮮火鍋這幾年都好流行，天氣開始變凍馬上約朋友一起烚下烚下。餐廳座位寬敞，環境舒適，用蒸氣鍋消毒飲食用具，吃得安心又放心❤︎(*´꒳`*)有不同套餐選擇，提供濕紙巾、紙巾🧻貼心，而且海鮮套餐有專人為你蒸煮海鮮。另收+1服務費海鮮粥底火鍋$439 套餐已經有多款海鮮：龍蝦和蟹各半隻、鮑魚虎蝦、青口、大元貝、刀貝、月亮貝、珍珠蠔、蔬菜籃（玉米生菜）等，好夠食。餐廳係海鮮入口商，新鮮空運到港。貝殼類很多都是海水釣來的，夠咸，不用再點豉油～蟹和龍蝦都多膏而且鮮甜。吃完海鮮最後當然不少得充滿海鮮精華的粥底鍋！由粟米、芋頭蓉、豬骨、香蔥、菜脯其他配料和粥底所組成，重點是粥底是沒有味精的~原汁原味而且非常健康，可以說每一口都係精華～記得加點醬油會更鮮味喔 ٩( ○'н' )

套餐1099，預佢加一無預佢整埋D咁嘅費用（麻煩自己睇相），完全無提過。主菜係一只龍蝦一隻奄蟹，蟹！是！臭！的！無錯，是臭蟹，唔止唔新鮮，係臭。其他嘢都係九唔搭八，每人兩片肉，海鮮唔新鮮不過未至於臭，兩個人1300+食咩都好過佢。其實打開openrice 一research ，明明搜泰國菜呢間嘢都頭位出現，肯定俾足錢落重廣告，所謂好評其實從何而來好明顯。自己唔夠醒目，先中伏。如果你食完覺得伏嘅記得寫comment幫佢宣傳下間「臭蟹仙」，千祈唔好俾假好評呃左，臭海鮮影響胃口

上次Po去過九龍城分店嘅蟹仙 睇完相真係好吸引 搞到好想食🤤所以就約另一個好鐘意食海鮮嘅朋友一齊去我地就腳嘅尖沙咀分店一嚐蒸氣海鮮嘅滋味.💫尊貴海鮮套餐 ($439/person).首先店員會幫我哋開爐 然後將所有餐具放係蒸鍋蒸一陣作為消毒🍽確保餐具碗碟乾淨衛生.之後店員為我地送上海鮮😳店長為我地介紹海鮮嘅產地 而且仲表示呢度嘅海鮮全部都係野外捕捉所以唔係養殖 肉質會比較厚實鮮甜 而且仲無激素跟住就會幫客人分開每款海鮮逐樣蒸 咁就可以確保海鮮保持住熱度而且仲為我地排好由淡味到濃味嘅進食次序蒸鍋下面係有一個粥底 蒸完海鮮嘅精華就會溜落粥底一齊煲.🌟越南大虎蝦虎蝦大大隻肉質結實🍤蒸完都唔會大縮水 非常鮮甜.🌟台灣九孔鮑魚鮑魚非常飽滿肉質唔韌又彈牙唔使落醬油就咁食仲好食🤗.🌟韓國慶南珍珠蠔 珍珠蠔本身比較細隻 但係一d都唔失色豐富有海水味之餘仲唔腥 好creamy🦪.🌟大西洋野生青口 青口嘅肉質實淨唔似得平日食嘅咁削 果然係野生青口👍🏻.🌟日本元貝元貝大大隻 鮮味十足😙唔止中間嘅元貝好食 連裙邊都相當唔錯.🌟紐西蘭刀貝蚌 呢款刀貝蚌真係好有驚喜🤪平日我比較少食到呢款蚌好大隻 而且喺頭先咁多款

有人話想食蟹， 所以拉左我去食蒸海鮮，仲話一次可以試唔同嘅海鮮， 因為以人頭算， 所以即使得兩個人都唔怕。我地叫左「尊貴海鮮套餐」。有足九款海鮮及蔬菜拼盤：越南大虎蝦台灣九孔鮑魚大西洋野生青口韓國慶南珍珠蠔紐西蘭刀具蚌紐西蘭月亮貝大黃奄蟹澳洲青年龍蝦太平洋饅頭蟹有機蔬菜籃海鮮分兩段上枱。第一輪先吃貝類加虎蝦。其中九孔鮑魚超大隻， 肉質又爽甜。珍珠蠔雖然有啲細但都好甜。虎蝦肉甜但唔算彈牙。至於三款貝類，因為都係野生， 所以店員已經一再提醒會偏鹹， 係海水的味道...真的鹹。第二輪先來啖啖肉嘅龍蝦， 肉厚鮮甜。之後大奄蟹非常之多膏， 而且已且劏得好乾淨， 我地可以豪無顧忌咁蒸好就食。之後食完蔬菜類，店員就幫忙煮粥，個粥因為索哂之前蒸海鮮嘅汁液，所以格外鮮甜。我雖然已經飽，但都食左兩碗。埋單還附送椰汁官燕添，物有所值。

又到蟹的季節， 這段時間各種不同類型的蟹都很肥美， 不過齋吃蟹有點悶， 所以今晚就和同樣喜愛吃海鮮的朋友來吃蒸海鮮。這家海鮮之前都有吃過， 大部份海鮮都是野生的，特別鮮味。我們點了海鮮套餐， 總共有十款，另有雜菜及最後的粥底， 足夠豐富。頭round首先來是虎蝦，肉質爽甜，跟著是期待已久的九孔鮑，鮮甜彈牙，之後幾款貝類：野生青口、刀貝蚌、月亮貝，好有海洋的味道。韓國珍珠蠔雖細但好creamy。經過一輪熱身， 到主菜了！兩款不同品種的蟹， 奄蟹超多膏， 蟹肉雖然唔多但好甜。饅頭蟹殼身較硬，要慢慢吃，但肉質都好甜。最貼心是店家已把蟹的內臟都清理好，所以蒸好就可開吃， 不用煩。最後吃龍蝦，肉質爽甜。蔬菜類非我所好，幸好朋友愛吃。粥底因為吸收了海鮮的湯汁，加上豬骨一起煮，非常鮮甜。最後還附送椰汁官燕甜品，滋補一下。

今晚唔煮飯，同朋友出去搵好野食。試左尖沙咀天文台為嘅「蟹仙」。天氣涼返小小，除左韓燒、打邊爐，BBQ 既選擇之外，仲可以試下粥底火鍋，食完真係暖笠笠，雖然尖沙咀分店有啲吊腳，但係全晚都好爆場。餐廳有幾款海鮮套餐選擇，而我就叫左尊貴海鮮套餐，$ 439，用8個字總結：貨真假實，滿口鮮甜。當晚食左十樣海鮮: 太平洋饅頭蟹、菲律賓黃奄蟹、越南虎蝦、台灣九孔鮑魚、紐西蘭刀貝蚌 及 月亮貝、大西洋活青口、韓國珍珠蠔，澳洲青年龍蝦，另外配上一份蔬菜籃同粥底。貝類海產成日會好怕唔新鮮，殼邊清洗得唔乾淨，但全晚食既隻隻開殼，九孔鮑魚爽口彈牙、紐西蘭刀貝蚌肥美咸鮮、珍珠蠔飽滿有汁水。而蝦類夠哂大條，大大既蝦頭蘊藏住蝦膏，記住要食埋啊。食完一大輛鮮甜無比既海鮮，緊係要食返小小蔬菜，清一清喉嚨，再預備食全晚既精華。粥底完全唔洗再加調味，因為佢已經包含哂所有海鮮既精萃。飯後職員仲送上一份甜品，為今餐飯做個完美既作結。呢間舖頭九龍城、新蒲崗、尖沙咀都有分店架

近日天氣反覆，入夜之後就會比較凍，最啱就係食返個粥底火鍋！👍🏻「尊貴海鮮套餐」包左菲律賓黃奄蟹、太平洋饅頭蟹、越南海虎蝦、台灣九孔鮑魚、澳洲青年龍蝦、紐西蘭刀貝蚌 、紐西蘭月亮貝、大西洋活青口、韓國原只珍珠蠔、有機蔬菜籃、粥底火鍋。（食均曬好多國家嘅美食～）份量一定夠哂飽。食海鮮其實有先後次序之分，由淡味到濃身慢慢蒸，所以會先食虎蝦同貝類，至於有滿滿蟹膏既大黃奄，就會放到較後既位置。先講食材，無一可挑剔，新鮮度爆棚，特別點評活青口，平時超市都只系買到急凍貨，但呢到可以食到活生生既青口，口感的確唔同，海水味既含量高好多，食出咸鮮。而近日都系食蟹既季節，大黃奄實淨香濃，帶金黃既膏液，食落有如蛋黃咁油潤，濃香四散。而珍珠蠔連蠔殼蒸，雖然細只啲，但系食落口無咩冇腥味。九孔鮑魚比起一般嘅南非鮑魚淋身一點，但都十分爽口，九樣海鮮既精華一直滴流系粥底裡面，稍稍攪拌，加以豬骨、粟米、香芋，食之前仲可以加入菜莆同蔥芝，粥底食落夠綿，好鮮香。去到成餐飯既尾聲(肚皮已經要裂開)，職員仲送上一碗甜品 : 海底椰官燕，滿滿真材實料，滋擾一下喉嚨。👍🏻👍🏻成程都有專人服侍，食客只系需要乖乖安坐，影下相就有得食。💡

秋天又係食蟹嘅季節la！今次同屋企一齊去食海鮮，之前食過蟹仙一次！體驗非常良好所以今次再覆桌。我哋今次叫咗439嘅海鮮套餐！套餐包括罕有嘅大黃蟹，野生青口，紐西蘭刀貝，越南大虎蝦，九孔鮑魚，韓國珍珠壕等等。每樣海鮮都有店員幫我哋校好時間蒸，所以唔驚煮得過熟。虎蝦下爽口彈牙非常新鮮完全唔使點任何醬料，餐廳非常貼心鮑魚已經起好殼！蒸完直接食就可以。鮑魚唔會太韌，點上少少醬料就可以帶出鮑魚嘅鮮甜味。龍蝦肉質潔白，喺蝦尾輕輕一鬆，整個龍蝦肉就出來了！龍蝦爽口又咬感。刀貝青口和蠔都非常新鮮！食落口海水味濃郁，無需再加任何調味料。最令人期待嘅大王蟹嚟la，呢個大黃蟹有個手掌咁大！蟹膏多到流出來，首先蟹肉鮮甜結實，而且冇任何的泥味，蟹膏程黃色口感細膩棉滑！淡淡蟹膏充斥喺口腔，鮮甜無比。最後個粥加上綜合嘅海鮮精華，豬骨，粟米，芋頭，香蔥和菜譜等等嘅材料熬製而成！非常鮮味，好值得一試。最後餐廳中送上燕窩糖水，完全值得再次光顧。

位置於尖沙咀呢間蟹仙，地鐵站行過黎唔洗十分鐘，附近都有好多餐廳。去到蟹仙門口有好大隻蟹係到，諗起係大阪食蟹道樂隻蟹，不過呢到食蟹就化算好多。佢有幾個餐選擇，唔想食大貴就可以揀佢個尊貴蒸氣海鮮套餐，咩都齊晒。服務員由蝦開始蒸，跟住蒸貝類接住龍蝦同埋蟹類，全程都有服務員服務幫手蒸同計時，完全唔洗自己搞，淨係負責食。佢啲奄蟹係來自菲律賓，同香港既奄仔蟹冇得比，奄蟹大隻好多，啲膏多到流出黎，肉質非常飽滿，食半隻都夠晒。

今日約左個好耐冇見既朋友食飯，想搵間可以食落啲同坐得舒服既餐廳，揀左好耐最後諗到食蒸海鮮，即時諗起呢間蟹仙，佢有好多分店，九龍城、新浦崗同銅鑼灣都有，尖沙咀呢個地點比較易就。聽佢個名以為係食蟹，其他除左最出名既蟹，佢其他海鮮都好值得食，例如好少見既琵琶蝦同龍蝦。可以自由選擇適合既餐，今次揀左個性價比最高既專櫃海鮮套餐，一共有十款食物，蒸氣下面仲有個粥，最後仲有個甜品。服務員會全程幫忙處理，唔洗自己落手，同朋友可以專心一邊一邊傾計。

今次係第二次同朋友去食蟹仙😲😛同上一次一樣我哋叫咗佢個專貴海鮮套餐~總共有9款海鮮 有兩款蟹、龍蝦、鮑魚、虎蝦、青口、刀背蚌、元貝同埋蠔 再加蔬菜 仲有粥底添🤩喺開始食之前 店員會蒸一蒸所有餐具 感覺更加乾淨👍🏻之後會逐樣逐樣幫我哋蒸 可以慢慢食😋個人最鍾意大黄奄蟹嘅膏、饅頭蟹嘅鉗同埋龍蝦肉爽口既口感 不過最出色係刀貝蚌 超鮮味！已經食到好飽既時候仲有粥食 最後仲有甜品添 係好好味既椰汁雪耳燉官燕 正😋 食完真係好飽😂 食左差唔多3個鐘😂 可以同朋友慢慢傾計邊食😙 幾好👍🏻

尖沙咀真係好多特色嘅餐廳 但係講到話要食新鮮嘅海鮮少之又少 呢一間近韓國街嘅餐廳 夜晚七八點入去都好多人食 大家嚟到都係想食啲靚又新鮮嘅海鮮我同朋友兩個人就嗌左$400左右嘅海鮮套餐 唔好以為食海鮮會唔飽 呢度瞓啦夠足料之餘每份海鮮都好大隻 你搭車個人認為佢嘅龍啊好彈牙 佢啲龍蝦膏好鮮甜 就算一開二都啖啖肉以佢嘅刀貝蚌真係唔係講笑 味道好鮮甜好有海水味 出面好少見到有咁大隻嘅蚌食 而且入面完全冇沙 清潔非常乾淨呢一間餐廳最大嘅特色我諗都係最後佢嘅海鮮粥 令到所有海鮮嘅鮮甜都唔好浪費 即使個粥底只係有少少粟米 都好甜好有味 個白粥仲要好厚身 最後仲有甜品送 真係唔好睇小成個套餐 食完之後你一定會捧住個肚走

今次嚟到尖沙咀食蒸氣海鮮，兩個人叫咗個439 嘅套餐，材料豐富新鮮 性價比高一開頭就嚟我最鍾意嘅虎蝦，大大隻，蝦肉鮮甜又結實。 鮑魚圓形一大粒，配上少少醬汁，一啖咬落去，彈牙又鮮甜。珍珠蠔、扇貝、青口、蚌都好新鮮，唔需要配醬已經好清甜，飲埋殼邊啲海水鹹味，原汁原味。龍蝦亦都份量好足，蝦肉粉白色，一整條蝦肉剝出嚟，啖啖肉好滿足。最後就係招牌蟹了。饅頭蟹肉少少，但勝在蟹肉蟹汁夠鮮甜，也食到膏。奄蟹大掌般大，肉多又好多香膏。如果鍾意食蟹膏嘅朋友必試！食完各樣海鮮後仲有配菜同粥食。 粥浸入海鮮精華後變得鮮甜，入面仲好足料，加咗芋頭粒、粟米、豬骨、菜脯等等。以現金埋單仲送埋燕窩椰汁西米露，呢一set 海鮮套餐，抵食又滿足！